هل لازم الشب الدين ياخد واحدة محجبة ؟؟؟

[أبو رياض القلموني]

السلام عليكم ورحمة الله وبركاته , أما بعد :

إنشاء الله ما تفكر أم رياض إني ضارب عيني عمرة تانية!!

السؤال اللي سامعو كتير ..:هل برأيك إنو الشب الملتزم لازم ياخد واحدة محجبة , ولا مأبولة إنو ياخد واحدة منا محجبة ويحجبا؟

أنا سامع رأي شيخين من ضيعتنا بهالموضوع..

الشيخ 1 : لازم الشب الدين ياخد واحدة دينة ومتحجبة , لأنو إذا الشب الدين ما إخد محجبة رح تكون فتنة للمحجبات , وبصيرو بشوفو إنو البنات غير المحجبات عم يجين عرسان وهنا إذا الملتزم ما إخدن ..مين بدو ياخدن؟؟(أولت حميطون)

الشيخ 2 : الشب لازم يدور عالبنت اللي بيركب عألا ععألو , إمنا منا محجبة بس بترضا تتحجب...

إنتا مع مين : الشيخ 1 ولا الشيخ 2 ؟؟؟

هات تنشوف آراءكم...

[دوكر]

يا هلا بابو رياض.......
.......شكلك منك ناوي تنام بالبيت ليوم......هههههههه........انو ضروري تطرح انتا هل المواضيع .....هلأ انتا فهما لام رياض انك طرحت هل الموضوع من شان تعرف كيف بدك تتصرف من شان ابنك رياض الله يخليلك ياه....هههههههه....
هلأ من شان موضوعك.......ضروري الواحد يبدي رأوي من خلال رأي الشيخين........هلأ هو بالاخر مفي غير حلين لهنا عطيون.....يأما بدك توخد واحدة محجبة....و يأما واحدة منا محجبة.......
بدي اتفء معك ع شغلة ابل ما بلش احكي ......بدنا نحكي هون عن لي منا محجبة ....بس خلينا نتفء ....لي منا محجبة لي بدنا نحكي عنا ......عندا اخلاء.....منو مظلطة.....بس منا محجبة ....لبسا محتشم....و عندا شوية دين......
طيب طالما اتفأنا ......فنا صار نحكي بالموضوع......
انا مع الشيخ الاول.....لأنو متل ما ؤال انو بدا تكون فتنة للمتحجبات .....بدون يصيرو يشوفو انو الملتزمين عم يوخدو لي منون متحجبات و هل الشي يمكن يكون مدخل للشيطان....و تاني شغلة انو ازا الدين ما اخد المحجبة ......مين بدو يجي يوخد.....واحد منو دين....يمكن يشلحا الحجاب....يمكن يعاملا بطرءة منا منيحا..........و من هل الكلام..........

بعدين الشب الدين بدو يبرم ع البنت لي بتركب عألو صحيح.....بس هل بتركب عألو واحدة منا متحجبة....ما هو اول الاشياء لي هيا من معاير الالتزام و الديانة عند البنت الحجاب........و الرسول صلى الله عليه و سلم ....ؤل هو و عم يوجه الشباب بما معناه.....اظفر بذات الدين تربت يداك.......و الحجاب المظبوط للصبية بكون هو نتاج لأخلاءة و لإلتزامة لاا بشوية حالات نادرة كتير........
هلأ بدنا نسمع اراء الشباب و الصبايا .........
و يعطيك العافية موضوع حلوة عمو ابو رياض.........
اخوكم دوكر المعوكر......

[الزاهر]

هل تقصد بالمتحجبة.....المتحجبة الدينة.....أم المتحجبة الزعرة......أم المتحجبة بشكل عام!!!!
لأن لألك مع اي شيخ.......الشيخ الأول عم يحكي عم المتحجبة المتدينة (لازم الشب الدين ياخد واحدة دينة ومتحجبة)......والشيخ التاني بدو ياك تاخد اللي عألها بيركب ععئلك........

هلأ سواء قصدت هادي ولا ديك ولا ديكة.........أنا بأيبل عالمتحجبة الدينة اللي بيركب عألها ععئلي.......في حال ما لئيت......بأيبل عالكاشفة اللي بيركب عألها ععألي.....لأنو هاد معناتو إنها رح تتحجب أبل ما نكتب الكتاب!!!!
إذا ما لئيت ما بيهمني.....لأني أصلا أنا متزوج...مافي داعي عدد يعني....لتعرفو اسمها سالو صديقي الحبيب حليم حليم بيضا!!!!!........

[الشبح]

قسمة ونصيب، ونو كومنتتس يعني بالمشبرحي هيدا شغل ربّنا و No Comments

[nana]

يعني بصراحه متل ماسبق وقال الاخ الشبح الدنيا اسمي ونصيب
ممكن الشاب المتديت تعجبو وحدي منا محجبه ويتزوجا
ويمكن الشاب الاوبن مايند تعجبو وحده محجبه ويتزوجا ويمكن كان يقول مستحيل أتزوج محجبه وسبحان الله تعالى كان نصيبو إنسان محجبه

والبنت كذلك نفس الشيء

[Nadine]

السلام عليكم ورحمة الله وبركاته:

بارك الله فيكم اخ ابو رياض القلموني على هذا الموضوع, موضوع مميز.

طبعا ما فينا نقول انو لازم الشاب المتدين يتزوج واحدة محجبة, هو اكيد من الافضل انها تكون ملتزمة متحجبة. لان اكيد في بنات متحجبين بس عن غير قناعة, يعني تحجبو غصبن عنن, وفي بنات مانن متحجبين بس لباسهن محتشم وبيكونو بيقبلو يتحجبو بعد الزواج او بعد الخطبة , لان في كتير بنات بفكرو انو اذا ما تحجبو مش رح يجي نصيبن.
بالنهاية ما حدا بيعرف على مين نصيبو رح يكون. الله اعلم.

بعض نصائح للمقدمين على الزواج:

يقول رسول الله صلى الله عليه وسلم متحدثا عن كيفية اختيار الزوجة: "... فاظفر بذات الدين تربت يداك".

وقال صلى الله عليه وسلم: "ما استفاد المؤمن بعد تقوى الله عز وجل خيرًا له من زوجة صالحة: إن أمرها أطاعته، وإن نظر إليها سرته، وإن أقسم عليها أبرته، وإن غاب عنها نصحته في نفسها وماله".

