إليك..... يا صديق!!!

[shanzimer6]

للصداقات الخاصة أثر عميق في توجيه النفس والعقل. ولها نتائج هامة فيما يصيب الجماعة كلها من تقدّم أو تأخر, ومن قلق أو اطمئنان. وقد عني الاسلام بهذه الصلات التي تربطك بأشخاص يؤثّرون بك, ويقتربون من حياتك اقتراباً خطيراً لأمد طويل. إن هذه الصلات إن بدأت ونمت خالصة تقبّلها الله وباركها, وإن كانت رخيصة مهينة ردّها في وجوه أصحابها.

( فلا تعتقد أن أياً كان يمكن أن يصبح صديقاً لك, بل يجب أن تخضعه لامتحانات عديدة , لأنه سيدخل إلى صميم حياتك, ويؤثر عليك بكل الأشكال).

قال تعالى: ﴿ الأخلاء يومئذ بعضهم لبعض عدوّ إلا المتقين* يا عباد لا خوف عليكم اليوم ولا أنتم تحزنون﴾.

1- شروط الصحبة الكريمة:

وعلى هذا الأساس نتخيّر الأصحاب, ونرغب في الصداقات أو نزهدها...وأول شرائط الصحبة الكريمة أن تبرأ من الأغراض, وأن تخلص لوجه الحق, وأن تولد وتكبر في طريق الإيمان والإحسان, وهذا هو معنى الحبّ لله.
إن الانسان إذا رسخ في فؤاده اليقين, وخالطت بشاشة الإيمان قلبه, وأحسّ بحلاوته في مذاقه أصبح ينظر للأحياء قاطبة على ضوء العقيدة التي تمحض لها. فهو يحبّ لمبدأ, ويكره لمبدأ, لا لحرمان.

قال رسول الله صلى الله عليه وسلم:" قال الله عزّ وجلّ: المتحابون بجلالي في ظل عرشي, يوم لا ظل إلا ظلي"_ حديث قدسي.

وعن عمر بن الخطاب: قال رسول الله صلى الله عليه وسلم:" إنّ من عباد الله ناساً ما هم بأنبياء ولا شهداء, يغبطهم الأنبياء والشهداء يوم القيامة بمكانهم من الله, قالوا: يا رسول الله, فخبّرنا: من هم؟ قال: هم قوم تحابوا بروح الله, على غير أرحام بينهم, ولا أموال يتعاطونها: فوالله إن وجوههم لنور, وإنهم لعلى نور, لا يخافون إذا خاف الناس ولا يحزنون إذا حزن الناس".

وقرأ: ﴿ ألا إن أولياء الله لا خوف عليهم ولا هم يحزنون﴾.

2- أثر الصديق:

وأثر الصديق في صديقه عميق. ومن ثم كان لزاماً على المرء أن ينتقي إخوانه وأن يبلوا حقائقهم حتى يطمئن إلى معدنها. قال رسول الله صلى الله عليه وسلم:" المرء على دين خليله, فلينظر أحدكم إلى من يخالل".

فإن كانوا رجالاً يعينونه على أداء الواجب, وحفظ الحقوق, ويحجزونه عن السوء, واقتراف الحرام, فهم قرناء الخير, الذين يجب أن يستمسك بهم, ويحرص على مودتهم.
وإلا فليحذر الانخداع بمن يزينون له طرق الغواية, أو يسترسلون معه في أسباب اللغو واللهو.

3- عدوى السيئات خطيرة:

إن الصديق العظيم قد يقود صديقه إلى النجاح في الدنيا والفلاح في الأخرى, أما الصديق الغبي المفتون فهو شؤم على صاحبه. وكم من غرّ قرع سنّ الندم على هذه الصحبة السيئة, لأنها وضعته على شفا جرف هار, فانهار به في نار جهنم.

قال تعالى: ﴿ ويوم يعضّ الظالم على يديه يقول يا ليتني اتخذت مع الرسول سبيلا* يا ويلتا ليتني لم أتخذ فلاناً خليلا* لقد أضلني عن الذكر بعد إذ جاءني وكان الشيطان للانسان خذولا﴾.

وتقديراً لهذا الأثر, وحماية للخلق الحسن والعادات الكريمة, أمر رسول الله صلى الله عليه وسلم بتخيّر الجليس, فقال:" مثل الجليس الصالح كمثل صاحب المسك, إن لم يصبك منه شيء أصابك من ريحه, ومثل الجليس السوء, كمثل صاحب الكير, إن لم يصبك من سواده أصابك من دخانه".

إن الصداقة يجب أن تعتمد على قوة العقائد وسموّ الأعمال. وخير من يستديم المرء عشرتهم, ويسبقي للدنيا والآخرة مودّتهم, أولئك الذين عناهم الأثر:" من عامل الناس فلم يظلمهم, وحدّثهم فلم يكذبهم, ووعدهم فلم يخلفهم, فهو ممن كملت مروءته, وظهرت عدالته, ووجبت أخوته".

4- تعارف الأصدقاء:

وينبغي أن يتعارف الأصدقاء حتى يكون تواصلهم عن بيّنة, وأن يذكر أحدهم للآخر ما يكنّه له من إعزاز وحبّ. قال رسول الله صلى الله عليه وسلم:" إذا أحب أحدكم أخاه فليخبره أنه يحبه". وعن أنس: كان رجل عند النبي صلى الله عليه وسلم, فمرّ رجل, فقال: يا رسول الله إني أحب هذا, قال: أعلمته؟ قال: لا, قال: فأعلمه, فلحقه, فقال: إني أحبك في الله, فقال: أحبّك الذي أحببتني له".

ولا شك أن لتجانس المزاج والتفكير مدخلاً كبيراً في تأسيس الصداقات وتوثيق الأواصر, وقد قيل: ربّ أخ لك لم تلده أمك.

5- التزاور بين الأصدقاء:

عن أبي هريرة عن النبي صلى الله عليه وسلم:" أن رجلاً زار أخاً له في قرية, فأرصد الله تعالى على مدرجته ملكاً, فلما أتى عليه, قال: أين تريد؟ قال: أريد أخاً لي في هذه القرية, قال: هل لك عليه من نعمة تربّها, قال: لا, غير أني أحببته في الله تعالى....قال: فإني رسول الله إليك بأن الله قد أحبك كما أحببته فيه".

إن هذه الخطوات غالية, إنها كخطا المجاهدين في سبيل الله تحظى بأجلّ الثواب.

قال رسول الله صلى الله عليه وسلم:" من عاد مريضاً, أو زار أخاً له في الله, ناداه مناد: بأن طبت, وطاب ممشاك, وتبّوأت من الجنة منزلا".

والمسلم وإن كان يحبّ النفع للناس كافة, فهو لنفع أصدقائه أحبّ, ولما يصلهم من خير أفرح, ولا بأس إن وجد فضلاً أن يذكر منه أصحابه: ﴿ ولا تنسوا الفضل بينكم أن الله بما تعملون بصير﴾.

