التستر أم فضح الخاطب\المخطوبة امام الطرف الآخر قبل طلب اليد رسميا؟

[ملاك]

sorry بس أنا بصراحة حاسس انو زايدين القصة كتير ، انو شو فيها اذا البنت نسيت اتحط على راسها أحيان ، يعني الشب عم يشوف البنات على البحار لابسين مايوهات وبالدعايات على الطرقات وبالمحلات ووين مكان عم يشوف بنات ، فليش عم تحكوا متل كأنوا اذا شاف شعرها رح تخرب الدنيا كلها ولك مين عم يطلع على الشعر بقا

فكروا منيح قبل ما تخربوا بيت البنت وتنزعوا صيطها ، ومتل ما هي بتغلط كمان الشب بغلط ، وطالما انو بحبوا بعضهم كل شي بينحل هنة بيتفاهموا مع بعض ووبظبطوا أمورهم ، وفي شغلة لازم تفهموها انو ما فيك تقلوا للشب حب هيدي البنت لأنها آدمية ، وما تحب هيدي ، ولك كل العالم خير وبركة والحب مش بالإيد ، فما تزايدوا على حدا بالأوادمية

أوكي ؟؟؟؟

أهلا أبو الليل ومشكور على الرد. نحنا منا عم نحكي عن الحجاب نفسه او عن النسيان.. عم نحكي عن الخداع والغش. يعني البنت ما نسيت وإنما قامت بخلع الحجاب أمام أحدهم قصدا. بعدين يا أخي ما في لا حب ولا ما يحزنون, الشاب بحياتو ما حكا مع البنت بس سامع عن أهلها انن مناح. لو كانو بحبو بعض ما كنت كتبت الموضوع من أصله. أكيد الشب بيغلط متل البنت والله غفور رحيم ونحنا ما عم نزايد بالأوادمية.
وحتى بسطلك الموضوع, رح نعمل فرضية : تخيل إنت أبو اليل انك سمعت عن بنت حلوة وغنوجة وانو ما في غنية قديمة ولا جديدة إلا وحافظتها, فام انت فرحت ورحت تزوجتها وبعدين اكتشفت انو البنت دينة وبدا تتحجب وما بتسمع أغاني ولا بتسمح فيها,, ما رح تحس انك مخدوع لأنه طلعت مرتك دينه؟؟

وهون نفس الشي, الشاب دين وعم يبحث عن بنت دينة متلو,, بنخليه مخدوع ولا بنفتحلو عينيه؟