أخبار القلمون [2008]

**nana** · 27-01-2008, 09:06 AM

المشاركة الأصلية كتبت بواسطة Al Mozneb

يا ريت من يللي عرف أني مني نازل كان يرجع و ينفي مو مازن و نارا

ههههههههه منعتذر نسيت انفي إنك منك جاي

**ام السعد** · 27-01-2008, 12:28 PM

انتقلت الى رحمة الله تعالى الشابه امل عبد اللطيف البغدادي
ان لله وان اليه لراجعون

**dania** · 27-01-2008, 12:52 PM

الله يرحما

مين امل عبد اللطيف بغدادي ؟؟

ممكن حدا يقلي بس عشان اعرف .....

**shiireen** · 27-01-2008, 01:32 PM

أمل عبد اللطيف البغدادي هي بنت المعلمه الفاضله معلمة الرياضه في مدرسة البنات من آل صهيون و منزلها يقع امام المسجد الغربي و عمرها تقريباً في الثلاثينات و قد كانت امل تعمل ممرضه في مستشفى المظلوم و عندها اخت اسمها جنّار على ما اعتقد و سيجري الدفن بعد صلاة العصر حسب المعلومات
اللهم تغمدها برحمتك الواسعه و ادخلها في جنّاتك جنّات النعيم و اغفر لها
آمين

**فشلان** · 27-01-2008, 01:42 PM

وشو سبب الموت الله يعافينا؟؟؟ لأن الظاهر البنت زغيرة نسبيا وإن كان الموت ما عندو زغير وكبير...

على كل حال هي كمان بتكون أخت مرتو لسفيان الخباز؟؟؟؟ وهل هي يلي بتركب سيارة زغيرة قديمة؟؟؟

يعني رجاء اشرحولنا أكتر

**shiireen** · 27-01-2008, 01:48 PM

لا اعرف معلومات اكثر و لكن علمت ان امل رحمها الله كانت في المستشفى مريضه و عم تعمل عمليه بمعدتا

**بسام** · 27-01-2008, 02:54 PM

سيجري الدفن بعد صلاة العصر
اللهم اغفر لها وارحمها ولا تفتنا بعدها

**dania** · 27-01-2008, 03:23 PM

اها عرفتا عرفتا يا لطيف الله يرحما ويجعل مثواها الجنة

ويرحم جميع أمة محمد

**nana** · 27-01-2008, 03:52 PM

الله يرحما ويرحم جميع أمة محمد صلى الله عليه وسلم

**الفلو** · 27-01-2008, 04:07 PM

رحمها الله رحمة واسعة وتغمدها بفضله وكرمه.

بإذن الله تعالى:

1) سيصل أخي عمر قادما من كندا اليوم

2) سأصل إلى لبنان الأربعاء مساء قادما من الرياض

3) ستصل العائلة من كندا يوم الجمعة

4) سيصل جثمان الوالد رحمه الله يوم السبت مساء

5) ستقام الجنازة والصلاة يوم الأحد بعد صلاة الظهر

6) ستكون التعزية في مدرسة المنار الاسلامية

**الشامي** · 27-01-2008, 07:17 PM

السلام عليكم ...

نسأل الله لها الرحمات وأن يغفر لها ويجعل مثواها الجنة ويرزق أهلها الصبر والسلوان ...

قام وفد قلموني من مناطق مختلفة من كندا بزيارة بيت الفقيد أحمد الفلو عليه رحمة الله للقيام بواجب العزاء لأهل المرحوم في منطقة ميسيسوجا...

وقد ضم الوفد الإخوة شادي بيضا وشادي علي كسن وسعيد طوط والشيخ وسام التوم وسامر قزيحة ووليد الأبيض وحضرتي من منتريال والإخوة إياد منير خطيب وفادي سالم طوط وخالد سالم طوط من أونتاريو...

نسأل الله أن يتجاوز عنه ويغفر له ويجعل مثواه الجنة وأن يرزق أهله من بعد الصبر والسلوان وطول العمر وحسن العمل....

أخوكم

**بسام** · 27-01-2008, 08:15 PM

اطلاق نار كثيف جدا من قناصين وظهور مسلح واشتباك مع الجيش وحرق دواليب وقطع طرقات وأنباء عن اصابات يعجز الاسعاف عن الوصول اليهم وقتيل مسؤل من حركة أمل وحركة سياسية لاحتواء الأزمة - لبنان بيروت الشياح

**الفلو** · 28-01-2008, 03:55 PM

جزى الله خيرا جميع الاخوة الذين زاروا بيت أهلي في كندا للعزاء. شكر الله سعيكم وأدعو الله عز جل أن يحفظكم ويحفظ عائلاتكم وذويكم وأحبابكم.

