الصراحة راحة...!!!

[أيمن غ القلموني]

بما أنني لم أستطع الرد على شهادة الأخ دوكر ، فسأكتبها في هذه المشاركة.

لكم جزيل الشكر أخ دوكر ، وبارك الله بكم وحفظكم بحفظه ، ولكم أحلى التحايا مني على شهادتكم وثقتكم التي منحتوني إياها.

أما بشأن شهادتي بالأخ دوكر ، فهو مهضوم ، أسلوب رائع بتوصيل الفكرة وبشبهو بالداعية وجدي غنيم وكمان يا حفيظ من خلال كتاباتو ببين إنو متعلق كتير بالقلمون ، وكمان بيفهم بكل المواضيع .

يعني بصراحة ، دوكر كلمة تشع بالنور فتضيء أرجاء القلمون .

[HARD]

والله دوكر مافي منو .
المواضيع والمشاركات التي طرحها مميزة ومتنوعة وخاصة بالاسلوب واللهجة .
هو حربؤ ومحتال .

[ساميا]

بداية، أعتذر عن التأخير في المشاركة فقد كنت أنوي المشاركة في أيام الأخ أيمن غنوم لكني تفاجأت بنهاية المدة، ومع ذلك إسمحوا لي أن أقول فيه امرا.. حسب رأيي فيه (حفظه الله) هو إنسان صريح نشيط، يبحث عن الحق والحكمة، يفرح بها أينما وجدها ويسعد بمشاركته إخوانه بها.. يطلب النصيحة ويتواضع في تقبلها والإلتزام بها.. أسأل الله له التوفيق والحفظ حيث كان.. وأطلب منه لو يستطيع التصرف اكثر في مواضيعه الجميلة المنقولة بمعنى أن ينزلها على أرض الواقع عندنا ولو بشيء من المقارنة...

أما الأخ (دوكر) حفظه الله وسدد خطاه، فبالرغم من التمويه الكبير الذي يخفي فيه شخصيته الحقيقية، فقد إستطاع أن يجعل لنفسه مكانة عند كل أعضاء المنتدى سواء وافقهم أو إنتقدهم... وجعل مشاركاته تتصدر مطالعات الأعضاء والضيوف بما تتميز به من سلاسة الأسلوب وعفويته وصراحته وثباته على مبادئه حتى وإن كان بلهجة قلمونية تربك أحياناً القلموني وتلجئه لتهجيتها.. وهو من الأشخاص الذين إستعملوا اللقب حق إستعماله، فلم يجرحوا أو يهاجموا أو يهينوا غيرهم وهم مطمئنين لفعلهم وكأنه لا رقيب من فوقهم!

[المحروم]

عضو مميز لا تعليق

[الزاهر]

أما الأخ (دوكر) حفظه الله وسدد خطاه، فبالرغم من التمويه الكبير الذي يخفي فيه شخصيته الحقيقية، فقد إستطاع أن يجعل لنفسه مكانة عند كل أعضاء المنتدى سواء وافقهم أو إنتقدهم... وجعل مشاركاته تتصدر مطالعات الأعضاء والضيوف بما تتميز به من سلاسة الأسلوب وعفويته وصراحته وثباته على مبادئه حتى وإن كان بلهجة قلمونية تربك أحياناً القلموني وتلجئه لتهجيتها.. وهو من الأشخاص الذين إستعملوا اللقب حق إستعماله، فلم يجرحوا أو يهاجموا أو يهينوا غيرهم وهم مطمئنين لفعلهم وكأنه لا رقيب من فوقهم!

بس بالمنتدى؟؟؟............................لك أكاد أقسم بالله إنو بالجزائر إلو معجبين دوكر!!!!

[Barbie]

السلام عليكم ,
الأخ دوكر , عفوي و صريح ....... و أسلوبه مميز عن غيره .

[مايا]

السلام عليكم ورحمة الله وبركاته
الاخ دوكر : مهضوم كتير مواضيعوا حلوة
بس عندو لغة متل ما قال الاخ وسيم لا عربية ولا فرنسية ولا انكليزية وخصوصا كلمة قصة من وين جايبها ما بعرف بس عن جد كتير مهضوم وشكلوا قلبوا طيب كتير الله اعلم .