6- سقوط التكلف بين الأصدقاء:

إن الاسلام أباح للشخص أن يأكل من طعام صديقه كما يأكل من طعام والديه وإخوته والأقربين منه: ﴿ أن تأكلوا من بيوتكم أو بيوت آبائكم أو بيوت أمهاتكم أو بيوت إخوانكم أو بيوت أخواتكم ﴾, إلى أن قال: ﴿ أو ما ملكتم مفاتحه أو صديقكم ﴾.

ولما يرتبط بهذه الصداقات من حقوق عظام, قال رسول الله صلى الله عليه وسلم:" لا تصاحب ألا مؤمناً, ولا يأكل طعامك إلا تقي".


اللهم ارزقني أخاً صالحاً يعينني على طاعتك...
والسلام عليكم...

[دوكر]

يا هلا بالست شانزيمر سته........ما شاء الله مواضيع حلوة لي صايرة عم تطرحيا.......
يعطيكي العافية.......كفيتي و وفيتي.......ما فينا نزيد شي ع كلامك......الله يبارك فيكي......

[lina k]

سلام,بالنسبة لي فيمكنني تعريف الصديق بجملة صغيرة"صديقي من صدقني القول وصدّقني".قد تكون صغيرة في الحجم ولكنّها كبيرة في معناها.
شكرا لك يا صديقتي على هذا الموضوع الرائع.

[HARD]

شكرا على الموضوع

ولكن ممكن كل واحد يحطلنا كم صديق وليس رفيق لديه وبكل امانة وصدق .
انا رح حط العدد بس بدي عد اول الشي يالله بعد شوي بدي شوية وقت.

[أيمن غ القلموني]

الصداقات

موضوع كتير مميّز

لك ربيع بدي آلة حاسبة

[shanzimer6]

شكراً عردوكم جميعاً....
بصراحة متل ما قلتو, يمكن ما بدنا آلة كاتبة وحاسبة بس, ولا كمبيوتر, ولا.....بدنا قلب كبير يساعن كلن....
من وجهة نظري, بدي وصّي عكتاب كبير أكبر من ما بتتصورو لأكتب عدد الرفاق, والحمد لله....
بس ميشان الأصدقاء, بحطن بقلبي وبعتقد بيساعن , منن كتار بشكل الواحد ينساهن....لأن الواحد عندو 1000000 رفيق, من كذا محل,.بس الأصدقاء!!!!
أصدقائي هنا: يلي بضلّ معن,,,,آكلة شاربة نايمة معن, في ذكريات رائعة, من مخيمات, رحلات, سهرات, حفلات, قيام ليل, مشاوير وتمشكح, مجالس ذكر واستغفار....(الله يعين الحارة علينا ) هنا فرقة الشانزي بجدارة....لينا....و.....
وما بعرف مين ممكن, لأن كل فترة بحلم بكم كلب, وبيقولو الكلب بالحلم صديق وفيّ والسلام

[HARD]

الحمد لله
انا بقول انو الصديق لا يعرف معدنه الا عند تضارب المصالح او عند فائدة مشتركة
فعندها سوف تعلم كم يحبك هذا او هي .
عافاكم الله من اكتشاف فظائع الناس ومن الامتحان .

[Nader 3:16]

السلام عليكم و رحمة الله و بركاته....

الصداقة الحقيقية...هي وقت بكون الصديقين ما حدا منهم بيستحي من التاني...يعني اذا ما كانو بيمزحوا مع بعضهم...اذا ما بيزعلوا احيانا من بعض...اذا ما بيسئلوا عن بعض انا برأيي ما بكونوا اصدقاء...يعني اذا كانت العلاقة رسمية...ما اسمها صداقة...

اسألوني انا بعرف...

و يا اهلين بالجميع....

[الزاهر]

رح نحكي شوية بالموضوع يا أختي ........
بس ابل.......أد ما عجبني الموضوع أول مرة اريتو........سجلتو عندي......منشان فكر فيه برواء بالبيت......وحزري شو صار.......رحت عالبيت.....فتحت الـ Zen لأيت الموضوع خربان......وئف شعري!!!
تاني مرة اريتو........حبيت علق عليه شوية......وخصوصي عالأحاديث......وبالأخص حديث العطار والحداد!!!!.....لأنو لو معاني رائعة....بدنا الحبيب الجفري يحكي فيها.....والله ليبكي كل اللي بالمنتدى ساعتها!!!!
وآخر مرة .......غيرت رأيي......وحبيت احكي هالكم كلمة بس!!!

1- شروط الصحبة الكريمة:
من أهم شروط الصحبة ....الصحبة بشكل عام......إنها تكون مبنية على مصلحة.....فالصحبة اللي منها مبنية على مصلحة ما بتعاد صحبة عنجد........وبحب وضح مفهوم المصلحة هون إذا بتسمحولي يعني.....
المصلحة اللي عم احكي عنها ما ضروري تكون مصلحة مادية.......المصلحة فيها تكون لتعويض نقص عاطفي........لراحة نفسية برفقة هالشخص.....كما إنو فيها تكون لمصلحة مادية.......وحتى احيانا لمصالح شخصية....أثرها سلبي على الغير!!!
هاد بالنسبة للصحبة.......أما "الصداقة"......فهادي أصة تانية عالآخر.........الصداقة فيها شي مميز.......ومن أهم شروطها إنها تكون مبنية على المصلحة "المتبادلة" الايجابية الخالصة الصحيحة !!!!......يعني الأصة منها هينة!!!!!......ومن شروطها إنو يكون الصديق أعز......أو من أعز الناس لك.......تأمنه على اسرارك......وتثق به......وتأمن لسانه .......وووو.........يعني كتير مشربكة الأصة!!!
والصحبة.........عندما تصبح "صحبة كريمة"......إذا سلمنا جدلا بمفاهيمي للأمور.....فهي تصبح صداقة أكثر منها صحبة!!!


2- أثر الصديق:
أثر الصديق......بدك أثر الصديق.......رح ألك أثر الصديق......شو رأيك إنو الصديق هو خير مربي......خير معلم.......خير داعية........خير أخ.....خير صاحب!!!
يعني يام بسبب صديق انقلبت حياة شخص رأسا على عقب.......بيكون جاهل بيتعلم.....بيكون شيطان يبرأ.......بيكون ملحد ....يؤمن!!!!
الصديق مشكلتو إنو ما بيكون في بينو وبين القلب والعقل حاجز........أفعالو وكلماتو ما بدها تطبل عالباب لتفوت.......ما بدها تستأذن لتأثر.......
الصديق إشاراتو أوامر........وإيماءاتو همسات نورانية.........وكلماتو شعر مقدسي!!!
هاد أذا نظرنا من العين الايجابية......رح البس العوينات الفوميه وألك كيف بتصير النظرة......
أثر الصديق......بدك أثر الصديق.......رح ألك أثر الصديق......شو رأيك إنو الصديق هو أسوء مربي......اسوء معلم.......شيطان جائر........إبليس مضاعف!!!
يعني يام بسبب صديق انقلبت حياة شخص رأسا على عقب.......بيكون عالم ....يصبح علمه بدون جدوى.....بيكون ملاك.....يبلس.......بيكون مؤمن ....يكفر!!!!
الصديق مشكلتو إنو ما بيكون في بينو وبين القلب والعقل حاجز........أفعالو وكلماتو ما بدها تطبل عالباب لتفوت.......ما بدها تستأذن لتأثر.......
الصديق إشاراتو سقم........وإيماءاتو نفحات جهنمية.........وكلماتو سم علقمي!!!
هاد أثر الصديق.......
3- عدوى السيئات خطيرة:
أكيد......راجعي الفقرة السابقة
- تعارف الأصدقاء:
ممممممممم......بعتقد اللي ما بيعرف صديقو أكتر من نفسو المفروض فيه يراجع مفهومو للصداقة!!!!!


