يا موجود ... من ثغور أشبال القلمون العطرة

[Nader 3:16]

السلام عليكم.

إليكم هذه المناجاة بعنوان (يا موجود) إنشاد فرقتنا المبجّلة. و بمشاركة فتيان جدد.

قلي رأيك يا اخ ابو حسن ب:

-الشب يلي كان عم ينفرد (و بنفس الوءت عم يطبل).

-بالإيقاع بشكل عام.

-تناسق الفرقة.

-معاني الانشودة.

للتحميل


وبإنتظار آراء البقية...وهذه ليست سوى البداية. في تسجيلات أجمل بكثير بإنتظار اذن شخص لعرضها.

[HARD]

بارك الله بكم .

فيها شئ مختلف من ناحية التسجيل والاداء والتطبيل .

[حُسَينْ ... !]

شغلة ها ...
عجبتني ، من ناحية الإقاع و التناسق بين الإيقاع و الإنشاد ، و صوتو ما شاء الله حلو بدو شوية شغل !
يعطيك العافية ...

[أبو حسن]

قلي رأيك يا اخ ابو حسن ب:

-الشب يلي كان عم ينفرد (و بنفس الوءت عم يطبل).

-بالإيقاع بشكل عام.

-تناسق الفرقة.

-معاني الانشودة.

- الشاب يللي عم ينفرد بعد بدّو رصّ... بيطلع منّو بإذن الله... بس ملاحظاتي السابقة بعدها نفسها... ألا وهي التفاعل مع المعاني...

- الإيقاع جيد...

- الفرقة متناسقة والتنشيز نادر...

- بالطبع لا أوافق على مطلع الأنشودة "واجب الوجود"... وليس هنا مجال تفصيل المسألة... ففي هذه المسألة سعة من الناحية الإعتقادية... لكنه رأي شخصي...

ليتكم في المستقبل تستفيدون من إخوانكم في فرقة الشباب المسلم وتخرجون لنا أناشيد بتسجيلات أصفى...

[Nader 3:16]

بارك الله بكم .

فيها شئ مختلف من ناحية التسجيل والاداء والتطبيل .

شكرأ عالمشاركة يا أخ هارد.

[Nader 3:16]

شغلة ها ...
عجبتني ، من ناحية الإقاع و التناسق بين الإيقاع و الإنشاد ، و صوتو ما شاء الله حلو بدو شوية شغل !
يعطيك العافية ...

شكراً اخ حسين ان شاء الله بالمرة المقبلة منشتغل عليه أكتر.

[Nader 3:16]

- الشاب يللي عم ينفرد بعد بدّو رصّ... بيطلع منّو بإذن الله... بس ملاحظاتي السابقة بعدها نفسها... ألا وهي التفاعل مع المعاني...

- الإيقاع جيد...

- الفرقة متناسقة والتنشيز نادر...

- بالطبع لا أوافق على مطلع الأنشودة "واجب الوجود"... وليس هنا مجال تفصيل المسألة... ففي هذه المسألة سعة من الناحية الإعتقادية... لكنه رأي شخصي...

ليتكم في المستقبل تستفيدون من إخوانكم في فرقة الشباب المسلم وتخرجون لنا أناشيد بتسجيلات أصفى...

الشب يلي عم ينفرد بيعطي أفضل ان شاء الله و هو كان تعبان لأنو أعدنا الانشودة مرتين و كنا ننشد قبل تسجيل الانشودة.

بالنسبة لمسألة واجب الوجود فأنا ما أفهمه منها ان الله تعالى يستحيل في حقه أن يكون عدماً ، فهو لم يسبق بعدم ، ولا يصير عدماً ، بل هو موجود منذ الأزل ، ولا يزال موجوداً ، وهو الخالق سبحانه وتعالى ، وهو واجب الوجود بذاته أي لا يستمد وجوده من غيره فليس له موجد .

ولكن اذا أخذنا بقاعدة انّ الاسماء والصفات توقيفية فعندها يصبح هناك اشكال.

هذا والله أعلم و أرجو تصحيحي ان أخطأت لأن المسألة متعلقة بالعقيدة.

وشكراً عالتنبيهات و ان شاء الله في المرة المقبلة نتحسنّ.
وعادة تسجيلاتنا فيها نكهة الماضي.

سلام.

[أبو الشوارب]

إلى الامام يا اصدقائي.وهذا تشجيع للأخ وائل كي يستمّر في التمرين المستمر .صوته جميل وان شاء الله بطلع منو أفضل وكذلك أخوه هادي.
هذا كلام من عايش التسجيل وكان مشارك في الأداء الجميل.
والسلام عليكم و رحمة الله.