**بسام** · 28-01-2008, 09:44 PM

الاشتباه بالأخ أمين علوان في القلمون وكما هو معلوم كان في فرنسا نوافيكم بالتفاصيل حال التأكد

**ام السعد** · 29-01-2008, 03:32 AM

رياح شديدة جدا في ضيعتنا الحبيبه القلمون
(اللهم اني اسالك من خير هذه الرياح وخير ما ارسلت به
واعوذ بك من شرها وشر ما ارسلت اليه
اللهم اجعلها رحمة ولا تجعلها عذابا ,
اللهم اجعلها رياحا ولا تجعلها ريحا .)
والتوقعات بين الغد وبعد غد باشتداد الرياح وشدة الصقيع
واحتمال للامطار ونزول الثلج ابتدا من 500 متر
المشرفه على الارصاد الجويه القلمونيه اختكم في الله ام السعد .ههههههه

**بسام** · 29-01-2008, 08:54 AM

هدئت الرياح العاصفة في هذه اللحظات بس ما شاء الله أمطار غزيرة اللهم زد وبارك
توقعات للأرصاد الجوية بعاصفة قطبية مسقعة تضرب لبنان اليوم
بس ملاحظة إنو أثناء تساقط المطر الدعاء يكون مستجاب فلا تبخلو علي من صالح دعائكم
قال عليه الصلاة والسلام : من دعا لأخيه بظهر الغيب قال الملك المكلف ولك بالمثل

**ام السعد** · 29-01-2008, 05:16 PM

نزول برد في القلمون
أمطارا غزيرة وعواصف
الرياح السطحية جنوبية - غربية، ناشطة سرعتها 90كلم
البحر هائج
المشرفه على الارصاد الجويه القلمونيه اختكم في الله ام السعد
شكلي صدقت حالي

**ام السعد** · 29-01-2008, 05:18 PM

ونسيت اقلكم انه سيتحسن ..
الطقس اعتبارا من ظهر يوم الخميس ان شاء الله

**الزاهر** · 29-01-2008, 06:00 PM

,كأنما أخبروني أن الـ "شئعة" ستبدأ يوم الخميس!!!........على كل......كلو خير إن شاء الله!!!

**dania** · 30-01-2008, 09:29 AM

المشاركة الأصلية كتبت بواسطة ام السعد

نزول برد في القلمون
أمطارا غزيرة وعواصف
الرياح السطحية جنوبية - غربية، ناشطة سرعتها 90كلم
البحر هائج
المشرفه على الارصاد الجويه القلمونيه اختكم في الله ام السعد
شكلي صدقت حالي

هههههههههههههه والله ما قصرتي الف شكر

**بسام** · 30-01-2008, 11:14 AM

في هذه اللحظات يتساقط البرد بكميات رائعة

**X-Man** · 30-01-2008, 11:18 AM

المشاركة الأصلية كتبت بواسطة بسام

في هذه اللحظات يتساقط البرد بكميات رائعة

عذرا أخ بسّام ولكن في هذه اللحظات البرد توقّف عن التساقط فكيف ذلك؟ الرجاء فتح النافذة والتأكد قبل زفّ الخبر

ويا أهلين.

**عمر ملاط** · 30-01-2008, 01:10 PM

سيقيم أهل الفقيد المرحوم أحمد ملاط عزاء في إمارة عجمان في الإمارات. وذلك يومي الجمعة والسبت بعد صلاة العشاء مباشرة...

الموقع: قاعة الريان، مجمع أو جمعية أم المؤمنين ( كما أعتقد) وهي قرب وكالة التويوتا والنيسان في الشارع الرئيسي... لمن لديه معلومات مفصلة أكثر عن الموقع.. يرجى الإفادة...

كما وأدعو جميع القادرين على تأدية واجب العزاء لأهالي الفقيد... وجزاكم الله كل خير... ورحم الله جميع أموات المسلمين....

**بسام** · 30-01-2008, 03:25 PM

يا أهلا بالكبير x-man
على راسي والله
يمكن نألت الخبر من مكان الشغل
حقك عليي سلام ويا ميت أهلين بالطيبين

**abujahl** · 31-01-2008, 04:14 PM

walla abu jahl il yom ti3ben shway ma3i shwayet harara w marti nayme bil beit il ta2is ktir manu mni7 hun salam lal gami3 bye

**البريئة و الوحش** · 31-01-2008, 04:33 PM

عفوا يا aboujahel بس حضرتك بأي دولة اذا ما فيا ازعاج

**محمد أحمد الفلو** · 31-01-2008, 06:20 PM

المشاركة الأصلية كتبت بواسطة Al Mozneb

أصرح من مكتبي العلامي الخاص أنو عندي من هلأ لـ 25 شباط عطلة و ما معي الاقامة لأنزل على لبنان

حدا يقترح علينا شي نعملو بانتظام لتمضية الوقت بالحلال طبعا

فيك تعلم خصوصي
voire le site du CROUS

**kalamoun_28** · 31-01-2008, 07:06 PM

يا سيد حميطون, الزلمة سأل عن وسيلة لتمضية الوقت, اقترحت عليه "علّم خصوصي" .... يعني أخونا المذنب موجود في فرنسا (اذا منيّ غلطان) وتقترح عليه "علّم خصوصي" لتمضية الوقت, ماذا اذا كنت اقترحت عليه لتمضية الوقت وهو في القلمون في لبنان مثلا

100 أهلين بالمذنب وبحميطون.

