تدنيس القرآن

[عبد الله]

الكل منكم يعلم ما حصل واللذي لم يعلم فليعلم أن القرآن تم تدنيسه في لبنان في سجن رومية. وأنا لم أكتب هذا الى لأذكر نفسي واياكم ان الله عز وجل سيسألنا ماذا فعلنا دفاعا عن هذه الواقعة فماذا سيكون جوابنا فبادرو معنا الى أقل عمل وهو استنكاركم وابداء تعليقاتكم تحت هذا العنوان ومن يقدم فكرة أفضل فنحن نأيده وله من الله الفضل والجزاء

[عبد الله]

كما وأذكركم وللأسف أن دار الفتوى في لبنان لم يلفظ حتى كلمة الاستنكار والسبب للأسف روافد الأموال التي تسد أفواههم.
واليكم الكلمة......

[عبد الله]

وللأسف أيضا أن من يدعون أنهم يمثلون السنة في البرلمان شغلتهم المناصب عن الذود عن دستور أهل الاسلام

[dania]

والله يا عبدالله ما بيطلع شي بإيدي قول الا الله لا يوفئون ولا يسامحون

ورب العالمين ما بينسى حدا والي دنس القرآن الكريم جزاتو عند الله

استغفر الله العظيم

[nana]

بي صراحة مستحيل هيدا الحكي ومابصدقو لان لو صار هيك مشايخ الاسلام والامه أجمع منا راح تسكت عن الموضوع وحاجج تقلي أمول سكرلون تمون مهما كا نو أناس ماديين مش راح توصل لدرجة سكوتون عن الموضوع
وتعا لقلك هون أنت كيف بتحكي شيء من دون مصدر والمسيحيه بي لبنان مستحيل يعملو هيك شو مفتكر حالك بي دنمارك

[dania]

بي صراحة مستحيل هيدا الحكي ومابصدقو لان لو صار هيك مشايخ الاسلام والامه أجمع منا راح تسكت عن الموضوع وحاجج تقلي أمول سكرلون تمون مهما كا نو أناس ماديين مش راح توصل لدرجة سكوتون عن الموضوع


وتعا لقلك هون أنت كيف بتحكي شيء من دون مصدر والمسيحيه بي لبنان مستحيل يعملو هيك شو مفتكر حالك بي دنمارك

لأ رح يسكتوا عن الموضوع ما بقى حدا فاضي لشي بي لبنان

بعدين مين قلك انو المسيحية ما بيعملوا هيكي بي لبنان ؟؟؟؟؟؟

شو عم تحكي نارا ولووو نحنا وين عايششين ؟

وكمان بنفس الوقت في مسيحية كتير مناح بس اذا بتطلعي على بشري شوفي شو بيعملوا فيكي لما بيعرفوا انك مسلمة ..

بدك ذكرك بشي صار معنا بشري وشو عملوا المسيحية اكيد اتذكرتي .... لما وقفت السيارة معنا وبطلت تمشي ؟؟؟؟؟

فكلامك غلط ورح يسكتوا عن الموضوع ومش رح يسألو مش فاضيين هلأيام عندون شي اهم يفكروا فيه .

[عبد الله]

له يا ست نارة ولو أنا ما بفتري على حدا القصة عملت بلبلة صغيرة بالضيعة لأن بسجن رومية محبوس ناس من الضيعة وكمان صار مظاهرة أقل من متواضعة بي طرابلس وبعدين أنا ما أولت إنو المسيحية يلي عملوها رغم تعصب بعضهم بس ما تنسي انو بلبنان في طوائف كتير أرجو أن اكون اوضحت ويلي عم يعملو المشايخ عم يكون اضرب من مجرد سكوتهم.
اذا استدعا الأمر ايضاح زايد فأنا جاهز وشكرا لكما على المشاركة

[عبد الله]

شكرااااا على مشاركتك أخت دانية
يعني بس كان أصدي أن نستيقظ ونرى اللذي يحاك ضد أهل السنة بالذات وخصوصي بلبنان

[nana]

شكرااااا على مشاركتك أخت دانية
يعني بس كان أصدي أن نستيقظ ونرى اللذي يحاك ضد أهل السنة بالذات وخصوصي بلبنان

أنا مش ضدك صحيح انو السنه حقون مهدور وصارور بترتيب الاخير وكل شي عم يصير ضدون بس هيدا كلو من ورانا نحنا ونحنا منستاهل اكتر من هيك لان كل واحد فينا لاحق مله
ناس بتلحلك الاشتراكيه وناس يتلحقلك القوميين وناس تحرير ومابعرف شو كمان
هيدا دليل ضعف نفسي وإيمان نسيو انو نحنا أمة محمد صلى الله عليه وسلم ولعن الله الاحزاب وباريت الكل بيصحا من عماه

[عبد الله]

بس كتبت رد لك يا نارة بأكد فيه حصول الحادثة فليش ما استنكرتي الحادثة

[Nader 3:16]

الله يشل ايدي من فعل هذا....

يعني بالفعل اذا كان صحيح ما تفضل به الاخ...فعيب على المشايخ و المسؤولين السنة ان لا يستنكروا ذلك....

ما تزعل يا اخ عبد الله لأني قلت اذا كان صحيح ...لأنو بصراحة بعد احداث نهر البارد ما بقا بصدق الا ما شوف!!!! بس ما بقول عن الحكي انو كذب ...