[محمد أحمد الفلو]

الكلمات واللحن حلوين كتير

والمنفرد وحدو لو مستقبل ... بس صوتو منو قوي ... لازم يقرب عالميكريفيون

التسجيل في خشه

جهز حالك بالصيفيه يا ندور تعملي كم تمرينه لأن السبت الماضي أحيينا انا والشباب السوريين واللبنانيين عرس لأخ مغربي-فرنسي حافظ القران (محمد يا اخي صلاح )

الفكره طلعت مع دكتور سوري (الدكتور جمال يا صلاح) صرلوا 25 سنه بفرنسا (فهمكن كفايه) وعمرو بالخمسينات

هو الشب العريس بيوقف امام بمصلى يلي بصلي فيه الدكتور السوري

فحب يعملوا عراضه شاميه إكراما لحامل القرآن ، فاتصل فينا مشان نجمع بعض ونروح نعمل تمرينه عندو بالبيت

والله نحنا ما كذبنا خبر ... رحنا ولقينا الدكتور محضر الأناشيد عوراق ومزبط النغمه ومتمرن عليا


اقترحت عليه أنشودة أبو الجود يلي أنشدا بعرس حامل القران فطلع محضرا كمان

وبعد شي ساعه ونص تمرين ... كنت ازا في انشوده معي ياها عالتليفون دورا مشان يسهل التمرين ...

كان معو مزهر ... بس ما عرفت استعملوا ... وانا كل شويه قول وينك يا نادر ... وينك يا نادر

و رحنا عالجامع ... شنو العرس بالجامع مع عقيقه


بلشنا بالعراضه ... غالبا هو بينفرد ونحنا منرد وراه .... الا ازا الأنشوده سهله

وبلشنا بالعراضه

صلوا على محمد .... زين زين .... مكحول العين ... والي يعادينا ... الله عليه

واول ما بدينا ... عانبي صلينا ... ورفعنا ايدينا ... وبالبركه دعينا


وشن كليله شن كليله

كلو باللهجه الشاميه متل باب الحاره

انا هون كنت عم رد ... بس مني عم صدق يلي عم يصير
حتى الناس بالجامع رجعوا قالولنا : ما كنا عم نصدق أطباء ودكاتره بيطلع معكن هيك اناشيد حلوه

ومعنا شب من ابو سمرا صار يمرق كم زلغوطه
احيان جي رح اوقع من الضحك

بعدين انتقلنا عالأناشيد

يا اله الكون يا سندي (الدكتور لإلنا ... مزبط الشركيات )

وانا والشوق والأمل


ولما خلصنا ... قال شو ... بكرا بدن يعملوا حفل لوداع الحجاج تاني يوم ... وبدنا نانشد

قام الدكتور وافق ... ونحنا نزلنا عند رغبة الجماهير

تاني يوم قلبناها ...
لبيك يا رب الحجيج
ويا طيبه
وعلى المدينه ... على المدينه

والحلو انو تحت كان في بين الحضور تلميذ من تلاميذي بالجامعه اصلوا مغربي ... انصعق !

هنه موجودين فيديو ... بس لسا ما وصولني تشوف كني بحطن

وفي الختام ... كلن بيسلموا عليك يا صلاح ... عبد الصمد و مصطفى يلي كان يحلقلك و احمد عيد المصري وصاحبو يلي عندو محل كباب وابو احمد العراقي و حميطون وووووووو

[Nader 3:16]

السلام عليكم.
أولاً شكراً للمنشد الشيخ ابو الشوارب.

ثانياً بالفعل استمتعت يا أخ حميطون عند سردك للقصة و احسست بدرجة الفرحة يلي كانت بادية عليك انت وعم تكتب الرد و هيك عاجئ حالك.
بصراحة تامة انا بتمنّى من كلّ قلبي احضر عرس بالجامع عالطريقة الشامية. لأنو بالفعل مميز من كل النواحي. فتقتلنا جروحاتنا يا شيخي. انت ادعي تزبط معنا وساعتها منحضرك أحلى عرس شامي او حلبي.

[Nader 3:16]

لا تستغرب الدكاترة بيطلع معون شي كتير .
في مرّة برمضان عملنا جلسة انشادية بعد التراويح و كان معنا الدكتور جهاد علوان مستلم الانفرادات و هالؤصص.
ومعي التسجيل ان شاء الله بحطلكم ياه (رح تلاحظ انو صوتو قريب جداً عأبو راتب).

[صلاح الفلو]

شكرا أخي محمد على هذه المشاركة التي ذكرتني بأيامي في فرنسا,

عندي تعليق بسيط وهو أني لم أشعر بعالمية الإسلام إلا في السفر ومع الأخوة في المساجد فلقد كانت تجمعنا علاقة جميلة مع الجميع مع أني لم أكن أعرف حتى أسماء الأخوة.