تذكر حديث النبي صلى الله عليه وسلم: (إياكم وخضراء الدمن) قالوا: وما خضراء الدمن؟ قال: (المرأة الحسناء في المنبت السوء) [رواه الدارقطني، وضعفه الألباني رحمه الله]

وفي الختام قال تعالى: {وَمَن يَعْتَصِم بِاللهِ فَقَدْ هُدِيَ إِلَى صِرَاطٍ مُّسْتَقِيمٍ}.

[أبو رياض القلموني]

انا مع الشيخ الاول.....لأنو متل ما ؤال انو بدا تكون فتنة للمتحجبات .....بدون يصيرو يشوفو انو الملتزمين عم يوخدو لي منون متحجبات و هل الشي يمكن يكون مدخل للشيطان....و تاني شغلة انو ازا الدين ما اخد المحجبة ......مين بدو يجي يوخد.....واحد منو دين....يمكن يشلحا الحجاب....يمكن يعاملا بطرءة منا منيحا..........و من هل الكلام..........

أخي دوكر ..أنا معك بشغلة إنو لازم تكون محجبة تحتا ما يكون في فتنة للمحجبات ..بس خليك معي شوية...
فرضاً إنت هلأ بدك تتزوز ..ودورت بهالمحجبات لأيت كم واحدة بيعجبوك ..حطيتن عالليستة..رحت لعند الأولة آلتلك بدي كفي علمي..نطيت لعند التانية آلتلك عطينا رأمك بنرجع بنتصل فيك ..سحبت لعند التالتة آلتلك موافأة ....خيييييييييي...
جيت بدك تكتب الكتاب طلع بدا مهر 10 كيلو دهب !!!
وإنت بتعرف واحدة منا محجبة , بس مهذبة وآدمية , يمكن إهلا ما خلوا تتحجب أو عندا شي ظرف معين , وما بدا مهر عالي ...

بتاخدا ولا بتدلك عم تدور و ناطر شي واحدة محجبة تفرخ عن جديد ؟؟؟

[أبو رياض القلموني]

هلأ سواء قصدت هادي ولا ديك ولا ديكة.........أنا بأيبل عالمتحجبة الدينة اللي بيركب عألها ععئلي.......في حال ما لئيت......بأيبل عالكاشفة اللي بيركب عألها ععألي.....لأنو هاد معناتو إنها رح تتحجب أبل ما نكتب الكتاب!!!!

كلام جميل , بس ما جاوبت عالسؤال : إذا خدت واحدة منا محجبة ما بتخاف يكون في فتنة للمحجبات؟؟؟ خصوصي إذا سمعو إنو قطر الندى إخد واحدة منا محجبة!!! يا ساتر !!! يمكن نصن يشلحوا الحجاب!!

[أبو رياض القلموني]

قسمة ونصيب، ونو كومنتتس يعني بالمشبرحي هيدا شغل ربّنا و No Comments

صديقي الشبح , فهمنا قسمة ونصيب , دلك آعد ببيتكن , بكرا بتكون فايء من النوم بتلائي جنبك واحدة عالتخت!!بتسألا مين إنتي بتألك أنا مرتك!!
ولك عم نسألك إذا بدك تتزوز عمين بتدور !! شبنا ولو؟

[أبو رياض القلموني]

يعني بصراحه متل ماسبق وقال الاخ الشبح الدنيا اسمي ونصيب

ممكن الشاب المتديت تعجبو وحدي منا محجبه ويتزوجا
ويمكن الشاب الاوبن مايند تعجبو وحده محجبه ويتزوجا ويمكن كان يقول مستحيل أتزوج محجبه وسبحان الله تعالى كان نصيبو إنسان محجبه

والبنت كذلك نفس الشيء

أخيراً وصلنالك يا نارا ,
ولك مينوا اللي مخبرك إنو الشب الملتزم منو أوبن مايند , أوليلي هلأ تروح دعسو...إذا هيكة بيتخيلو البنات اللي منن محجبات , أنا برأيي إنو الدين ما ياخد واحدة منا محجبة!!

[أبو رياض القلموني]

طبعا ما فينا نقول انو لازم الشاب المتدين يتزوج واحدة محجبة,

إذا المحجبات هيك عم يحكو , شبدنا نأول , ولا إنتي تزوجتي وشبدك بغيرك ..

نفس السؤال اللي سألتو لزاهر :ما بتخافي يكون في فتنة للمحجبات؟؟؟

[الشبح]

أخي أبو رياض أنت شو بدك بهالشغلة؟ منك متزوج عأساس؟؟ بعرف غيران عالمصلحة العامة معك حق الله يبارك فيك، انا بدي قول شغلة بهالمناسبة ، عسيرة المهر و النقد يعني، بعرف وحدة مانا محجبة بس مانا ظنطورة يعني، يعني كيف بدي قلك؟؟؟ نصّ عنصّ تزوجت هلأ، بتعرف قديش المهر؟؟؟ مهرها كان "مصحف" أكيد المصحف أغلى منو من المهر و بس أغلى من المهر و العريس و العروس و أهلن كمان بس الفكرة أنو اليوم مين يللي بيقتنع بهالشي؟ انا متأكد أنو إذا بتطلب وحدة اليوم وبتقلها المهر هو مصحف (الغالبية ما الكل) رح تقلك روح ياه شو جاي تضحك عليي؟؟؟ إذا ما هي قالتها أهلها بيقولوها، اليوم في بنات أوعا من أهلهم.
شغلة تانية بحب ضيفها وهي : بتعرف مقابل كل شب بلبنان كم في بنت؟؟؟ (لأ مانو تمانية أكتر بس ما رح قول أديش لأنو فعلا رقم مخيف جدا) المهم الفكرة أنو لازم الأهل يكونو واعيين من هالناحية لأنو إذا ما كانو واعيين رح تضل بنتهم بوجههم كل العمر، بس ما معناتو يعني يروحو يشلحوها مين ما إجاها أكيد لأ، و حلّها بقا إذا فيك تحلّها . هالمناقشة كان لازم تنحط بموضوع حميطون "مين بدو ياخدن" ، أنا ليش عم علّ قلبي بالموضوع الحمدلله خدت و خلصت بس كمان الواحد بينقرص لما بيشوف الغلط........