5- التزاور بين الأصدقاء:
والله هادي شغلة مهمة جدا......يعني تخيلو معي الأصة.......ولك رب العزة بجلالة يرسل رسول.......رسول من عنده لعد زلمة رايح يزور صديقو......متخيلين الموقف.......الواحد مننا إذا إجاه e-Mail من رئيس الشركة........ولك من مشرف المنتدى.....بيضل شهر ملبك أبل ما يفتحها.......ويئراها.......فشحال رسالة من الله سبحانه وتعالى......


6- سقوط التكلف بين الأصدقاء:
هادي شغلة كمان كتير مهمة........حتى انو اللي ما بترتاح معو متل كأنك مع حالك.......يعني كمان راجع مفهومك للصداقة.......بمعنى إنو الصديق مستعد تألو شو ألتلها لصاحبتك مبارح بالرسالة......وشو هو شعورك تجاه أمر معين........يعني الأصة كبيرة كتير.......لحتى يجي فيها آيات تأكد عليها........منها هينة........وبس الواحد يحس حالو مضطر يتبع بروتوكولات هو وعم يحكي مع "صديقو".......معناتو الهيئة عالئين مع بعضهم......أو في شي منغص هالصداقة!!!!......مستحيل......بين الأصدقاء......ما في بروتوكولات!!!


وكالعادة.......أيشو أفضل ختام يا شطّار!!!!
السلام عليكم

[HARD]

بتعرف يا زاهر كل موضوع فيه نقاط كتير ما بشوفو يعني انت ودوكر رخ تموتوني ما فيني شوف المشاركات تبعيتكن بتوجعلي راسي والله

[دوكرة المعوكرة]

بهالطريقة فيك تربط انو زاهر و دوكر عندهم صفات مشتركة و الله يستر ما يكونو عندهم صلة قرابة

[الزاهر]

بهالطريقة فيك تربط انو زاهر و دوكر عندهم صفات مشتركة و الله يستر ما يكونو عندهم صلة قرابة

السلام عليكم أختي دوكرة!!!


هلأ ما صرلو شهر آيل بموضوع فضح الألقاب إنو أنا دوكر..........
ووئت دوكر بيكتب بيحط النقط...........
وبينط عالسطر........

أما وئت قطر الندى بيكتب..........بيحط النقط....(اللي هي بتفصل المقاطع الصوتية)....وبيكفي الفقرة كلها.......وبعدين بينط عالسطر!!!!!!

دوكر عطول بيكتب باللون الرمادي........
يمكن ما إلو مروة يلون وينسق.......
وعطول بيختم "أخوكم دوكر المعوكر"..........
وضحكتو ما شاء الله...........
هع هع هع هع هع.........

أما زاهر ما بيكتب إلا باللون الأزرق........وبس يكون الرد كبير بيحط الخط بحجم 5..........وبالعادة ما بيستخدم إلا الألوان الواضحة .........منشان يسهل القرائة..........وعندو عادة بس يكون الرد أكتر من 3 فقرات بيكون مسلّم بالبداية وبالنهاية...........وبس يضحك بنص الفقرة بيضحك "ههههههههه"..........وبس تكون الضحكة بالأخير بيضحك "لوووووووووووول!!!"............

دوكر بالعادة بتكون مشاركتو فكرة واحدة أو ما كتير افكار.........
بس بيفصل فيها..........
وأكبر مشاركة لو بتعبي شاشة........

أما زاهر بالجملة الواحدة بيكون حاكي عن 7 أو 8 أفكار........وأكبر مشاركة لو ممكن تمتد على 5 أو 6 مشاركات..........ويمكن يوصل يوم تاخدلها شي 20..........ههههههههههه..........فإذا فيكم تؤولو دوكر "صديقي من......."




طيب........طلعنا منيح عن الموضوع...........هل ممكن نحكي بواجبات الشخص.......تجاه الصديق؟؟؟؟
شو رأيكم........ناطرك يا ارايبة تطلي علينا......لنشوف كنك محضرة حلقة تانية بهالموضوع........ولا منفصل أكتر بكل فكرة!!!!!

السلام عليكم

[shanzimer6]

الواجبات هينة متل:
_ احترام, تقدير.
_ الاستماع له ونصحه.
_ عدم تسخيف موضوعه.
_ يسلملو عيلي بيشوفن .
_ بياكل من بيتن, ميشان ما يزعل.
_ يلاقيلو دائماً أعذار.
_ يتحملو عالتليفون.
_ يساعدو بما للكلمة من معنى.
_ يحبو.
_ يعملو يلي بدو ياه...أكيد بضوابط.
_ يضحك بوشو.
_ يكون إلى جانبه: في السراء والضراء.
_ يزور أهلو لرفيقو.
_ يجبلو كوكتيل بس يروح عند ال Famous
_ يجبلو أخبار حلوة.
_ يرد عنو الأذى بكل أشكاله وألوانه.
بيكفو ولا إٌسن؟؟؟؟؟؟؟؟؟؟؟؟؟؟
صديقي هوا ياي بعتبر بيتو كأنو بيتي, بتّصل فيه أيمتن ما بدي, وما بستحي منو ولا من أهلو....

[الزاهر]

إن شاء الله رح يكون لي تفصيل!!!

[دوكر]

يا هلا بالشانزيمر سته........و بالجميع ..........يا شباب و يا صبايا بدكن تسمحولي ارجع شوية لورا........ارجع ع الصديق........حبيت احكي كم كلمة......ابل ما بلش بالحؤء و الواجبات......
اكيد عم تؤل هلأ تفضل رجاع منا مشكلة......من شان هيكا ح ؤلكن الله يبارك فيكون وح فوت بالموضوع دغري.................
ؤلو الصديق هو لي بيصدق بحبو.........و ما بلف و بدور.......
وهو لي ما بفرق بحكيو بين ال "انت " و "انا" بس يكون عم يحكي معك........
الصداقة هي الوداد المطلق......
الصداقة....هي محبة من دون غرض.......
الصدق فيا واجب........
بإختصار .....هي الاخوة في الله...........

