انفلقنا!!!!!!!!!..بدنا حل.. الظاهر ازا ما كبرت ما بتصغر!!..

[Warrior]

اصبح الوضع لا يحتمل، نريد من البلدية ان تضع حلا سريعا ولو مرة .

والناس بالقلمون لا زم يتحركو ولازم يصير تفويض منهم للبلدية لحل هذه المشكلة ولتدخل تحت باب الاستغلال.

بالتاكيد مايحصل اليوم من قبل هذه (حذفت من قبل المشرف) هو نوع من الاستغلال الجبان لاهلهم بالقلمون وتسيس ارتفاع اسعار المحروقات لتامين اكبر قدر من الربح وهذا بالاتفاق مع بعضهم البعض، فان اصحاب المولدات بطرانين وعم يطبخو وينفخو مع بعض. وبكل قلت تهذيب وقت بتحكيه بقلك شو بدك تعمل اقطع الاشتراك وهذا بلهجة وقحة، يعني غصب عنها العالم بدا تدفع التسعيرة الجديده والناس بالقلمون ساكتين!!!!!!!!!

و المستغرب انو الاشتراك مع ارتفاع التسعيرة لا يأتي الا قليلا !!!!. ماذا بعد؟؟ هل تريدون ان تدفعو لهم لقاء لا شئ ؟؟. فعلا امر مستغرب!! من اهل القلمون!! . حان وقت الاستيقاظ وايقافهم عند حدهم .

[الشامي]

السلام عليكم ... كيفكم يا جماعة...

الله يجزيكم الخير على طرح هكذا مواضيع تخص عامة الناس وأكثرية أهل البلدة...

أظن أن ما طرحه أخونا أيمن غنوم هو الأقرب لحل المشكلة ... سواء من البلدية أو من جهة أو مجموعة من عامة الناس تقوم على هكذا مشروع على أن يكون خيرياً ويُعطي العاملين عليه حقهم(يمكن الخوض في تفصيلات المشروع في حال تبنيه) ... وقد يكون تبني البلدية لهكذا مشروع هو الأنسب ... والأمر برأي قابل وقابل جدا للتطبيق... أما أن تراعي البلدية 6 أو 7 أشخاص أو حتى عائلات على حساب 1000 أو 2000 شخص أو 300 عائلة مثلا فإن هذا مرفوض ... وهذا ما يحدث الآن بصمت البلدية عن هذا الأمر أو تغاضيها عنه والناس مشاركون بطريقة أو بأخرى فيما يقع عليهم من ظلم برضوخهم لما يقع عليهم وعدم تفكيرهم في حل يخرجهم منه والحل ليس بالمستحيل...



أخوكم

[عبد الله]

أنا برأيي انفلقوا بيكون أحسن.
انو ما بقى فيكن تعيشو بلا كهربا حطوا بطارية أحسن من خمسة أمبار ما بيحملو 3 لمبات.
وعيشوا الوضع وما تخلوا الوضع يسيطر عليكن وسلام

[وسيم أحمد الفلو]

أنا أعتقد أنكم تطلبون من البلدية أموراً غير واقعية قط.

البلدية يمكنها أن تنقل وجهة نظر الناس إلى أصحاب المولدات، ولكن لا يمكنها أن تفرض أي شيء عليهم لأنه لا يوجد قانون ينظم هذا القطاع.

[الزاهر]

السلام عليكم ورحمة الله تعالى وبركاته

لقد سبق وناقشنا هذه القضية بشكل بسيط في موضوعي "صورة....وقضية!!!"............وكان رأيي بأن يقوم الأهل بإنشاء "لجنة أهل" تقوم بالضغط على أصحاب المولدات وتهدد بقطع الإشتراك الجماعي وإثر ذلك يكون أصحاب المولدات مضطرين_على الأقل_ لأخذ شكاوى الناس بعين الإعتبار!!!!

ولتنفيذ ذلك يجب أن يقوم شخص بوزن الأخ الدكتور وسيم الفلو مثلا بتبني الفكرة ويقوم بطرحها على المخاتير ووجهاء الضيعة ليقوموا بتحركاتهم بين الناس....


وبالمناسبة.............منذ فترة كانت تأتي فاتورة الإشتراك وعلى قفاها شروط وواجبات المشترك وكذلك صاحب المولد...........وكان من بين الشروط بأن صاحب المولد يتعهد بأن الحد الأقصى للتغذية هو 10 ساعات في اليوم............أما الآن فتغيرت الفاتورة وما عادت عليها تلك الشروط !!!

أما بالنسبة لما طرحه الإخوة من أن تتبنى البلدية مشروعاً للمولدات الكهربائية فهو برأيي غير ناجح!!!...........لأنا لم نعهد من البلدية أية صيانة لأي عمل ومشروع تقوم به..........والمولدات تحتاج صيانة بشكل دائم وكاتماتها تحتاج تبديل كل فترة.....يعني بالمشبرح إذا تبنته البلدية رح يمشي الحال سنتين وخلص.........بيرجع الوضع أسوء بكتير!!!!

اما أن يقوم الأهل بتبني المشروع ................ كذلك ما بيمشي الحال...........كلنا منعرف بعض ومنعرف إنو رح تشتغل المحسوبيات بعد فترة وإنو في ناس رح تنظلم.........وسيكون مجرد إعلان هذا الأمر هو بمثابة إعلان حرب ضد أصحاب المولدات الحالية!!!!


