[قضية] مستنقعات إصطناعية !

[الزاهر]

[cool man]

هادي الصوره بالصيف ايام منّا عم بتشتي يا زاهر. اذا هيك لازم البلديه تعملا شي سد بهل الحاره منشان تحتفظ بهل المويه لك منيح يلي مصورت الصوره بليل لأن اكيد مكانت بينت الصوره عكتر الضو من لمبات البلديه المضويين و انته بتعرف اذا بدك تصور ضو ئوي بتحترء الصوره . وينيه البلديه عشر بنايات عندا هل الحاره وينيه البلديه ؟؟؟؟؟؟؟,يعني اكتر من عشر بنايات بهل الحاره و الموي طافه فيا و الكهربا مئطوعه , هادا منو بهل الحاره و بس في عندكن الخط من فلامينغو شمالاً لحديت بناية الشيخ المحاديه لبناية ابو تمام و السلطان جنوباً و في كتير حارات هيك يا زاهر شوف صورلنا شي صوره و امرار من حد الجامع الغربي لحديت آخر الضيعه قبل بناية الكسن و بطلعت رئيس البلديه اللمبات بيكونو منورين الطلعه و البنايه , اكيد لازم ينورو هونيك لأن عندو ولاد صغار ميتفشكلو هنه و ماشيي

[الزاهر]

هادي الصوره بالصيف ايام منّا عم بتشتي يا زاهر. اذا هيك لازم البلديه تعملا شي سد بهل الحاره منشان تحتفظ بهل المويه لك منيح يلي مصورت الصوره بليل لأن اكيد ................

والله يا خيي جاية الدور...........جاية الدور عكل فركيشة بالضيعة...........ولو معي كاميرة لكان كل يوم حطيت صورة...........بس عم نصور عتيسير كاميرة من هالصحبة الطيبة اللي حولنا............


وإن شاء الله بيكون لمجهودنا ثمرة...........ولصورنا أعين مراقبة.........تنألها للبلدية بيوم من الأيام.............بركا بتصير بلدتنا بلدة محترمة ولائقة لأهلها الطيبين!!!

[kata2eb]

**** تمميز عنصري ......

يا أخ زاهر بيصير تصور بحيرات حارتكن وبس

ليش ميشان تدل السياحة عندكن

كان لازم تصور كل الحارات

هيهيهيهيهيهيهيهيهيهيهيهي

بس يالله عقبال المنتجعات

[الزاهر]

**** تمميز عنصري ......

يا أخ زاهر بيصير تصور بحيرات حارتكن وبس

ليش ميشان تدل السياحة عندكن

كان لازم تصور كل الحارات

هيهيهيهيهيهيهيهيهيهيهيهي

بس يالله عقبال المنتجعات

والله يا زعيم شبدنا نصور.........إذا رحنا عالحارة الغربية كلها صنوبر وخضار وزفتها منيح وووووو............

إذا رحنا عالحارات الشرقية كلو بنايات جديدة..........وفلل..........وطرقات مزفتة أحلا تزفيت!!!

وإذا رحنا عحارة الفران كلها حيطان مهدمة وبيوت حجر متروكة تعفن!!!!

وإذا نزلنا عالحزام البحري...........المعصرة صارت محل تياب رجع سكر..........الكركون صار مهجور متروك للعفن والغزيل!!!

وأهم من هاد كلو إنو ما معي كاميرة.............وبس استعير الكاميرة من نادر (الله يوجهلو الخير) بيكونو البطاريات فاضيين ومنو آيلي..........منصور صورتين ومننأطع!!!...........شنو ما في كتير عالم بالضيعة بتبيع بطاريات ألكالاين!!!.........


بتصور وبتزبط الصور بتجي بك ترفعها ما بتلائي انترنت..........مأطوع...........إذا كان في انترنت بيكون كتير تعيس وبدك شي ربع ساعة لترفع صورة!!!!

الله يعين.............

لكن ترقبو لسا كم صورة حلوة بالأيام القادمة............إن شاء الله............والسلام عليكم

[Nader 3:16]

وا ويلاي يا زاهر....
عم فكر جيب الأفف او نمد شي كم متر شبيك....
ولك ايشودا....العمى ما في طريق بالقلمون الا و فيها مية الف defaut ...
وين البلدية....

و انتا شباك يا كتائب....!!!! متل ما الك بس نكون بدنا نصور موسم التين او الصنوبر منحيد لعندكم ...