المرأة متهورة في القيادة/كلا ليست...

**اليمامة الحضرمية** · 23-01-2009, 02:58 PM

السلام عليكم ورحمة الله

يقولون إن المرأة لا تجيد القيادة مثل الرجل (كفكرة عامة)

وتدافع النساء ويقولون كلام فاضي

ويحدث أننا نعبر الشارع فإذا بـ"عجـ ء ـة" سير ،،

فإذا بنا نرى سيارة "مش عارفة تاخد تكوع مظبوط" وإذا السائق إمرأة ،،

والبعض الآخر يرى السائق رجل ،،

كلن على حسب " مع مين بيشدّ"

شخصياً أقدم نصيحة لصاحباتي أن لا يقطعنّ السكة أمام سيارة تقودها إمرأة،،

(مع أن أمي تقود قيادة ممتازة بشهادة النساء والرجال أيضاً ،،)

وبما أن صاحباتي هن كارول وصفية فهذا يعني أننا نفتح نقااااش حاااادّ مع وضد الموضوع

فقررنا أن أطرح الموضوع ونرى رأي الغالبية....

فما رأيكم؟؟!!!

**Mohammad** · 23-01-2009, 03:11 PM

الموضوع شيق جدا ً...و قد أعطي رأي مخالف نوعا ً ما...و ذاك لأنني أعيش في الغرب...فالاحصائيات هنا تقول أن الامرأه هي أشد حرصا ً من الرجل في مسألة القياده..قيادة السيارات...و ذلك لكثرة نسبة حوادث السير التي يكون سببها الرجال ...أما في لبنان فقد يكون العكس صحيح ذاك أن القياده في لبنان صعبه فعندما أزور الوطن من وقت لآخر أجد أشياء كثيره تتغيرإلا حال السير و قبادة السيارات فهي ما زالت على حالها ...مكانك راوح هذا والله أعلم..
شكرا ً

**اليمامة الحضرمية** · 23-01-2009, 03:19 PM

شكرا لك مرورك أخ محمد

**Moon** · 23-01-2009, 03:43 PM

يعني عنجد على حسب.. في بنات بتسوق احسن من الشباب و كمان في شباب بتسوق انحس من الولاد ..ما فينا نعمم.. بس الأكيد انو الاغلبية من النساء سواقتن فاشلة شوي.. قصدي كتير ..

والغريب بالموضوع انو مافي بنت بتسوق ممكن تسمح لبنت تقطع الشارع قداما.. بتدعسا ولا ممكن تمرقا.... سؤال برسم الأخوات الشوفيرية بالمنتدى....

**مايا** · 23-01-2009, 04:32 PM

السلام عليكم ورحمة الله وبركاته
انو شو هيدا مين قال المرأة هي سبب العجقة ما صحيحة هالاحصائية في نساء بيجننوا بالسواقة واحسن من كتير رجال بيسوقوا

**lina k** · 23-01-2009, 04:46 PM

أوف أوف...........هلأ البنات ما بيعرفوا يسوقوا والمهارة كلها عند الشباب!!!

مش صحيح هادي المسألة نسبية يعني بين البنات في واحدين بيعرفوا يسوقوا وواحدين لأ ونفس الشي عند الشباب.وبعتقد إنوّ هالمقولة تم إختراعها بلبنان لأنو البلد الوحيد يليّ ما فيه أنظمة سير أو بالأحرى ما حدا بيطبّق النظام, ويليّ ما بطبّق النظام وبيتهور وبيسرع و بدفّش تدفيش هن بالأغلبية من الجنس الذكوري(خصوصاً أصحاب التاكسي) وبهالحالة إذا البنت عم تسوق بتخاف وما بتدفّش متلن فبيقولوا عنّا ما بتعرف تسوق!!!!هادي كلّ القصة......

