بصراحة الموضوع رائع بلا طول سيرة هات لبلش بس ما حدا يزعل هلق صحيح عندي نوع من السرية بحياتي قولة زاهر بس مشكلتي اني صريح ورح قول رايي بصراحة .
لنبلش :
زاهر
متفاني بالعمل نشيط مخلص لعملو (ان شاء الله بيكون هيك مع الناس) محب للعلم
بعدو بأول الطريق بس بيوصل ان شاء الله وثابر وصبر
نادر
طيوب مسكين ادمي انجبار
المهند
غيرتو على دينو ووطنو بيخلوني قول عنو احلى الكلام بس مشكلو انو دفش بالكلام وبصراحة انا بحترم الخصم الشجاع متل المهند اكتر من الحليف الجبان
وسيم فلو
صاحب افكار ومبادئ سامية قمة بالاخلاق بس مشكلتو الوحيدة انو بيشجع البرازيل
حميطون
بالاضافة الى كونو قمة بالخلاق والتهذيب انسان عندو فضيلة العودة عن الخطأ وطبعاً هو واحد من اصدقاء الطفولة
هشام الفلو
حبيب قلبي بس ما بعرف ازا بعدو بيحب لمزح متل ايام زمان
روعة
ما تعودت اعطي رأيي بالحريم بشكل علني بس رح اكسر القاعدة هالمرة لاحكي عن حرمتين اولهما روعة يلي بتمثل بنظري صورة عن المسلمة المثقفة يلي فاهمة الدين من جهتو الاجتماعية. بهنيها على طريقة المستحدثة بالدعوة (قولة نادر) يلي هي مرتكزة بالاساس على اظهار مكارم الاخلاق عند المسلمين مما يحبب الانسان بالاسلام ويدفعو للتقرب منه وبحب صحح عبارة زاهر مش القلمون يلي بينقصها كتار متلها الصحيح انو لو في 2 متلها كانت الدنيا بالف خير
(مع تحياتي للاستاذ احمد وفلو وعائلتو هلق مش رح احكي عن خالد لانو يظهر منو على المنتدى بس بتمنى من اخواتو يوصلولو سلامي الحار )
الهارد
احبه في الله ولله
الشامي
صادق
عمر ملاط
احبه لله
ابو جاد
انسان فيك تصاحبو
مش رح اتطرق للاعضاء يلي ما بعرف اسمائن الحقيقية كرمال ما احكم على حدن عن قلة معرفة
لينا ك او غ ( متل ما هي بدها )
قلتلكن اني رح اكسر قاعدة ابداء الراي بالحريم مرتين وهي هي المرة التانية
بصراحة انا عندي احترام مطلق للصبايا او السيدات يلي بيتركو اثرن واضح بالمجتمع على مختلف الصعد ولينا منن يعني ان كانت روعة ناشطة بالمجال الاجتماعي متل ما سبق وذكرت فلينا حتكون بالمستقبل والقريب كمان علم من اعلام الثقافة والادب بشرط انها تكفي الدرب وتواصل كتاباتها بنفس الشاعرية والاحساس المرهف يلي عم تكتب فيهن
نحن بهيدا العصر بأشد الحاجة الى الفتيات المسلمات يلي عندن جرأة التعبير عن الرأي بالاخص انن هنة حيكونو الرد المباشر والصريح على الاتهمات يلي بتطال الاسلام وبتتهمو انو ضد التحضر او التطور ويلي عم يساهم بعض المسلمين وللاسف باظهارو بهيدا المظهر
مع اني بسجل عليها ميلها الدائم الى الحزن والالم وبتمنى منها انها تتفائل بالمستقبل (اكيد مش التيار ها) وتسعى دائماً لتطوير اساليبها بالكتابة عن طريق المطالعة والاطلاع والقراءة لانها مدرسة اهم من كلية الاداب بتعليم الصياغة والبلاغة وتهذيب النفس والذوق
ما بدنا حدن يزعل من يلي ما ذكرتن بس علطول بيدل في اشخاص ما بحب اني بوح برأيي فيهن وعندي اسبابي الخاصة
وشكراً
شخصياتنا
رد مع اقتباس
المشاركة الأصلية كتبت بواسطة دوكر