طيب هلأ بدنا نحكي شوية عن صفة لي لازم الواحد يراعيا هو و بدو ينءي صديقو......
بدك تشفلك شي واحد متربي ع الاخلاء .......
تءي.....بنهاك الغدر الوخداع و المكر .......و كل المفاسد......
مهذب .......
بيطرب بس يلاءيك.........
بحفظك بغيبتك.........
بصون الأشياء لي بعيبتك..........
الاشايء لي بتبسطك بتبسطو....و الاشياء لي بتمءتك بتمءتو......
بظهر للناس محاسنك.....و بكتم معايبك.......
ما بزيع سرك.......
ازا ءال ؤل صدقك.....وازا انتا ؤلت ءول صدقك......(هوني في فرأ بالتشكيل نتبهو...)....و ازا شكوتلو شي صاير معك بفيدك و بساعدك......
بهديك نصيحة....بنية صحيحة.......
لازم تكون صحبتك معو منا لغرض....
برعى حؤء الصحبة......و خصوصي بوءت الضيء......
هدي شي من صفات الصديق....فإذا لأيت واحد.....(فاك تلاءي بس تكون انتا هيكا صفاتك.....)...هلأ في نوعين من الأصدقاء.....

النوع الاول اخوان صدق و ثقة......
هدولي لي النفس بتتفء معون......هدولي لي لازم الواحد يحافظ علين....هدولي لي لازم تلبص علين بالسفر و الضيعة......
مشي بالطرء لي بيمشو فاي.......
و حاول تبدل كل لي فاك من شان تحافظ علين......
و اصحا حدا بعمرو يخدعك و تسدء الظنون لي بيحكيا عنون ...اكيد هدا انسان جاي ت يفرق بيناتكن.......

و النوع التاني........(الصدق الوهمي...)....هدولي هنا اخوة الانس و السواليف......هنا لي جاين يوخدو منك شي من حظوظ نفسن.....
هنا ؤرطة بحبو المجاملات......ما عندن صدء بالمعاملة......
هدولي ؤعد معون ...منا مشكلة....تعامل معن ضمن حدود الرفقة البعاد.......

او حتى ازا بدكن فنا نأصمن لتلت انواع........
الاول....للدين.....
التاني ........للدنية.......
التالت ......للأنس....و النكت......
و عط كل واحد لي بستحءو......

بنكمل شي يوم تاني............
اخوكم دوكر المعوكر..........

[الزاهر]

أنا رح فصل شوية....ما كتير...بس منشان الملل!!!!

ورح ابلش باللي ذاكرتيهم يا أراية!!!

الواجبات هينة متل:

احترام, تقدير.

أول شي.....الاحترام......الاحترام كلمة كبيرة.....كبيرة كتير....فأنا احترامي لصديقي بيكون متجلي بأمور عديدة......احترامي لصديقي بيكون مثلا بإني ما احكي وئت بيكون هو عم يحكي....ما سخف الي بيحكيه...إلا ما كان تحت خانة المزاح المحمود.....احترامي لصديقي بيكون عبر إنصاتي لما يقول......ولو كنت بعرف الشي اللي عم يحكيه.....وبنطرو ليخلص حكي......برجع بحكي.....احترامي لصديقي بيكون باعتباري له أمين سري والحريص على مصلحتي.......احترامي له يتجلى بتعبيري له عن هذا الاحترام دون أي خجل!!......احترامي له بيكون بإني بحضرتو بالجمعة اللي انا فيها اني اعطيه جزء كبير من الاهتمام!!!.......علاقة الاحترام هادي هي اسما من علاقة الحب.....لأن من احترامي له اني كون بحبو....بحبو أكتر من كتير اشياء....لا بل هاد من أوجب الواجبات.......

أما تقديري له .....فبيكون بإني اعطي ما يقوم به اهمية......وأفضل ما يصدر عنه عن ما يصدر من غيره.....يعني لنفترض انو بائع......فمن تقديري له إني اشتري منعندو وفضلو على بقية الباعة.......من تقديري لصديقي إني لمن بيعمل شي لمصلحتي أو بيفرحني إني اتشكرو.......وإني احيانا أدملو هدايا....من تقديري لصديقي إني لمن بعرف إنو عندو صعّوبة.....مباشرة هب لساعدو يتخطاها!!!.....من تقديري لصديقي إني حسسو إنو مني سألان عن الدنية ما دمت بصحبتو!!!!......من تقديري لصديقي أن أطلب منه النصيحة في الأمور التي تشكل علي....من تقديري لصديقي أن أشاطره علمي بدون أن اتمنن عليه!!!!

من أم الواجبات كمان.....إن أقدم لصديقي النصيحة ما دمت أقدمها بالطريقة المناسبة له.....ومراعاتي لمشاعره....ولظروفه الآنية......وأن تكون نصيحتي له في السر...وكما ذكرت سابقا.....فمن واجبي أن أطلب وأميز النصيحة من صديقي عن غيرها......فهو أدرى الناس بحالي!!!!!

يلاقيلو دائماً أعذار.

هذه نقطة جد مهمة.......بارك الله بك أرايبة!!!!!

يعني عندما طرحت فكرة الواجبات......كانت هادي محور تفكير!!!

وباعتقادي هاي اهم الواجبات نحو الصديق!!!...لأن اذا للصديق ما التمسنا الأعذار....لمين بدنا نلتمس!!!!

خصوصي وإنو المفروض نكون .....متل ما ألت.....أعلم الناس بظروفه وأحواله!!!!!.....يعني مثلا إذا شي يوم كلنا بهدلة هيك فجأة من الصديق...نؤول والله هاد يبدو الجامعة مطلعتو عن دينو..أو الله يعينو دكتورو متل تاسومة أبو حنا!!!....وإذا شي يوم ألك ما بدو يشوف وشك.....تؤول بنفسك هاد الزلمة ياحرام الشغل مأثر على اعصابو!!!.....إذا شي يوم شرشحك إدام العالم ....تؤول والله هاد ما زبطت معو النكتة!!!!!.....إذا غاب عنك فترة طوية تؤول هاد يبدو في شي "كبير ومحرز" لحتى ملتهي عني!!!....

إذا طلب منك ما تعاد صديقو تؤول هاد يبدو فخامتي مدري شو عامل لحتى هيك صار!!!!!!!......

يساعدو بما للكلمة من معنى.

أها.....شفتو كيف.....المساعدة......المساعدة أهم شي.......وفي شي كمان مهم اني اعتبر مساعدة صديقي اولوية على مساعدة الزميل أو الرفيق!!!!......يعني بساعدو ولو كان هالشي بدو ياخد من وقتي وجهدي .....أو بدو يأثر عليي سلبيا بشي ناحية.....لأن الجميل مع الصديق ما بيضيع!!!!!....لا بد......لا بد ما بيوم احتاج مساعدة ......وما يكون في حدا يساعني.....بتلائي الصديق دغري فز ليساعد!!!!!.......والأهم من هاد......إني ما انتظر من صديقي انو يساعدني أو يكافئني إن ساعدتو!!!!......وإلا بكون انتقصت من حقو عليي.....وما عطيتو حقوقو عليي متل ما لازم!!!!

يحبو.