[حُسَينْ ... !]

الاخ دوكر من خيرة شباب المنتدى
ينظر للامور من منظار مختلف في اغلب الاحيان
له نكهة في كلامه و تحليلاته و اظن ان هذه النكه ايضاً في حياته خارج المنتدى
يشارك في جميع المواضيع و له اسلوبه الخاص بالكلام
احب متابعت مشاركاته و مواضيعه

[أبو رياض القلموني]

أبل ما أول رأيي بدوكر .. بحب أول رأيي بالموضوع ...
بما إنو الموضوع إسمو الصراحة راحة , فرح أول رأيي بصراحة ... أنا رأيي إنو ما لازم نمدح الأعضاء المعروفين بوشن .. يعني مع احترامي للجميع بس المدح بالوش بخلي الواحد يشوف بحالو ... و إذا كان عنا نصائح للأعضاء(المعروفين) فينا نوديلن عالخاص ..

فبحس من الأفضل إنو الأعضاء اللي بدنا نعطي رأينا فين يكونو أعضاء شخصيتن مجهولة ... و مشكورة يا أخت لينا عالموضوع


أما بالنسبة لدوكر ........ أووووووف .. شبدي إحكيلكن تإحكيلكن ...
رأيي بدوكر بالمنتدى إنو شخص كويس و أسلوبو حلو و مهضوم ...
أما بالنسبة لدوكر عأرض الواقع فهو شخص كويس بس حربوء و كتوم .

[الحجر]

قبل الكلام أتوجه بالسلام الى الأخ دوكر...
و أسأل الله أن يديم نشاطك و مشاركاتك المميزة...
أما من جهتي فأنا أشكرك على نصحك الدائم...
بحق نعم العضو و نعم الناصح...

[lina k]

سلام,لقد إنتهت مدة تقييم العضو "دوكر" وجاء دوره بالردّ...
أشكر جميع من شارك و يشارك في هذا الموضوع....
دمتم بخير...

[دوكر]

يا هلا بالجميع.....
جا دوري بالرد...؟؟!! ما بعرف شبدي ؤل....
اللهم اجعلني خيرا مما يظنون....
و يا ريت تضلكن تنصحوني....
منو عم يطلع معي حكي....
يسلمو ع آراكن فيني....و يسلمو للست لينا ع استضافتي بموضوعا هههههه......
يعطيكن العافية.....
اخوكم دوكر المعوكر......

[أمّ البراء]

السّلام عليكم أعزّائي في المنتدى!
شو يا لينا هيك بتفتحي الموضوع بغيابي ولا حتّى بتخبّريني بالجامعة انّك فاتحة هيك موضوع حلو!!! بسيطة! بسّ كنت حابّي ضيف انّو الأخ أيمن من أكتر الأعضاء تهذيبا في التّعامل مع الأعضاء !
والأخ دوكر؟؟؟؟؟؟؟؟؟؟؟؟؟؟؟ يا سلام! شو الواحد لازم يقول عن دوكر؟؟؟؟؟
مهضوم؟؟ لا أكتر من مهضوم!!!
مهرّج ؟؟؟ لا حرام,,,بركت فهما إهاني إلو!!!!!!!!!!!!
رسّام البسمات على وجوه الأعضاء؟؟؟؟ قليلي عليه!!!!!!!!!!!!!!!!!
ما بعرف! بسّ عضونشيط وبارك اللّه فيه وبالجميع!!!!







وانت يا لينا صحّة وهنا وانشلّا تنبسطي اليوم مع رفقاتك وسلّميلي ع السّتّ.................. وقوليلا تسأل رفيقتك شوبعتّلّا معا...
باي باي!أنا رايحة بلّش بالكونت راندو .... أمانة حندقيا اذا كانت عندك!!

[الأمل]

السلام عليكم...
شو أختي أم البراء كيفك ؟؟
السلام وصل ...ع الست ....
اساتك قاعدة عل المنتدى؟؟؟

ما تواخذينا يا لينا ...