بالمختصر:

على أخ له وزنه في القلمون أن يتبنى فكرة اللجان الأهلية ويقوم بتحركاته بين وجهاء القلمون لتكون قوة ضاغطة على أصحاب المولدات ولكي يأخذوا شكاوى الناس بعين الإعتبار!!!!

والجو حاليا مهيأ لهكذا خطوة بشكل كبير!!!

[أبو رياض القلموني]

أنا بشوف الحل إنو كل واحد من أعضاء البلدية يشتريلو مولد زغير يحطو تحت بيتو .. وهيك بتنحل المشكلة !!!

إذا البلدية شغلتا توصل وجهة نظر العالم لأصحاب المولدات .. فما في داعي للبلدية .. لأنو أصحاب المولدات أكتر ناس بيعرفو وجهة نظر العالم ...

بعدان شو شغلتا البلدية !! منو تحل المشاكل ... منكن شايفين إنو الكهربا لازم تكون جاية عطول بهالإيام .. لأنو ولادنا عندن شهادات !!
يعني عالأليلة فيكن تعملو عريضة تمرأوا عإهل الضيعة إنو البلدية رح تشتري مولد كبير للضيعة و رح يكون في إشتراك كمبلغ أولي .. و إذا وافأو عليا الأهالي .. رح يصيرو أصحاب المولدات متل التواتي و يبوسولكن إجريكن و أش ما بدكن بيعملو .. بس الأصة إنو لازم يكون في حدا يتحرك ... في حدا لازم يشعل الفتيل تتمشي الأصة .. أكيد ما بدكن يانا ننزل نعمل مظاهرة بالشارع .. حدا لازم يمر عالأهالي و يمريء عريضة ...

ولك ليش البلدية ما بتعمل شي مشروع بيفيد .. أيمتن بدكن تحكو مخكن شي شوية ... ولك صحيح يمكن تدفعو مبلغ كبير بالأول .. بس أنا متأكد إنو إذا حطيتو مولدات و خدتو إشتراكات لونو بسيطة(15000 ل.ل.) رح تربح البلدية بلاوي من المشروع عالمدى الطويل .. و الناس بتكون رضيانة ...

[وسيم أحمد الفلو]

أنا بشوف الحل إنو كل واحد من أعضاء البلدية يشتريلو مولد زغير يحطو تحت بيتو .. وهيك بتنحل المشكلة !!

أنا لم أقل لك ذلك، ويمكنك أن تستمر في دفع 60000 ل.ل وتبكي على الأطلال، وتنتظر البلدية والدولة ووووو


من الناحية العملية لا يمكن للبلدية أن تفعل شيئاً حيال المولدات، وفي السابق أقيمت إجتماعات لم ينفذ منها شيء، لأن المولدات أصلاً غير شرعية ولا سبيل لإيقافها على ما أعتقد.

والبلدية لا تستطيع أن تنشيء مولداً لأن البلدية ليس لها الصلاحية لمد شبكة مخالفة للقانون (الكهرباءفي القانون لا توزع إلا من خلال الدولة والبلدية هي هيئة قانونية وبالتالي فهي لا تستطيع مخالفة القانون ).

الكلام النظري شيء والكلام العملي شيء آخر.

أما بالنسبة لل15000 فهل يمكنك بمولد خاص أن تغطي الشهر كله بنصف تنكة مازوت (مع تغذية يومية لمدة 6 ساعات)؟؟

يجب أن تكون الطروحات واقعية لكي تؤخذ على محمل الجد.

البلدية تكلمت في السابق مع أصحاب المولدات ولم تصل لنتيجة لأنها لا تملك سلطة.

يمكن للبلدية أن تفعل شيئاً واحداً من الناحية القانونية (على ما أعتقد) وهي إيقاف عمل هذه المولدات.

والسلام عليكم

[Nader 3:16]

الكل بالفعل يعاني من قصة انقطاع الكهرباء...و التقصير الحاصل من قبل اصحاب المولدات و تقاعصهم عن تغذية المشتركين بالكم الكافي من الطاقة.
و الاكثر ضرراً من هذه القصة بالطبع اصحاب محلات البوظة و ما شاكلها.
لذلك لا بد من القيمين على الموضوع مراسلة اصحاب المولدات لتبيان السبب في هذا التقصير.

[أبو رياض القلموني]

أنا لم أقل لك ذلك، ويمكنك أن تستمر في دفع 60000 ل.ل وتبكي على الأطلال، وتنتظر البلدية والدولة ووووو



من الناحية العملية لا يمكن للبلدية أن تفعل شيئاً حيال المولدات، وفي السابق أقيمت إجتماعات لم ينفذ منها شيء،

منا عم نبكي عالأطلال ... عم نبكي عوسيم و طلال ... وعهالبلدية اللي ما بيطلع بإيدا شي
كلنا فينا نشتري مولدات صغيرة .. بس ما هادا هوا الحل ..
بعدين كيف بدكن يانا نمشي عالقانون و بدكن كل الضيعة تشتري مولدات زغيرة ... مأصلاً المولدات الزغيرة ممنوعة .. ولا بس البلدية لازم تمشي عالقانون !!

أحسن شي نأبع شوكنا بإدينا متل ما آل زاهر .. خلينا نتفأ ما ندفعلن .. يعني إذا نص المشتركين ما دفعو بصيرو غسبن عنن بدن يرضخو للمطالب ...