كلّيّة العلوم... وما أدراك ما العلم!!!

**أمّ البراء** · 13-03-2009, 03:27 PM

السّلام عليكم ورحمة اللّه وبركاته

منذ ثلاث سنوات وحتّى الآن ... لم أقابل في كليتنا الحبيبة كليّة العلوم طالبا او طالبة كانت العلوم خياره الأوّل او هدفه المباشر بعد نيل شهادة القسم الثّاني...

أتوجّه بالسّؤال إلى الزّملاء في كلّيّة العلوم ...السّابقين منهم والآنيين وحتّى اللّاحقين....
هل كلية العلوم حلمك ؟
أم أنّها الخيار البديل للكلّيّة التي لم تتمكّن من دخولها؟

**afaf** · 13-03-2009, 04:03 PM

بالنسبة إلي أنا بالآداب
وطبعاً ليست حلمي
بس ما باليد غير هيك

**lina k** · 13-03-2009, 06:20 PM

يا هلا بأم البراء ومشكورة على هالطرح الحلو
وبالنسبة لي فأنا عملت جولات عكذا جامعة بالشمال بس ما فتت ع ولا جامعة منن ورجعت عملت دورة architectureوما كفيت فيها لأنو كنت لوحدي وما معي حدا من رفقاتي فما بقي إدامي إلا العلوم وأنا بالأساس كنت بحب البيولوجي ففتت هالإختصاص والحمد لله مبسوطة فيه رغم كل شي

**Nader 3:16** · 13-03-2009, 06:35 PM

العلوم بإختصار.....أتعبت من فيها.

**أمّ البراء** · 14-03-2009, 01:02 PM

أنا كنت حابي فوت ع كلّيّة الإعلام لأني كتير بحبّ الصّحافة والإذاعة والتّلفزيون بسّ البابا ما قبل معي .. كان بدّو ياني إٌبقى بميدان العلوم

... كتيركنت متدايقة لأني ماانعطيت فرصة كون بالإعلام .. استخرت وفتت ع العلوم وتسجّلت بالبيوشيمي لأنّي كمان كتير بحبّ هالإختصاص المليء بالمعومات المهمّة عن الحياة وتفاصيلها ... والحمد للّه لحدّيت هلأ أجمل أيّام حياتي عم قضيا بالعلوم ... رفقاتي بيعقدو

... موادي بتجنن ... بسّ مشكلتنا بالدّكاترة

يلي أغلبن صاروا دكاترة عن طريق الصّدفة....

**Abir** · 14-03-2009, 01:22 PM

طيب أنا حبيت العلوم وكانت اختياري من الأول .. ما برمت ولا رحت ولا جيت ولا قدمت لا هون ولا هونيك .. دغري اتجاه مباشر نحو كلية العلوم والحمد لله ما ندمت .. بالعكس ..

**الزاهر** · 14-03-2009, 03:56 PM

أما أنا فكنت بحب ادرس شي إلو علاقة بالهندسة الصوتية أو شي إلو علاقة بالمونتاج والعمل الإعلامي بس بهالبلد بيأتلولك طموحاتك كلها ... ما في شي متوفر متل العالم !!!

فكان الخيار الأول والوحيد غير هادول عندي هو الفيزيك ثم تخصصت إيليكترونيك ... بالعلوم ... كذلك الأمر العلوم بالمبدأ رائعة لكن بالفعل بتأرف !!!

**سراب** · 16-03-2009, 01:05 PM

أنا كنت أرغب بارتياد كلّية الهندسة... لكنّي لم أوفّق في امتحان الدّخول
لهذا السّبب تسجّلت في الفيزياء في كلّية العلوم...
العلوم متعبة جدّا ولكنّها ممتعة!

**Abir** · 16-03-2009, 02:22 PM

ااااااااااااااااااااه صحيح اتذكرت .. انا كان بدي اعمل صيدلة على اساس وقدمت امتحان الدخول من بعد السنة الاولى وما مشي الحال يعني ما رحت عالعلوم كرمال العلوم بل كرمال كلية الصيدلة ..