[lina k]

هالمرة سماح بس المرة الجاية يا ويلكن(أم البراء+الأمل)

عدت إليكم وفي جعبتي كلام عن عضو مميّز جدا....
كلّما ذكر نشاط ديني أو عمل إسلامي معيّن ذُكر إسمها .....
هي واحدة من فرقة كبيرة,فرقة صديقات تجمعهنّ المحبة والعمل الدعويّ.لقد تعرّضت ضيفتنا لإنتقادات كثيرة من قبل كثير من الأعضاء...ولكن وعلى الرغم من ذلك,تابعت المسير دون تردّد وأصبحت مشرفة في منتدانا العزيز وناقشت وحاورت في كثير من المواضيع لإيصال أفكار معينة..
فلنرحّب بصاحبة القلم الجريءْ ...
التي تحدّت كلّ ما قيلْ...
الأخت "روعة فلو",مشرفة في منتدانا العزيزْ....
لقد حاورتنا الأخت "روعة"وناقشت في كثير من المواضيع متمسّكة بمبادئها ومحاولة إيصال أفكارها.فما هي الأفكار التي نجحت في إيصالها لكم؟وما تقييمكم لنقاشاتها؟وما النصائح التي تودوّن توجيهها؟

ملاحظة:-أيّ إهانة أو تجريح تحرم صاحبها من المشاركة في هذا الموضوع وبالتالي إلى إفشال الموضوع.
-مدة تقييم العضو 4 أيام.
-أرجو من الأخت "روعة"إلتزام الهدوء لحين إنتهاء مدة تقييمها وعندها يمكنها الردّ.
-أرجو لمن يرغب في إنتقاد الموضوع أو الإستفسار عن أيّ شيء يتعلّق به,مراسلتي.
دمتم بخير....

[الريس]

بما انو الموضوع عن الصراحة فرح كون صريح معكون ، من خلال المنتدى لاحظت انو الأخت روعة انسانة واعية ومثقفة وملتزمة وأهم من هيدا كلو انها خلوقة وآخر صفة قلال يلي بيمتلكوها بهل الإيام ، ولكن في الفترة الأخيرة ما بعرف كيف صايرة مواضيعها ، يعني ما بق عم يعجبوني كتير ، مثلا موضوع مكان ألفته ، شو فائدتو ؟؟؟ يعني معليش أنا يلي بدي قولوا ، انو ربنا أقسم بالقلم ، وكمان أقسم بالزمن ، ولازم ننتبه على الشغلة منيح .

اليوم في ناس عم تفوت اتشارك بالموضوع وتقرا وبالتالي عم اتضيع وقتها ، ونفس الشي المستوى الثقافي بالمنتدى عم ينزل ، وكمان أمانة القلم عم اتروح .


هلأ يمكن بتقوليلي انو هيدي وجهة نظر خاصة فيي ، وانتي مقتنعة انو لو فائدة ، بقلك عراسي وعلى عيني ، بس بتمنى عليكي اتبيني هالفوائد .

حلوة الدردشة وحلو السمر ، ومش حلو انو كلو علم وسياسة واقتصاد وثقافة ودين و... ، بس كمان السمر بكون بين الشباب أو بين البنات ومش بين التنين .


هيدي أول شغلة ، تاني شغلة حابب قولها ، انو بحسها بعيدة كتير عن جو بقية الصبايا بالمنتدى ، يعني ما بحسها بتخد وبتعطي كتير معون .

الشغلة التالتة ، انها عصبية كتير

[فشلان]

يعني ما ناقصكن غير تعملولو صرح وتمثال للمعلم دوكر... صحيح الصراحة راحة... بس انتو عملتوها بسكوت.... بس طالما الكل عم يغني لدوكر... خلونا نغنيلو كمان...