ما أجملها من أخوة لم تكن إلا في الله

سلامي إلى الجميع

[أبو حسن]

بالنسبة لمسألة واجب الوجود فأنا ما أفهمه منها ان الله تعالى يستحيل في حقه أن يكون عدماً ، فهو لم يسبق بعدم ، ولا يصير عدماً ، بل هو موجود منذ الأزل ، ولا يزال موجوداً ، وهو الخالق سبحانه وتعالى ، وهو واجب الوجود بذاته أي لا يستمد وجوده من غيره فليس له موجد .

ولكن اذا أخذنا بقاعدة انّ الاسماء والصفات توقيفية فعندها يصبح هناك اشكال.

فهمك إن شاء الله صحيح، وكما قلت لك، هذه المسألة فيها سعة، لكني لا أحب مصطلحات المتكلمين...

على فكرة، بالإمكان تغييرها إلى "دائم الوجود" فيستقيم المعنى أكثر إذ يليها "حي لا يموت"...

عندي تعليق بسيط وهو أني لم أشعر بعالمية الإسلام إلا في السفر ومع الأخوة في المساجد فلقد كانت تجمعنا علاقة جميلة مع الجميع مع أني لم أكن أعرف حتى أسماء الأخوة.

فعلا أخي صلاح... رحم الله تلك الأيام...

[shaqif]

النشيد جميل
ربما لو كان التسجيل بالجودة المطلوبة لظهرت الكثير من الجماليات ..
عموما تحية لصاحب الفردي , و الكورال الجميل .. دون أن ننسى الإيقاعي المتمكن ..

تحياتي .

[Nader 3:16]

النشيد جميل
ربما لو كان التسجيل بالجودة المطلوبة لظهرت الكثير من الجماليات ..
عموما تحية لصاحب الفردي , و الكورال الجميل .. دون أن ننسى الإيقاعي المتمكن ..

تحياتي .

شهادتك يا اخي Shaqif تاج على رؤوسنا.
الله يبارك فيك. و شكراً عالملاحظات. وانتبه منيح في كتير برد بباريس.

[محمد أحمد الفلو]

ثانياً بالفعل استمتعت يا أخ حميطون عند سردك للقصة و احسست بدرجة الفرحة يلي كانت بادية عليك انت وعم تكتب الرد و هيك عاجئ حالك.
بصراحة تامة انا بتمنّى من كلّ قلبي احضر عرس بالجامع عالطريقة الشامية. لأنو بالفعل مميز من كل النواحي. فتقتلنا جروحاتنا يا شيخي. انت ادعي تزبط معنا وساعتها منحضرك أحلى عرس شامي او حلبي.

ههه ههه

الله يبارك فيك يا ندور
حلوه منك اني عاجق حالي

عنجد بوما استمدينا فرحتنا من فرحة الناس فينا وتفاعلن معنا
لأن كان شي جديد علين
نحنا عملناها بالجامع لأن هادا مركز تجمع المسلمين بفرنسا ... بس انت شكلك حابب تعمل حفل والا مولد بالجامع التحتاني !
بدك تنطر طارق يروح يحج مثلا ... ساعتا ممكن تزبط

شكرا أخي محمد على هذه المشاركة التي ذكرتني بأيامي في فرنسا,

عندي تعليق بسيط وهو أني لم أشعر بعالمية الإسلام إلا في السفر ومع الأخوة في المساجد فلقد كانت تجمعنا علاقة جميلة مع الجميع مع أني لم أكن أعرف حتى أسماء الأخوة.

ما أجملها من أخوة لم تكن إلا في الله

سلامي إلى الجميع

الله يسلمك

فعلا الواحد بينسط لما بيحضى بواحد من السنغال والا من تونس والا المغرب والا جزر القمر والا باكستان ... كل واحد بلون ولغه وعمر واختصاص ... مجموعين على الاسلام

والأحلى لما بيشتغل معن ... بيرجع بيشوف بكلل واحد منن طبع بيذكروا بشباب القلمون

بس ما زلت أعاني من عدم حفظ أسماء كل الناس ، وغالبا الناس بتضايق لما بتنسى اسمن
فبستعمل mon frère وبتمشي حالك

فعلا أخي صلاح... رحم الله تلك الأيام...

هيه اصعب شغله انو في مراحل من الحياة ما بتنعاد

انا زاكر لما شاركت بجائزة دبي للقران الكريم ... وعشت مع الشباب بالمسابقه 15 يوم

وقت يلي ودعتن بكيت لأن حبيتن .... و ازا الله قدر وشفت واحد منن بالصدفه بالمستقبل ... فمستحيل احتمع معن كلن بجلسه واحده
الا ازا الله جمعنا بالجنه ان شاء الله

[Nader 3:16]

فهمتني غلط يا حميطون انا ما قصدت ذلك.
عكل حال انت ادعيلي و بشرحلك عالمسنجر شي يوم ان شاء الله.

[Nader 3:16]

أضغط هنا لتحميل الملف

هذه تجربة ، بنغمة مختلفة ...!