مشاركات الريس

[الريس]

هل توافق على ادعائات بعض الأعضاء على أن مشاركات الريس ، هي مشاركات سخيفة ؟

[الزاهر]

هل توافق على ادعائات بعض الأعضاء على أن مشاركات الريس ، هي مشاركات سخيفة ؟

أبل ما جاوب.......هل تريد تقييم كل مشاركاتك.....بشكل عام......أم تريد التخصيص؟؟؟


إذا بشكل عام......لا
بشكل خاص......أكيد سخيفة

[الريس]

يا حبيب قلبي ، أنا قلت مشاركات ، ومش مشاركة ، يعني بشكل عام

[الزاهر]

أنا فهمت التخصيص من عبارة.....بعض الأعضاء......فـ "بعض الأعضاء" هاد المنتدى عندهم بايخ وسخيف.....
طيب ما دام هاد رأيهم....شو جايين يعملو هون؟؟؟؟

[جابر دملوك]

بشكل عام كل واحد منا له لونه الخاص الذي يميزه.
و لولا هذا التنوع لكان كل الناس أطباء أو شوفيرية تاكسي أو خضرجية.
الكل فيهم الخير و البركة.
و في شرعنا المجتهد المصيب له أجران و المخطيئ له أجر واحد.
و نحسب الأخ الريس وفقه الله تعالى على خير و يريد الخير لللأعضاء و للقلمون عامة و لا تنسوا أنه كان بالأمس القريب ملحدا و صار بنعمة الله تعالى قائد لواء يذب عن حياض الدين.
وفقه الله تعالى لما يحبه و يرضاه.
و له مشاركات جميلة لولا بعض الكلمات النابية التي إن دلت على شيئ فإنما تدل على قلب يحترق ألما لما يرى من منكرات و مغالطات هنا و هناك.
مشاركات الريس ليست سخيفة.

[الزاهر]

خيي رورو....في شي طريئة نغش....ونصوت مرة تانية!!!

[Nader 3:16]

كل واحد مناّ عندو مشاركات جدّية و عندو مشاركات سخيفة.......
و انا بحب شوف حالي قبل ما شوف غيري لذلك لن اصوت و شكراً...
و ما كان في داعي لهل الموضوع يا اخ الريس

[moustafa]

du3333333333333333333333

[Nader 3:16]

الى الأخ زاهر عمين عم تسمع حكي؟

[أم سفيان]

كل إنسان حر يحط الموضوع اللي بيعجبو واللي ما بيعجبو لا يقراه ولا يفوت يعلق علي
ولازم نراعي مشاعر غيرنا شوي يعني ماراح الواحد يكون مبسوط أكيد لمن إنسان بيجي وبيسخفو فكل واحد يشتغل بحالو وما يضل متحنط لغيرو عكل حرف

[HARD]

انا مني شايف حاجة لتقيم مشاركات احد... شو الهدف من هذا يعني? انا بقول يا ريس هل الحركات بلاها الجميع خير وبركة ولا تعتمد اسلوب الاخ فشلان .

[الريس]

الريس العزيز

حبيب قلبي ، أهلا وسهلا

اذا بدنا نقيم مشاركات ( بدون زعل ) فهي برأيي ما يلي :

تفضل

1- القليل جدا منها جدي ومفيد.

أولا يا حبيب قلبي أنا بهل الكم يوم مشغول شوية ، بس ما مستعد ضييع وقتي مشان شغلات سخيفة ، يعني أنا عارف حالي شو عم أكتب وشو قصدي من ورا كلامي ومش جايية العب ، واذا انت شاييف انو موضوع "بلا أخلاق" أو "موضوع الخطيبة من برات القلمون" أو المواضيع السياسية التي سبق وطرحتها ، اذا انت شاييف انو كل هذا سخيف فهذه مصيبة ، بس ما بعتقد انو في حدا غيرك شاف هيك ، يعني شوف حميطون ، يلي صوّت بآه ، شوف شو كان كاتب بموضوع بلا أخلاق تعليقا على كلامي والله مشاركة رااااائعة يا ريس.
الله يبارك فيك.
عنجد صار في شي مهم بالمنتدى.
يا ريت غندي clavier arabe

شوفهم هون
فأنا بدي افهم لبش هالتناقض عند الناس ، ساعة بقولوك احنا معك وبتفكرهم عم يناقشوا معك بجدية ، وساعة بقولوا عنك سخيف وتافه و...

