معا ... لفك أسر إخواننا

[عبد الله]

هو الرسول عليه الصلاة والسلام ما نصروه بدن ينصرو إخوانن

[عبد الله]

أكيد إنو لو ما افتح الموضوع كان أفضل لأن الألموني بيضل ألموني

[Nader 3:16]

السلام عليكم...
و الله طريءة ....بس ما بعتءد بتنجح عنا يا اخ عبد الله لأنو اصلاً تلت رباع القلمون منا سئلانة عنهم و ناسيينهم و الاحلى من هيكا ما زال عندهم ظن انهم متورطون...يا عيب الشوم بس..

انا برأيي ينعمل شي وفد من البلدية و يروحوا عند الحريري و يحكي بقصتهم.

[علي القلموني]

أنا حد علمي في وفد نزل لعند سعد الحريري المتواجد في فندق الكواليتي إن وطالبوه بالتدخل لفك أسر هؤلاء الأخوة قال مجاوبهم وهو كمان عم يلقطولو مناصريه كمان ... سبحان الله عذر أقبح من ذنب

[X-Man]

تكبيــــــــــــــــــــــــــــر ، الله أكبر ، فكرة رائعة فعلا ومبادرة تستحق كل الشكر للأخ عبد الله، شكرا لك على هذه اللفتة ولكن أقول أن الدعوة هنا على المنتدى ما هي بكافية فلنبادر وبسرعة قبل فوات الأوان لتعميم هذه الفكرة على كافة أهالي القلمون عبر مناشير او أي شيء المهم يجب أن تصل هذه الفكرة لكافة الناس وعليهم تقبلها فهؤلاء إخواننا وأهلنا إن نحن سكتنا عنهم من سيطالب بهم؟ سعد؟ وما همّه؟ بالمناسبة وردني أن وفدا من البلدية زار سعّد من فترة وتكلّموا معه بهذا بشأن إخواننا وقال لهم بما معناه "هس يرضى عليكم ما تفتحوا الموضوع....." فلماذا ننجرّ وننقاد وراءهم وهم لا يعيروننا اهتماما؟ وإني أرى إن لم يلتزم أهلنا في القلمون بهذه المبادرة التي طرحها أخي عبد الله أن يصار إلى حصار القلمون بحيث لا يسمح لأحد المغادرة لا إلى بيروت ولا أي مكان فلنغلق المنافذ عليهم ولنمنعهم من الذهاب إن لم نتلقّ وعودا صادقة تضمن تحقيق العدالة وإعادة أهالينا لنا سالمين، فليحاكموا المذنبين وليفرجوا عن البريئين والله أكبر.

[RAMADAN]

الله يبارك فيك و ان شاء الله يرجعو لأهلن سالمين. و أنا أؤيد كل ما قاله X-Man

[MUSTAFA BIKAI]

السلام عليكم أولا من ثم أود أن أعلق على كلام ا
لكس مان يعني و الله أنو كلامك لا علاقة له بالواقع عذرا بس إحنا بدنا نطلع إخوننا من السجون مش بدنا نحط باقي الشباب بالسجن إسمحلي فيها أنا أؤيد القيام بمحاولات جريئة بس مش بهالطريقة على كل حال مشكور عتعليقك
أما بالنسبة لنادر فسمحلي كمان مش لإنو ناسين الشباب أو أي شي السبب الرئيس\ي للموضوع إنوا تم غرس أفكار غير صحيحة بعقول الكثير من القلمونيين يعني مين بيسترجي يقول عن سعد من حلو بتتحول إلى إنسان مش عارف
بس إلي أكيد منو أنو سعد ما طلع منو شي بالنسبة للموقوفين لحد الآن و إن شاء الله يكون بعدو عم يحاول
أم بالنسبة للقلمون الكل متخوف و هيدا شي طبيعي عند الشباب بالقلمون و الله المستعان

أنا مع أي مشروع بيأمروا في الشباب يعني أقل الشي مناشير تذكر بإخواننا أو أي شي
سلام قبل ما يجي المعلومات عند أبو زياد و يشحطونا

[MUSTAFA BIKAI]

بشكر الجميع على شعورن الجميل و بتمنى نقدر نعطي الموقوفين ولو شوي يلا بالتوفيق شباب

[أم سفيان]

الفكرة التي طرحت فكرة جيدة ولكن برأيي إذا اجريت عليها بعض التعديلات ستكون أفضل
كلنا شهدنا في الأيام الماضية كيفية إقتحام معبر رفح الذي تم عبر مظاهرة نسائية فبرأيي إذا ولا بد ستجرى مظاهرة أن يقوم بها النساء وكبار السن من الرجال(الشيوخ) تفاديا للإعتقالات
والتنبيه عنها يكون عبر منشورات توزع للبيوت لأنها إذا علقت على الحيطان لن تصل للفئة المعنية وجل من يقرؤها سيكون من الشباب