[Nadine]

يا أخ ابو رياض القلموني انا قصدي يعني ما فينا نفرض على الشاب المتدين ونقولو تزوج واحدة متحجبة . كلمة لازم معناها انو ضروري المتدين ياخد متحجبة . يعني ما فينا نقول انو اللي مانا محجبة يعني ما عندها دين كمان, يمكن تكون اخلاقها ودينها ما في احسن منن , يمكن اهلها ما بخلوها تتحجب , يمكن عندها ظروف.

بعدان يا اخي ابو رياض القلموني ليش حطيت نصف الجملة اللي كتبتها انا حطيت فاصلة بهالجملة ,وصل للنقطة منشان يخلص معنى الجملة, واذا كفيتها بتشوف رأي , هو اكيد من الافضل انها تكون ملتزمة متحجبة.

ومن النصائح اللي عطيتها للشباب المقدمين على الزواج اكيد بتتأكد من رأي بهالموضوع.

اذا حدا من اخوتي بدو يتزوج اكيد بنصحو بالمحجبة الملتزمة, لان انا ضد فكرت انو بنت تتحجب لأن زوجها ألها تتحجب. الله عز وجل امرها تتحجب ومش عم تتحجب تتزوج, تفكير خاطىء!

[أبو رياض القلموني]

بعتذر من الأخت نادين إذا كنت فهمتا غلط أو نأصت من كلاما...

بس ما إنتي ألتي :"وفي بنات مانن متحجبين بس لباسهن محتشم وبيكونو بيقبلو يتحجبو بعد الزواج او بعد الخطبة"

بفهم من كلامك إنك ما بتعارضي إنو الدين ياخد واحدة منا محجبة بس محتشمة ,بس ما جاوبتيني عالسؤال ؟ما بتخافي يكون في فتنة للمحجبات؟

[الزاهر]

يا أخي رح جاوبك....الفتنة.....ما أنا اللي رح سببها.....ولا أنا ومليون غيري.....الفتنة حاصلة......نحنا بآخر الزمن يا زعيم......ومن هلا عدد النسوان اكتر من الرجال.....يعني سواء خدت متحجبة ....ولا غير متحجبة......ولا شو ما كان.....رح تكون فتنة للمتحجبة وللمحجبة (لأن في فرق....وإنا عم احكي عن المتحجبة......فنرجو الانتباه!!!!).......وللسافرة وللمأيزرة للمتحبرة وللعريانة......

أرجو تكون وصلت الفكرة!!!

[دوكر]

يا هلا بالمعلم ابو رياض........
يعطيكي العافية ع الكلام لي عم تحكاي......و لكن هادا السن و الخبرة بتلعب دورا.......هلأ ازا صار فيني هادا الفلم لي حكيتو اكيد ساعتا بشوف واحدة منا متحجبة بس عندا اخلاء و متربية عليون ...و بتزوزا.....و بحجبا ان شاء الله.........

هلأ متل ما ؤلت الست نادين انو ما فينا نفرض ع المتدين يوخد واحدة متحجبة ....بالاخر الزوز منو ع زوءنا.....يعني هوا يمكن تعجبو واحدة منا متحجبة .....هوني الشغلة مفينا نحنا نتحكم فيا .........بس هي النءطة انو المتدين لازم يكون حاطط من الاولويات الحجاب .....متل ما سباء و ؤلتلكن فنا نعتبرو معيار لإلتزام الصبية و اخلاءا ....اكيد بضلو في حالات نادرة طالعة عن هل الءاعدة ...بس بالكا جنارال فنا نؤل انو المتحجبة لازم تكون اخلاءا كتير منيحا........انتا زكرتلنا حالة لي اهلا مانعينا تتحجب .......هادي مسلن تعتبر استثناء...........
و متل ما ؤلت من ابلا ......ازا الدين ماعم يعجبو الا لي منا متحجبة .....و ازاكلن الشباب الدينة صارت هيكا اكيد بدو يكون فيا فتنة و مدخل كبير للشيطان ع الصبايا الدينات........بعدين يا خي زاهر(يا هلا بأطر الندى..) ما فهمت الحكي لي عم تحكاي ......و ازا نحنا بآخر الزمان ؟ ........معناتا طالما منا الفتنة حاصلة و حاصلة بيروحو ساعتا كل الشباب المتدينين بوخدو صبايا منون متحجبات........اكيد الفتنة وءت لي بدا تحصل .....مفينا نرد قضاء ربنا و القدر ......بس بدا تكون من وراي انا و انتا و هاداكا .......و هدوليكا.........لأنا بدنا نكون نحنا بلشنا نبعد عن الفطرة و الطرء المظبوط..............
طالما اساتنا عايشين علينا نسعى يكون مجتمعنا مجتمع صالح.....بدنا نحاول نبني انفسنا ع الاسس المظبوطة.....ع المبادء و القيم......لحنا المبشرين بالجنة كان فيون هو و جا الرسول صلى الله عليه و سلم و ءلون انتو بالجنة ....كان فيون يوعدو و مؤ يعملو شي...............بس دلون يشتغلو.......

حتى فنا نستنبط من كلامك انو نوعد و ننطر المهدي........لأنو ما فينا نصلح......و ما في داعي انو حماس تعمل عمليات ضد اسرائيل......جاية المهدي.....ليش نحنا عارفين ايمتن اخر الزمان.....الرسول صلى الله عليه و سلم ؤل بما معناه .....بعثت انا و الساعة كهاتين......و حط اصبعينو الشريفتين جنب بعضون......و من وءتا لهلأ صار ماريء 1430 سنة تأريبن.....شعرفنا اسا اديش فاي للءيامة........
و بوسة مني لاك يا عمو ابو رياض ع هل الردود الرائعة........
يعطيكن العافية............
اخوكم دوكر المعوكر..............

[الزاهر]

هلأ اللي بيسمعك يا دوكر ما بيؤول هاد قطر الندى مستسلم للدنية ومتخاذل ومن هالأصص؟؟؟؟....هههههههههههههههههه

افهم ما تسمع ولا تسمع ماتريد أن تفهم......ليكها.......معلئا حلئة بإدني....شفتها....شاكلها بادني اليمين.....خلينا عطول
هيك......وبتصير الدنية بتجنن!!!!