2- اسلوبك منفر , والكثيرمن عباراتك سفيهة

أنا يا حبيب قلبي مشان الأسلوب ، يمكن انت أول واحد بالدنيا بقول عني هيك ، كل يوم بشوف ألف شخص ، وبمزح وبخد وبعطي ، وبطرح أفكاري ومبادئي بالمجتمع وأنا ورافع راسي ، بحكي مع شيعة وبقللهم انتو غلط وولا مرّة حدا منهم قال اني نفرتو ، وبحكي مع بعثيين ، ومع نصارى و... مناقش عالم بيختلفوا عني كتيير كتيير ، وصدقني ولا مرّة حدا قال عني منفر ، بالعكس البعض بعد ما ناقشت معو ، صار بس يشوفني بيسألني عن رأيي بكذا وكذا ، وقال انو بحب يسمع كلامي ، فمش عارف ليش احنا اهل القلمون هيك ، عطيني الجملة يلي نفرّت فيها ، وبعدين مشان العبارات ، أنا مرايية للشخص يلي عم حكيه أو عم احكي عنو ، بيحكي بلطف ، فساعتها بغرقوا بالطف ، وبيحكي برذالة فساعتها بنشح عرضوا نشح ، وولا مرّة تراذلت مع حدا آدمي ، أو ......



3- مشاركاتك طويلة , مما يجعل القارئ يمل منها سريعا

السبب الذي يدفعني الى اطالة مشاركاتي ، هو تعقيد الفكرة وتلبس الحق بالباطل فيها ، أو كثرة وقوع الناس بها أو ..... مما يضطرني الى علاج المسألة من جوانب عديدة وشرحها بتفصيل ....

4- لا تفرق بين الاخ والاخت في قساوة العبارات

هذه صحيحة ، أنا ما بتفرق معي حدا لا صبي ولا بنت يلي بدو يلخبط مع الريس مين ما كان يكون بيكلها ، اذا كانت بنت محرتمو حالها و... أكيد ما رح تجي وتلخبط مع الريس ، بس اذا كانت واحدة مش محترمة وبهدلتني ، فهذه شو بقللها ، شكرا .
فالتفريق عندي هو بين الآدمي والرذيل ، الرذيل رح يكلها مين ما كان يكون ، كبير صغير ، ذكر انتاية ، مش فرقانة معي حدا ..... وببقولها ومش مستحي أبدا .

5 - اعتقد ان عندك ازداوجية في الشخصية , واحدة ملتزمة والاخى عربجية

سبق ووضحت ، أنا يمكن ما بصلي وما بصوم كتير ، يعني بس الفرائض ، وصحيح اني بصبص على البنات و... بس هذا الشي ما بيمنع انكم تقبلوا الحق اذا طلع مني أو اتناقشوني فيه وناقشكم و... يعني المسلمين اتعلموا من الشيطان ، اتذكر حديث "صدقك وهو كذوب" . يعني أدد ما كان الانسان غلط فهو مش معصوم عن الصح ، وأدد ما كان الانسان صح ، فهو مش معصوم عن الغلط ، فما حدا يشوف بحالوا ويزايد على التناي ، ويلي شاييف حالوا انو صح وكامل ومكل ، يحمل حالوا ويفرقنا بريحة طيبة ، لأن هون مكان للحوار ، مش للإعطاء المحاضرات أو... هو الواحد بيطرح فكرة وبيناقشها مع الناس .... فاذا كان البعض يعتبرني عربيدا وهذه تهمة باطلة أتمني أن لا يحملها صاحبها في صحيفته يوم القيامة وأن لا يتحمل تبعاتها لأنه لن يكون مسرورا بها يومئذ وسيندم عليها ، أو فاسقا أو ... فأتمنى عليهم أن يأخذوا بكلامي وينسوا شخصيتي ....