كل المعاني الساميات تزورنا **** إن زارنا يوماً بلطف دوكر
عيني تطيب إذا رأته مشاركاً **** وأنا له صدقاً وعدلاً شاكر
من قال سوءا فيه كان مكابراً **** إن الذي يخفي الحقيقة ناكر
ولتعذورني إن بدوت مقصراً **** فأنا أتذكر عندما كنا نقف في الصف إدام فرن عيشة ناطرين دورنا بالخبز (بحر الفرطوش). ولك دووووووووووووووووووووووووووووووووع

[الزاهر]

الشغلة التالتة ، انها عصبية كتير

هادي ما اسمها عصبية.............بل اسمها "فلوية"..................

عذرا!!!

[فشلان]

أما الست روعة فما فرح ضلني ساكت.... لأن النتيجة رح تكون إما:
1- فشلانتي تزعل مني
2- يبلش الحكي بالمنتدى... وما يعاود يخلص...

[lina k]

سلام,أريد إضافة ملاحظة صغيرة"أرجو من كلّ عضو عدم التعليق على ردّ ورأي العضو الآخر تفاديا للمشاكل"...
دمتم بخير...

[فشلان]

يعني بالعربي الفصيح: يا مراقب... التزم بالشروط
ولك دوووووووووووووووووووووووووووووع

[دوكر]

يا هلا بالجميع......
اول شغلة بدي اتشكر المعلم فشلان على هل الشعر المفرطش لي سفءني فاي .....ههههههه...يسلمو كتير و هادا من زوءك معلم فشلان......
شغلة تانية ......بدي نعلء على الست روعة .....
يا ولاي من وين فتحتي هل الباب يا ست لينا......ههههههه.....ؤف موضوع طويل......طويل كتير......ههههههه.....
عم امزح.......الست روعة من خيرة بنات الضيعة ......و من خيرة صبايا المنتدى ......هلأ متل ما ؤال المعل زاهر منا ؤصة عصبية ....بس ؤصة فلوية .....و هل الشي مهم .....يعني هدولي بيت فلو ....هههههه....و انا عندي ما تعتبر صفة زم بالعكس .........
هلأ عندي نوع من العتب على ؤصة متابعت المواضيع .......مواضيعا ......بس بعتأد انا بتابعون بالءراية .......و ما بترد احيان .......بعتيد عن فكرة معينة عندا ياها ......هههههههه......
اسا في كتير اشياء ...بس ما بدي تأل عليكن ...ههههههه.....
يعطيكن العافية .........
اخوكم دوكر المعوكر.........

[المحروم]

الاخت روعه من خيرة الصبايا الناشطين في العمل الدعوي بس انا بحسا انو عنيده ومابتتقبل انتقاد يعني الي براسا هو الصح وغيرا غلط

[Warrior]

الاخت روعة الكل بيعرفها بانها اخت نشيطة ومحبوبة، وهي تحب فعل الخير،
وبالمنتدى هي مشرفة مميزة، وهي اهل لهذه المهمة، ولكن مواضيعها ومشاركاتها يمكن قليلة ولكن جميلة. الله يوفقها ويلن عقلها .............. لفعل الخير.

[lina k]

سلام,أشكركم جميعا على هذا التفاعل وأوجه شكرا خاصا للأخ "فشلان"لإضفائه جوا مميزا على الموضوع....
لقد إنتهت مدة تقييم الأخت"روعة"وجاء دورها للردّ والتعليق على ما قيل.....

[روعة]

شكراً لك لينة على الموضوع

أظن أنه يمكن للإدارة الكريمة إعادة النظر في قرارانها!

مشرفة عنيدة وعصبية !! ما بتركب

[lina k]

سلام,بداية أشكر الأخت"روعة" على ردها....

ضيفنا أو بالأحرى ضيفتنا اليوم مميّزة جدا,أصبحت مراقبة في المنتدى ومع ذلك ظلت تتحفنا بمواضيعها وردودها التي إتسمت بالجرأة والصراحة....
تهتمّ ضيفتنا بكلّ ساحات المنتدى لا سيما الساحة الإسلامية....
واجهت صعوبات كثيرة في المنتدى ومع ذلك بقيت ثابتة ولم تغيّر شيئا من مبادئها بل تحدّت كلّ الآراءْ....
إنها العزيزة"إسراء"....(=shanzimer6)
لقد شاركتنا "shanzimer6"بمواضيع هادفة وجمّلت مواضيعنا بردودها الجميلة.والآن,جاء دوركم أيها الأعضاء الكرام للتعليق وإعطاء النصائح وذكر الفوائد التي حصدتموها من مشاركاتها ومواضيعها الكثيرة.

