شارع العشاق .. إنتقل إلى القبة ! :)

[الزاهر]

[مايا]

السلام عليكم ورحمة الله وبركاته
هو هيدا يلي كان ناقص
بس كان بدنا لسا تاخدو روادو إذا في مجال وبلا سئلة !!
أكيد ما في مجال لأن بكرا بيصير مفول ما بقا فيكم تمرو منو الله يهدي هالشعب

[Nader 3:16]

كان لازم اسا تصور اللوحة تبعيت انشتاين....

و الديوك يلي جنب الزبالة كل واحد فيون اد النسر.....

ولك دوووووووووووووووووووووع

[الزاهر]

لا والحلو يا ست مايا إنو الشارع اللي كانو هيك يسموه عنا بنصو في جامع ... وكمان عندكم عالكوع التاني (منو مبين) كمان في جامع !! ... يعني مقلدينو عالآخر !!!

وأنا من هنا أطلقها مبادرة لتتبناها البلدية إن أرادت ... وهي تسمية الشوارع والحارات والساحات في القلمون بأسماء رسمية تليق بمقام القلمون وأهلها ...

يعني مثلا المسجد البحري يكون اسمو "مسجد العلامة محمد رشيد رضا" ... والحارة اللي تحت يكون اسمها "حارة العلامة رشيد رضا" ... وهكذا بحسب كل حارة وشارع ... حسب تاريخها ومجرياتها ... ثم بينطبع متل تبعون اشارات المرور إنو هون يا ناس "شارع عمر ابن الخطاب" ... اللي هو شارع الجامع الفوءاني حاليا ... وهون يا ناس "ساحة المنار" مثلا وهي ساحة المسجد البحري !!! .... وهيك !!! ... فشو رأيكم دكتور وسيم الفلو ؟؟

وبركا منرجع بعدين لفكرة العم جابر دملوك القديمة إنو ينعمل علم للقلمون ... وبعدين منعلن استقلالها ثم نعلنها عاصمة العالم عأولة نادر !!!! .... ههههههههه

[Nader 3:16]

أخ زاهر بدي اعلمك انو المسجد البحري يلي تحت صاروا اسمو المسجد الكبير لدى الأوقاف.
مع انّو بالفعل لازم عالقليلة يكون ولو جامع او دار او معهد تحت اسم احد أعلام القلمون الذين خدموا الدين.
مثل الشيخ محمد صهيون (رحمه الله) فالكل يعلم ما لهذا الشخص من فضل في تعليم القرآن لأبناء القلمون. في آخر رمضان تمت تسمية المقرئة في المسجد البحري على اسمه . لكن اين نصيب الشيخ رضا من هكذا اشياء.؟؟؟؟

بالمناسبة بتذكر وقت كنا نحضر مباريات الفولي من زمان. كانو المشجعين عفكرة عاملين علم للقلمون باللون الازرق و الاصفر و مرسوم بألبو شغلة ناسيها و مكتوب اسم القلمون.

و أكيد القلمون هي عاصمة العالم. وفوق كل المناطق في لبنان. مو بتسمع القلامنة بقولوا (نازلين عبيروت...و نازلين عطرابس ) واسا شوية و بقولوا نازلين عدده و سير و هالمناطق.

والسلام عليكم.

[ريحانة]

أخ زاهر بدي اعلمك انو المسجد البحري يلي تحت صاروا اسمو المسجد الكبير لدى الأوقاف.
مع انّو بالفعل لازم عالقليلة يكون ولو جامع او دار او معهد تحت اسم احد أعلام القلمون الذين خدموا الدين

للعلم فقط : يوجد في القلمون ثانوية المنار الإسلامية ، وكذلك معهد المنار لتحفيظ القرآن الكريم وقد تم تسميتهم بذلك تيمناً بصاحب المنار العلامة الإمام السيد محمد رشيد رضا رحمه الله تعالى