دحكوا أبل ما يمنعوا الدحك

[جابر دملوك]

دْحَكَوا أَبل مَا يِمْنَعُوا الدِّحك

[جابر دملوك]

(1)
دكتور ألب وأتل تقاعد علؤولوا صورتوو جوات ألب كبير.
بس وأتل تقاعد دكتور البواسير ....
(أكيد لَعْبُوو بَاسرا)

[جابر دملوك]

(2)
تنين راجعين من العمرة بالباص
و حاسين بحالون إنون رايحين لا محالة ع الفردوس الأعلى.
واحد بيؤل ل التاني : " هلأ بكرا ب الجنة إزا جونا الحور العين
شبدنا نعمل ب نسوانا ؟ "
التاني : " م نعطيون للكفار "

[جابر دملوك]

(3)
واحد سأل سِتَّوو : " يا ستي بتعرفي بِيتْهُوفِن ؟ "
السِّت : " يا خِرْبَانِي لش أنا بعرف الدّعْوِة العِدِه هوفن ت أعرفلك بَيْتَوو ."

[جابر دملوك]

(4)
أُصْحَاك سُمَّ إِيَّاك تِحْكِي شْصَايِر بَيْنَك و بين جَوْزْتَك ل حَدَا
و لو كانت
(بُؤْجِة مَشَاكِل)
أو
(حَيْط لا "بِيْكِز و لا بِيْنِز")
أو حتى
(جَوْزِة بِ الإِسم يعني "أَسْوِد و أَبْيَض").
لأنو ما رح يسمعلك إلا واحد من تْنَين :
واحد ما لُو عَيْن يؤُلَك سِدَّوووو.
و التاني شِنْتَان فيك (لا تنسى تبدل النون ميم)

[جابر دملوك]

(5)
واحد سأل رفِيأَو : " ب تُشْرَب أَهْوِه ؟ "
" الله وكيلك ما أُشْرَب أَهْوِه لَ مَا يْعَاوِد فِيَّ نَام عَ كَزَا يَوْم يَا زَلَمِه "
" سبحان الله
أنا لِكَ بعَكْسَك تَمَاماً
إِزَا نِمْت مَا بِيْعَاوِد فِيِّ أُشْرَب أَهْوِه أبداً "

[flauritta]

ههههه...حلوين

[جابر دملوك]

(6)
واحد مَرَأْ عَ بِيَّاع فَلافِل أَلُّو : " إزا فِيك تْلُفِّلِي لَفِّة فَلافِل عَ زَوْآك بَس يِرضَى عليك ما تحُطِّلِي فِيَا كَبِيس أبدا "
البِيَّاع : " و الله مَنِي عَارِف شْبَدِي أُلَك بس للأسف الكَبيس هَلَأ خِلِص من عِنْدَي ...
فِي عِنْدِي بَنَدُورَا ... شُو رَأْيَك إِعْمِلَكِيِه بَلَا بَنَدَوْرَا "

[جابر دملوك]

(7)
واحد راجع من الشغل مفَوخِر من الجوع فات ع فُرن و إشترى رَبْطِة خُبز.
بعد ما دَوِّر السيارة و مِشِي شوَيِّة فَتَح الرَّبْطة و بَلِّش ياكل ف حِضِي ب دُنْبِة فَارَا.
دَوِّر من سَاعتَوو و رِجِع ع الفُرن و أَللُّوو ل صاحب الفرن :
" شُوف شِلأَيت ب الخُبْزَات ... يِخْزِ العَيْن عَنْكُون إديَش نضَايفِية "
رَد عْلَيي صاحب الفُرن و أَلَّلوو :
" لَهْ يَا زَلَمِة إِنت الظَاهِر فِهْمَان غَلَط ... هَادِى مسَابْآ مِن عَشر أَجْزَاء ...
و إنت لأَيْت جُزء مِنَّا ... و مَا بِئِي علَيك غَر 9 أجزاء و بتَاخُد الجَائِزِة "

[جابر دملوك]