المهم.....سماع......ما قصدته انه سواء تزوجنا المتحجبة او المحجبة أو السافرة ......أو لم نتزوج من الأصل.....فستجد الفتاة - سواء المسلمة.....المتحجبة......السافرة....الملحدة....ال كافرة- ستجد نفسها عنست ولم يطلب يدها أحد.....بكل بساطة......ما في شباب كفو!!!.......أنا وباسم أبناء جنسي أطالب بأن نعتبر صنف مهدد بالانقراض وبأن تتم حمايتنا من كل ما يهدد وجودنا ..........هاد المقصود.....إذا حطيناه بقالب هزلي!!!!
فأنا ادعي إنها رح تحس حالها صاحبة حظ قليل.......مو بس المتحجبة....بل كل فتاة....لكن يمكن التأثير الأكبر من الناحية النفسية رح يكون عالملتزمة بدينها ......لأنها ماشية عالصحيح......والمفروض يكون في زوج يعيلها...وهي تشتغل شغلتها اللي ربنا وظفها فيها.....تربيلي ولادي وتعملهم عالم.....أما هاديك اللي سافرة وبتلبس بدلة وآصة شعرها اصير وتارئة عبسة طولها 7 نانو متر ......البزنس وومن......شو سألانة......هي تعيل نفسها.....والزوج ليحفض ويجلي ويهدي الولاد.......فاللي هيك فكرها......ما رح يهمها اذا تزوجت ولا لا........هو أيشو اللي خارب الدنية غير هادول!!!!


ويا ابو رياض رجعلنا الموضوع عالسكة!!!!!

أنا مؤ عندي كلام بهالنقطة........هي فتنة حاصلة لكل فتاة......ولن يزداد الطين بلة إن تزوجت غير المتحجبة.......مع أني أحاول أن اظفر بالمتحجبة.....لا المحجبة.....فهمتو شلون!!!

سلام (اعذرونا...مخي رح يفجر وفكري مشتت)

[دوكر]

يا هلا بالمعلم زاهر......يا هلا بالأطر..............مرسي ع التوضيح...............
و الله يعينك يا خي ...........

[أبو رياض القلموني]

هلأ اللي بيسمعك يا دوكر ما بيؤول هاد قطر الندى مستسلم للدنية ومتخاذل ومن هالأصص؟؟؟؟....هههههههههههههههههه

افهم ما تسمع ولا تسمع ماتريد أن تفهم......ليكها.......معلئا حلئة بإدني....شفتها....شاكلها بادني اليمين.....خلينا عطول
هيك......وبتصير الدنية بتجنن!!!!

المهم.....سماع......ما قصدته انه سواء تزوجنا المتحجبة او المحجبة أو السافرة ......أو لم نتزوج من الأصل.....فستجد الفتاة - سواء المسلمة.....المتحجبة......السافرة....الملحدة....ال كافرة- ستجد نفسها عنست ولم يطلب يدها أحد.....بكل بساطة......ما في شباب كفو!!!.......أنا وباسم أبناء جنسي أطالب بأن نعتبر صنف مهدد بالانقراض وبأن تتم حمايتنا من كل ما يهدد وجودنا ..........هاد المقصود.....إذا حطيناه بقالب هزلي!!!!
فأنا ادعي إنها رح تحس حالها صاحبة حظ قليل.......مو بس المتحجبة....بل كل فتاة....لكن يمكن التأثير الأكبر من الناحية النفسية رح يكون عالملتزمة بدينها ......لأنها ماشية عالصحيح......والمفروض يكون في زوج يعيلها...وهي تشتغل شغلتها اللي ربنا وظفها فيها.....تربيلي ولادي وتعملهم عالم.....أما هاديك اللي سافرة وبتلبس بدلة وآصة شعرها اصير وتارئة عبسة طولها 7 نانو متر ......البزنس وومن......شو سألانة......هي تعيل نفسها.....والزوج ليحفض ويجلي ويهدي الولاد.......فاللي هيك فكرها......ما رح يهمها اذا تزوجت ولا لا........هو أيشو اللي خارب الدنية غير هادول!!!!


ويا ابو رياض رجعلنا الموضوع عالسكة!!!!!

أنا مؤ عندي كلام بهالنقطة........هي فتنة حاصلة لكل فتاة......ولن يزداد الطين بلة إن تزوجت غير المتحجبة.......مع أني أحاول أن اظفر بالمتحجبة.....لا المحجبة.....فهمتو شلون!!!

سلام (اعذرونا...مخي رح يفجر وفكري مشتت)

أول شي هادي بوسة لدوكر وقطر الندى ..بس لوتكن لبنة..لأني عم إتعشا وتمي ملوت لبنة

يمكن كلام زاهر مزبوط إنو في فتنة لكل البنات بهالإيام ..بس من واجب الشباب المسلم إنو يهتموا بأخواتن بهالمحنة اللي عم يمرأوا فيا ..فالأولوية متل ما ألتو هية للبنت المتحجبة (وليس المحجبة) ...ومن ناحية تانية لازم البنات المسلمات يحسوا مع إخوانن ..اللي أول شي بفكرو فين ..ما يشوفو بحالن علين ..سمعتي يا أم رياض ..ولك جنسنا مهدد بالإنقراض ...وبتمنا إنو يتغير شوية هالفكر الللي براس بنات ضيعتنا ..ليش ما بيرضو إنو الرجال يتزوج أكتر من واحدة ..زغرتا تحتى ما تشوفا أم رياض..ولك هنا ما بفكرو برفئاتن اللي بدن يعنسو ..ما بيزعلو علين؟؟..

يمكن شطحنا شوية عن الموضوع ...يالله بنرجع بنكمل موضوعنا سون ..خلونا نكفي هاللبنات..


العم أبو رياض

[دوكر]

با هلا بالمعلم ابو رياض.......
صحتين.......ألف صحة و عافية................
و انا معك انو مبدك تتطلع عن الموضوع و كمان معك بالفكرة لي طرحتا بالزغير..........
يعطيك العافية.........

[سارية الجبل]

بسم الله والصلاة والسلام على قائد الغر المحجلين سيدنا محمد وعلى آله وصحبه الأخيار ـــــ المؤكد أنه من الأفضل أن يأخذ الشاب فتاة محجبة ولكن أليس المستغرب أن الفتيات المحجبات متطلبات فوق العادة وهذا ما يدفع الشاب إلى الزواج من فتاة محتشمة بلباسها وغير محجبة ويعتقد أنه بذلك يكسب أجر تحجيبها ــــ فما هو رد الأخوات

[همسة]

طبعا , على الشاب الملتزم ان يتزوج من فتاة ملتزمة بشرع الله .. و الحجاب هو من ضمن ما امرها الله عز و جل به .. و على الشاب ان يضع معايير و اولويات لاختيار زوجته و اولها فاظفر بذات الدين .. و من كانت ذات دين لا بد ان تجد فيها الخلق و الاستقامة و الحجاب و المحافظة على الفروض و.. و.. و .. يعني ليس الدين حجابا فقط..

