وأنت.... كيف تُعبّر؟؟؟؟؟

[الزاهر]

سؤال محير.............


صراحة بالنسبة لي.........أسلوبي الصراحة.........والوضوح...........

لكن للأسف.........في ناس بتفهم على ذوئها..........بتألو السما زرقاء.........بيألك يا عيب الشوم عليك........ليش عم تسب الرئيس؟؟؟

بالنسبة لتعبير...........التعبير هو على عدة اشكال............التعبير بالكلمات.........بالحركات........بالأشكال.......با لأصوات........بكتير شغلات.............

ولتئدر توصل الفكرة للشخص.......وبأفضل طريقة........بدك تحاول توصلها من أكبر عدد قنوات ممكن.........وبأفضل طريقة من كل قناة على حدة!!!

خدو مثل لنشوف............كم مرة كنت عم تحكي صديق عالمسنجر وبيفهم الجملة غلط..........أو على نحو آخر؟؟.........ليش؟؟؟........لأن ما شافك أنك عم تبتسم وتلوء تمك!!............كم مرة كتبت جملة بالمنتدى مثلا وفات فلان الفلاني فهمها على ذوقو..........

طيب شو السبب.؟؟؟...........السبب إنو هالزلمة يمكن ما يكون بيعرفك...........يمكن إنت أصرت بالتعبير عن الفكرة..........يمكن ما فهم كود الألوان اللي استخدمتها..........يمكن ما فهم الحركة اللي عملتها بحاجبك..........يمكن إنت استخدمت حركة هو بيفهمها غير شكل!!!!!


طيب.......كمان من جهة تانية......في ناس بكل فقرة بتحكي 7 أفكار.......بكل فكرة بتستطرد إلى 7 أفكار........بكل استطراد بتحط 7 ملاحظات!!!!............وإنت وماشي.............طيب شو السبب (هاد متل حضرة جنابي يعني!!!......ههههههه)............السبب إنو هاد ممكن يكون طبع الانسان.........فهاد بعض الأحيان يؤدي إلى إنو المرسل إليه ما توصلو الرسالة بالشكل المناسب.........ولازم الواحد يحط خطة للموضوع براسو أبل ما يبلش يحكي.........


كمان........أصة التعبير منها بالفطرة بتجي إنو الواحد بيكون آدر يوصل الفكرة صح..........هادي بتجي نتيجة تراكم خبرات على مدى حياة الشخص.......وبتجي نتيجة ثقافة وبيئة مناسبة لهالأمر.........فإن كان الولد من هو وعمرو كم سنة أبوه ما بيخليه يكفي جملة عبعضها بلا ما يآطعو بمسبة بين كل عبارة واللي بعدها..........فهاد الولد ما رح يطلع بيعرف يكفي موضوع لآخرو........وبالتالي ما رح يأدر يوصل للهدف اللي بيكون راسمو!!!!............وفي أمثلة كثيرة في هذا المجال!!!!

كما إنو الواحد مننا من واجبو إنو يحسن أسلوبو التعبيري ........يعني يا زلمة حكيت جملة ما فهمها الزلمة........رجاع عيدها بصياغة تانية........ما مشي الحال فتش (أيبل ....منشان ما تزعلو!!) شو السبب اللي فيك اللي خلا الفكرة ما توصل........هل أنا كنت معصب........هل استخدمت مصطلحات ما بيفهمها الزلمة.......هل استخدمت مفاهيم غريبة عليه؟؟؟.........شو السبب.........دور (أيبل منشان ما تزعلو!!!)..............شو هو السبب اللي فيك اللي خلا هالحاجز بينك وبينو!!!

كمان يمكن يكون هالزلمة عندو تصور مسبق عني عم يردعو من الفهم الصحيح للي عم احكيه!!!

وكمان ممكن يكون أنا اللي عم حاول عبر عنو غلط........أو الطريق اللي عم اتبعو غلط.........بمعنى إنو هالشي ما يعبر عنه بالكلمات.........بل بالأفعال.......وأنا جاية عم احكي........أو العكس........أو بقية الحالات المتوفرة!!

هاد بشكل عام..........ويمكن كان معظم كلامي عم اتوجه فيه للعلاقات الشخصية.....(شخصين يعني)........بس هاد كمان ينطبق على الجماعات فيما بينها..........الجماعة وعامة الناس ...........والناس مع الجماعات أيضا!!!........لكن ببعض الحالات يحصل بعض من التخصيص أكتر!!

وكملاحظة يعني........راجعو موضوع "كتاب قرأته!!".........حاطط فيه أنا بأولو ملخص (والكتاب بالمرفقات) عن كتاب جميل جدا يساعد المرء في التحسين من أسلوبه التعبيري في علاقاته مع الناس......وذلك من خلال التنبيه لبعض الأمور الخاطئة اللتي تحدث في الحوارات وووو!!!)


والسلام عليكم

[دوكر]

يا هلا بالمعم أطر.......
هادي أخر مرة .......اسا مرة تعمل فيني هيكا حاجز و نازل شوف شغلي معك.......ههههههههه.....(انتبه ع الدحكة هوني .....يعني عم أمزح......).....يا معلم بجي بؤرا موضوع........بشارك فاي .....بروح ؤم بجيني أفكار بجي بدي اكتبا.....بلاءيك كاتبا.......انو هادا شغل؟........بدك تلاءيلي حل.........
كلام مدوزن مية بالمية ....ما خليتلي شي........
يعطيكن العافية.......
اخوكم دوكر المعوكر......