(8)
2 رُفْآ حِضْيو ب بَعْضُون بِ السُوء.
كِيفك و كِيف إِيامك و لَك شْعَم تِعْمِل هَوْن ؟
والله عَم دَوِّر عَ مَرْتَي عَ بِنَا نِتْلاَآ هَوْنِي بَس لَاي نُص ساعا نَاطِرا و حَضْرِتَا مَا شَرْفِت.
و إِنت شْعَم تِعْمِل بْ هَالمَنْطآ ؟
وأنا شَرْحَوو.
آ شُو رَأْيَك ندَرْدِش أُحْنَا و عَم ندَوِّر عْلَيُون.
شْلاَبسَا مَرْتَك ؟
لاَبْسِة شُورْت و أَمِيص.
و إنت شْلاَبسَا مَرْتَك ؟
ولاَ يهمك ... مَشِي ندَوِّر عَ مَرتَك بِ الأَوِل.

[جابر دملوك]

(9)
وَاحِد تْجَوِّز وَاحدِة بُشْعَا كتِير.
تَانِي يَوْم آلِتْلَوو : " عَ مِين بَدَّك يَانِي بَيِّنْ و عَ مِين بَدَّك يَانِي مَا بَيِّن ؟ "
ألَّلآ : " بَيْنِي عَلْ بَدِّك يَا إِلا عْلَيَّي "

[حيران]

بارك الله فيك يا اخ جابر ودلك تذكرنا بها النكت الحلوة

[جابر دملوك]

أهلا و سهلا ب الحيران

[جابر دملوك]

(10)
واحد سأل بُوو : " بابا ... هَلَأ الهِنْد بعِيدِة عَنَّا ؟ "
الأب : " لا بْعِيدِة و لا شَي ... مِعْنَا واحد هِنْدَي ب الشُغل كُل يَوم بيُوصل أَوِّل واحد
و عَ البِسِكْلِة كَمَانَا "

[جابر دملوك]

(11)
واحد بعد ما فَحَص عِيَني عند دكتور العِنَين إِخِد الوَرْآ هِلِي عْلَيَا الدَّرَجَات و راح عَ مَحَل ل العوَيْنَاتَات.
صاحب المحل أَيْسَو بُرْوَاظ فَ آم عِجْبُوا لِ الزَّلَمِة و أللَّوو : " فِعْلاً إني إرْتَحْت عَ هَلْ عوَيْنَات كتير "
صاحب المحل : " و رَحْ تِرْتَاح أَكْتَر بَسْ حُطُلَّو عَدَسَات "

[جابر دملوك]

(12)
واحد حَب يَعرِف إزا الشَّغِيل عِنْدَوو أمين وِلا لأ.
ب يَوم من الِإيام أَظْدَنِيا ترك 10,000 (ل.ل.) ع المكتب و راح.
وأتل رجع , الشغيل عطي المصريات و أللوو هادولي نسيتون ع المكتب ف ما رضي ياخدون و عطيي هنه مكافأة لأنو أمين.
بعد فترا حب يكرر العملية و ترك هالمرا 50,000 (ل.ل.) و نفس الشي صار و عطي هنه كمان مكافأة.
ب يوم من الإيام عن جد بينسى المحفظة و فيا شي نص مليون.
و وأتل بيرجع ع المكتب ما بيلئيا و الشغيل ما بيحكي شي و لا بيعطي شي.
و بينطر ساعا ساعتين و الشغيل منو ب هالوارد أبدا.
ف ما بيعاود في يصبر أكتر من هيكه ف بيؤم بيسألوو :
" من بكير نسيت المحفظة و فيا مصريات كتير ما حضيت فيا ؟ "
الشغيل : " ب كل بَرَادة أعصاب ...
كِف لِكن ... و خليتا معي مكافأة لأني أمين "

[مايا]

دائما مواضيعكم جميلة وملفتة بورك بكم

[جابر دملوك]

الله يبارك فيكون.