شكراً على الموضوع

والسلام عليكم

**karol mallat** · 23-01-2009, 05:56 PM

السلام عليكم ,
عملتيها يا سمر

و الله هي الشغلة عنجد نسبية و ما كل صابيعك ذي بعض , و متل ما الشباب بيعرفو يسوقو كمان البنات بيعرفو يسوقو .
ملاحظة : ما تنسي إنو أكتر الحوادث بكونو عاملينها شباب ( الله يحمي أهلنا من الحوادث ) ... و السبب ما بكون سواقة البنات بكون السرعة . ( و ما في تلات نقط , لأن ما في غير هل السبب )

بس طبعا ً في استثناءات ( أكيد فهمتي قصدي ) .
لأن إن كان شب أو بنت القصة منعرف نسوق او ما منعرف نسوق .
و بخصوص الحوادث دائما ً القدر بيلعب دورُ ...

و مشكورة عل الموضوع سمورتي .

**gardinia** · 23-01-2009, 06:02 PM

والله في بنات بتعرف تسوق و في بنات لأ و كمان نفس الشي عند الشباب منن بيعرفوا يسوقوا و منن لأ.
و في شباب بتقول إنو البنت ألبها ضعيف و ما عندا القوة الكافية لتسوق مظبوت و إنو الشب أقوى و بيقدر يسوء أحسن. طيب يا شباب لش ما بتقولوا إنو البنت لأنّ قلبها منو قوي, رح تكون اكتر حذر من الشب بالقيادة أما الشب لأن ألبو قوي و ما بهمو فبسوء كيف ما كان و هوا اللي بسبب الحوادث؟

**اليمامة الحضرمية** · 23-01-2009, 06:07 PM

)Moon(

)مايا(

)Lina K(

)gardinia(

يا اهلاً وسهلاَ بكم شرفتوااا الصفحة ونورتوها

والحق معكن الشغلة نسبية يعني على حسب....

يا هلا وغلا

**karol mallat** · 23-01-2009, 06:09 PM

عفوا ً كان المقصود بالإستطلاع إني صوت ل : كلا مطلقا ً .
بس نفءست بالغلط على لي بعدها .

**الزاهر** · 23-01-2009, 06:18 PM

حسب كلام الدكتور عبيد الجعيدي فإن عقل المرأة قادر على القيام بأمور متعددة في وقت واحد وهذه طبيعتها وأصل تعاملها مع الأشياء
عم تطبخ .. التلفون عإدنها عم تحكي الجارة ... وعم تفكر بصرفة الولاد بعد شوية .. واليوم لازم تروح عشية تكزر ... هذه طبيعتها .. وهذا يخدم مهمتها ... الولد عم يبكي وبدها ترضعو وتحفض أخوه وبدها تكتب رسالة ... كلو مع بعضو تفكيرا وتطبيقا !!!
أما الرجل فيركز كل مجهوده العقلي في أمر معين ... لذلك نجد نسبة العلماء المتخصصين من الرجال تفوق تلك من النساء بما لا يقبل المقارنة أصلا .. فالرجال يتخصصون ويركزون الاهتمام والجهد في مجال فيبرعون فيه وهذه طبيعتهم
بيؤولو بدك تتخلصي من زوجك .... اتصلي فيه هو وعم يسوء وتألي العيار ... طلبي غراض ... حكيه عن الكزار .. شكيلو عالولاد ... ما بيوصل عالبيت ... يا عالمقبرة يا عالمستشفى !!!

بالتالي قيادة النساء للسيارة لن تكون كقيادة الرجال لها .... فالرجل يركز كل اهتمامه بالقيادة ... وبالقيادة فقط ... كم المسافة المطلوب إبقائها بين سيارتي وبقية السيارات ... مسار الرحلة ... أداء السيارة ... إلخ!!

أما النساء ... تدخل المنعطف وتفكر بالكوسا كنها بدها نص كيلو لحمة ولا تلات واء ... والولاد لازم لحئهم أبل الصرفة .... وبكرا الصبحية عند أم فوزي ... خلال المنعطف !!!