أخي المذنب, اذا أردت أن تمضي الوقت في أوروبا, اسألني وأنا سأقول لك

, طبعا بالحلال, وما تروح كتير لبعيد

سلامات, نزيه خداّج ملاّط

**kalamoun_28** · 31-01-2008, 08:10 PM

هيك على العلن

مبيمشي الحال

**وسيم أحمد الفلو** · 02-02-2008, 12:17 AM

السلام عليكم

اليوم سلمنا على الأخ مصطفى معتوق بمناسبة عودته من الإمارات، وذلك بحضور الإخوة حسين وزاهر والأخ المنسحب (الذي نتمنى عودته) فادي.

**الزاهر** · 02-02-2008, 01:25 AM

أكبر تواجد بالمنتدى كان : 89 بتاريخ اليوم الساعة 06:49 PM

ما حدا انتبهلها هادي!!!!

كان أكبر تواجد 61 أو 62 من فترة طويلة!!!...........اليوم اخترقنا الرقم السابق!!!!

مبروك يا منتدى..........أحبابك عم يكترو!!!!

**عمر ملاط** · 02-02-2008, 11:29 AM

بعد الزيارة التي قام بها الشيخ إيفان وعائلته الكريمة إلى دبي... استطعنا الحصول على هذه المجموعة من الصور... ونرجو أن تنال إعجابكم....

للحصول على هذه الصور... اتبع اللينك التالي

http://aboulbaraa.spaces.live.com/photos/cns!AA374A6F046784AE!3229/

**هيفا** · 03-02-2008, 01:30 AM

من يومين شفت بالاخبار

انو المفتي الجديد تبع طرابلس راح مع الشيخ زياد الحج لعند
"حذفت من المشرف خداّج --- كلام غير صحيح ومن دون معنى, يثير جدل سخيف" الشيخ سعد

وقبل زيارتهما راحوا وقريو الفاتحة على روح الشهيد رفيء الحريري

صحيح ما شافو عيوني ولا غلط ؟

باي

**shiireen** · 03-02-2008, 11:16 PM

(حذفت من قبل المشرف للسبب الظاهر أدناه )
شيع اليوم عند الساعه الثالثه و النصف جثمان ميمونه حمزه حيث انه كان مقرر التشييع عند الساعه الرابعه فلم يحضر التشييع إلا القليل من الأهالي
رحمة الله عليك يا فقيدتنا و أسكنك الله فسيح جنانه

**محمد أحمد الفلو** · 04-02-2008, 01:29 AM

**Interpol** · 04-02-2008, 03:29 AM

آسف اذ أقول لكم أن المذنب أي وسام دياب سوف........

**هيفا** · 04-02-2008, 11:42 PM

المشاركة الأصلية كتبت بواسطة هيفا

من يومين شفت بالاخبار

انو المفتي الجديد تبع طرابلس راح مع الشيخ زياد الحج لعند
"حذفت من المشرف خداّج --- كلام غير صحيح ومن دون معنى, يثير جدل سخيف" الشيخ سعد

وقبل زيارتهما راحوا وقريو الفاتحة على روح الشهيد رفيء الحريري

صحيح ما شافو عيوني ولا غلط ؟

باي

ما هو الكلام الغير الصحيح السخيف الذي يثر الجدل !!!!!!

**kalamoun_28** · 04-02-2008, 11:55 PM

أخي الكريم, الشيخ سعد الحريري, عنده أكثر من 6 ألقاب حقيقيّة, فلماذا تتعرّض له وتخترع ألقاب ليست بصحيحة .... اتفقنا على احترام الشخصيات والهيئات أيّن كانت.

سعد الحريري, لكي لا توجع رأسك كثيرا بماذا تناديه, هو زعيم الأكثريّة النيابيّة, وزعيم تيّار المستقبل, ونائب لبنانيّ ... فلا داعي لاستعمال ألقاب من غير معنى.

أرجو أن تكون الفكرة وضحت, وأتمنى قبولك وتفهمّك للأمر, أخي الكريم.

سلامات, نزيه خداّج ملاّط

**هيفا** · 05-02-2008, 12:03 AM

(تحذير أخير للعضو "هيفا"....نرجو التزام الشروط!!!)