بالتأكيد.....هاد من احترامي له.....حتى انو حبي لصديقي ينافس حبي لزوجي!!!.......لهالدرجة!!!!.....الزوج بينجاب غيرها.....الصديق صعبة!!!!....عم امزح........ههههههههه......الواحد إذا ما كان مستعد تكون زوجو أقرب صديق لو .....بلالو هالجوازة!!!!!.....إذا بيعنّس متل الدوكر احسن!!!!!.......لووووووووول!

يضحك بوشو.

أها!!!!!........هادي كتير كتير مهمة......الله يبارك بالأرايبة!!!!

هي مش الضحك....لكن الابتسامة!!!!.....(على فكرة انا هادي عندي الابتساهة "هههههههههه"......الضحكة "لوووووول"....أو هههههههههه بس عدة اسطر!!!!.....فقط للتوضيح يعني!!!!!) الابتسامة لا تتخيلو اديش تأثيرها عميق.....حتى اني عملت اختبارات عليها.....عالأولاد الصغار.....اللي ما تجاوز عمرهم الكم شهر!!!

التجربة انو الولد اللي ما بيعرفك.....إذا جربت تلعبو....وأنت مبتسم.....بيضحك.....

حتى اذا ما لعبتو متل ما لازم....لكن كنت عطول مبتسم بوشو.....غير شي عالاخر........

ما تلعبو وإنغــــغّا وأبّا .....وصوص وأش ما كان......ما متل ما إنك بس تبتسم بوشو!!!......

كمان نفس الشي للكبار.....إنك تكون بسّام....أمر جد مهم...ووئت بيألك حدى "شو....عم توزع ابتسامات!!!!".....ألو وبكل فخر ......نعم....عم وزع ابتسامات!!!!!.....وهالشي صديقك حق عليك وواجب انك تكون بسام بوجو.....مش مل الناس البقية......كرم اخلاق......لا.....للصديق هاد حق لو.....وواجب عليك!!!!.....لأن البسمة متل حامل المسك.....بتستفاد منها لو ما كانت إلك حتى.....بتعطيك راحة نفسية!!!!!......وصديقك أولى الناس!!!

يزور أهلو لرفيقو.

أها!!!......كمان كتير مهمة......لأن مجرد ما زور الصديق.....معناتو عم اعترفلو بالجميل.....عم ألو إني بقدر كل اللي ادمتلي ياه......وراجعو الحديث اللي ورد بالمشاركة الاصلية!!!.....مكفي وموفي.......وبحب ذكر إنو عيادة الصديق في حال مرضة امر جد ضروري!!!!.....تخيلو اديش بيتونس فيكن!!!! .....يعني وئت بيعودني صديق......خير من أن يعودني أهل الأرض كلن!!!!....لان الصديق مجرد وجودو بالمنطة اللي حولك........هاد بيعطيك دفق طاقة لا مثيل له!!!!.....وشغلة مهمة بالزيارة......إنك تجبلو معك هدية إن فيك!!!

يجبلو كوكتيل بس يروح عند ال Famous

هههههههههههه.......أنا بدي أفوكا!!!!....

هادي مثلا هدية......صحيح إنو عليها طابع مادي......لكن بيضل لها اهمية!!!!

يجبلو أخبار حلوة.

مممممممممم......فينا نؤولها بطريقة تانية يمكن!!!!

إنو "يسارع" بإعلامو بالأخبار الطيبة من نجاح أو تفوق.....أو أو أو أو .......يعني ساعتها بيحسس الصديق إنو مهتم فيه.....وهاد بيحسن العلاقة بيناتن!!!

يرد عنو الأذى بكل أشكاله وألوانه.

هادي كمان جد مهمة!!!!!!

يعني مثلا وئت الصديق بيحس إنو بوجودي برفقتو معو جيش يدافع عنو ضد أي عدوان......هاد هو امطلوب......إنو يحس حالو بمأمن معي......والأهم......إنو يكون مأمن إنو رح دافع عنو سواء ادامو ولا بغيابو!!!!!......هاد من ناحية.....كمان من دي الأذى عنه إني انصحو......لأن الواحد أحيان بصير معو ظرف.....وبيطلع هو بالخازوء بالأخير......فمن دفاعي عنو اني ما خليه يوئع بالغلطة من الصل......بالنصيحة!!!!!

كمان في الدفاع عنو وعن عرضو وعن اقاربو وأهلو وأموالو وأملاكو وكلشي بيخصو!!!!!
سلامات

[دوكر]

يا هلا بالشباب و الصبايا...........
ت نكماكن لكن............

اااااااخخخخخخخ الصداقة.....وينا ....أليل ت نلئي اصدقاء عن حء و حئيء.......

الصداقة.....هي نوع من التعاون بين الأصدقاء.........لها شروط كتيرة......بأوءات الشدة....و الرخاء......

ومن اهم الأسباب لي بتزيد الروابط بي الأصدقاء هي كترة الاختلاط مع بعضن......و النصح بين بعضن.....الصدق ......

و احل الشي الصفاء لي بين الاصدقاء.....ياويلاي.......احلى الشي هو الاخلاص لي بينون......

وين المعاملة بالصدق بهل الايام....بكون الواحد ماشي مع لي بسمي صديءو من شان مصلحة...و عم يدحك علي.....

دائم خلي اخلاءك عالية مع اصدقاءك.....و خفف خلافتك معن......

ولك في احل منا تلاءي رفيءك انتا و مبتسم....و تشكرو....و توصفو الشي الحسن و بسترو بالاشاء المنا حلوة.....

و بس تشوف شي هفوة تجي و تنصحو ع جنب.......بطرءة حلوة....بالتلميح......و بعابرات لطيفة......ليش ت تعنف علي؟؟؟ ليش ت تهجرو؟؟؟؟

و ازا بدنا نعاتبو ليش خطابنا ما بكون مكتوب ع شي كرت مزين.....بلا الطرءة الشفهية يمكن تؤلي بتعمل شوية حساسية بينتنا......

و خلنا نحافظ ع الصديق لأنو نصيب الروح و مرهن الجروح........

و دائمن خلي عندك صديق لأنو بتأمن ع نفسك من كتير من المفاسد ....و بتكسب ظل عرش الرحمن يوم القيامة.......ازا كنت انتا و ياه عنجد متحابين في الله.......

و دائمن كون عون لصديءك...........و ما تسمع شعم يؤلو الناس....و بعض الأنجاس........ لأنك بهل الشغلة بتكون عم تضيع الصديء.......و بتكون منك عم طبء "و ان جاءكم فاسق بنبأ فتبينوا" و حاول دائمن تعطي لأخوك عزر.....

و سأل عنو ازا غاب ......و زورو ازا مرض...........و حاول تلبي من طلباتو

و ازا هجرك انتا بادر للصلح........وازا نصحك سماع النصيحة ......و ااز عزمك لبي .......و اصدوء معو بسي توعدو......

