فرقة القلمون: بمديحك + في هوى خير العباد.

[Nader 3:16]

السلام عليكم و رحمة الله وبركاته

وبعد موافقة الاخ العزيز محمد ملاط على وضع بعض التسجيلات على المنتدى يشرفني ان اقوم بوضع هذا التسجيل العفوي الذي كان على شرف الأخ (العريس الجديد) محمد مغيط...

تفاصيل عن التسجيل:

-موال فلا تصحب سوى مولاك: أداء الاخ محمد ملاط
-أنشودة بمديحك طاب لي الكلم: تفريد الاخ محمد مغيط
-موال ظلم الدياجي: اداء الاخ محمد ملاط
-موشح في هوى خير العباد: تفريد الاخ محمد ملاط.

امّا فريق الكورال: نادر الابيض،مصطفى القص،ربيع القص (مع بنتو الصغيرة)،طه عبيد،هادي علوان،رامي علوان.

ضاربو الدفّ: الاخ انس ملاط،والاخ وائل علوان.

تصوير و تسجيل الأخ الزاهر. (المتوفر الآن فقط الصوت).

تاريخ التسجيل 22-10-2009


بمديحك طاب لي الكلم-في هوى خير العباد.


بإنتظار آرائكم.
ونسأل الله الإستمرار لهذه الفرقة.

[Wael]

السلام عليكم ورحمة الله و بركاته و بعد:
أشكر الاخ نادر عالتسجيل الحلو ، و بشرفني كون احد المشاركين بهالعمل الفني القلموني.
و ان شاء الله الفرقة بتستمرّ.

[zsamerz]

الله يبارك فيكن
فيني اعطي تعليق صغير؟؟....



كأنو:
1 - الصوت بعيد
2 - في ضجة بالتسجيل (الكورال و الطبلة)

[abounouh]

حلو بس يا ريت تشيل العجأة
ما شاء الله في يعمل فرأة لحالو

[Nader 3:16]

بارك الله بكل من شارك و بمن استمع و لم يشارك.

الفكرة: بالنسبة لي، عندما تصبح هذه التسجيلات قديمة مع التقدم في العمر (نسأل الله ان يطيل اعمارنا وان يعمرها بالطاعات) فإنّ هكذا تسجيلات ستكون اجمل و اجمل بنظر الناس يلي بخلي التسجيل حلو هو شوية العجقة و شوية الخشة. لاحظوا تسجيلات ابو دجانة انا متأكد لو كان مسجلها بأفخم الستديوهات ما كانت رح تطلع حلوة متل ما هي هلء.

الفكرة التانية: هالتسجيل تمّ من دون اي تدريب،كنا قاعدين هيك مع الاخ محمد مغيط، و بلش محمد ملاط بموال فلا تصحب سوى مولاك و كفّينا. مع التنبيه انو موشح في هوى خير العباد ليس بهذه السهولة ابداً في الأداء. يعني فيه عدة نقلات و في نزلات شوية صعبة بالطبقة ببعض المحلات.

انا بعتبر التسجيل جيد ، و بعتبرو ممتاز بالنسبة لتسجيلاتنا القديمة...
والآن عم نتدرب عبعض الاناشيد القديمة.
وان شاء الله الفرقة تستمر لإعادة احياء الانشاد القديم و المعاني الحقيقية له يوماً من الايام.

وتحية للمنشد وائل.....اصدي العسلي الصغير.

[محمد أحمد الفلو]

الفرق المهم بين صوت محمد وابو دجانه،

إنو أبو دجانه لما يأنشد بخشوع بيضل صوتو رجولي ، بينما صوت محمد بيصير أحيان ناعم كتير
بس بحالة الخشوع

ندور، الصلوات عالرسول صلى الله عليه وسلم من ورا محمد بالسوري مو بالقلموني ، هادا faute de principe منو مقبول


غير هيك، شي حلو كتير
بكفي انو سمعنا صوت الشباب

[Nader 3:16]

اهلين خيو حميطون....!
عفكرة صوتو لمحمد كان اقوى بكتير، كان من سنوات يقلدلنا النقشبندي و يقدر يطلع بطبقات عالية ما شاء الله.
لكن كان يطلع بجواب الجواب فوراً دون التدرج بالطبقات فشبه انتزع صوتو (من ناحية القوة).