و طبعا , ان تزوج الشاب من غير ملتزمة فيه فتنة على الفتاة المحجبة .. الا يكفي انها تركت الزينة لتنال مرضاة الله .. فهل تعاقب بان لا يرغبها من هي اصلا لا ترضى بسواه؟.. و اقصد الشاب الملتزم .. هل اذا كنا في عصر فتن , هل نزيد "الطين بلة" ؟.. نعم الفتن في كل مكان حولنا , و لكن اليس من واجبنا كملسمين ان نحاول قدر الامكان ان نصلح؟.. هل اذا اعرض عنها الملتزم الن ترضى حينها بمن هو غير ملتزم و قد يفتنها في دينها ؟..

و بالنسبة للجملة المضحكة " انكم في انقراض" فهذا صحيح تماما .. و الارقام مخيفة .. و معدل العنوسة في ازدياد( و طبعا تعدد الزوجات هو الحل لنعف نساء الامة ) و حتى لو تساوى عدد النساء و الرجال في العالم فيبقى عدد الرجال القادرين على الزواج اقل من عدد النساء ( بسبب الامراض و الضعف المنتشر) في حين ان كل امراة قادرة على الزواج .. و بالتالي لا يكون لكل رجل قادر على الزواج امرأة واحدة !!...

و بالنسبة للمهر .. نعم معكم حق اخواني .. قد ترتفع المهور في بعض الاحيان .. و لكن و الحمد لله الفتيات الان و خاصة ان كانت صاحبة دين لا تفكر بهذه الطريقة .. فهي تدرك تماما ان اكثرهن بركة اقلهن مهرا .. و على كل فتاة ان تفكر في اخيها و تعامل هذا الشاب من هذا المنطلق .. ما الذي احبه لاخي ..
و ان كان اهلها هم السبب في غلاء المهر فيمكن حينها ان كانت فعلا كما تتمنى ان تتزوجها .. و يمكن لكما بعد الزواج ان تغيرا المهر عند القاضي ..

هذا باختصار..

[مصطفى معتوق]

و بالنسبة للجملة المضحكة " انكم في انقراض" فهذا صحيح تماما .. و الارقام مخيفة .. و معدل العنوسة في ازدياد( و طبعا تعدد الزوجات هو الحل لنعف نساء الامة ) و حتى لو تساوى عدد النساء و الرجال في العالم فيبقى عدد الرجال القادرين على الزواج اقل من عدد النساء ( بسبب الامراض و الضعف المنتشر) في حين ان كل امراة قادرة على الزواج .. و بالتالي لا يكون لكل رجل قادر على الزواج امرأة واحدة !!...
.

يـــــــــــــــــا شباب يا رجال ولك شو هالحكي بهدلتنا .....................

يا هوووووووووووووووووووووووووووووووووووووو

ولك حدن يحكي كلمة !!!!!!!!!!!!!!!!!!!!!!!!!!

[همسة]

هذا الكلام اخي ليس من عندي , هذه ابحاث و احصائيات .. انا فقط استعملته كمثل لاقول حتى لو تساوى عدد الاناث و الذكور فان ضرورة التعدد تبقى قائمة .. فكيف ان كان عدد الرجال اصلا اقل بكثير من عدد الاناث؟..

[الريس]

أنا هلأ اتأكدت انو همسة هي ذكر ، لأنو ما بصير يكون ف رجال بلدنيا بيحكي هالحكي

[همسة]

اضحكتني .. و الله انا اخت .. فان شئت صدق و ان شئت لا تصدق ..

[Nadine]

أنا هلأ اتأكدت انو همسة هي ذكر ، لأنو ما بصير يكون ف رجال بلدنيا بيحكي هالحكي

انا كنت عم قول بقلبي نفس الحكي, او مانا متزوجة.

[أبو رياض القلموني]

طبعا , على الشاب الملتزم ان يتزوج من فتاة ملتزمة بشرع الله .. و الحجاب هو من ضمن ما امرها الله عز و جل به .. و على الشاب ان يضع معايير و اولويات لاختيار زوجته و اولها فاظفر بذات الدين .. و من كانت ذات دين لا بد ان تجد فيها الخلق و الاستقامة و الحجاب و المحافظة على الفروض و.. و.. و .. يعني ليس الدين حجابا فقط..

و طبعا , ان تزوج الشاب من غير ملتزمة فيه فتنة على الفتاة المحجبة .. الا يكفي انها تركت الزينة لتنال مرضاة الله .. فهل تعاقب بان لا يرغبها من هي اصلا لا ترضى بسواه؟.. و اقصد الشاب الملتزم .. هل اذا كنا في عصر فتن , هل نزيد "الطين بلة" ؟.. نعم الفتن في كل مكان حولنا , و لكن اليس من واجبنا كملسمين ان نحاول قدر الامكان ان نصلح؟.. هل اذا اعرض عنها الملتزم الن ترضى حينها بمن هو غير ملتزم و قد يفتنها في دينها ؟..

و بالنسبة للجملة المضحكة " انكم في انقراض" فهذا صحيح تماما .. و الارقام مخيفة .. و معدل العنوسة في ازدياد( و طبعا تعدد الزوجات هو الحل لنعف نساء الامة ) و حتى لو تساوى عدد النساء و الرجال في العالم فيبقى عدد الرجال القادرين على الزواج اقل من عدد النساء ( بسبب الامراض و الضعف المنتشر) في حين ان كل امراة قادرة على الزواج .. و بالتالي لا يكون لكل رجل قادر على الزواج امرأة واحدة !!...

و بالنسبة للمهر .. نعم معكم حق اخواني .. قد ترتفع المهور في بعض الاحيان .. و لكن و الحمد لله الفتيات الان و خاصة ان كانت صاحبة دين لا تفكر بهذه الطريقة .. فهي تدرك تماما ان اكثرهن بركة اقلهن مهرا .. و على كل فتاة ان تفكر في اخيها و تعامل هذا الشاب من هذا المنطلق .. ما الذي احبه لاخي ..
و ان كان اهلها هم السبب في غلاء المهر فيمكن حينها ان كانت فعلا كما تتمنى ان تتزوجها .. و يمكن لكما بعد الزواج ان تغيرا المهر عند القاضي ..