ملاحظة:-أيّ إهانة أو تجريح تحرم صاحبها من المشاركة في الموضوع وبالتالي إلى إفشال الموضوع.
-مدة تقييم العضو هي 4 أيام.لذلك أرجو من الأخت"shanzimer6"إلتزام الهدوء لحين إنتهاء المدة المحددة للتقييم.
-أرجو من كلّ عضو عدم التعليق على رأي العضو الآخر تفاديا للمشاكل.
-أرجو لمن يرغب في إنتقاد الموضوع أو الإستفسار عن أيّ شيء يتعلّق به,مراسلتي.

دمتم بخير...

[روعة]

إسراء من خلال المنتدى لا من خلال المعرفة الشخصية:

أكبر من عمرها


تحترم الجميع

.......

حساسة

.....

[lina k]

سلام,أشكركم جميعا على إهتمامكم بهذا الموضوع.وبالنسبة لتقييم الأخت"إسراء"فأنا مضطرة لإيقافه وطرح إسم بديل.أرجو من الجميع تفهّم الأمر.....
وأذكّركم جميعا أنّ هذا الموضوع مطروح لتقريب وجهات النظر بين الأعضاء,وأنّ طرح إسم العضو يتمّ بموافقته وفي حال غيّر رأيه وأراد الإبتعاد عن الموضوع,فعلينا تقبّل وجهة نظره وعدم إحراجه أبدا....
دمتم بخير.....

[الزاهر]

وأذكّركم جميعا أنّ هذا الموضوع مطروح لتقريب وجهات النظر بين الأعضاء,وأنّ طرح إسم العضو يتمّ بموافقته وفي حال غيّر رأيه وأراد الإبتعاد عن الموضوع,فعلينا تقبّل وجهة نظره وعدم إحراجه أبدا....
دمتم بخير.....

بالمناسبة.....هادي تاني مرة!!!........هههههه
(الأولى كانت بموضوع مقابلات الأعضاء!!!!)

[Warrior]

طيب مين البديل ؟؟؟؟؟؟؟؟؟؟؟؟؟؟؟؟؟

[روعة]

كملو عليي تيجي البديل

أنا بحمل

[wassim.h]

[lina k]

ضيفتنا اليوم نجمة متألقة في سماء المنتدى...
تترك في مواضيعنا بصمات لا تُنتسى...
بصمات أم,وأخت وصديقة تسير على درب الهدى....

ردودها تعبّر عما تحمله من محبة ونقاءْ....
لها مكانة خاصة في قلوب جميع الأعضاءْ....
مواضيعها متنوعة موجهة للشباب والأطفالْ....

إسمها بات محفوراً في قلوب الملايينْ...
نذكره بين الحين والحينْ....
إنها المشرفة الغالية,والأخت الفاضلة"نادينْ"....

بلا شك,لقد أضاءت الأخت"نادين"منتدانا وزادته جمالاً بمواضيعها وردودها.لقد شاركت في مواضيعنا وناقشتنا في كثير من الأمور وأعطتنا نصائح عديدة.ولكن هل نجحت في إيصال أفكارها؟وهل تمكنت من تشييد جسر إلى قلوب الأعضاء؟وما النصائح التي يمكن توجيهها لها؟

إليكم السلام وعليكم الجواب....

ملاحظة:-أيّ إهانة أو تجريح تحرم صاحبها من المشاركة في الموضوع وبالتالي إلى إفشال الموضوع.
-مدة تقييم العضو هي 4 أيام.لذلك أرجو من الأخت"نادين"إلتزام الهدوء لحين إنتهاء المدة المحددة للتقييم.
-أرجو من كلّ عضو عدم التعليق على رأي العضو الآخر تفاديا للمشاكل.
-أرجو لمن يرغب في إنتقاد الموضوع أو الإستفسار عن أيّ شيء يتعلّق به,مراسلتي.