[جابر دملوك]

(13)
نصيحة للي حابين يتجَوزَوو من الشباب.
إزا و لا بُد ناويين ع الجواز ف يرضى عليكون بعدوو أَدْ ما فيكون عن ست أنواع مِنُّون.
و إزا عرفتوا هالأنواع الستة أكيد رح تؤلوا لش بِئِي حدا.
بِدَلُّوو يِلْتَآ هَون و هَون بس بدك تدَوِر منيح.
و هالأنواع الستة هنه :
الأنَّانِه : هلي بتدلا تنيئ ليل نهار ب سبب و غر سبب.
الحنَّانِه : هلي بتحن ل كل واحد غر جوزا و ما بترضى بعيشتا معوو و بتآرن عطول بينوو و بن غيروو.
المنَّانِه : هلي بدلا تمنن جوزا أش ما عملت. و منشانك عملت كزا و كزا...
و لو عملت إكل و إكلتوا كلوو و هوا ما شم غر الريحا.
الحدَّاآ : هلي بتحديئ بكل شي بتشوفوو و بدا تشتري كل شي بيعجبا.
البَرَّاآ : هلي بدل طول النهار ع المرايا عم تتزوزآ.
البُربَارا : هلي بتبربر ليل نهار ب فائدة و ب غر فائدة.

[محمد أحمد الفلو]

بعدوو أَدْ ما فيكون عن ست أنواع مِنُّون.

شكرا على مشاركاتك القيمه في جميع المجالات يا حج جابر

بس اسمحلي بسؤال : ممكن تنعرف البنت ازا كانت من نوع من الأنواع المذكوره قبل الزواج ؟

كيف ؟

[جابر دملوك]

الله يبارك فيك يا أبو حميد.
نزلنا ع الضيعا وسهرنا عندكون مرتين ب المخزن و كنا حابين نشوفك بس للأسف كانت نزلتنا متأخرا شوية.
بالنسبة لموضوع الجواز لَ الشب يختار البنت المناسبة و ل البنت توافيئ ع الشب المناسب شغلة نتفة عويصا إزا الإنسان بدو يعتمد ع حالو بس.
الحل إنو يِتَّأص الأخبار و يسأل و لا ينسى يستخير و هو الأهم ب كل شي.
و الله أعلم

[جابر دملوك]

(14)
طلع واحد ع طيارة ت يخطفا ف طلع آعد جنب واحدة كبيرة ب العمر شوية.
أللا : " يا حَجِّة يرضى عليكي رح غُطِّلِي شوَية إزا ما في تِئْلِة إزا بتفيئيني بعد ساعتين
(بدو يريح حسمو شوية يمكن عملية الخطف تاكل وأت طويل و المفاوضات و اللَّزِي مِنَّوو)
تلأح من هون و بلش يشنخر و بعد ساعتين تمام الحَجِّة بتفيأو.
ف صاحبنا بيفيئ مرَوْبِص و بيؤم مِسْرِع.
الحجة بتخسبوو محشور منشان هيكة أَبِّع بِ هالدبِيك.
بس صاحبنا بدل ما يروع لإدام راح صب دنب الطيارة.
في غرفة ب الآخر دفش الباب و لِئِي واحد معرِّم ع مأعد افتَكْرُو الطِّيَرْجَي ف حط الفرد ب راسوو و أللوو :
" بتنزلا ب أبرص "
الزلمة كان لوو آعد شي ربع ساعا عم يدوزن حالوو و يعصر و يطَّحِر و ما عم تنزل ف لما فات صاحبنا آل :
" جيت و الله جابا بنأَجِّلا ل أبرص"

[محمد أحمد الفلو]

الله يبارك فيك يا أبو حميد.
نزلنا ع الضيعا وسهرنا عندكون مرتين ب المخزن و كنا حابين نشوفك بس للأسف كانت نزلتنا متأخرا شوية.

ونحنا بالأكتير حج جابر،
يا أهلين فيك بالمخزن،
قعدات الدوام الشتوي بالمخزن، والصيفي عالسطح،
وما بينن توديع واستقبال بالصالون
حدا بيقلك سفر !