هلأ يمكن تحسوا انو كلامي فاي نوع من التهويل.....ازدي انو يمكن تفكرو لي بدو يطبء هل الكلام ح يكون ملو شخصية....او ...او .....بس هل الكلام لي يمكن تفكروا فاي....هدا ما بكون الا ازا كان من جهة هل التعامل من جهة واحدة.....

بس ازا كان التعامل بي هل الطرءة من جهتين ف شوفلي ازا اسا بتلاءي ارقى من هيكا تعامل.....

اسا في عندي حكي كتير بس ناطر مشاركاتكن.....يلا شدو الهمة........

ان شاء الله افضى نكمل حكينا عن الصداقة ........و لي ما ظني اد ما حكينا فيا ما بنوفيلا حءا....

اخوكم دوكر المعوكر......

[الزاهر]

دوكاااااااااااااااااااااااااااااااااااااار........ ..تفأرو عيوني أنا وعم ائرالك الرد!!!!!
هههههههههههههههههههههههههههه
الله يخليك للمنتدى ...كبر خطك.....

[دوكر]

يا هلا بالمعلم زاهر...
مع انو بالصف كانو يؤلولي خطك حلو...و ما زال بس اكتب بينألي هيكا...
تكرم عينك يا أطر...

[shanzimer6]

شكراً عردودكم المميزة, وتفاعلكم مع الموضوع
بس كل واحد عطي رأيو ( بس بجريدة ) المرة الجاية حاولو ما يكون جريدة, ولا مجلة, ولا كتاب...أد ما فيكن....
أنهي كلامي بهالموضوع:
انو أحياناً متل ما قلت, قد لا تجد مين يقدر وضعك أو ظرفك , مين من كان يكون,حتى لو من أعز الناس عليك, وأقربهم..ولكن بالاجمال الصديق وقت الضيق....أحياناً, الحالة التي تكون فيها لا تسمح بوجود صديق رمزي, بل تحتاج إلى وجود صديق روحي, وأي صديق هذا الصديق؟ إنه القرآن, ففيه الشفاء للناس, وكيفية معالجة البلاء, وصفاء عطر السماء, ورواء ....
فاض الشعر, وزاد السعر, ولم أستطع أن أرد الجميل للأخ العزيز, والنبع الوفير, والأب الكريم, والأم الحنونة.... مهما فعلت وفعلت, مهما استطعت أن أوفق بين الواجبات والحقوق, بين الصديق والرفيق, قد أتوصل يوماً إلى رد جميل الرفيق,_ وليس الصديق,_ ولكن لن أستطيع رد ذرة من جميل الأهل عليّ...ودمتم سالمين
فيا أصدقائي أقول لكم:
يا ساكنين قلوبنا,عذراً مدى الأيام عذرا.............................................. ...

[دوكر]

يا هلا بالجميع ........ت نكماكن ......مني عم إءدر امرء من المنتدى الا و امرء ع هل الموضوع........بتزكر فاي الصداقة....بتزكر الصديق .........
اليوم حبيت احكي شوية ....لي ربنا بيسرو.........

حءيءة الصديق ....بتنعرف وءت الضيق.........
مفي خير بصديق بيمشي معك بؤت الرخاء..........و بس.........و بوءت الشدة و العسر بتلاءاي مكانو بيعرفك.........
دائمن ساعد خوك و صديقك........و كون انتا و يا متل الجسم الواحد.........و خصوصي وءت لي بيمرء بحالات صعبة...........و ما تتركو حتى تروح عنو الازمة........و فاك تؤل انو الصديق الصادق ....هو لي بساعدك ت تتفرج عنك همومك.........

الصداقة......فنا نؤل يمكن عنا انا نوع من الاتحاد بالصفات......و الحالات....و الهيئات........هدا الحب.......بين الرفقة........بحسو حالون شخص واحد........و هل الشي يقال انو اثبت علميا........بصيرو بحسو بعضون و لو كانو بعاد.....بصير عندن نوع من تخاطر الافكار...........و في امسلة كتير ع هل الشي ...ما بيعرفا و بحس فيا الا لي عندو صديق.....صديق ...منو رفاء كزدار و مشاوير.......

كمان من الاشياء لي بين الاصدقاء.....التزاور....يمكن عادة نسيناها بي هل الايام.......
الزيارة تعتبر من الايمانيات تبعت الصداقة..........و التلاقي بين الاصدقاء كمان من الاشياء المهمة.....يمكن تفكروني عم بالغ ازا ؤلتلكن انو ترك الزيارة بين الاصدقاء هي نوع من الحقارة..........لازم الاخوة يزورو بعضن و لو كان كل واحد منون بيتو بجه من الكرة الارضية.........وازا فيك كل يوم متل طلعة الشمس......او كل الشهر متل طلت الءمر........كل ما تزاورتو انتا و صديقك بين بعضكن بتزداد الاخوة بينكن........و بتحبو بعضكن اكتر..........و بس تزورو ما تعد تأل حالك.......و توخد بوزات.....ازا ضيفك....ما توعد تعمل حالك مودك....و تعمل فالم.....إبيل لي بضيفك ياه.......و ازا انتا زارك حدا شكرو ع زيرتو......لأنو تزكرك..........و كل ما تشوفو سلم علي ....صافحو ....و هل الشي ثبت عن الرسول صلى الله عليه و سلم انو يسن تصافح الاخوان كل م اجتمعو و تفرؤ.........و هل الشغلة فيا من الخير الشي الكتار.........

اسا في اشياء كتير بدي ؤلا بي هل الموضوع........ان شاء الله......بس ناطر المشاركات التانية...و التفاعل مع الموضوع.......

اخوكم دوكر المعوكر......

[الزاهر]

طيب.....شو رأيكم نحكي عن آداب المقاطعة (وئت بيعلؤو مع بعضن الأصدقاء بسبب شي مشكلة) ؟؟؟؟


وهي بهالمناسبة هالقصيدة للمعلم العشماوي......من مختاراتي الشعرية بمكتبتي....اعتقد انها تناسب مقام الحديث!!!

يـــا صديقــاً

يــاصديقا عشــت أيـام صفـــاءٍ
تنـطــوي في ظلهـا الأوهـام طيـا
أيــن ذاك الـود يـــا منكـره
يوم كنــا ننسـج الحــب سويـا
صحـوة الحــاقـد يــاصــاحبنا
ربمـــا تـغـفو غـفــواً سـرمديا
راقــب الأيـام فــي رحــلتها
وترى الســابــح فــي أفكاره
وتـرى فيــهــا فـقيراً وغنيــا
وتــرى المغـمــوس فـي لـوعتـه
وتــرى فيهـــا عصيــاً وتـقيـا
كـلهـم يمضـي إلــى وجهتـــه
ثــم يــأتـــي المــوت لايترك شيا
يــافــؤادي لاتجامــل صاحبــاً
إن أراد الشر أوحــــاول غيا
عـبثاً حاولت أن أقـنـعـه
أن هـذا الحـقد لايـنفع حيا
فـأبى أن يقـنع اليــوم وقــد
تـقـنع الايــام مـن يبـقـى عصيا
خير مافي المرء إن رام الهــدى
وصــلاح الأمــر أن يبـقـى وفيــا

[دوكر]

يا هلا بالمعلم زاهر .........ان شاء الله كل هل الامور بدي احكي عنا ...بس عندي ترتيب حاطو هلأ براسي..................
و يعطيك العافية قصيدة حلوة......