هذا باختصار..

والله يا ست همسة , أنا شايف إنو الحأ عالنسوان ..
مانك شايف كل هالشباب كيف عم يشكو وينعو منكن .. يعني أنا صرت شايف كذا شب بدن يخطبو و كتير عم يعانو من بنات ضيعتنا خصوصي المحجبات ..مني عارف كيف عم يفكرو هالبنات .. يمكن مفكرين إنو كلن رح يجين عرسان متل أبو رياض !؟!؟!

بعدين شي هالحكي اللي عم تحكي !! شبابنا أبضايات ومنن متل الشباب ببلاد برا (حذفت)..يعني الواحد منن في يتزوج أربعة برياحة ..
أنا ما خصني بهالموضوع (خليني نام اليوم بالبيت )..

[أبو رياض القلموني]

أكيد لازم يخد محجبة ، بس هل محجبة من هية وصغيرة أو قبل ما تكتب الكتاب بنص ساعة اتحجبت ؟؟؟؟؟؟؟


أنا من ناحيتي لا أقف عند حدود الحجاب ، بل أتطلع إلى أخلاق الفتاة وفكرها وجمالها.
....

والله يا وسيم منك أليّل ...كنا مفكرينك من المشايخ ..

[X-Man]

بل الحجاب ضروري ومن الثوابت يلي ما لازم يتنازل عنها حدا

طيّب أخ وسيم وبهالحالة اللي مانون محجبات وهنّة الأكتريّة ، عأولة حميطون مين بدو ياخدن؟ مدّ إيدك أنت ويّاه فأسوا الكم كلمة يللي ملونين بالأورانج شوفو موضوع الصبي

[kalamoun_28]

أخي الكريم أبو رياض, السؤال اذا كان بهذه البساطة "هل لازم الشب الدين ياخد واحدة محجبة ؟؟؟" ..... جوابي بسيط أيضا وهو "كلاّ, مش لازم".

أمّا اذا دخلنا بالتفاصيل وكلّ قصة زواج لها ظروفها (خصوصا في القلمون, 90 % من الزواج يتّم عبر تدبير أهل, آخر شيء يؤخذ في الاعتبار هو رأي العريس والعروس ... ممّا يعني أن سؤالك هل هو موّجه الى الاهل أو العريس؟), فذلك حديث آخر, ولكلّ حادث حديث.

سلامات, نزيه خداّج ملاّط

[ابو يزن]

السلام عليكم، فعلا إخوتي الكرام موضوع مهم ولكن أرى أن ذلك يختلف من محجبة لمحجبة أصلا فكيف من محجبة لغير محجبة؟ والحجاب هو مطلب أساسي ولكن بعض الأحيان نرى الكثير من غير المحجبات أفضل بكثير من كثير من محجبات وطبعا من دون ما نسمّي

[أبو رياض القلموني]

طيّب أخ وسيم وبهالحالة اللي مانون محجبات وهنّة الأكتريّة ، عأولة حميطون مين بدو ياخدن؟ مدّ إيدك أنت ويّاه فأسوا الكم كلمة يللي ملونين بالأورانج شوفو موضوع الصبي

ولك يا إكس مان .. إنتا ليش عتلان همن ..ريتو لعمرو لحدا ياخدن ..
يعني إذا واحدة منا محجبة و مزنطرة وماشية بالشارع عم تتمزرط ومبينة (حذفت)...آآ ما بتستاهل حدا يطلع فيا ...
آآآآآآآآآآآآه .... رزألله عإيام زمان ...كانت الواحدة إذا لبست بنطلون نهريلا إجريا بضروب السلو بلو ...

[أبو رياض القلموني]

أخي الكريم أبو رياض, السؤال اذا كان بهذه البساطة "هل لازم الشب الدين ياخد واحدة محجبة ؟؟؟" ..... جوابي بسيط أيضا وهو "كلاّ, مش لازم".

أمّا اذا دخلنا بالتفاصيل وكلّ قصة زواج لها ظروفها (خصوصا في القلمون, 90 % من الزواج يتّم عبر تدبير أهل, آخر شيء يؤخذ في الاعتبار هو رأي العريس والعروس ... ممّا يعني أن سؤالك هل هو موّجه الى الاهل أو العريس؟), فذلك حديث آخر, ولكلّ حادث حديث.

سلامات, نزيه خداّج ملاّط

والله يا أخي نزيه شكلك عم تحضر باب الحارة كتير ...
ولك بهالإيام الشباب صار عندن كل واحد ليستا بأسماء البنات .. بكون عارف كل شي عن بنات الضيعة ... إذا بدو يخطب بنت بكون عارف عنا أكتر من إهلا ...بعدين بيحكي مع البنت أبل ما حدا من الأهل يعرف ...
بألك بركا البنت ما بدا ياني ..ليش تفوت بكل هالمعمعة ...
وبس يخطب بأول لأهلو والله خطبنا هالبنت شرأيكن فيا ..
إلا بعض الشباب ممن رحم ربي .. وياللي ما بيطلعو كتير عالضيعة ..هادا بكون منو شايف شعرة .. بألا لأمو شوفيلتا شي بنت نستر حالنا معا...
بس يالنسبة للشباب الدينين .... ما تخاف علين ... مفي بنت محجة إلا ناكشينا نكش ...

[kalamoun_28]

"بس يالنسبة للشباب الدينين .... ما تخاف علين ... مفي بنت محجة إلا ناكشينا نكش ..."

[أبو الحسين]

و الله بي هل ايام في مش محجبين أحسن بكتير من المحجبين مع انهن قلال بس موجودين يعني الواحد ما لازم يقول خلص هادي محجبة
و يغمض عني و ياخدا لأ ما هيك و في الشب ياخد واحدة مش محجبة
و يحجبها و تصير أحسن من كتير محجبين

[مايا]

انا بقول انو الواحد لازم ياخد وحدة محجبة بس تكون محجبة عن جد و يكون عندا اخلاق و دين و يكونوا متفقين
و بالنهاية ما في حدا كامل والله يرزق كل واحد على ادد نيو

[دوكر]

يا هلا بالست مايا......
اها ....هادا الكلام ......كلام مختصر و مفيد......
كلام مدوزن مية بالمية .........
كلامك بتندرج تحتو كتير من المفاهيم لي اختفت بأيامنا ......حجاب عن جد....كتير مهمة هل الكلمة .....
و يكونو متفقين هادي كمان مهمة ........
يعطيكي العافية ......
اخوكم دوكر المعوكر......