[عبد الله]

‏_‏_______

[X-Man]

الله يبارك فيكن
منيح يلي في كم آدمي بهل المنتدى بهمن أمر إخوانن لأن الله وكيلكن المحاولات مع أهل الضيعة حتى الآن لم تعطي نتيجة في حال صار شي جديد بألكن سلام

أهلا بالأخ عبد الله وبارك الله فيك، إذا بقيت الأمور هكذا دون نتيجة فلنعمد للخيار الثاني وهو بأن يتوجه كل شاب ممن يهمه هذا الموضوع بسيّارته (سيارة أخوه، أبوه، أمه، أخته، جاره مين ما كان ) ويعمد لقطع مفترق من المفارق التي تؤدي لخارج الضيعة وهكذا نمنعهم من الذهاب -حذفت من قبل المشرف- يا جماعة الوقت داهمنا لم يبق إلا اليوم وغدا فلنفعل شيئا!

[TimberWolf]

أهلا بالأخ عبد الله وبارك الله فيك، إذا بقيت الأمور هكذا دون نتيجة فلنعمد للخيار الثاني وهو بأن يتوجه كل شاب ممن يهمه هذا الموضوع بسيّارته (سيارة أخوه، أبوه، أمه، أخته، جاره مين ما كان ) ويعمد لقطع مفترق من المفارق التي تؤدي لخارج الضيعة وهكذا نمنعهم من الذهاب يا جماعة الوقت داهمنا لم يبق إلا اليوم وغدا فلنفعل شيئا!

كنو صحيح بدك تقطع الطريق ليش مين كلفك و مين ألك أصلن إنو فيك إنت أو غيرك إنو فيكن تقطعو الطريق؟

[محمد أحمد الفلو]

أنا باعتقد إنو أنسب شي إزا فعلا في نيه لأي تحرك لإطلاق سراح الشباب .. إنو يستشار و إهلن بالأول...يعني بلا مزايدات بألقاب وهميه

والشباب وصلوا صوتن لسعد .....وأنا بشوف أنجع شي هو التزام الآية والدعاء

وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ

[أبو شريك]

أنا باعتقد إنو أنسب شي إزا فعلا في نيه لأي تحرك لإطلاق سراح الشباب .. إنو يستشار و إهلن بالأول...يعني بلا مزايدات بألقاب وهميه

والشباب وصلوا صوتن لسعد .....وأنا بشوف أنجع شي هو التزام الآية والدعاء

وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ

يا حبيبي يا حميطون أول شغلة سعد منو أخوك الصغير عم تلعبوا بالكلة حترم المقامات و قول الشيخ سعد حفظه الله,و بالنسبة للشباب يلي نزلوا لعندو و على أساس قبضايات كلن وقفوا متل الشاطرين و زقفولوا أول مفات و أولن مشرفنا و تاج راسنا أخوك صلاح و اذا في حدن بيقدر يساعدن فهو شخينا سعد فما حدن يعمل حالو عاوز و مستغني.

[صلاح الفلو]

أنا سمعت من الناس أن النائب سعد الحريري هو الممثل الأوحد للسنة في لبنان فكنت في عداد الوفد الذي زاره من أجل قدية الأخوة وأنا مستعد لزيارة أي شخص من الموالات والمعارضة والجن الزرق من أجل رفع الظلم ,

أما بالنسبة للمظاهر والتصفيق فأنت أدرى بما فعلت

[أم سفيان]

وين الغلط بإنو الواحد يتوخى الحذر ويحرص عإنو ما ينلئط يعني سمحلي إسألك إذا كان الواحد متهور وسحبوه عالسجن شو بيكون حأأ يعني
المرجلة مانا بالتهوبر
المظاهرة خلص ما رح تنفع لأن كان بدا تخطيط من أبل بشهر والأحسن إنو ينراح لعند الحريري بأعداد كبيرة بس منشان هالموضوع منو ينراح لعندو منشان شغلات تانية وإذا صار وأت بينحكا عن الأسرى
لمن نجح الحريري راحو لعندو الساعة تلاته الصبح وانهرى وشو من التبويس عكتر ما كان في عالم رايحة استخصروا الناس هلأ يروحولوا ليفكوا أسر المعتقلين واللي بيؤول ما بيطلع بإيدو شي بيكون عم يحكي حكي فاضي

[Nader 3:16]

السلام عليكم...
كلام منطقي يا اخت ام سفيان...فالمرجلة ليست بإلقاء النفس الى التهلكة...
يعني و كمان متل ما سمعت انو سعد استغرب انو بس هالعدد نزل يطالب بحقوق المعتقلين...
يعني بكرا عالمظاهرة بدو يروح اد ما نزل عخمسميت مرة من القلمون...