[shanzimer1]

سلام ........
أنا رح أعطيكم رأيي بالصديق بهالبيت الشعر:
وأخٍ أراني الشهد في عصرٍ يفيض عليّ مرّا
لمّايشدّ على يدي ويقول لي أوصيك صبرا

[shanzimer6]

كنت أحسّ بالأمان حتى جاء هذا الزمان...
كنت أحسّ بالفرح, وأشارككم المرح...

اعتقدتكم غير ذلك, وتمنيت لو تكونون كذلك...

غير أنّي أكنّ لكم, كلّ حبّ واحترام...
كلّ ودّ وإخلاص, كلّ وفاء وبقاء...

اتهمتموني, وجرحتموني, وخذلتموني, وقتلتموني!

وما زال القلب ينزف, وما زال الشرّ يحدق...
وما زال الكلام يجرح, وما زال الشرف يهان...

لن أنساكم ما حييت, وأفضّل الرحيل من استمرار العويل...
سامحوني ما حييت, وادعولي ما بقيت...
أخوتنا جمعتنا, وحبنا فرّقنا, وندمنا بعثرنا, وقلبنا حطّمنا, وكلامنا أهاننا....

أستودعكم الله!!!

[shanzimer6]

ما بالك يا صديق, نسيت ساعة الضيق,
ما بالك تركت الأسى, ما بالك بعدت عن الجفى.

أنسيت الذكريات؟ وسرّحت الباقيات؟
أنسيت التضحيات؟ وابتعدت عن الساميات؟

أنسيت السعيدات؟ وألفت الكارهات؟
أنسيت التعيسات؟ وصاحبت الغافلات؟

ما بالك يا صديق؟ لا تسعد ولا تفيق!
ما بالك يا صديق؟ حسبتك كالرفيق!

ما بالك مغرور؟ لا تجد طريقاً للسرور!
ما بالك مغموم؟ وتزرع الهموم وتسقي السموم!

إلى اللقاء يا صديق, فقد تركتني في الضيق...
وقد عرفت الصبر فيك, في لحظة لا تليق بك!!!

[ach]

معاني جميلة و احساس أجمل لكن الرجاء أن لا يكون للوداع من منزل

[أبو شريك]

ما بالك يا صديق, نسيت ساعة الضيق,

ما بالك تركت الأسى, ما بالك بعدت عن الجفى.

أنسيت الذكريات؟ وسرّحت الباقيات؟
أنسيت التضحيات؟ وابتعدت عن الساميات؟

أنسيت السعيدات؟ وألفت الكارهات؟
أنسيت التعيسات؟ وصاحبت الغافلات؟

ما بالك يا صديق؟ لا تسعد ولا تفيق!
ما بالك يا صديق؟ حسبتك كالرفيق!

ما بالك مغرور؟ لا تجد طريقاً للسرور!
ما بالك مغموم؟ وتزرع الهموم وتسقي السموم!

إلى اللقاء يا صديق, فقد تركتني في الضيق...

وقد عرفت الصبر فيك, في لحظة لا تليق بيك!!!

سلام يا أختي كلام روعة بس آخر كلمة صحيح ملبقتيها بس ما بتظبط الا بك يعني ما بيمشي حالها بيك

[shanzimer6]

السلام عليكم:
بارك الله بكم جميعاً على ردودكم....
وهي ظبطناها حتى لو منا لابقة!

[shanzimer6]

ما لي في هذه الحياة من مؤنس
وأحسّ بضيق الصدر وعمق الفراغ!

عتمة الليل سادت وطغت
حتى اسودّ أفقي وذاب قلبي!

ما لنا أصبحنا كذلك
بعد أن كنّا وكانوا....

أحزن لفراقكم يا إخوتي
أعشق حسّكم وأرشف دمعكم!

أكره لقاءكم وأحبّ جمعكم
فما بعد الفراق إلا الوداع!

فالفراق وتر أعيش على صداه,
ونبع أستقي منه وا أوّاه!

كم تركتكم وندمت!
كم آنستكم وحلمت!

كم آلمتكم وشكوت!
كم فضّلتكم ورجوت!

كم كرّمتكم وشكرت!
كم ألفتكم وسميت!

سيجمعنا الصّوت...
ويفرقنا الموت...

نبحر في أعين الشعر,
ونكتب من جرح القلب...

نحزن من تصرّف الغير,
ونقلق من غدر السّير.

[shanzimer6]

إذا سألوني ماذا أجيب؟
أحقاً قلبك لا يهيب؟

وإذا أجبت, هل سأزيد؟
وهل ستكون أنت سعيد؟

وإذا سؤلت هل سأغيب؟
فهل سأجيب! أم سأتأمل المغيب؟

هل عنيت يوماً بالصديق؟
أم اكتفيت بهمس الرفيق!

أو آنست عذراً, بعد طول الشهيق!
أو لامست أنساً, فيا ليتك تفيق!

هل علمت الآن من هو الصديق؟
وهل تريد رابطاً وثيق؟

" تمسك بالرفيق, واخلد للصديق"...
واختم حديثك بعطر الرحيق...

[The Knight]

معاني جميلة و احساس أجمل لكن الرجاء أن لا يكون للوداع من منزل

ma3ani 3anjad wala arwa3,allah yberek fiki w yzidek min fadlou
salam

[أبو رياض القلموني]

ma3ani 3anjad wala arwa3,allah yberek fiki w yzidek min fadlou
salam

حلو كتير هالشعار اللي حاطو , موأثر كتير , بس ميأوم أصدك عحدا تاني غير الألمون ...
ولك ليش ما بتشارك ,حطلك شي نثر أو شعر, عنجد أسلوبك رائع ...

[الزاهر]

أف....أف......أف....
شو......هيك دفعة واحدة.....الله يساعد اللي تنطبق عليه هالمعاني.....بيكون راح بالسكتة!!!!!.....ههههههههههههههههههههه

بانتظار جديدكم.....

بس سؤال.....شو أصتهم...أو أصة كل واحدة منهم؟؟؟


سلام!!!

[The Knight]

حلو كتير هالشعار اللي حاطو , موأثر كتير , بس ميأوم أصدك عحدا تاني غير الألمون ...

ولك ليش ما بتشارك ,حطلك شي نثر أو شعر, عنجد أسلوبك رائع ...

allah yberek fik akhi abou riyad 3anjad a7rajtni kont betmana oktob chi che3r bass lil2asaf mara7 ykon fini li2anou ana han bi france 3layyi daghet bildares ktir w mafini kammen oktob bil3arabi,fa ba2a msakra bwejna bikol ittijah fa lat2ekhzna
....
w michen ltawki3 houwa liltnayn lilkalamoun w kammen l7adan tani

d3oulna da2iman biltoufi2 w biltassbit allah yberek fikon jami3an w ye7fazkony ywafe2kon

3afwan okht Israa tle3na barra mawdou3k chwayeh lat2ekhzina

salam

[shanzimer6]

تجرّعت كأس الهمّ أيّاما
وغدوت في حبّكم نشوانا!