اما من ناحية الأداء فهل الايام الاداء عم يكون افضل بمليون مرة كونو عكتر السماع للموشحات الواحد بيكتسب خبرة و كمانا دروس الترمذي تبعون المقامات لعبت دور مهم..
يعني اذا بتسمع تسجيل قديم لمحمد بتلاحظ قوة صوتو لكن بنفس الوقت بتحس النغمة مش مكتملة صح و حتى بالكورال نفس الشي.
اما هلء الحمد لله صار عنا تقدم ملحوظ بالنسبة للترديد ورا المنشد الاساسي و يلي بيسمع موشحات و بيتقنها بحس بقية الاناشيد جداً سهلة.

بالنسبة لهادا التسجيل...ما في يوم الا بسمعوا...... لأنو لوو قيمة معنوية .

وان شاء الله بالمرة الجاية...منزبطها بالقلموني....

[welkass]

السلام عليكم،

عمل جميل جداً لكن حبذا لو تقللوا من التكرار، بارك الله بكل من شارك به. من الواضح أن لدينا مواهب صوتية و شعرية مهمة في القلمون. أنا اقترح أن التعاون بين المنشدين و الشعراء لتقديم المزيد من الأعمال المميزة.

[الزاهر]

السلام عليكم،

عمل جميل جداً لكن حبذا لو تقللوا من التكرار، بارك الله بكل من شارك به. من الواضح أن لدينا مواهب صوتية و شعرية مهمة في القلمون. أنا اقترح أن التعاون بين المنشدين و الشعراء لتقديم المزيد من الأعمال المميزة.

لينجح هكذا امر لا بد من أن تتبناه مؤسسة ... من الناحية التنظيمية له ومن الناحية المادية !!!
وهذا باعتقادي سبب عدم بروز تجربة ناجحة في هذا المجال حتى الآن !!!

[خنساء القلمون]

السلام عليكم ,شيء جميل فعلاً ان نرى هذه المواهب و الاصوات الجميلة في القلمون و ان شاء الله دائماً نسمعها في الحفلات المحلية فهي تغنينا عن الفرق الانشادية المستوردة التي تضجّ علينا بصخب ايقاعها
بارك الله بعملكم المتواضع هذا و اتمنى لكم التوفيق دوما.

[Nader 3:16]

السلام عليكم ,شيء جميل فعلاً ان نرى هذه المواهب و الاصوات الجميلة في القلمون و ان شاء الله دائماً نسمعها في الحفلات المحلية فهي تغنينا عن الفرق الانشادية المستوردة التي تضجّ علينا بصخب ايقاعها
بارك الله بعملكم المتواضع هذا و اتمنى لكم التوفيق دوما.

الحمد لله في مواهب بالقلمون و لازم حدا يشتغل عليها لحتى تطور الخبرة....!
وان شاء الله ما منحتاج لفرق غريبة عن الضيعة لحتى نغطي حفل قلموني ...والشباب دائماً جاهزين..!

بس بدهم حدا يشجعهم....!

و الشعب القلموني متذوّق للفن الاصيل ...اذا استثنينا الباش و هالقرطة..!

[أيمن غ القلموني]

بشكل جدي ، عنجد لازم يكون في فرقة شبابية للأناشيد ، على الأقل ميشان مناسبات الخطبة والزواج

لازم يكون في اناشيد حلوة وبتعطي جو ومن وحي الزواج

ما ضروري الشاب يجيب فرق من برات القلمون

شدوا الهمة ها

[الزاهر]

بشكل جدي ، عنجد لازم يكون في فرقة شبابية للأناشيد ، على الأقل ميشان مناسبات الخطبة والزواج

لازم يكون في اناشيد حلوة وبتعطي جو ومن وحي الزواج

ما ضروري الشاب يجيب فرق من برات القلمون

شدوا الهمة ها

شمستعد تقدم لدعم إقامة فرقة إنشادية ؟

[أسامة دنكر]

السلام عليكم
أسجل إعجابي الشديد بالأنشودة التي استمعت لها عشرات المرات على الأقل....................
و نتمنى الإستماع إلى المزيد...............

[Nader 3:16]

بشكل جدي ، عنجد لازم يكون في فرقة شبابية للأناشيد ، على الأقل ميشان مناسبات الخطبة والزواج

لازم يكون في اناشيد حلوة وبتعطي جو ومن وحي الزواج

ما ضروري الشاب يجيب فرق من برات القلمون

شدوا الهمة ها

هادا بالأول يا ريس أيمن ،،، عملنالو حفلة خطبتو للأخ عبد الرحمن قلاوون و معي ياها فيديو...كانت جداً حلوة من ناحية الاناشيد و من ناحية تفاعل الشعب مع الاناشيد..!
على كل حال يلي بيطلبنا ما منخيبو ان شاء الله بس يخبرنا ابل بوءت..!
أناشيد شرعية و ايقاعات شرعية و بس!

