[قضية] مسيرة وفعاليات العيد !

**الزاهر** · 04-12-2007, 01:54 PM

**shanzimer6** · 04-12-2007, 02:34 PM

السلام عليكم:
آه والله معك كل الحق.....
بس شو رأيكم تنزلوا باسم منتدى موقع القلمون... وهيك بيفكرو طلع حزب جديد أو جمعية جديدة... عم امزح.

**دوكر** · 04-12-2007, 03:00 PM

يا هلا بالمعلم زاهر......
ولك يا أطر هلأ هادي مسيرة للشباب بالعيد.......و لا مسيرة المعلم عمار فلو.....هههههههههههه.........عم امزح..........
بدي ؤل كلمتين .....اديش هلأ صار انا عمري .....بس ازا مرأ العيد بلا مسيرة ما بحس فاي......هلأ صار مرأ علي مدري كم عيد هيكا بس شبدنا نعمل......بس وءت لي بكون بالضيعة و بيمرء عيد بلا مسيرة ....ما كأنو مرأ العيد.........شيلنا من الجمعيات الاسلامية .....مع انو انا بعتبر انو لازم منو بس تكون المسيرة لها غطاء من جمعية حتى لازم يكون لها شوية تنظيم.......بس للأسف الجمعيات الاسلامية بالضيعة بالأختلافات تبعيتا عم تحرمنا من كتير اشياء.....
مودي اطلع عن الموضوع .....خلينا بالمسيرة...........فكرة كويسة كتير......مسيرة للشباب بالضيعة ....حبية....(اصلان هادا الجو بين الشباب بالألمون ....الحمد لله)........كم شب برتبو الولاد.....و يلا بنبش تكبير...............و هادي هيا........
و ما في داعي لإزن و لا بلوط ممسمر........جمعو بعضكن و بلشو فيا ....انطلؤ من جنب الجامع.....البلدية ساعتا بتكون مجبورة تظبط الوضع......بلبنان ما بيمشي العمل القانوني ابدا........هههههههههههه..........بصير بدك توقيع رئيس الجمهورية......
يعطيكن العافية................
اخوكم دوكر المعوكر............

**الزاهر** · 04-12-2007, 03:34 PM

عال.....نزل زاهر عالمسيرة وما رجع عالبيت.....أيبلو اهلو عنو.....ما لئيوه......بيتصلو فيهم المخابرات بيؤولولن ابنكم عنا برومية ....لأطناه خلال مشاركته بمحاولة انقلاب عالسلطة.......تمــــــــــــــــــــــــــــــــــ ــام!!!!!

**دوكر** · 04-12-2007, 05:29 PM

يا هلا بالمعلم زاهر..............
هههههههههههههه.............يأطع خملك............ليش مين ألك ستلم قيادة المسيرة.....هههههههه.........طيب ازا هيكا الؤصة ....منا مشكلة حكو مع شي جمعية تكون هي لي راعية هل الحدث بس بلا ما كون بإسما....منيحا هل الفكرة............
يعطيكن العافية..........
اخوكم دوكر المعوكر...........

shanzimer1 · 04-12-2007, 06:37 PM

اليوم إن شاء الله رح نحكي عن مسيرة العيد......اللي صار قريب....... وهل حدا عندو إضافات أو اقتراحات......يالله أرب العيد ها....كلهم اسبوعين زمان......وبدنا نعمل مسيرة!!!!

ينصر دينك يا زاهر ....والله يبارك فيك عطرح الموضوع...بالنسبة للمسيرة إن شاء الله بتتفقوا بين بعضكم وبتعملولنا مسيرة هالعيد لأن عن جدّ ما حدن بحسّ بالعيد بلا مسيرة......والقلمون رح تخسر طابعا الإسلامي اذا ما انعملت.....
بس أنا حابّة استغلّ الفرصة و ذكّر كمان بصلاة العيد.....
أتمنى أن تفتح قاعة المسجد لتأمين المكان المناسب والملائم لنساء القلمون لأداء صلاة عيد الأضحى المبارك.... وذلك للأسباب التالية :

عدم إستيعاب سدّة المسجد لعدد النساء المصليات
عدم القدرة على سماع خطبة العيد بشكل واضح في باحة المسجد

فشوفولنا اذا في امكانية لفتح القاعة....والله يجزيكم الخير..............
وشكراً............والسلام عليكم...

**Nader 3:16** · 05-12-2007, 12:54 AM

السلام عليكم

اهلين بالابضايات....
ترقبوا مفاجآت بعد الامتحان ان شاء الله.....

و بإذن الله سنواكب المسيرة اذا كان في مسيرة!!!!!!

