وسيم والتعدد.........رحلة تحوّل

[محمد الكوسا]

السلام عليكم و رحمة الله و بركاته


منذ فترة لفتتني مشاركات الاخ وسيم غنوم المنتقدة للتعدد و هو كان منذ فترة المشجّع الأول للشباب على التعدد
الموضوع منو للتجريح الشخصي بالأخ وسيم الذي احبه و احترمه في الله بس لنقنعو انو هو تغيّر و منو عيب يتغيّر الواحد و رح حطّلو مشاركات قديمة ومشاركات جديدة


ومن وجهة نظري(مشان اذا تغيّرت بيوم من الايام وسيم يذكّرني) اذا الواحد متزوج و خايف عا نفسو الفتنة و مقتدر ماديا انو يتزوج التانية و يحصّن نفسو



بعض المشاركات القديمة:

من تنّ دخل الجنة

ان شاء منفرحلك بعريس انت وزوجك ، بس وين المشكلة اذا فرحنالوا بعروس كمان ، أنا ما عم قول انو الديانة هية بس تعدد و......... ولكن هذا فعل أحله الشرع . يعني مش كل الدين صار تعدد ، ولكن هو فعل حلال .

فيا أختي اسمعي مني ، ودبريلو شي عروس لزوجك ، وما حدا عم يأشطتك ياه .

يا أختي ، روقي شو بكي عصبتي أنا بس كنت حابب شوف شو رأييك بالتعدد ، لأن الكل بقولوا انو التعدد من عند ربنا وهو شي صح ، بس مش لحتى يطبقوا هنة ، لحتى غيرهم يطبقوا ........... وبالآخر بيعملوا انو شي ما بيطبق ................

ومشان أستراليا أنا عارف انو ممنوع التعدد مشان هيك ما بحب روح لهونيك أبدا ، بس فيكي تنصحي زوجك انو ما يسجل الثانية بالدولة .................

يا أختي صحيح احنا مع المسيار والتعدد و....... بس كمان احنا معك للدمات .....

بعض المشاركات الحديثة:

يعني نظريا كلنا متفقين انو الرجل من حقو يطلعلو أربعة بس عمليا التفكير بهالموضوع قبل الزواج من الأولى هو إما أن يكون نوعا من الهزلية التي تدل عن بعد صاحبها عن فكرة الزواج من الأصل، وإما جهلا وتفكيرا جنسيا بحتا...

يعني القصة وما فيها انو الواحد اذا ما اكتفى بالأولى أو اذا لقي منها نقص و.... ساعتها بفكر يعدد، بس انو يمكن يتزوج واحدة وتكفي وتوفي، فليش لحتى من قبل ما يتزوج الأولى يبدى بنغمة التعدد؟؟؟

الواحد يركز على الأولى، يتفاهم معها، ويكتب كتابو عليها و....

بين بعضنا هالكلام كله تنظير بتنظير، وبس تسمع واحد عم يحكي بهالموضوع أو بموضوع التعدد، يعني مطولة قصتو...

أما العاقلين والمهذبين، فيعتبرو هالأمور ثانوية...

بتمنى من الأخ وسيم انو يقتنع وما يرد بتجريح شخصي
و يوضحلنا موقفو النهائي من القضية ومنو عيب الواحد يتغيّر

[أسامة طوط]

بتمنى من الأخ وسيم انو يقتنع وما يرد بتجريح شخصي
و يوضحلنا موقفو النهائي من القضية ومنو عيب الواحد يتغيّر

صحيح بس العيب إنو يتحول يا وسيم لأنو هيك عنجد شي كتير . كيف الباش؟

[محمد الكوسا]

يعني انت مقتنع بالتعدد بس بهالأيام ملاقي صعب؟
بالقلمون كل شب في مقابيلو 8 كيف بدن يروحوا اذا ما كان في تعدد؟؟؟؟

[HARD]

بالقلمون كل شب في مقابيلو 8 كيف بدن يروحوا اذا ما كان في تعدد؟؟؟؟

ليش احنا اهل القلمون عايشين وحدنا على هل الارض، الله يلي بيرزق وما حدا بيعرف رزقتو وين ومتى بتجي .

[أمين أحمد الحاج محمد]

الهيئة يا شباب الأخ وسيم غاطسلوا شي غطسة منشان هيك بلش يحسن ملافظو ويتهذب وخصوصاً بالمواضيع الحساسة والمفصلية

[Moi]

ماشاء الله بارك الله بكم أخ وسيم على هذا التفكير الرّاقي المتديّن المتحضر و فكرة الإيثار أروع فكرة سمعتها عن الزواج سأنشرها إن شاء الله

[أم عمر]

السلام عليكم اه الله يبارك فيك أخ وسيم وأنا برأيي حرام عليك كفاها أمك كنة واحدة .