كيف تعرف شخصية البنت التي تراها امامك

[wishes]

الانطواء:

الفتاة التي تربط شعرها وتشده خلف اذنيها في
لغة الشعر يعني انها انسانة انطوائية تميل الى العزلة,
حريصة ولا تعطي ثقتها بسهولة,وجدية لحد كبير.


البساطة:
الفتاة التي تلعب بشعرها وترفعه بأصابعها حتى يظهر جزأ من عنقها
يدل على أنها تكره كل ما يقيد حريتها ,تميل الى البساطة
في مظهرها وتعاملاتها وتحب ربط العلاقات مع الناس .



جاذبية:
الفتاة التي تلف شعرها حول اصبعها غالبا ما تكون تحب
جلب الأنظار اليها,تتحكم فيمن تحب من الناس,وتحب أن تمدح.



دلع:
الفتاة التي تدخل أصابعها في شعرها وتعبث به تتمتع بالدلع
والتلقائية وتحب المغامرة والتحدي

[مصطفى معتوق]

شكراً انسة ويشيز على الموضوع الشيق

بس ما جاوبتيني على قصة العيون الدباحة ؟؟؟ بعدني ناطرالجواب

[wishes]

و الله انا حسب معلوماتي المتأكدة منا, بعتقد إنوا شخصية حبيبة القلب موجودة بين الألوان المذكورة. دقق و رجاع قللي إذا لقيتا ولا لأ.
بس بتعرف والله منك قليل و ذوقك حلو. نيالك

[مصطفى معتوق]

الى الانسة ويشز وكل من يسأل عن حبيبتي :


ان بدأت بالكلام عن شعرها ستخذلني القوافي
فهو اروع ما في الدنيا وموسيقاه ابلغ من صمت الفيافي. ان اردت الحديث عن عيناها ساعجز فيفيهما لغزٌ كل من جرب حله فشل وعجز وهزم وظهر بمظهر من فسر الماء بعد الجهد بالماء في شعرها تكمن الدنيا برونقها وسر الحياة في عينيها مقروء.
لا تلوموني ايها الناس فهي بنظري تجمع من قواميس الدنيا كل عبارات الجمال ومفردات الروعة وكلمات الرقة . تجمعها في كل اللغات ومن مختلف العصور وتضع قسماً منه في شعرها الاملس وقسماً في عيناها الدباحتين وتوزع الباقي على ما تبقي من انحاء جسمها فهي الجمال والجمال هي وهي الحب والحب هي وهي الرقة والرقة هي ولن اكمل كي لا ينتهي العمر وانا اصفها فعمري بما حييته وبما سأحياه قصير ولا يكفيني لوصف شعرة من مفرقها ..
على فكرة ما حدن يجرب يعرف مين هي لأن كلكن غلطانين سلفاً

[habboul]

halla2 yalli byisma3ak bi2oul innou killna mitsharda2in la7atta na3rif min hiye. ma la7atta na3rif min inta bil awwal. 3ala kollin shaklak mizwi2 w alla ywaffi2koun min ma kinit inta aw hiye.
salam

[wishes]

بس انا بعرف مين هية
و إذا اسا بستعمل أسلوب التحدي
بنشر المعلومات يللي عندي عالفوروم.
و ألله يخليلي مصادري
بس برجع بقلك إنك كتييييييير مزوق و بتعرف تنقي

[Nader 3:16]

بلا فضايح..............

يعني ما طريقة من غير الشعر...يعني بدك ياني طول مني ماشي ايبل على غير المحجبات وشوف شبيعملوا بشعرهم؟؟؟؟؟؟

[wishes]

والله انا من خلال خبرتي المتواضعة بالحياة اكتشفت إنوا الشباب ما بيتطلعوا إلا بيللي مش محجبات
أنا مش عم أشمل كل الشباب و لكن الأغلبية هيك.
بس يمكن انت سبيشل special و على كل حال بيلبقلك
و مشكور جدا" على المشاركة.

