بصراحة ما بعتقد في منطقة بالدنيا عم يصير فيها متل غزة ، وما بعتقد انو في رئيس عم يمرّ عليه يلي عم يمرّ على الشيخ اسماعيل ويضل صامد وثابت متل منو ثابت ، وما بعتقد انو في شعب بضل واقف وقفة واحدة مع قيادتوا بوجه الإنقلابيين الأوسلويين ، متل ما عم يعملوا أبناء غزة .

العالم كلوا واقف ضدهم ، ولك هنة عم يطلعوا بالموت ويضحكوا ، والله هذه الضحكة بحسا بتغزي بقلبي من جوا ، ضحكة الشباب وهنة مستشهدين ، ضحكة الأم هنة ومطلعين ابنها ، ضحكة الإخوان هنة وماشيين بجنازة إخوانهم .

منسأل شو الحل ؟؟؟؟؟؟

كتار منا بقولوا انو نتمسك بالدين ؟؟؟؟؟؟

وأنا برأيي انو هذا الجواب هو المشكلة وليس الحل .

شو قصدكم بنتمسك بالدين ؟؟

انصلي وانصوم ونقرا قرآن ونتوضا و..... ونقطة على السطر .


اتصوروا انو كل المسلمين متل سعد الحريري -ليس للخروج عن الموضوع ولكن لربط الوقائع ببعضها البعض- من كم سنة أولكم كانت راحت القدس ؟؟؟؟

احنا مشكللتنا انو ما منحب الجهاد و... فقنعنا حالنا انو الصلاة والصوم و... بكفوا -يعني متل لما تيار المستقبل قنع حالوا انو جبران وأنطوان وسمير وجورج و... شهداء- ومشينا بالقصة .

وقلة قليلة جدا هنة يلي اساهم مقتنعين بمبدأ الجهاد والقتال للحصول على الحق ، بس ...
بقولوا انو في قتال و... بس هنة ما دخلهم ، (اذهب أنت وربك فقاتلا)

أنا برأيي الشخصي يلي ما بيخرج عن انو يكون رأيي كائن بشري غير معصوم -إذن فهو يحتمل الصواب ويحتمل الخطأ- ما بكفي انا نتورج على المجاهدين في فلسطين ونصقفلهم و .....

على الأقل نوقف ندعيلهم بشي ركعتين في جوف الليل ، على الأقل لما مسخ أزرق بجيب سيرتهم بطريقة مو منيحة نشرشحوا اتشرشح ، على الأقل بدل ما نشتري شي سيارتين وكنبايات ب5000 دولار و... انشيل شي 100 $ شهرية ونعطيهم ياها ، والله احنا المسلمين عنا مشكل كبير بفقه الأولويات ، بيحكي عنو الشيخ القرضاوي -حفظه الله- فمثلا منلاقي انسان عم يروح على الحج للمرّة الثانية ، وفي ناس بفلسطين ما معها توكل !!!

يعني معليش خلينا نحكي بالعربي المشبرح ، كل سنة برمضان بصير شي 30 افطار على صعيد القلمون بس ، طبعا كلهم فنطزيات ، لأن بالقلمون ما في حدا محتاج ، اتصوروا لو هالمصريات انبعتوا لحماس ؟؟؟؟؟؟؟؟

بعدين أنا بدي اسأل سؤال ، وين م يكون في عمل دعوي بصير في لمّ تبرعات وهذه التبرعات بتنصرف لشراء مطويات وسيديات وكتيبات و... وكلها شو عم تفيد -مع احترامها واحترام مؤلفيها- فينا نحكي بلساننا ومنفيد أكتر ومنودي المصريات لفلسطين .

لازملنا شي عملي لحتى انهذب نفوسنا ، يمكن اليوم الواحد منا يسمع عن فلسطين ويشوف الفلسطينين كيف عايشين فيإتأثر ، بس صدقوني كل هذا شي ، وإنو الواحد يشتغل بإيدو شي تاني ، صدقوني كل قرش بتعطوهم ياه بفيدكم أكتر من ألف محاضرة عن حب الآخر .