...

بالتالي
عجئة وحوادث !!!
وأكبر دليل الأخت نارا وأختها دانيا !!

**أبو حسن** · 23-01-2009, 11:22 PM

تلاتة نفر ما في معلوم سواقة:

حرمة وهندي وسوداني

حكمة باكستانية...

**اليمامة الحضرمية** · 24-01-2009, 11:56 AM

المشاركة الأصلية كتبت بواسطة karol mallat

السلام عليكم ,
عملتيها يا سمر

و الله هي الشغلة عنجد نسبية و ما كل صابيعك ذي بعض , و متل ما الشباب بيعرفو يسوقو كمان البنات بيعرفو يسوقو .
ملاحظة : ما تنسي إنو أكتر الحوادث بكونو عاملينها شباب ( الله يحمي أهلنا من الحوادث ) ... و السبب ما بكون سواقة البنات بكون السرعة . ( و ما في تلات نقط , لأن ما في غير هل السبب )

بس طبعا ً في استثناءات ( أكيد فهمتي قصدي ) .
لأن إن كان شب أو بنت القصة منعرف نسوق او ما منعرف نسوق .
و بخصوص الحوادث دائما ً القدر بيلعب دورُ ...

و مشكورة عل الموضوع سمورتي .

لو يا كارولتي ..ايه طبعاَ عندك شك..ما بحكي شكلين...ههه

شوميشان عمتحكي هون برواق...ههههه

آمين والله يحمي كل ولاد والأهالي....حبيتها مافي تلت نقط عان هيك رح حطلك ياها أنا

(...)
صح كلامك كارولتي أكييد القدر بيلعب دورو ....ومشكورة على مرورك الحلو

و"لبناني"(فهمتيها عليي ماهيك؟!!) ما قدرت رد مبارح لأنو إجا حدن فجأة....

**اليمامة الحضرمية** · 24-01-2009, 11:57 AM

المشاركة الأصلية كتبت بواسطة karol mallat

عفوا ً كان المقصود بالإستطلاع إني صوت ل : كلا مطلقا ً .
بس نفءست بالغلط على لي بعدها .

فداكي كوكي على فكرة فيكي تصويتي لاتنين

**اليمامة الحضرمية** · 24-01-2009, 12:03 PM

الزاهر

حسيتك جيبت من ناحية علمية تقريباً

حبيت التحليل يلي قدمتو

شكرا لك

أبو حسن

شكراً لمرورك

وعلى المثل الباكستاني أو الحكمة

**ملاك النور** · 24-01-2009, 12:33 PM

المشاركة الأصلية كتبت بواسطة الزاهر

بيؤولو بدك تتخلصي من زوجك .... اتصلي فيه هو وعم يسوء وتألي العيار ... طلبي غراض ... حكيه عن الكزار .. شكيلو عالولاد ... ما بيوصل عالبيت ... يا عالمقبرة يا عالمستشفى !!!

انا بتحداك تخلي سفيان الخباز يعصب يا زاهر لو شو ما كان

**فرح** · 28-01-2009, 04:47 PM

المشاركة الأصلية كتبت بواسطة الزاهر

حسب كلام الدكتور عبيد الجعيدي فإن عقل المرأة قادر على القيام بأمور متعددة في وقت واحد وهذه طبيعتها وأصل تعاملها مع الأشياء
عم تطبخ .. التلفون عإدنها عم تحكي الجارة ... وعم تفكر بصرفة الولاد بعد شوية .. واليوم لازم تروح عشية تكزر ... هذه طبيعتها .. وهذا يخدم مهمتها ... الولد عم يبكي وبدها ترضعو وتحفض أخوه وبدها تكتب رسالة ... كلو مع بعضو تفكيرا وتطبيقا !!!
أما الرجل فيركز كل مجهوده العقلي في أمر معين ... لذلك نجد نسبة العلماء المتخصصين من الرجال تفوق تلك من النساء بما لا يقبل المقارنة أصلا .. فالرجال يتخصصون ويركزون الاهتمام والجهد في مجال فيبرعون فيه وهذه طبيعتهم
بيؤولو بدك تتخلصي من زوجك .... اتصلي فيه هو وعم يسوء وتألي العيار ... طلبي غراض ... حكيه عن الكزار .. شكيلو عالولاد ... ما بيوصل عالبيت ... يا عالمقبرة يا عالمستشفى !!!

