أصلح نفسك تُصلح مُجتمعك

[الشامي]

السلام عليكم ... كيفكم يا جماعة...

يقول تعالى ( إن الله لا يُغير ما بقوم حتى يغيروا ما بأنفسهم..) صدق الله العظيم...

أمور كثيرة يعيشها كل منا تتوزع بين السلبي والإيجابي على المستوى الشخصي سواء في التفكير أو السلوك أو المعاملة أو الإعتقاد أو العلاقة بين الإنسان وربه وبينه وبين الناس...

موضوع أحببت أن يكون محل نقاش وحوار وتقليب وتمحيص بين أبناء منتدانا الحبيب... لنحاول أن نرتقي بسلوكنا معا من خلال ذكر السلبيات التي لا تدخل ضمن الخصوصية ولا تمس (الستر الذي أُمر كل منا باتباعه) عسانا أن نجد حلا للسلبيات وأن نذكر بعض الإيجابيات عل أحدنا يشجع الآخر عليها...

سأبدأ بعد أول عضو يشاركني هذا الموضوع...

أخوكم

[الزاهر]

هادي بدها الريس وأم سفيان.......هههههههههه

[مصطفى معتوق]

انا ما بحكي الا بعد الريس

[HARD]

اخي الشامي قدر الله لي ان اتكلم بمواضيعك بعد الاخ معتوق ..............

الان انا لدي الكثير من السلبيات وعندما اتكلم عن شيئ ايجابي يقفذ او بنط احد الاخوة ويقول لي : هل انت كذلك اقول له احاول ان اكون .... فيقول لي انت انت تحاول! فلا تتكلم .

هل يجب عليي عدم التكلم بالفعل الحسن ان كنت لا اعملة هل يعتبر نوع او خصلة من النفاق هذا الفعل ؟؟؟؟؟ فان صح استفساري فهل يجب علي ان لا اتكلم بالصحيح حتى تصح تفسي ؟؟؟؟؟؟؟ فهذا من المستحيل والانسان قلبه متقلب كما تعلم فهل لديكم توضيح على كلامي .

[الريس]

ولك أهلين بالمعلم ، وين كنت مسافر ، منيح لي عاودت بين ، لأن كت ناوي اقلب الطوالة عليك لو ضليتك غايب .

بصراحة أنا ضد السلبية بكل صورها وأشكالها ، يمكن بتقابل مع ناس ما بيخرطوا مشطي أبدا ، ويمكن بتقابل مع ناس استفزازيين ، وناس هي عكسي على التمام أفكارها ، ولكن لما بتعامل معهم بحاول اني ما كون سلبي أبدا .

السلبية حسب رأيي انو الإنسان يتصرف بطريقة فشة خلق وبس ، وما يتروى وما يحكي من منطلق فكري أبدا .

رح احكي دغري على أرض الواقع ، بالقلمون الواحد بشوف شخص أخوه عم يدعي للاسلام و... بس بكون عندو بعض الأخطاء ، فبصير يحكي عليه وينشح عرضو نشح وينشر غسيلو على البلكون، بدل ما انو يجي ويحكيه وينصحو ...

يعني بدل ما انو يكون ايجابي ويصلح ، عمل سلبي وضر .

شوفوا سبحان الله ، الرسول صلى الله عليه وسلّم كان يقلهم لأصحابو ما اتسبو الشيطان ، لأن اذا سبيتوه رح يتعاظم ويتكاثر ، ولكن قولوا أعوذ بالله من الشيطان الرجيم ، فساعتها رح يتصاغر ويصير متل الذبابة ...

على طول الحلول الإيجابية هي يلي بتوصل لنتيجة ، والحلول السلبية بتأدي للفشل وإلى انو صاحبها يصغر بعين غيرو ...

يعني أنا مثلا فرضا فرضا شفت شب عم يدخن ، فيني بهدلو واحكي عليه ، وفيني روح انصحو...

والقصة انو مشكلتنا كلها بتبلش من هون ، بسبب ناس سلبيين من ديننا وجلدتنا عم يلحإلنا مسبات من بعض الناس ، وعم نكل بهدلة وعم نفشل (ربنا لا تؤاخذنا بما فعل السفهاء منا)

موضوع السلبية بصراحة كتيير مهم وبالأخص بالقلمون ، يعني بتلاقي الواحد ماشي ومكشر فرد تكشيرة ، ولك يا عمي الدنيا كلها ما فيها شي ، اسمعو من الريس شو عم يقللكم ، ولك يا خيي اضحك تضحك لك الدنيا ... عيشوا حياتكم وانبسطوا ، دعوا لأفكاركم ولمبادئكم ، ناقشوا وحاوروا ، وخلو عندكم على طول افتراض انو ممكن تغلطوا ، إلا بالأمور المنزلة

[مصطفى معتوق]

اساس السلبية هو التسرع باطلاق الاحكام ........
او الاتكال على احكام مسبقة للحكم على الاشخاص والاحداث دون الرجوع الى تصرفاتهم او حتى الى تصاريحهم على اقل تعديل .