والله وانا حابب شوفك كمان،
بركا الله بيسرلنا شي مؤتمر علمي بكندا وبيبعتونا لعنكن كزوره

على كل حال قول نحنا عنا حسين -ازا كان بار- منكون منعرف تلتينك

[جابر دملوك]

والله ع سبانتو هالحسين.

[جابر دملوك]

(15)
ألّتِلَّو : " يِحْرِيئ حَرِيشَا هالشغلة و لك أيْمتِن بَدَّك تهِمَّا و تكَمِل نُص دِينك "
ألِّي : " بيني و بينك هَامِمَا من زمان بس الله وكيلك إِجْر لإِدَّام و إِجر لوَرا "
" لش مِن إِلِّتُون ... مَنُون مِتل الهِم عَ الأَلب "
" مَا هَادِي هيه ... إنت أُلْتَا متل الهِم ع الألب "
" طيب أيْشِي المواصفات هِلِّي طَالِبا بَرْكَا منِلْئِيلَك شِي واحدة "
ما بدي ياها حِلوة كتير مِنْشَان ما يِطْمَع فِيا غَيْرَي
و لا بُشعة تكِز مِنا نِفسي
و لا طويلة كتير تخلينِي إمشي ع راس صابِيعَي
و لا أَصِيرِة تُمْلُخْلِي رَأبْتَي
و لا طخِينِة تُشْفُط الهوا من البيت
و لا رفيعا كتير خَسِّبَا خِيالي
و لا بيضا متل الشَّمع
و لا سودا متل الشَّبح
و لا جاهلة ما بتفهِم شي
و لا متعلمة كتير تجادلني ع الرَّايح و الجَّاية
و لا غنية ترَبِّحْنِي مِنِّية ليل نهار و أبي جّاب و أمي جَابِت
و لا فَئِيرا إزا فْأَعْتَا مَوْتِة مِنْ هَوْنَي تْمُوتْلِي ولادَي من الجوع
" آ هادَول ... و ما تِفْتِكِرْنِي لَبِّيك ... بس شِي مِن أَرِيبَو يعني "
" شَايِفْلَك خَلِّيك أعزب أحسن بتِرْتَاح و بِتْرَيِح "

[جابر دملوك]

(16)
2 رُفْآ عم يحكوا مع بعضون.
واحد بيسأل التاني : " ما بعمرك تزاعلت إنت و مرتك ؟ "
أللوو : " نادراً ما يصير بيناتنا زعل "
" و أيشيه هالوصفة السحرية هلي عم تشربوا منا كل يوم "
" لا وصفة سحرية و لا بلوط مسمر ...
الشغله و ما فيا إنا آصمينا بيناتنا ب النص ...
هيه مسؤلة عن أمور و أنا مسؤل عن أمور تانية ...
و كل واحد منا بياخد قرارات ب الأمور المسؤل عنا و التاني ما بيدخل لا من أريب و لا من بعيد "
" و أيشيه الأمور هلي هيه مسؤله عنا دخلك ؟ "
" هيه مسؤلة عن الأمور الظغيرة و أنا مسؤل عن الأمور الكبيرة "
" طيب عطينا شي مثل ت توضح المسألة "
" هلأ هيه بتختار نوعية السيارة و لونا و الموبيليا و البراد و الغسالة و البردايات و هالحراتيئ الظغيرة "
" و إنت بلا ظُغرا عن أش مسؤل ؟ "
" أنا (وأعوذ بالله من كلمة أنا) بقرر أيمتن رح أطلع ع الكرم ت أفرط الزيتونات ...
و أيمتن أنسب وأت ل تنفيض السداجات ...
و شطف السلم آ و هالشغلات هلي بَدا ... "

[Nader 3:16]

ههههههههه....
الله يبارك فيك يا ؤرايب..عنجد فرطناي من الدحك..!
واهم شاي المحافظة عاللهجة الالمونية الاصيلة بالحكي مو متل ما عمل الزاهر الله يهديه بالفيديو.!