بالتالي قيادة النساء للسيارة لن تكون كقيادة الرجال لها .... فالرجل يركز كل اهتمامه بالقيادة ... وبالقيادة فقط ... كم المسافة المطلوب إبقائها بين سيارتي وبقية السيارات ... مسار الرحلة ... أداء السيارة ... إلخ!!

أما النساء ... تدخل المنعطف وتفكر بالكوسا كنها بدها نص كيلو لحمة ولا تلات واء ... والولاد لازم لحئهم أبل الصرفة .... وبكرا الصبحية عند أم فوزي ... خلال المنعطف !!!

...

بالتالي
عجئة وحوادث !!!
وأكبر دليل الأخت نارا وأختها دانيا !!

ههههههههههههههههههه...

و الله معكن حء يا أخ زاهر...

**اليمامة الحضرمية** · 28-01-2009, 10:50 PM

ملاك النور

فروحه

أهلاً وسهلاً بكم

نورتوا الموضوع

**Arsenic** · 29-01-2009, 07:12 PM

السيارة بتمشي بس مس هادا المهم ...

**THE TERRORIST** · 29-01-2009, 09:58 PM

المرأة بشكل عام ما بتعرف تسوق.... بس في exception في هذه النظرية ... و هيدي exception لا تتعدى ال7,4% من النساء...
فيعني بشكل عام و آخر الشي المرأة متهورة بالسواقة....
بارك الله بكم على الموضوع.

**hadid** · 29-01-2009, 10:49 PM

أنا ما بعمري شفت مرا بتعرف تسوق مع إحترامي للجميع

شي مرة شفتو سباق فورمولا 1 للبنات ؟؟ أنا ما شفت

سلام

**Warrior** · 30-01-2009, 02:46 AM

انا اول ما شوفت الموضوع من العنوان يعني فكرة انو عن قيادة المرأه للحزب او للدولة او هيك اشيا .....

انا ممكن صدق انو المراة بتعرف تقود اشيا كتير مثلا: جرافة ، شاحنة ، دبابة رافعة باطون، زفاتة ، دنبر ، تقود ايد زوجها ،

بس تقود سيارة اكيد ما بتعرف، هذه انا متاكد منها

.

**اليمامة الحضرمية** · 30-01-2009, 12:38 PM

Arsenic

The terrorist

Hadid

Warrior

شكرا لمشاااااااركنكم

بس برأيي أنو مافي في نسبة أكبر من النساء تجيد القيادة

ومش شرط تكون بتلعب فورمولا واااان..........

**hadid** · 30-01-2009, 05:26 PM

أنا صوتت ب

نوعاً ما أو على حسب

بس ما أصدي إنو الرجال بسوقو أحسن من المرأة أبداً أغلبية الشباب متهورين بقيادة السيارات ولهيك الفورمولا 1 للشباب

سلام

**اليمامة الحضرمية** · 30-01-2009, 11:25 PM

شكرا على التوضيح وأهلا مرة أخرى

مشاهدة نتائج الإستطلاع: هل تعتقد أن قيادة المرأة مشاركة بنسبة ما في عجقة السير والحوادث؟

الموضوع: المرأة متهورة في القيادة/كلا ليست...

أدوات الموضوع

عرض

المرأة متهورة في القيادة/كلا ليست...

ضوابط المشاركة