[The Angel]

أنا بقول انو الشب الملتزم ما ضروري ياخد بنت محجبة , لأن أكيد منو كل المحجبات بهل ايام متحجبين صح ... و الحجاب أكيد مهم , بس المهم أكتر انو يلي حاتطو تعرف ليش , منو بس شكل ..
و الشب لازم يأيبل على بنت منيحة , و نفسيتة حلوى , و أكيد محترمة ,لأن اذا أخد هيك بنت , أكيد بعدان بتتحجب ...
و بهل ايام عنجد انو في كتير بنات مش محجبات و بكونو أحسن بكتير من المحجبات ... سلام...

[яiиda]

"بس يالنسبة للشباب الدينين .... ما تخاف علين ... مفي بنت محجة إلا ناكشينا نكش ..."

walla ma3ak ha2 bi kalamek ya akh(nazih mallat) la2anna hedi hiyeh el heleh bi hedi el 2iyam bass chou 3arrafek???!!.salam

[яiиda]

انا بقول انو الواحد لازم ياخد وحدة محجبة بس تكون محجبة عن جد و يكون عندا اخلاق و دين و يكونوا متفقين
و بالنهاية ما في حدا كامل والله يرزق كل واحد على ادد نيو

wallah kamen enti ma3ek ha2 ya okht (maya)la2nnou el wehed iza ekhed bent ma kenet mhajbeh ye3ni bi koun kol l3elem chefouwa bass ahla wou ahsan ennou tkoun mkhabiyeh elou wou bass.salam

[أمّ البراء]

طبيعي انّو الشّب المتديّن ما رح تلفتلو نظرو بنت مانا متديّنة!
أنا صراحة ضدّ انّو الشّاب أو البنت يبرّمو عا حدا مانو متديّن بحجّة انن بيهدو بعدين! الا بحالات متل اذا انفرض ع هالشّخصين يكونو لبعض أو ما شابه ...ساعتا بيقول الشّبّ أو الببنت أمري للّه! وبحاول عدّل بالطّرف الىخر!! لأنّو هيدي شراكة حياة ...ومين بيعرف يمكن الشّخص مايهتدي! والاولاد والاسرة شو بيصير فين؟
وبالرّغم من هيدا كلّو بعتقد انّو لازم الانسان مايتسرّع بقرار من هالنّوع بالعكس...ياخد وقتوويفكّر منيح..وأهمّ شي ما ينسى انّو الاستخارة الا دور بالغ الأهمّيّة بهالمرحلي!

[أبو رياض القلموني]

walla ma3ak ha2 bi kalamek ya akh(nazih mallat) la2anna hedi hiyeh el heleh bi hedi el 2iyam bass chou 3arrafek???!!.salam

ولك يا دوموازيل ريندا شي هالحكي هاد , ليش آخدة هالفكرة عن الدينين !!!
صحيح إني أنا كتبت الجملة ... بس ما كان أصدي متل ما فهمتي ... كان أصدي إنو الدينين اللي بدن يخطبو بيبحبشو كتير .. وأكيد هادا من حأن ... يعني إذا الشب بدو يخطب شبيعمل يعني !!! بودي أمو تخطبلو عالعمياني متل بباب الحارة !!!
مبعرف شبدي أول .. بس شكلكن ناطرين بالنطرة تحتى حدا يحكي عن الدينين ...
الله يعين ...

[أبو رياض القلموني]

أنا بقول انو الشب الملتزم ما ضروري ياخد بنت محجبة , لأن أكيد منو كل المحجبات بهل ايام متحجبين صح ... و الحجاب أكيد مهم , بس المهم أكتر انو يلي حاتطو تعرف ليش , منو بس شكل ..
و الشب لازم يأيبل على بنت منيحة , و نفسيتة حلوى , و أكيد محترمة ,لأن اذا أخد هيك بنت , أكيد بعدان بتتحجب ...
و بهل ايام عنجد انو في كتير بنات مش محجبات و بكونو أحسن بكتير من المحجبات ... سلام...

ههههههههههههههههه
والله زعلتيني يا إنجل .... ما بعرف ليش أنا وعم أءرى مشاركتك حسيت كأنك عم تشكيلنا همومك...
حسيت كأنك عم تأوليلنا إنك منيحة و شطّورة و نفسيتك حلوة و محترمة, وكمان مستعدة تتحجبي بعدان ....ههههههههههه
ما بعرف ليش هيكا تهيألي ...
بس نصيحتي .. تحجبي هلأ و انشالله بجيكي أحلى عريس ...
بعدين شي هالشعار هاد ," ليس من الصعب أن تضحي من أجل شخص , و لكن من الصعب أن تجد شخصا ًيستحق التضحية .."

الله يعينك , يالله انشالله بتلائي الشخص اللي بيستحيء التضحية عن أريب ... وما تفزعي في كتير ...

[яiиda]

ولك يا دوموازيل ريندا شي هالحكي هاد , !!!
صحيح إني أنا كتبت الجملة ... بس ما كان أصدي متل ما فهمتي ... كان أصدي إنو الدينين اللي بدن يخطبو بيبحبشو كتير .. وأكيد هادا من حأن ... يعني إذا الشب بدو يخطب شبيعمل يعني !!! بودي أمو تخطبلو عالعمياني متل بباب الحارة !!!
مبعرف شبدي أول .. بس شكلكن ناطرين بالنطرة تحتى حدا يحكي عن الدينين ...
الله يعين ...

آوالله صحيح, الله يعين..... كمان هادا سؤال(ليش آخدة هالفكرة عن الدينين)؟؟؟ مين الشيخ 2؟؟ شو شكلو عجبك ردّو(
الشب لازم يدور عالبنت اللي بيركب عألا ععألو , إمنا منا محجبة بس بترضا تتحجب... )هيدا مش حكي (يركب عألا على عألو) المهمّ تكون مستّرة ومتممة قواعد الاسلام....
بعدين ازا الدّينين اخدوا بنات غير محجّبات لمين تاركين المحجبات؟؟؟؟ بعدين ليش هلأد محرور؟؟؟ وهيدي هيّة الحال بالضّيعة وفي كتير امثلة بسّ بلا ما اذكرن انا ..الكلّ بيعرفن

[HARD]

بعدين ليش هلأد محرور؟؟؟ وهيدي هيّة الحال بالضّيعة وفي كتير امثلة بسّ بلا ما اذكرن انا ..الكلّ بيعرفن

ما هو المقصود من هذا كلام ?