و نطلب من الاخ زاهر يردلنا خبر عالسريع من شان صلاة النساء بالقاعة

**الزاهر** · 05-12-2007, 01:29 AM

هلأ صرت أنا المناضل لحقوق النساء؟؟؟........يا أخي في عندك مشرفتنا ساميا........هي وزنها أدي على ألف مرة.......(وزن رأيها يعني!!!!!...هههههههههه).......وعندها معارف.......ومن هالأصص.......مع ذلك إن في شي ممكن أدمو لا أتوانا أبدا.....

سلام

**shanzimer6** · 05-12-2007, 09:36 PM

السلام عليكم:
هادي يا أرايبة صورة عن السطح من الحارة الغربية للضيعة....

**shanzimer6** · 05-12-2007, 10:03 PM

سلامات...

أما هادي يا أرايبة.... فمن الحارة جديدة خلنج....

بتتذكري الكروم يلي كنا نلعب فيه طمّين؟ الكرم الكبير بآخر المفرق من جهة النورث.... يلي دائماً كان يكزّر فييي الكلاب.... فهيك صار....
صار في 3 بنايات ما شاء الله ويمكن الرابعة عالطريق...

**Nadine** · 06-12-2007, 01:24 AM

الله يبارك فيكي يا ارايبة , الصور كتير حلوين , الصورة اللي من جهة المسجد فيها شوية بنايات جداد , والشجرات اللي كانت اول مانا زارعتن البلدية وئت تركت كبرانين ما شاء الله , لدرجة انو الطلعة والنزلة اللي كنت شفط فيها مانا مبينة منيح.

شو نفسي امشي على هالطريق. بناية جديدة بين بناية الشقرة وبنايتن لماجدة, لمين هادي؟

اما من ناحية الصورة التانية حسيتها كتير غريبة , بس منيح الصنوبرات اساتن مبينين, طيب من وين عامليلا طريق , بتذكر كان في حرف ننط عنو. ما شاء الله, هلأ رح تصير المنطقة مليانة.

شكرا كتير لإلك يا اسراء عالصور.

**shanzimer6** · 06-12-2007, 08:15 PM

يا هلا بالأرايبة... ولك بدنا خدمة بتحرز!!

هادي البناية يلي سألتيني عنا بتكون بناية عبيد... ومتل ما شفتي كمان البناية يلي بوجّ المادنة هية بناية زيدان, وفي كتير بنايات جداد بالحارة..
بتعرفي انو حاسة انو بلش العيد اليوم؟؟؟؟
لأ ن عملنا معمول ( قبل ما تسافر عمتي, لأن للأسف ما رح تعيّد معنا, ان شاء الله تكون سفرتا ميسرة....)
فحطيت هالصورة للمعمولات

**الزاهر** · 06-12-2007, 08:21 PM

أف أف......هاد المعمول قضية وحدو..........يالله يا صبايا.....شدولنا الهمة بموضوع الطبخ!!!!......كيف بيعملو المعمول؟؟؟؟

**دوكر** · 07-12-2007, 12:59 AM

يا هلا بالست شانزيمر سته...
ان شاء الله بتروح و بترجع بالسلامة عمتك...
يا هلا بالمعلم أطر الندى ...هلأ صار الموضوع و الصور مهمة...و فينا نتنأش بشكل معمء حولون...ههههههه....
الله يسامحك يا ست شانزيمر...مت من الجوع...ما شاء الله شكلن بشهي...
يا الله...ايام ...
وءت التيتا و اخواتا كانو يعملولنا معمول ع العيد...
يعطيكن العافية...
اخوكم دوكر المعوكر...

**Nadine** · 07-12-2007, 03:15 AM

المشاركة الأصلية كتبت بواسطة shanzimer6

يا هلا بالأرايبة... ولك بدنا خدمة بتحرز!!

هادي البناية يلي سألتيني عنا بتكون بناية عبيد... ومتل ما شفتي كمان البناية يلي بوجّ المادنة هية بناية زيدان, وفي كتير بنايات جداد بالحارة..
بتعرفي انو حاسة انو بلش العيد اليوم؟؟؟؟
لأ ن عملنا معمول ( قبل ما تسافر عمتي, لأن للأسف ما رح تعيّد معنا, ان شاء الله تكون سفرتا ميسرة....)
فحطيت هالصورة للمعمولات

مشكورة يا ارايبة , ان شاء الله بتوصل عمتي بخير وسلامة. صورة المعمول كتير حلوة , نحنا هون منجيبو خالص. لان قصتو قصة.