واهلين بأسامة...كيفك يا زلمة؟

عسى هيك....انو شي يوم نلمّ الشمل الانشادي بالقلمون احسن ما يصير فينا متل الجمعيات الاسلامية..!

[أيمن غ القلموني]

شمستعد تقدم لدعم إقامة فرقة إنشادية ؟

لن أبخل بشيء أقدر عليه إن شاء الله

هادا بالأول يا ريس أيمن ،،، عملنالو حفلة خطبتو للأخ عبد الرحمن قلاوون و معي ياها فيديو...كانت جداً حلوة من ناحية الاناشيد و من ناحية تفاعل الشعب مع الاناشيد..!
على كل حال يلي بيطلبنا ما منخيبو ان شاء الله بس يخبرنا ابل بوءت..!
أناشيد شرعية و ايقاعات شرعية و بس!
واهلين بأسامة...كيفك يا زلمة؟
عسى هيك....انو شي يوم نلمّ الشمل الانشادي بالقلمون احسن ما يصير فينا متل الجمعيات الاسلامية..!

معناتا يا ريسنا لكون سوابق بإقامة حفلات ، شي حلو ، مجهود مبارك


أديش لازم تكون المهلة !! شهر مثلاً

[عمر ملاط]

أناشيد شرعية و ايقاعات شرعية و بس!

ما فهمت... ممكن تشرحلنا؟ شو الأناشيد الشرعية؟ شو الأناشيد لمنا شرعية؟ شو الإيقاعات الشرعية؟ شو الإيقاعات المنا شرعية؟

[ramo]

شمستعد تقدم لدعم إقامة فرقة إنشادية ؟

السلام عليكم
أَظْدِكْ دعم مادي يا أخي ؟

[أمين أحمد الحاج محمد]

خيي نادر انا ماكنت معكن ؟؟؟؟
ولا نسيتني هيك سهواً

[Nader 3:16]

خيي نادر انا ماكنت معكن ؟؟؟؟
ولا نسيتني هيك سهواً

والله للأسف يا اخ امين كنا نتمنى لو كنت معنا...ولكن للأسف ما كنت معنا.

عكل حال التسجيل القادم كنا معنا (انشودة كتير حلوة)...انطرنا..

[أسامة دنكر]

طرب الفؤاد و طاب بي الامتاع ............. و الله إن نشيدكم إبداعُ
و لنا بميدان النشيد مواهبٌ ................و على روائع صوتهم إجماع
و لَكَم نَحِّنُ إلى نشيدٍ هادفٍ ................ تهفو له الألباب و الأسماع
ما بين قرعٍ للدفوف و مزهرٍ ........... تتولّدُ الألحان و الإيقاع


شتان ما بين النشيد رسالةً ................ و حماسةً فيها الشبابُ سباعُ
و غناءُ لهوٍ في جديدِ فُنوننا ............... في إثره فَسد الشباب و ماعوا
و لقد رأينا المنشدين تتابعاً ................ بسراب أوحال المعازف ضاعوا
حتى غدا الصوت الأصيل تراثنا ............. و الفنُّ بات إلى الهوى ينصاع


في بلدة القلمون طاب نشيدكم .............. أنتم إلى الفن الأصيل ذراع
و أنا أحيّي ان تُؤسَسَ فرقةٌ ............... فامضوا و نحن ورائكم أتباع

[Nader 3:16]

طرب الفؤاد و طاب بي الامتاع ............. و الله إن نشيدكم إبداعُ
و لنا بميدان النشيد مواهبٌ ................و على روائع صوتهم إجماع
و لَكَم نَحِّنُ إلى نشيدٍ هادفٍ ................ تهفو له الألباب و الأسماع
ما بين قرعٍ للدفوف و مزهرٍ ........... تتولّدُ الألحان و الإيقاع


شتان ما بين النشيد رسالةً ................ و حماسةً فيها الشبابُ سباعُ
و غناءُ لهوٍ في جديدِ فُنوننا ............... في إثره فَسد الشباب و ماعوا
و لقد رأينا المنشدين تتابعاً ................ بسراب أوحال المعازف ضاعوا
حتى غدا الصوت الأصيل تراثنا ............. و الفنُّ بات إلى الهوى ينصاع


في بلدة القلمون طاب نشيدكم .............. أنتم إلى الفن الأصيل ذراع
و أنا أحيّي ان تُؤسَسَ فرقةٌ ............... فامضوا و نحن ورائكم أتباع

الله يبارك فيك يا اخ اسامة.

طيّبت والله بشعرك خاطري.