الدعوة الفردية.
السلام عليكم. كيفك الشباب؟؟؟؟
حابب ناقش بهالموضوع...موضوع الدعوة الفردية....ونشوف كيف ممكن كل انسان مسلم يدعي الى الاسلام بمفرده و ذلك بالتركيز على شخص معين و ان يعمل على محاولة جرّه الى الاسلام الصحيح.
وانا عندي بعض التصورات للموضوع و رح بلش بالفكرة الأولى(مراحل الدعوة الفردية) ونفصّل كل فكرة لوحدها. ونناقش بكيفيتها و من هالؤصص.
رح نبلش بإذن الله ويا ريت تشاركونا و تساعدونا بأفكاركم.
اولاً:
1-تكوين العلاقة مع المدعو: بحيث تكسب ثقته و تحسسه انك مهتم به حريص عليه تسأله عن احواله عن دراسته عن بعض الأمور قبل الشروع بفكرتك تجاهه..بإختصار تهيئه نفسياً و فكرياً لعرض فكرتك الاسلامية عليه....
مثل: ماشي عم كزدر...شفت احد الشباب الطيبين بس بعيد عن الجوّ الاسلامي.بتبلش معو السلام عليكم..شو كيفك؟؟ ...خلينا نمشي شي مشوار مع بعضنا حابب امشي معك ...
صاحبنا ما رح يخجلك و رح يمشي....وبتبلش معو شو كيف هالدرس ان شاء الله عم تجيب نتائج ...كيف كذا وكيف كذا؟؟ وبعدين بتبلش بفكرتك..شو عم تصلّي بهالايام....هو ممكن يقلك لا والله.....ساعتها بتبلش معو بتذكّروا بنعم المولى عزّ وجلّ عالانسان....وانو الواحد مابيعرف ايمتن بدو يموت...وساعة بالترغيب و ساعة بالترهيب (كل واحد واسلوبو..ورح نرجع نناقش الاسلوب بفكرة تانية)..
طيب والله طوّل معنا المشوار...بتعزموا عقدح عصير.(اصحا تخليه هوا يدفع هههههه)....وبتقلوا و الله حبيت المشية معك و خلينا نشوفك مرّة تانية و نكفي بموضوعنا...
اهمّ خطوة بهادي المرحلة هي تكوين العلاقة الطيبة مع المدعو وتحبيبه فيك كداعية....ورأس مال الشغلة مشوار بالضيعة (أكيد مو جنب الجامع)...و الف ليرة حء ادح عصير ههههه.
والمسألة لا تتوقف عند هذا الحد ..حاول دائماً اسأل عنّو...ساعدوا بالدرس اذا هو بحاجة....زوروا اذا مرض...حاول تكسب اهلو كمانا (شغلة مهمة)...
نهايةً: الفكرة انو لو كل واحد منّا كشباب بحط براسو هالفكرة و ببلش يشتغل عأحد الأخوة...الا ما يلاقي نتيجة ولو بعد حين...وبالنهاية هذا العمل رح يكون بميزان حسناتو يوم القيامة.
وعقولة أحد المشايخ...متل ما شفير التاكسي بشوف الراكب على انّو الف وخمسمية...انت شوف الأخ على انّو جبل كبير من الحسنات.
هذا مبدئاً و للموضوع تتمية وحابب اسمع آرائكم بالفكرة الأولى. قبل ان ننتقل لفكرة اخرى ومن ثمّ نعرض بعض المشاكل التي يمكن ان يتعرض لها الداعية في هذا المجال.
بس يا ريت من الاخوة الحفاظ على التسلسل الذي رسمته للموضوع حتّى لا يختلط الحابل بالنابل و نستفيد حقاً من الموضوع.
والسلام عليكم و رحمة الله و بركاته.
رد مع اقتباس