[الزاهر]

ولكن هل نجحت في إيصال أفكارها؟وهل تمكنت من تشييد جسر إلى قلوب الأعضاء؟وما النصائح التي يمكن توجيهها لها؟

والله ما بحب قيم حدا..........كتقييم لأن لازم كون أرفع منو ليحئلي هالشي........عالأليلة يعني

وفي المصارحة (على نسق ما يرد في الموضوع حتى الآن) تقييم بالدرجة الأولى


أما بالنسبة لهذا السؤال (إن وصلت أفكارها أم لا ) فأعتقد بأن جوابه عند الأخت نادين فقط


لكن لا بد من الإعتراف بما للأخت الفاضلة نادين من فضل على المنتدى وعلى أعضائه.....بارك الله بجهودها ...وأكثر من مثيلاتها


أما بالنسبة للنصائح.....نوصيكم بتقوى الله في السر والعلن
والله يهدينا ويهديكم
واستمروا في نشاطكم كما عهدناكم
والسلام عليكم

[علي القلموني]

موضوع جميل جدا بارك الله بك أختي لينا على هذه الفكرة الرائعة .

أنا شوي متأخر على الرد لأني كنت شوي مشغول ...

بالنسبة للأخ وسيم غنوم والله جميع مشاركته فيها الفائدة وأدعوه الى مواصلة هذه المشاركات ويظل على نشاطو المعتاد .

أما الأخ دوكر والله أحيانا بحس أنو تفكيرو مثل تفكيري الله يجمع القلوب على الطاعة بس عندي مشكلة معو أنو عندما أريد أن أقرأ له مشاركة ما أتعذب كثيرا بسبب كتابته المميزة ولغته القلمونية التي يأبى تركها حتى بالكتابة بارك الله بك أخي وأدامك على الحق .

[Warrior]

موضوع جميل جدا بارك الله بك أختي لينا على هذه الفكرة الرائعة .

أنا شوي متأخر على الرد لأني كنت شوي مشغول ...

بالنسبة للأخ وسيم غنوم والله جميع مشاركته فيها الفائدة وأدعوه الى مواصلة هذه المشاركات ويظل على نشاطو المعتاد .

أما الأخ دوكر والله أحيانا بحس أنو تفكيرو مثل تفكيري الله يجمع القلوب على الطاعة بس عندي مشكلة معو أنو عندما أريد أن أقرأ له مشاركة ما أتعذب كثيرا بسبب كتابته المميزة ولغته القلمونية التي يأبى تركها حتى بالكتابة بارك الله بك أخي وأدامك على الحق .

الله يارك فيك . شو اخي من اين اتيت باسم وسيم غنوم ، ليش مين حكي عنو ؟
يا حبيبي اسا ما اجا وفتو لهل المنظوم . انتبه منيح .

[Warrior]

الاخت ندين الحمد لله الله سبحانه منّ عليها بالهداية .
هي مشرفة و فهمانه ولديها مشاركات كثيرة ومفيدة وبتحب تساعد كتير و بتتقبل النصيحة وبتحب تتعلم كتير . لديها بعض الاغلاط بالاشراف ولكن لا يهم بنتحمل منها .

[علي القلموني]

ما تآخذنا أخي الكريم Warrior غلطة ما منكررها إنشاء الله

[هاني]

ما شاء الله تعريفك يا اخت لينا بالاخت ندين كفا ووفا ما بقا فينا نقول الا الله يوفقا

[روعة]

السلام عليكم ورحمة الله وبركاته
كدت أقول أن تعريفك لينة كفى ووفى
فسبقني إليها الأخ هاني
أختنا ندين قدمت الكثير من علمها ووقتها للمنتدى
بارك الله بها

[دوكر]

يا هلا بالجميع......
و لك ايش هل الكلام ...ؤال كفت و وفت.......ههههه....شحكيت ليش.......و لك هادي معلمتي نادين .....يعني عنجد الكلام لي انحكى ءليل كتير .....ما شاء الله الست نادين من الصبايا التعيبة بالمنتدى عندا كتير اشياء مهمة و بتشارك الكل .....و عندا مواضيع كتير مفيدة......
و الواحد ما بعتأد فاي يحكي عنا بكم سطر......
يعطيكن العافية.....
اخوكم دوكر المعوكر...............