[مصطفى معتوق]

بس انا بعرف مين هية
و إذا اسا بستعمل أسلوب التحدي
بنشر المعلومات يللي عندي عالفوروم.
بس برجع بقلك إنك كتييييييير مزوق و بتعرف تنقي

انسة ويشيز ارجوكي لا تغاري منها !! صحيح انها اجمل الجميلات والجميع يعرف روعتها وينبهر لبريق عيناها !! الا ان السر كل السر يكمن في اسمها !! فهو ابلغ من الصمت حين يكون ذهباً . وهو اروع من اي معزوفة لكبار الموسيقيين !!
افتخر بنفسي حين الفظه, واطرب حين اسمعه, واسكر حين يصل الى قلبي عن طريق الروح , فرقته حرّفت مسار الحروف فيه فهو ينساب كالنسيم العليل وينسلّ الى القلب ومنه الى الروح.
اسمها لا تعرفيه , فهو اقرب الى ان يكون طيفاً يسكن في غدير, فلا ُيسمع عندما يصدر عن الماء الخرير. انها حبي الاول والاخير. صحيح انها ظلمتني طويلاً الا ان ظلمها كان احلى على قلبي من العسل وكل همي ان اعوضها عن كل لحظة فراق بساعة شوق وعناق . لن اسهب فسرها في خياهب صدري مدفون, ولن يكشفه مصدر او منجم او ساحرٍ مأفون.
وانا اصر واتحداكي ان تكشفي من اسمها حرفاً.
وفي الختام اعود لأذكرك ياغنية السيدة فيروز :لا تسألوني ما اسمه حبيبي ..............

[من هنا و هناك]

لك نيالها عليك يا معتوق
هيدا الحكي كلو عم يطلع منك و هي ظلمتك لكن اذا ما كان في ظلم شو كان صار ؟ كنت فرشتلها الدنيا ابيات شعرية و انت برايك هي فعلا بتستاهلك؟ لانو متل ما عرفت في كتير بدهم اشارة منك!
و عندي سؤال حشري شوي هي بتقرا كل شي بتكتبو بالمنتدى؟
ارجو الرد و عدم اهمال رسالتي

[مصطفى معتوق]

لك نيالها عليك يا معتوق
هيدا الحكي كلو عم يطلع منك و هي ظلمتك لكن اذا ما كان في ظلم شو كان صار ؟ كنت فرشتلها الدنيا ابيات شعرية و انت برايك هي فعلا بتستاهلك؟ لانو متل ما عرفت في كتير بدهم اشارة منك!
و عندي سؤال حشري شوي هي بتقرا كل شي بتكتبو بالمنتدى؟
ارجو الرد و عدم اهمال رسالتي

اخي من هنا وهناك

علمي علمك
انا عليي اني عبر عن مشاعري الصادقة تجاهها وانا متأكد انو هالمشاعر عم توصلها بس ما ضروري عن طريق المنتدى. لأن النسيم عم يحملها شعري متل ما عم يحملي ردودها وعطرها . فما تعتل هم ّ

[nana]

طيب انا بربط شعري وبلعب بشعري وبحط اصابيعي بشعري وبدلع بشعري وووو وبعمل كل الي ذكرتيون معناتا كيف راح يكتشفني فارس الاحلام ويعرف صفاتي ههههه

[مصطفى معتوق]

طيب انا بربط شعري وبلعب بشعري وبحط اصابيعي بشعري وبدلع بشعري وووو وبعمل كل الي ذكرتيون معناتا كيف راح يكتشفني فارس الاحلام ويعرف صفاتي ههههه

لا تعليق ؟؟؟؟ حتى اللحظة بانتظار رد الانسة ويشيز فهي صاحبة الموضوع
بس على فكرة يا نارة خانوم الدلع ما بيلبق لمين منكان

[nana]

ليش ما جاوبت يامصطفى على من هنا وهناك ناطرينك

[مصطفى معتوق]

ليش ما جاوبت يامصطفى على من هنا وهناك ناطرينك

الجواب موجود يا خانوم فيكي تشوفي قبل مشاركتين

[nana]

الجواب موجود يا خانوم فيكي تشوفي قبل مشاركتين

شو قصدك يامصطفى

[nana]

الجواب موجود يا خانوم فيكي تشوفي قبل مشاركتين

بس انا بعرف مين هية
و إذا اسا بستعمل أسلوب التحدي
بنشر المعلومات يللي عندي عالفوروم.
و ألله يخليلي مصادري
بس برجع بقلك إنك كتييييييير مزوق و بتعرف تنقي

بس اذا كنتا شجاعة بتخبرينا مين حبيبت مصطفى

[wishes]

انا شجاعة بما فيه الكفاية يا اخت نارة و لكنني أحترم خصوصية الحب
بس فيني قلك إنو حبيبتو لمصطفى ليست عضوا" في المنتدى
و هي كتيييييييييييييييير حلوة.