[أيمن غ القلموني]

بعدين ازا الدّينين اخدوا بنات غير محجّبات لمين تاركين المحجبات؟؟؟؟

مو حكي منطق هذا
هذا حكي عواطف.

[wassim.h]

سلام, يعطيكم العافية....
بدّي إسأل بس فهموني مظبوط الله يرضى عليكم......
.....هنه البنات نوعين يعني....؟؟؟؟!!!!!!
البنت المتحجبه والبنت المانا متحجبه؟؟؟!!!
أكيد لأ!!!!!! لأن هيدي نظرة محدودة للبنت...
1-في البنت المتحجبه عن جد و عندا اخلاق و دين كتير والله يكتّر منّون
2-في البنت الي مانا متحجبه بس عندا من الأخلاق والدين كتير وعنده نيّة الحجاب(بس أكيد كلّو بدّو وقت)
3-في البنت الي مانا متحجبه بس عندا من الأخلاق وحسن النيّة والتهذيب كتير (وكمان عندا ظروف بتلهيا عن الحجاب ....يمكن الأهل او الرفقا أو.....)...
4-وفي....
.
.
.
.
x-وفي البنت المانا متحجبه وما لها علاقة بشي من الدين والأخلاق وما شابه...

من ناحية الشيخ 1 : هلّأ رقم 2 و 3 مالازم الشب الدين يطّلع فيون؟؟؟؟ ....وإذا الشب الدين طلّع فيون رح تكون فتنة للمحجبات؟؟؟!!!!,,,,
هيدا حكي منو من المنطق......ليش البنت المحجبه ما تحجبت منشان ربنا وإيماناً في؟؟؟؟
هالإيمان وإعتمادى عالله كلّو رح يروح لأن فئه من الشباب الدينين طلّعو برقم 2 و3 ,مع العلم إنو 2 و3 مابيفرءو كتير عن البنت المحجبة بس إنو البنت المحجبة ظروفا أحسن(الله يحسّن ظروف البنات كلّا),,,,,,,,
يعني بلا ما ينبصتولن ويؤولو آ والله هيدال أوادم والحمدلله طلعلون شّب آدمي وديّن يساعدو عالهداية....
ومن ناحية الشيخ 2 : حكيو بيكون أبل كلّ شي


.
.
الشي الغريب والفتنه إنو الشب الديّن يطلّع ببنت من النوع الأخير ... و هيدا بستغرب يكون ديّن....
الله يكتّر من شبابنا الدينين...

[أبو رياض القلموني]

آوالله صحيح, الله يعين..... كمان هادا سؤال(ليش آخدة هالفكرة عن الدينين)؟؟؟ مين الشيخ 2؟؟ شو شكلو عجبك ردّو(الشب لازم يدور عالبنت اللي بيركب عألا ععألو , إمنا منا محجبة بس بترضا تتحجب... )هيدا مش حكي (يركب عألا على عألو) المهمّ تكون مستّرة ومتممة قواعد الاسلام....
بعدين ازا الدّينين اخدوا بنات غير محجّبات لمين تاركين المحجبات؟؟؟؟ بعدين ليش هلأد محرور؟؟؟ وهيدي هيّة الحال بالضّيعة وفي كتير امثلة بسّ بلا ما اذكرن انا ..الكلّ بيعرفن

آوالله صحيح, الله يعين..... كمان هادا سؤال(ليش آخدة هالفكرة عن الدينين)؟؟؟ مين الشيخ 2؟؟ شو شكلو عجبك ردّو(الشب لازم يدور عالبنت اللي بيركب عألا ععألو , إمنا منا محجبة بس بترضا تتحجب... )هيدا مش حكي (يركب عألا على عألو) المهمّ تكون مستّرة ومتممة قواعد الاسلام....



ليش تحتى ما يعجبني !!
بعدين مني فاهم ...إنو إذا الواحد دين رح تكون البنت اللي بيركي عألا ععألو كل تفكيرا بالمنكيييييييييير و البوووودرة و التياب!! ...
أكيد رح تكون راكزة و بتصلي و محترمة .. وشطّورة و مستعدة تتحجب بعدين متل أختنا إنجل...
وين المشكلة إنو ياخدا ويحجبا !!! مني شايف مشكلة , خصوصاً إنو عنا بالضيعة ... صارت البنات عم تخطب عالخمسطعش و السطّعش ... بتكون إساتا زغيرة و بتتحجب ...




بعدين ازا الدّينين اخدوا بنات غير محجّبات لمين تاركين المحجبات؟؟؟؟ بعدين ليش هلأد محرور؟؟؟ وهيدي هيّة الحال بالضّيعة وفي كتير امثلة بسّ بلا ما اذكرن انا ..الكلّ بيعرفن


أول شغلة مني محرور , أنا مي فرآنة معي , أم رياض يرضا عليا مكفية و موفية ...
والله إذا المحجبات ما حدا عم ياخدن فالمشكلة بتكون منن , منو من الشباب , ...
بعدين أنا بعرف بالضيعة كتير بنات ما كانوا محجبات , تزوجو و تحجبو و أحنّا عايشين متل السمنة عالعسل هنا و أزواجن ...
وبالنهاية بحب ألك إنو إذا شفتي شب من الشباب عمل شغلة مي منيحة منو معناتة إنو كل الدينين صارو منن مناح ...

[яiиda]

والله إذا المحجبات ما حدا عم ياخدن فالمشكلة بتكون منن , منو من الشباب , ...


لأ يا خيي مش منّن ............وازا انتة عم تفكّر هيك والكلّ عم يقرأ مشاركتك هيدي فبيعيدو الصّبايا بيقولو : ليشّ حتّى نتحجّب خلّينا لمّن نخطب منتحجّب خلّي الكلّ يشوفنا ولأنّو ازا تحجّبنا مابيعيد حدن بيتطلّع فينا و منعنّس .........................
ففهمت شو ازدي ولا اسّن ......اوفّ....