**kalamoun_28** · 05-02-2008, 12:27 AM

اذا نسيت ما كتبت, لكن مفي داعي تعمل قصص وحكايات.

بخصوص التأكد من أنّك هيفا أمّ لا, شكرا على النصيحة, وأتمنى لك حظا أوفر في الحياة, ان شاء الله.

سلامات, نزيه خداّج ملاّط

**فشلان** · 05-02-2008, 09:31 AM

والله يا حج نزيه... أنا برأيي تستخدم نفس أسلوب السوريين بالمنتدى.... يعني ما توجع راسك... اعمل يلي بدك اياه... ويلي ما بيعجبو... يقدم شكوى بصندوق الشكاوي...

ويا ويلو يلي بقدم شكوى...

لأن إذا بدك تجي باللين والبرهان والأسباب وكل حذف تفتح من وراه قضية.. وتستأجرو محاميين وقضاة...... ما بتخلص فلسفلة مع الناس.....

خلص سم بالله وادبحها على السريع....

واسمحولي برأي تاني أهم من الأولاني....

لما بيصير هيك فلسفات ومشادات... دغري نقولها لمطرح تاني... يعني ما معقولة... نفوت مفكرين في أخبار... نطلع عم نقرأ نقير ونقار... لما واحد ما بيعجبو... بروح بناقش مطرح تاني.... خاصة بهذا الموضوع... لأنو أخبار الضيعة وبس...

ولكم مني كل التحية والعرفان...

**عمر ملاط** · 06-02-2008, 11:24 AM

**عمر ملاط** · 06-02-2008, 11:25 AM

**دوكر** · 08-02-2008, 03:25 PM

يا هلا بالجميع...
طالما انو الخبر لو علاءة بالمهجر و الألمون ح حطو بالاخبار هوني و هونيك...
الؤصة و ما فيا انو.... ......
ولا ؤلكن ...ساعتا يمكن حدا يعرفني...
لكن نطرو مفاجأة حلوة كتير...ع الأليلة بالنسبة لاي...
و يمكن المعلم أطر يكون اول واحد يعرف لأني واعدو انا و كنت عم حكاي ع المسنجر...بؤلك ع الخاص أطر...كم عنا أطر نحنا...
و هي بوسة لكل واحد فيكن ...و لك بوسات منو بوسة...بس أكيد للشباب بس....ههههه...
يعطيكن العافية....
اخوكم دوكر المعوكر....

**TimberWolf** · 08-02-2008, 06:34 PM

وصل إلينا من فرنسا وسام دياب فأهلن بك بيننا

**الزاهر** · 08-02-2008, 07:07 PM

يا دوكر أنا ما ألتلك ما تحكي شي عن الموضوع؟؟؟

**بسام** · 10-02-2008, 10:44 AM

توفية فاطمة حمزة أم أحمد فلو
وسيجري الدفن بعد صلاة الظهر
انا لله وانا اليه راجعون

**بسام** · 10-02-2008, 01:53 PM

حالة وفاة ثانية في الضيعة بس ما عرفت مين

**بسام** · 10-02-2008, 01:56 PM

بين القلمون وجونية في الثاني عشر من هذا الشهر ستجري مناورة بحرية لقواة اليونيفل فعلى البحرية عدم الخروج للصيد

**محمد أحمد الفلو** · 10-02-2008, 04:02 PM

المشاركة الأصلية كتبت بواسطة بسام

حالة وفاة ثانية في الضيعة بس ما عرفت مين

أنا قالولي الشباب من الضيعة انها زليخه زيدان أختو ليوسف زيدان
الله يرحما

وكمان قالولي انو أحمد فلو نزلوه عالمستشفى وقت دفنة والدتو الله يرحمها و يصبر إهلا

كمان القلامنه عم ينزلوا عند سعد الحريري ع طرابلس

و في لافتات عالأتوستراد انو القلمون البلده الزرقاء بتضل وفيه للرئيس الحريري

وفي كتير شباب رجعوا من السفر ( إحسان غنوم , مصطفى بقاعي ... خطار أحمد ناصر الدين ,, وسام دياب .......)

والقلامنه اليوم الأحد عم يطلعوا يتسيرنوا بالجبل لأن الطقس كتير منيح ( نيالن)

الموضوع: أخبار القلمون [2008]

أدوات الموضوع

عرض

سلام

سلام

سلام

سلام

سلام

X-Man

abu jahl

أخبار القلمون [2008]

الشيخ إيفان في الإمارات

مغادرة والسبب الادارة المنصفة

أم عيشة... فلسطينية أم قلمونية؟؟

رحمها الله

انا لله وانا اليه راجعون

الى البحرية

ضوابط المشاركة