الخلاصة : مشاركاتك بالاجمال سخيفة :d:d:d

شكرا ، على لطفك ، يا حبوب .

ويا هلا بيك يا ريس

أهلا وسهلا فيك يا حبيب القلب .


على كل أشكر جميع من صوتوا لأجلي ، وبصراحة يمكن البعض حسوا انو هذا الموضوع سخيف أو ... بس أنا كنت مزعوج من كتيير ناس ، مشاركاتهم ما بتتعدى تلات أسطر على الكتيرة وما بيخدوا شي بجددية أبدا ، وكل الدنيا عندهم مزح وتنكيت وبجو بدهم يسخفوا غيرهم بالآخر ، أنا افتحت هذا الاستفتاء وقلت لحالي اذا ما كانت النتيجة منيحة رح احمل حالي واتيسر من المنتدى بكل رواق ، ورح ازعل اني فقدت مجال تواصل وحوار مع ناس بحبهم وبحبوني ، على كل أنا لحد هلأ رح ضل شارك ، بس الناس يلي بيعتبروني سخيف أكيد مش رح أنظرلهم متل الأول بقلبي بقا ، والناس يلي ما لهم موقف مني كمان نزلو من عيني شوية ، وبتشكر كتيير يلي وقفو معي ، وبالأخير بقول انو اذا وصل عدد المعارضين على الريس ويلي بيعتبروا انو مشاركاتو سخيفة اذا وصلو للخمسة ، فتلاقائيا رح انسحب من المنتدى ، وسلامي لكم في هذه الرحلة العابرة على الأرض ، وان شاء الله نلتقي في الجنة ، سواء من وافقني أو خالفني .

[kalamoun_28]

السلام عليكم ورحمة الله وبركاته,

الله يسامحك يا ريّس, لماذا هذا الموضوع. أنا باعتقادي أنك حاليا من أكثر الناس حيوية في هذا المنتدى. طبعا أتكلم عن الحيوية المفيدة لأنه في نفس الوقت توجد الكثير من المشاركات للزملاء الآخرين تدل على لا شيء (لا امانع طبعا و انا فقط أعطي رأي شخصي).

على فكرة انا صوّت بأن مشاركات الريّس ليست سخيفة أبدا. على العكس توجد عند الريّس صفة جميلة جدا (أعتقد أن الكثير من العرب فقدوا هذه الصفة منذ زمن طويل) وهي أن الريّس مستعد بعد نقاش ديمقراطي أن يتراجع عن رأيه ويجاهر بهذا التراجع ولا يخفيه. و هذا شيء رائع عند حبيب القلب الريّس.

سلامات, نزيه خداّج ملاّط

[الزاهر]

أنا مرايية للشخص يلي عم حكيه أو عم احكي عنو ، بيحكي بلطف ، فساعتها بغرقوا بالطف ، وبيحكي برذالة فساعتها بنشح عرضوا نشح ، وولا مرّة تراذلت مع حدا آدمي ، أو ......

أخي العزيز الريس
خذ بنصيحة العم جابر لي واعمل بها.....لعلها تكتب حسنة للعم....ولي .....وتكون خيرا لنا جميعا....

يا بني إجعل شعارك حديث الرسول عليه الصلاة و السلام :
إن أحسن الناس أحسنا
و إن أساءوا أحسنا

الله يزيدنا من أمثالك يا عم جابر.....ويرزئنا الجنة وإياكم!!!