[جابر دملوك]

و فيكم بارك الله
كيف الصحة و كيف الدرس

[جابر دملوك]

(17)
آل في واحد وَئِّف سيارة ع خط بيروت و ركب وَرَا.
بعد شوَيِّه أَلْوِظ و صار يتَكَتِك من البرد لأنو الشوفير تَارِيئ المُكَيِّف ع آخرو و لابس جكيت و صاحبنا ب النُص كُم.
ف بِيؤل لِ الشوفير : " يا معلم ... أنا بِرْدَان من المكَيِّف "
الشوفير : " أهلا و سهلا ... شَرِّفْت ... و أنا سُمعان من البَتْرُون "

[flauritta]

[جابر دملوك]

(18)
إزا شُفت رِجَّال عم يفتح باب السيارا ل مَرْتَوو

تأكد إنو حدا مِنُّون جديد.
يا المَرَا !!!
يا السَّيَّارا !!!.

[Moi]

hehehehehehhe
بس هيك عم تنزل من قيمة الشباب و تعملون يا بلا زوق ما بيقدّروا إلي عندن يا هبلان بينبسطوا بالشي الجديد متل الأطفال
هي مهضومة بس ضدّكم

[جابر دملوك]

(19)
ب قسم الفنون ب الجامعا لْتَآ فَنَّانَيْن شباب و بعد ما تَؤّ حَنِك شي ساعا.
واحد بيؤل ل التاني : " شو رأيك نحط إِيْدَيْنَا ب إِيْدَيْن بعض و نعمل معرض مشترك !!! "
التاني : " ليش ؟ "
الأَوْلَانَي : " لأنو إنت فنان تِشْكِيلَي ... و أنا فنان إِشْكِيلَك "

[أمين أحمد الحاج محمد]

بارك الله بك حبيبنا العزيز الدملوك على هالنكت الحلوة اللي بتفرط من الضحك....

ومن وقت لوقت تذكرنا....

[جابر دملوك]

إلهي و إنت جاهي
يا أمين يا الحج محمد
تعيش إيام سعاده ب سعاده
و كل يوم يكون أحلى من الأبلوو
و لك أهلا ب إبن الخالة و إبن العم

[جابر دملوك]

(20)
واحد عم يكزدر المرا و الولاد
ب الصِّدفة مرؤوا من إدام مطعم ف عَبْئِت ريحة الإكل الطيب ب مناخيرون.
بآ كلون آلوو : " ولووووو شو هالريحا الحلوة !!! "
الأب : " و لك الله يلعني إزا ما بمَرِّيئْكُون كل يوم من إداموو
بس بَرْهنُولَي إِنْكُون مناح و سمعوا الكلمة "

[جابر دملوك]

(21)
واحد بيسأل بَاو : " إزا خاروف بيتجوز نملة شبيجيباو ؟
الأب : " نملة خِرْفَانِة أو خاروف منَمِّل.

[جابر دملوك]

(22)
حسن بيروح لعند واحد بيعمل أختام تيعمل ختم.
بيسألو اديش بيكلف بيجاوباو 30 ليرة 10 ليرات عالحرف.
بيؤلاو ما بيمشي ب 20 ليرة و الله ما معي غيرون.
آسف هادي التسعيرا للكل.
بيروح حسن لعند عوكر بركا بيديناو 10 ليرات بس للأسف عوكر منتوف ما معو نكلة.
عوكر بيؤلو لحسن اعطيني ال 20 ليرة و الختم بيكون عندك بعد ساعا.
بيروح عوكر عالدكان بيسألو صاحب المصلحة أيشو الإسم هلي بدك تحفراو.
عوكر بيؤلاو : " حفرلي إسم خس "
و إسم مين بلا زغرا.
و لا يهمك هادا إسمي.
بيحفر الحا و السين و وأتل بيجاي تيحط النؤطا فوء الحا تتصير خا بيؤلو عوكر لو سمحت نئطلي ياها فوء جرن السين.

[جابر دملوك]

(23)
مَرَا بُشْعا كتير فايتا ع الحِمَّام و عم تؤل الدعاء :
" اللهم إني أعوذ بك من الخُبث و الخَبائث "
آم الاَّ الشيطان :
" أنا أصلاً كنت طالع مني لحالي "