وألفت مودّتكم إخوانا
ورجوت قربكم أزمانا!

سررت بضحكتكم أوقاتا
وملأتم أحزاني أحلاما!

كتبت أشعاري أيمانا
وغرست حبّي سلاما!

ونقلت أوهامي أفلاما
وسهوت بحبّكم رشوانا!

يا من ملكتم أحاسيسي
وشدوت بحبّكم رسلانا!

[HARD]

كلام معبر ..........

بس اذا ما في مانع في سبب لهل الكلام ام مجرد من الاسباب .......

[ach]

كلام معبر ..........

بس اذا ما في مانع في سبب لهل الكلام ام مجرد من الاسباب .......

هي القلوب و ان رقت فيها العجب... هل بعد الحب في الله من سبب

[shanzimer6]

هي القلوب و ان رقت فيها العجب... هل بعد الحب في الله من سبب

لا تعليق...

[HARD]

[shanzimer6]

ليش ؟؟؟؟
ما في سبب محدد.. بس الواحد أحياناً بيحبّ يعاتب رفآتو وللأسف لا مجيب!!!
وبعدين فتحت القريحة فكمّلت على هالريتم, وان كان يمكن في تناقض بالكلام!!!!

[shanzimer6]

ماذا نستطيع أن نفعل أنا وأنت يا صديق؟ وإذا فعلنا هل تنتج أفعالنا؟ وإذا أنتجت هل من مطبّق؟ وإذا طبّقت هل من دليل؟

هل نستطيع أن نغيّر نظرةًَ
نرسم بهجةً, ونحسّن سمعةً!

هل نستطيع أن ننسى صورةً
صارت لوعةً, ورسمت دمعةً!

هل نكتفي بالرحيل!
أم نستمرّ بالعويل!

هل نندب الطويل!
ونشعل الفتيل!

هل نكتب الأشعار!
وننثر الأزهار!

هل نرفع الأسعار!
ونرشف الأقمار!

تمهّل يا صديق!
واترك الشهيق!

واسمع للرفيق!
تسمو إلى الرحيق!

[shanzimer1]

السلام عليكم.......
شو!!!!!!!!! شصاير ؟؟؟
وأنا عم قول وين غازّة هالبنت....بقلّك قومي كلي بيتيفور...ما بتردّي....
بس والله طيّبين كتييير..
بس حلوين...القصائد...
بالفعل .... من الجميل أن يعبّر الإنسان عمّا يختلج في قلبه فيلجأ الى الكتابة ..والى الأوراق....
طريقة بتريّح....
وخاصّة اذا كان لا يستطيع أن يبوح لمن حوله بما يزعجه..

سلام

[HARD]

والله هل عتاب حلو ..................
بس قوي شوي فهو اشبه بالقطيعه منه الى العتاب.....................

الله يجمعكم ........................


وعفوا ...................................

[ach]

والله هل عتاب حلو ..................
بس قوي شوي فهو اشبه بالقطيعه منه الى العتاب.....................

الله يجمعكم ........................


وعفوا ...................................

ان العتاب للأحباب دليل صداقة..... فهم لنا و نحن لهم خير منارة.

[shanzimer6]

إليكي....

خلتيني سأنساكي!
أأقدر العيش دون سواكي!

فما أنا لولاكي!
ولا حتى أبواكي!

سوى أنّات سلواكي!
وإن زادته بلواكي!

لن أستطيع أن أراكي!
بربّكي ماذا دهاكي!

دعوت الربّ لحماكي!
فمن أنتي وما سواكي!

أدخلتيني في دنياكي!
فلا حزن ولا باكي!

أهديها لكي هاكي!
أقولها " أنتي ملاكي"!

[shanzimer6]

ان العتاب للأحباب دليل صداقة..... فهم لنا و نحن لهم خير منارة.

السلام عليكم:
شكراً عالدعم والتشجيع!!!
طيب الواحد بيكتب ليلي أكتر شي بحبّن... ما هيك؟
ع ش يكتب لخطيبتو, ولينا بتكتب لأما, أنا لمين بكتب؟؟؟؟؟ ( مع إنو أحيان ومقتنعة فيا ما حدا بيستاهل شي!! )

[Nadine]

له له له له ارايبتي بتكتب شعر , لك شو هالجواهر هيدي , ما شاء الله , كلام اكثر من رائع ومعبر جدا.....

رح اعطيكي رأي بكل قصيدة , انا قرأت اول واحدة

كنت أحسّ بالأمان حتى جاء هذا الزمان

كتير عجبتني وبتصير مع ناس كتير , يعني هو صعب الانسان ينخدع من عالم وخصوصي اذا كان الشخص عزيز عليه, بس بعتابك هيدا بدل على اهتمامك بهالشخص.

[shanzimer6]

والله هل عتاب حلو ..................
بس ما من متلقي ومجيب!
جيت الأولى تفشلي خلقي قالتلي أريت بيت آه بيت لأ....!!!! وشي ما إري بالمرة...
المهم أنا لما عم أكتب قد أبالغ قليلاً بمشاعري إما بال+ أو بال -, سواء أريو ولا لا, بس يا ريت بيقرو!!! أنا بكون عم فشّ خلقي بالشعر لأن بحبّ الشعر!!

بس قوي شوي فهو اشبه بالقطيعه منه الى العتاب.....................
لا ما لهالدرجة, ان شاء الله ما بيصير أبداً قطيعة... أي مشكلة بتنفضّ بوقتا....
من قوانينا ممنوع يبات 2 زعلانين,,, أصلاً ما بيجيني نوم إذا زعلانة من حدا أو مزعلة حدا_" وأكيد هالشي يعود حسب هالحدا"_

الله يجمعكم ........................
ولك ليش نحنا تفرّقنا؟؟؟ ما تفكروا هيك أبداًُ!!!


وعفوا ...................................

عشو؟
المهم, وأعني من حديثي أنّ الصديق عالراس والعين, بس في أحيان بيغلط بحق صديقو, فإن لم أكن قادراً أن أبوح له بغلطه,_ خوفاً من أن يفهمو غلط, أو ما يزعل_ فأفضل السكوت, وبتفشش بالشعر...

فهل أنا مهتمة بالصديق!؟؟؟؟
( ولك عملتن فولدر وحدن ... لأن ما شفت متلن بعهدن..... )
والسلام

[الشبح]

عشو؟
المهم, وأعني من حديثي أنّ الصديق عالراس والعين, بس في أحيان بيغلط بحق صديقو
والسلام

أنت بس قوليلنا مين يللي غلطان معك وما تاكلي همّ إذا شب أنا بإيدي رح أفركلو أدنو و إذا بنت كمان ما مشكلة منوديلها الشبحة تفركلها دينيها التنين ، تكرم عينك ولو!!