shanzimer1 · 08-12-2007, 02:37 PM

يا ويلااااااااااااي!!!!!!!!!!! معمولاتنا صاروا عالصفحة؟؟؟
شو هالسبق الصحفي المميّز يا شانزي؟

تفضلوا يا جماعة مادكن عزيمة...ما في شي من قيمتكم

لاه يا نادين !!!!كنت متوقّعة شوف الريبورتاج عن قريب بموضوع الطبخ

شو صار ميشان الصلاة يا جماعة ؟؟؟الؤصة مي ؤصة دفاع عن حقوق المرأة ......نحنا بس بدنا توصلو خبر للشباب المسؤولين ...بدنا نشوف اذا في امكانية تيفتحو القاعة؟؟؟

اذا لأ منتكّل عربّنا ومننطلق من البيت ....ان شاء الله اذا الله(سبحانه وتعالى) بلّغنا العيد...الساعة ستّة إلا ربع.... ساعتا منوصل شي ستة عالجامع ...لأنّو ما حنشوف الدومري عالطريق أكيد..........يعني ما يكون في محطّات سلام وكلام.........ساعتا مننطر الفرج حتى يفتحو باب الجامع ومنفوت منحجز (متل بالعلوم يعني يا زاهر)

عكلّ الأحوال الله ييسّرلنا فتحة القاعة....ما فينا نقول أكتر من هيك...لأن أكيد رح نتعتّر اذا ما انفتحت...ومشكورين يا جماعة اذا سعيتولنا بالؤصة....والسلام عليكم

**الزاهر** · 08-12-2007, 04:49 PM

والله يا أرايبة الحقوق ما حدا بيعطيها.......الحقوق تأخذ بالقوة!!!! fبدك تشدي الهمة........اتفقو مع ساميا.......هاد اللي أنا شايفو أنسب شي...... سلام

**shanzimer6** · 09-12-2007, 11:34 AM

سلامات...

كيف الأرايبين؟؟؟؟

والله يا نادين أطيب شي معمول البيت... أو بالأحرى كل شي بينعمل بالبيت بيكون أطيب...

آه والله اليوم ودّعنا العمة الكريمة, إن شاء الله بتوصل بخير وسلامة... انتبهولنا عليا كتير... هدي العمة غالية عقلوبنا...
والله هالحياة كلا وداع... ومن أصعب المواقف " الفراق", عأدّ منو حلو الاستقبال, عأدّ منو بيقرّف " الوداع والفراق"... بيعين الله...

المهم.... تباعاً لسلسة الصور من الحارة الغربية, منكمل بصورة جديدة من جهة البحر ( هلأ يمكن شوية بعيدة) بس بعتقد بتؤدي المطلوب وبتعطيكن صورة واضحة!! ( شتأتيلو لبور سمير!!!؟؟؟؟)

**shanzimer6** · 09-12-2007, 11:41 AM

كمان هادي يا أرايبة صورة للمعمول بتمر...
ان شاء الله تعجبك ....

**shanzimer6** · 09-12-2007, 11:44 AM

وهادي يا أرايبة كمان صورة لشي طيب كتير....( احزري أيشوا!!!؟؟؟)

**أبو رياض القلموني** · 09-12-2007, 11:52 AM

شو هادا اللي بآخر صورة !! يا ساتر ..شكلن بفزع .. إنشاء الله ما تكون طعمتن متل شكلن ..

المعمولات شكلن ظابطين ..بس بعد معمول أم رياض ما في معمول

**shanzimer6** · 09-12-2007, 11:54 AM

له له هلأ البيتزا شكلا بتفزع!!!!
يمكن لأن الصورة قريبة زيادة هيك طالعين....
( بس أكيد طعمتن أطيب من شكلن!!!)

**دوكر** · 09-12-2007, 12:00 PM

يا هلا بالمعلم ابو رياض.......
هههههههه..........بأ مرألنا من معمولات ام رياض ت ندؤ..........
يا هلا بالست شانزيمر .........
هادا بيتزا...........وين عاملينون بشي منشأة نووية.........ههههههه.......متل ما ؤل ابو رياض شكلن بفزع.........
شفولكن شي حدا جاية لهوني و بعتولنا شوية معمول ....بدل منكن ؤعدينتحرأصونا بالصور.....ههههههههه.....
يعطيكن العافية.......
اخوكم دوكر المعوكر...............

**shanzimer6** · 09-12-2007, 12:02 PM

يا الله ما في مشكلة....
بعتولنا أم رياض ودوكرة بياخدون وفوأن حبة مسك....

الموضوع: [قضية] مسيرة وفعاليات العيد !

أدوات الموضوع

عرض

[قضية] مسيرة وفعاليات العيد !

ضوابط المشاركة