ولك اسا يلي بيقهرني و بموتني انو في ناس ما زالت مقتنعة انو عليهم شي (قال لو ما عليهم شي ما كانوا اخدوهم)....
فلا حول ولا قوة الا بالله...

ونسأل الله تعالى ان يفك اسر جميع المظلومين.....

[عبد الله]

يمكن نسيت إني عم احكي مع قلامنة

[Nadine]

أنا اوافق رأي الاخت ام سفيان , انو مجموعة كبيرة من القلمون يروحوا ويطالبوا بالمأسورين .

الله يفك اسر كل المظلومين.

يعني اسا لحد هلأ ما سمعنا انو حدا من وجهاء الضيعة راحوا ويطالبوا بأولاد ضيعتن.

ما بعرف شو ناطرين , الشباب صرلن محبوسين شي 8 اشهر او يمكن اكتر. ( الله يعينك يا خال , ما لحق تهنا ببنتو كم يوم) .

انا كنت متوقعة يصير شي بس الهيئة صرنا كل واحد يا ربي نفسي. حتى يمكن بالمسجد ما بيدعولن.

يعني كل واحد يحط حالو مكان احد المأسورين , شو بيفضل انو ما حدا يحس فيه.

حتى اذا الحريري ما عمل شي, لازم يروحوا كل ابناء الضيعة الى مكان منن اسرينن ويعملوا اعتصام وما يتركوا المنطقة الا وجايبين شباب الضيعة معن .

[فشلان]

حتى يمكن بالمسجد ما بيدعولن.

مش يمكن... أكيد..... إلا إذا أحيان إجت بالغلط بآخر الخطبة.. وفك أسر المأسورين... لأن بتكون جاية على القافية ما أكتر.... ما المشكلة إنو يلي كان يدعي بهيك حالات... ملؤوط معن...

[محمد أحمد الفلو]

اعلمو ان سعد الحريري قادر على اخراجهم وأن الحجج التي تقال إنما هي تعبر عن ذل قائليها سبقه اذلال لأهل القلمون ارتكب من قبل الوفد الذي نزل الى الحريري .
اللهم إنا بريؤن من ما فعل ذلك الوفد اللهم فاشهد .

.

في حديث عن الرسول صلى الله عليه وسلم بإنو دعا لمن يستخدم علاقاته عند أهل السلطان لقضاء حوائج الناس. مني زاكر النص.
بس أكيد إني سامعو بخطبة الشيخ علي كسن ـ الله يحفظوـ عن حديث مفتاح للخير مغلاق للشر
حدا زاكروا ؟؟؟

[أيمن غ القلموني]

اعلمو ان سعد الحريري قادر على اخراجهم وأن الحجج التي تقال إنما هي تعبر عن ذل قائليها سبقه اذلال لأهل القلمون ارتكب من قبل الوفد الذي نزل الى الحريري .
اللهم إنا بريؤن من ما فعل ذلك الوفد اللهم فاشهد .
.

لك يا أخ عبدالله ، نحنا مسافرين ومنا بالقلمون .
فبلا معلمية عليك ، فيك تؤلنا أيشيا الشغلات إللي عملا الوفد والتي أدت إلى إلصاق صفة الذلة بأهل القلمون ، وإذا بتسمح بدنا أسماء لتأكيد الوقائع .
ما تؤول فلان و فلان ، بدنا شي ملموس ، أسماء مع إللي حكيو والحركات إللي عملوا.
فيا كون أد كلامك ، يا ما تحكي.

[أم سفيان]

عندي سؤالللي بيعرف
هلأ لمن بيروح وفد للحريري مين عادة بينظم وبيدعي للزيارة وكيف بتم الموافأة عليا؟

[أبو الحسين]

والله الموضوع كتير حلو و مهم ,و أنا من فترة منت بدي اطرحو بس ما كان عندي وقت,يعني لازم بقى يتلاقى حل يعني طخنت كتير,هلق صرن أكتر من 8 أشهر هيك لا أحم و لا دستور ...