[Barbie]

السلام عليكم ,
الأخت ندين من خلال مواضيعها و مشاركاتها , تدل على محبتها للجميع و السعي لإفادتهم و نصحهم . بارك الله بها .

[lina k]

سلام,بداية أشكر كلّ من شاركني في هذا الموضوع سواء بالردّ أو بالقراءة.وأعلمكم بأنّ اليوم هو اليوم الأخير في تقييم الأخت "نادين" و يمكنها الردّ في المساء.
وبعد ردّ الأخت "نادين",سأقوم بإيقاف هذا الموضوع لحين إنتهاء الإمتحانات والعام الدراسي(=تقريبا في منتصف شهر تموز).
أتمنى التوفيق للجميع....
دمتم بخير...

[Nadine]

الاخت لينا : قلمي يتردد في الكتابه خوف الا يكتب كلمات تليق بك, والله لقد اخجلتني بكلامك , كلامك الذي تنبعث منه رائحة المحبة, اليك اجمل التحايا وازكى عطرور الريحان


الاخ زاهر شكرا على حسن ظنك فيما اكتب ...اللهم اجعلني دائما عند حسن ظن الجميع...


الاخ warrior اشكرك اخي على كلماتك الرائعة, يا ريت تخبرني شو الاخطاء اللي حكيت عنن,

الاخ هاني , بارك الله فيكم اخي , وان شاء الله كون دائما عند حسن ظنكم...

الاخت روعة وفيكم بارك الله اختي , وان شاء الله كون دائما عند حسن ظنكم...

الاخ دوكر لقد اخجلتني و لعثمتني بجميل كلامك و سمو اخلاقك فأعجزتني عن كل الكلام سوا الدعاء بارك الله فيك

الاخت باربي وفيكم بارك الله اختي وان شاء الله كون دائما عند حسن ظنكم...

[الريس]

متأخرة أحسن من بلاها


الست نادين ما في منها ، نشيطة ، وحركة وملتزمة ، مشكلتها انو بتزعل بسرعة ، يعني اذا بتخدلها شوية عصبية من روعة وبتعطيها بدالون شوية رواق ، بيطلعوا التنين تمام .

الملاحظة التاينة ، انها ما بتفوت على السياسية أو .......... يعني الدين كلياتو صوم وصلي وقرا قرآن ، أكيد ما هيك تفكيرها ، بس هيدا الشي الي مبين من خلال كلامها بالمنتدى .


يا ست نادين الكلام عالمذاهب العلمانية و وتحذير الناس الماشية معها على العمياني ، مش مسألة خيارة يعني الشغلة مش متل صيام التنين و الخميس أو كم ركعة بالليل أو ... الشغلة في حق مسكوت عنو لازم يتوضح ، ما معقول الناس عم تتخذ رب غير ربها ، وأنا قلهم لازم تتحجبوا وتصوموا وتصلوا و... ، ولك خليهم يعبدو الله بالأول ، ويعترفوا انو ربون بعدين منحكي شي تاني .

[أمّ البراء]

انشلّا بتنجحي يا لنّون! وبالتّوفيق الك والنا ولكلّ الأعضاء.....

[lina k]

السلام عليكم ورحمة الله وبركاته:

آن الأوان لتنشيط هذا الموضوع,و بالغد بإذن الله سأقوم بذكر إسم العضو الذي ستقومون بتقييمه......
إستعدواّ يا أعضاء......

[مايا]

السلام عليكم ورحمة الله وبركاته:
وعليكم السلام ورحمة الله وبركاته

آن الأوان لتنشيط هذا الموضوع,و بالغد بإذن الله سأقوم بذكر إسم العضو الذي ستقومون بتقييمه......
إستعدواّ يا أعضاء......
نحنا مستعدون بس ناطرينك شو ما بدك تنشطي الموضوع .

[Arsenic]

شو وين الموضوع أنا ضعت هلأ