بس المهم اني كفيت بالعلوم .. كيمياء...تعبت اكيد بالدرس .. بس تعب ممتع .. كيف ما بعرف.. ومتمنية لو فيني ارجع ادرس بالعلوم ونفس المواد من جديد ...

**وسيم أحمد الفلو** · 16-03-2009, 02:31 PM

أنا عندي تعقيب في هذا الموضوع وهو نوع من النصيحة سأكتبه عندما يتوفر لي الوقت وعندما أسمع آراء أخرى

**محمد أحمد الفلو** · 16-03-2009, 02:59 PM

المشاركة الأصلية كتبت بواسطة أمّ البراء

هل كلية العلوم حلمك ؟
أم أنّها الخيار البديل للكلّيّة التي لم تتمكّن من دخولها؟

أنا لما خلصت من المدرسه ما كنت عارف شبددي اعمل بجامعة ، لأن كنت بفضل دار المعلمين ، بس ما فتح على أيامنا ( الحمد لله لأن كنت ما كملت علم ) فبقي هندسه وعلوم لأن ما بدي عيش ببيروت ، جربنا عل هندسه وما مشي حال فحص الدخول لأن ما حضرت

ففتت على العلوم ، وبأول سنه بعد ما مشي الحال وصار شباب عكار ( يلي حبيت الجامعة بفضلن ) يعيطولي دكتور بسنة أولى ، وتوصى بولادنا ولا تكون متل دكاترة القلمون قاسي زرعو فيني فكرة التفوق حتى كمل علم ، بس كمان بسنه تانية كنت ادرس بس حتى اتفوق بس ولا مرة حبيت المواد إلا سنه تالتة حتى صار في مواد إختصاص معلوماتيه صرت حب اتعلم

**أمّ البراء** · 17-03-2009, 11:10 AM

بس ولا مرة حبيت المواد إلا سنه تالتة حتى صار في مواد إختصاص معلوماتيه صرت حب اتعلم

فعلا السنة التالتة هيي اللي بتحبب الطّالب باختصاصو

شكرا لكلّ المشاركين...
وبانتظار زملاء آخرين...

**أمّ البراء** · 07-04-2009, 02:50 PM

المشاركة الأصلية كتبت بواسطة وسيم أحمد الفلو

أنا عندي تعقيب في هذا الموضوع وهو نوع من النصيحة سأكتبه عندما يتوفر لي الوقت وعندما أسمع آراء أخرى

..... لا نزال في الانتظار...

**الشامي** · 08-04-2009, 06:50 AM

السلام عليكم ...

الظاهر أن الموضوع قديم نوعا ما ، ولكن لا بأس ، وبما أني كنت طالباً في كلية العلوم سأجيب باختصار...

طبعاً عندما انتهينا من القسم الثاني كان أمامنا خياران لا ثالث لهما (كطلاب في المجال العلمي) كلية العلوم أو كلية الهندسة وكالكثير من الطلاب بعد فترة الصيف قدمنا فحص الهندسة دون تحضير ولم نوفق لدخولها (الحمد لله

) ، فكان الخيار الوحيد هو كلية العلوم ، وما أدراك ما كلية العلوم ...

لمحة سريعة عن الكلية في حينه ، سنة 1993 ، قاعات غير مجهزة (برد ، مياه الشتاء ، ما في سبيكرات للواحد يسمع الأستاذ المُحاضر خصوصا إنو القلمونيين كانت مقاعدهم تبدأ من المدرج رقم 17 فما فوق

)...

هذه السنة الأولى بالطبع ، كانت كارثية ، ولكن في السنة الثانية وبعد اختياري لقسم الفيزياء كانت سنة هادئة وجميلة ، كنا عدد قليل جدا، أربع شباب وأربع بنات ، يعني رواء ...

الأمر الآخر هو المناهج القديمة نوعاً ما في ذلك الوقت ( يعني كمادة انفورماتيك في السنة الثانية أخذنا الفورترووون ،

) ...

على كل لن أسترسل ، أظن أني قد أجبت عن السؤال

أخوكم

الموضوع: كلّيّة العلوم... وما أدراك ما العلم!!!

أدوات الموضوع

عرض

كلّيّة العلوم... وما أدراك ما العلم!!!

شكراً للموضوع

السّلام عليكم

ضوابط المشاركة