[صلاح الفلو]

طالب النائب مصباح الاحدب بالإفراج عن بعض موقوفي "فتح الإسلام" لأنّ مدة توقيف بعضهم طالت "مرت فترة زمنية على توقيفهم، نحن نشجع على ان يكون لدينا قضاء فاعل ونزيه، وان يكون هناك دولة تتحرك لايقاف ومعاقبة الارهابيين الذين يهددون امن الوطن بسلاحهم، وهم يريدون تهديد كل من يخالفهم وفرض رايهم بالسلاح على الاخرين".
وتناول الأحدب في مؤتمر صحفي عقده في منزله في طرابلس، مسألة ملف موقوفي فتح الاسلام والتنظيمات التي تتبنى العنف وما يتعلق منها باشخاص وموقوفين تبين بعد التحقيق معهم ان لا علاقة لهم باي شيء ولم يتم حتى الان اخلاء سبيلهم.
اضاف: "بعد اشهر عديدة من المراجعات من قبل اهالي الموقوفين والمجتمع المدني وبعض التيارات السياسية، لاسيما حركة الحرية والتنمية التي تراجعنا في شكل مستمر في هذا الموضوع، تبين ان هناك ثلاثة انواع من الموقوفين: موقوفون لديهم صلة بفتح الاسلام، وموقوفون اخرون لديهم صلة ببعض التنظيمات التي تتبنى العنف، طبعا نحن نطالب بمعاقبة هؤلاء الاشخاص. وهناك موقوفون اخرون ليس لديهم اي صلة مباشرة مع اي طرف ارهابي، وهنا انا لا اقرر، ولكن هناك قاضي تحقيق قام بتحقيقات استمرت لاشهر، نتجت عنها قرارات اخلاء سبيل لبعض الموقوفين، ولكن مع الاسف يقوم مفوض الحكومة لدى المحكمة العسكرية بتمييز قرارات اخلاء السبيل بطريقة تلقائية...".
وسأل النائب الاحدب "من هو على اطلاع اكثر بالملفات القضائية، هل هو قاضي التحقيق الذي يستمع منذ اشهر الى الموقوفين ويتحقق من الشهادات المتعلقة بتوقيفهم ويتابع سير التحقيقات، ام مفوض الحكومة لدى المحكمة العسكرية الذي يصدر مذكرات التوقيف عبر اتصال هاتفي؟
وتابع: "من هنا نريد ان نعلم باي طريقة تعالج الامور؟ وهنا ايضا اوجه، وبكل بساطة، نداء الى وزير العدل الدكتور شارل رزق والى مدعي عام التمييز القاضي سعيد ميرزا، الذي هو المدعي العام الاول في لبنان، حتى يضعوا حدودا لهذه الفضيحة التي تحصل في حق القضاء وفي حق بعض ابنائنا... نحن مضطرون بمطالبة المدعي العام التمييزي بوضع يده مباشرة على هذه الملفات، لانه من غير المنطق الاستمرار بمعالجة الامور بالطريقة التي هي عليها".
وختم النائب الاحدب: "ليسمحوا لنا ان نقول بكل محبة، وكل رغبة بناءة، بعض القضاء ليس بخير، الكيل قد طفح، ولا نستطيع الاستمرار بهذا الاستلشاء من قبل بعض القضا

[صلاح الفلو]

أظن أن علينا دعم النائب مصباح الأحدب في مطالبه

[محمد أحمد الفلو]

من زمان و جايه و النائب مصباح الأحدب بيدافع عن الشباب السني الملتزم بالشمال ... هلي يا حسره الأكتريه من السياسيين بيتبرؤا منن و بيتاجروا فين

على كل نحنا ما بدنا اكتر من محاكمه عادله لإخوانا مش اكتر

الله يفك أسر الشباب ... ومشكور النائب مصباح الأحدب عاللفته

[وسيم أحمد الفلو]

بالنسبة لبعض المشاركات المحذوفة فقد قمت أنا بحذف معظمها نظراً لخروجها عن الموضوع المطروح وتحول معظمها إلى مهاترات شخصية.

[أيمن غ القلموني]

بالنسبة لبعض المشاركات المحذوفة فقد قمت أنا بحذف معظمها نظراً لخروجها عن الموضوع المطروح وتحول معظمها إلى مهاترات شخصية.

في مشاركة يمكن تكون مهاترة ، بس التانية هي رد عادي فلش انمحت.

يلا كل واحد له وجهة نظر ، بس إذا شفت إن في مهاترات فمحيون بلا ما تسأل عن حدا ؛

[وسيم أحمد الفلو]

كما أخبرني رئيس البلدية اليوم فإن بعض الإنفراجات سوف تحدث في هذه المسألة بإذن الله.