بارك الله بالأخ أيمن لفتح هذا الموضوع! بصراحة أنا كنت حابّي أفتح موضوع مماثل بعد الامتحانات بس من وجهة نظر تانية! أقصد مقارنة بين الضّجّة التي أثارها مسلسل باب الحارة وتهافت النّاس من كافة الأعمار واللآراء عليه وبين مسلسل نور اللي عم يجتاح الدّنيي! يعني ألله وكيلكن بتكون الضّيعة عنّا عم تغلي غلي وبسّ تصير السّاعة 10 ............ش شش .هدوء.شو صار؟؟ والله بلّشت نور!
هيك كان الحال برمضان وبعد رمضان مع مسلسل باب الحارة!
ومما لا شك فيه أنّ الفرق بين المسلسلين كالفرق بين الثّرى والثّريّا...ولكن الإشكاليّة هي أنّ الشّعب العربي كما اتّضح لي هو شعب أهبل وراسو فاضي تماما كالوعاء الفارغ الذي يستوعب كلّ ما يعرض عليه سواء كان قيّما يحمل هدفا أو كان مجرّد تسلية وتضييع وقت وهدّ قيم! يعني أمانة أنا بتحدّا حدا يلخّصلي الفكرة الأساسيّة الي عم يعرضا مسلسل نور!
ديعان ما قلنا من بعد باب الحارة إنّو والله الحمد لله صار عنّا شويّة وعي بالقضايا المصيرية لأمّتنا وصار عنّ سينما هادفة والأهمّ شعب بيعرف يختار!