[Nadine]

معك حق اخ زاهر بنكسب حسناتن والله يبارك فيك اخ جابر ولا يهمك شو بقولو عنك , خليك رييييس

[HARD]

انا مني فاهم ليش طالب تقيم من المشاركين يعني شو المعنى عن جد مني فاهم يعني اذا كانت الريسة ما بتحب كلامك بتعيش ساكت طول حياتك وتاني شغلة المنتدى كل يوم عم يزيد عدد المشاركين يعني اذا عدد يلي معك اكثر بكرة يمكن اقل.
انا بطلب من زاهر و نادر ومحمد وربيع ووسيم وعمر وصلاح و نجحان وفشلانه و ندين والكل.... فتح تقيم لمشاركاتهم واذا طلعت النسبة سلبية فلتتم الاستقالة شو هل الكلام يلي بنكرز .

[Nader 3:16]

انا لم و لن اصوت و سبق و قلت خلي كل واحد يشوف نفسه قبل الآخرين!!!!!!!!

[الريس]

فشلانة ، انتي طالق بالتلاتة .

[Nader 3:16]

هلء اسّا لهلء مني عارف ليش عامل هالموضوع يا......... ما رح قول اسمك؟
مني شايف انو مهم ........

[الزاهر]

شايف يا ريس اديش عندك شعبية......واديش عندك محبين.....ولك حتى الأخت Rola اللي فعطها بهدلة مصوتة لصالحك!!!
ولك إذا الـ Admin تاع المنتدى كلو مصوت معك!!!
ومرتين الغشاش.....هلأ بتشوف يا مشرف عام!!!!
ومانك شايف كيف كل الأوادم مصوتين معك......أبو النون....حضرة جنابي....ندين....
ولسا بتألنا في مين عم يؤول مشاركاتك سخيفة!!!!

[Nader 3:16]

بس يا معلم انا لم اصوت يعني .......التصويت لا معنى له حتى الآن!!!!!!

[moustafa]

اه معك حق يا اخ نادر........... كمان انا لم اصوت.......... هذا يدل انو كل هالاستفتاء سخيف و ما الو معنى البتة
و تبقى يا اخ زاهر ما تحكي باسم الاوادم...... اذا بتريد يعني..............
قال الاوادم قال!!!!!!!!!!!!!!!!!!!!!!!

[Nader 3:16]

على فكرة حتى الآن لم اصوّت........

وينك يا ريس وينك؟؟؟؟؟؟

[nana]

الى الأخ زاهر عمين عم تسمع حكي؟

يطعمك الحج وناس راجعة

[Nader 3:16]

انتي اقتبست رد قديم....

انا حبيت ارجع افتح الموضوع تيشوف الريس انو المنتدى مهتم بعودته....

الله يرجعلنا ياه...هاديك كانت ايام

[dania]

بصراحة انا كل المواضيع الي مشارك فيا الريس قريتا بس ما كنت رد على شان مني قد هيك مواضيع كبيرة

الريس من الاشخاص الي بعتبرون فاهمين الحياة 1000000 بالمية مش بس 100 بالمية

ومشاركاتو واضحة ومقصودة مع انو في بعض المشاركات بي بعض المواضيع جوابتو فيا صحيحة وواقعية بس كان افضل لو من الاساس ما كانت انفتحت هالمواضيع بي هيك منتدى واكيد الريس عرف شو قصدي

واهلا وسهلا فيك وخلينا نشوف مشاراكاتك بس يا ريت تقصرها عشان عم تتعب عيوني انا وعم شوفا

[الزاهر]

المنتدى بدون الريس........متل القوم بدون ريس!!!

[مصطفى معتوق]

بس يقرر الريس ابو الفوز انو يرجع خبرونا حتى نعملو احلى عراضة ما صار متلها بكل الشام .

[nana]

ليش كل هل أد حابينو شو مشتاقين يبلش بهادل وشتم بي الاعضاء والله قصتكون غريبي