[nana]

انا شجاعة بما فيه الكفاية يا اخت نارة و لكنني أحترم خصوصية الحب
بس فيني قلك إنو حبيبتو لمصطفى ليست عضوا" في المنتدى
و هي كتيييييييييييييييير

فا الله يخليك يامصطفى خلصنا من هل موضوع وسمعت شو قالت وبشيز مين حبيبتك فا كلنا فهمنا وعرفنا فا نفختنا

[الزاهر]

صحيح جيت متأخر عالموضوع........بس لا تواخزوني......شو هالـ"..."......إنو ضروري أعد رائب بنت العالم كنها بتحط صابيعها بشعرها لأعرفها!!!!

البنت اللي أخلاقها منيح بتشع من آخر الدنية وبيكون مكتوب فوق راسها "أنا آدمية"......النور بيكون طالع حولها......والملائكة محوطتها من كل صوب......تحميها من أسهم الزعران!!!!

أما الزعرة بتكون طالعة ريحتها نتنة عن بعد كيلو متر......من خلال تصرفاتها وصهصناتها بالشارع ومن هالأصص......يعني الأصة جد سهلة.......

والواحد ما مضطر يوجع راسو كتير.......يعني كما يقولون عني.....(زورا وبهتانا).....ملك العشق والغرام.......يعني بنفس الوقت مجرب وحكيم (زورا وبهتانا)......وأنا عطول بؤول.....سئال مجرب وسئال حكيم!!!!!.....
يعني خلص.......ما في داعي تأيبلو كتير.....لأن اللي جاوبكم.......مجرب وحكيم (زورا وبهتانا)......!!!!!!



سلامات

[ساميا]

السلام عليكم:
لقد تابعت هذا الموضوع خطوة بخطوة وفي كل مرة يخطر ببالي بعض التعليق عليه لكن أفضل التأجيل بإنتظار مزيد من المشاركات والتعليقات لعل إحداها توافق رأيي في هذا الكلام فاجعلها مدخلاً لمشاركاتي فلم أجد حتى الآن...

أما انا فلم أفهم من الموضوع أنه دعوة لتفحص الفتيات السافرات ومراقبة حركاتهن أملاً في أن تكشف لنا بعض الحركات عن شخصية الفتاة التي يطلبها الشاب كشريكة حياة، وحسب رأيي أن مثل هذه الآراء في كشف حقيقة شخصية الفتاة (إن كانت صحيحة ومبنية على دراسات وإستقراء علمي صحيح) يستفيد منها إنسان يربي بناته، أو مرشدة إجتماعية في مدرسة بنات، أو زوج يحاول كشف جوانب في شخصية زوجته لم يعرفها بعد، أو أخ يساعد أخته في التخلص من مشكلة ما ومعرفة الشخصية تساعده في ذلك، أو حتى خاطب لا يزال يفهم شخصية خطيبته (بعد كتب الكتاب) أو ....
وإلا بالله عليكم ما معنى أن يراقب الباحث عن شريكة حياته هذه الحركات في الفتيات من حوله؟ هل سيجدي ذلك نفعاً ام هل يصلح أن يكون مرتكزاً يستند إليه الإنسان في الحكم على شريكة الحياة التي سيختار؟؟؟؟

[فشلان]

هلأ منفهم من حكيكن إنو لما بدي دور على واحدة حتى اتزوزا بشوف كنا بتلف شعرا على صابيعا؟ أو بتغرز صابيعا غرز.. أو بتمرق إيدها من اليمين للشمال أو العكس...

يعني اسمحولي فيا.. صار حكي بلا طعمة... هادي إحصائيات... مش حتى نحطها ركائز لحياتنا الاجتماعية... هادول ناس فاضيين رايقين ما عندن شغل.. بروحو بيعملو هيك أبحاث... وبيطلع معن نتيجة.. ومش عطول النتيجة بتكون هية الواقع...

فيرضى عليكن.. احكو بشغلات أكبر من هيك... وهيك مواضيع.. لا مشكلة في إنا نقرأها.. بس مش هالأد نعطيها الاهتمام...

ولكم مني ألف سلام