ارجو ان تكون قد فهمت وجهة نظري

والسلام عليكم

[عبد الله]

ولو يا أخ نادر ليش ما سمعتو بالمظاهرة الأقل من متواضعة يلي عملوها بطرابلس ميشان هادا الشي بس مشكلة انو اذا ما حدا عارف بالقصة

[عبد الله]

له معقولة إنو بكل المنتدى ما في غير ثلاث أشخاص غيورين على دستورهم القرآن والباقين آخر همهم القرآن

[تلميذ كفاح]

يبدو أنكم لم تخالطوا المشايخ أبد ا !!!!!!!

إسمعوا لرسول الله صلى الله عليه وسلم يصفهم لكم ويحدد الموقف منهم

(ما من نبي بعثه الله في أمة قبلي إلا كان له من أمته حواريون ءأصحابء، يأخذون بسنته ويقتدون بأمره، ثم إنها تخلف من بعدهم خلُوف، يقولون ما لا يفعلون، ويفعلون ما لا يؤمرون، فمن جاهدهم بيده فهو مؤمن، ومن جاهدهم بلسانه فهو مؤمن، ومن جاهدهم بقلبه فهو مؤمن، وليس وراء ذلك من الإيمان حبة خردل) [مسلم]

يعني أننا نحن يجب أن نحذر ونذر من أكثرهم

[الشامي]

السلام عليكم ...

طبعاً كلنا نستنكر هذا الأمر ... ونستنكر عدم تحرك كل من له سلطة غير الكلام في هذا المجال...

ولكن لنرفع هذا القرآن عالياً فلنحمل ولنتبنى ولندعو إلى أخلاق وأحكام القرآن فلا يكفي الإستنكار وحده...

القرآن والإسلام دين الله والله سبحانه تكفل بإظهاره فلا يبقى جحر ضب إلا ودخله هذا القرآن وهذا النور بعز عزيز أو بذل ذليل...

ونصرنا لهذا الدين هو نصر لخير البشرية جمعاء على الشر الذي يراد بها في كل مكان...

(وما أرسلناك إلا رحمة للعالمين)...

فعجباً لمن يؤمن بأن الله حق وأن القرآن حق ويتبنى أفكاراً تعاكس القرآن ويدعو إلى سبيل غير سبيله...

أخوكم

[فيصل]

صلو على النبي
يلي بضحك أنو في غنيه للمطربه فلانه الفلانيه غنت غنيه و بالغلط ظهر وراها رمز لأحد الرموز الدينيه وبرجع بقول بالغلط وهو أصلن شباك على هل الشكل حاصلنه بلا طول سيره :آمت القيامه بالتلفزيون والجرايد والردياوات وال...... وأصحاب وغير أصحاب العلاقه بهذه الطائفه أوقفو هذه الأغنيه ففففففففففااااا شوف نحنو أين ,هم أين ولك معليش نحنا ألبنا كبير ولك فينا نفتح فيه مطار أد مانو كبير ولك شو بدو يقول الواحد أكتر من أنو أرفنا من هل الناس يلى بكونو بالوج مرايه وبالأ............ بس بحب ذكر أنو بدنا ننسأل من ألله غز وجل شديد العقاب عن كل هل التقصير .... ولك دعاء مدعينا عينا ولك عنا ولاد بدنا نربيهن أو أحسن ما يطيرونا من الوظيفه أو كل العاده ألله كبير آه ولك ألله كبير آه ألله كبير
شو بلشت باب الحاره يلا بدكن شي رح ظبط التلفزيون ميشان يلقط باب الحاره
أللهم أنصرنا على الأعداء ونصرنا على اليهود وأعوانهم في كل مكان
ولك أذن العشه يلا بصلي بعد القصه أي باب الحاره

[عبد الله]

شكرا كتير على مشاركاتكم والله يقويكن وايانا لخدمة الاسلام

[a7la 3amoura]

انا مبستغرب انوا يدنس القرآن الكريم و محدا يحكي خاصة انوا عنا مشايخ بالاسم و بعدين مين بدو يحكي ليش نحنا عنا زعيم سني بيفهم لا اله الا الله محمد رسول الله

[الريس]

يعني ولو بصير ما سمعتو حكي المشايخ ، بعضهم قال احنا مننتظر التحقيق ، وبعضهم قال انو المدعو غابي وهو من دنس القرآن لم يكن يقصد ذلك ، بس بالغلط كان جاية بدو يأشط المصحف لأحد المساجين فطار من إيدو وضلو طاير ووقع بسلة الزبالة .

يعني الحمد لله عندنا مشاييخ ، والحمد لله عنا دار فتوى ، ناموا وغمضوا عنيكم وما تعتلو هم شي أبدا .

واهم شي عضوا على التيار -تيار المستقبل- بالنواجذ ، لأن هو الوحيد يلي بدافع عن قضايا السنة بلبنان ، يعني اذا اتخزق المصحف مانا مشكلة ، واذا اتلأط ناس سنة مانا مشكلة ، واذا السنة كانوا أفقر ناس بلبنان كمان مانا مشكلة ، المهم الاستحقاق الرئاسي .

ورح انضلنا راكبين على الجحشة وما بدنا ننزل عنها أبدا أبدا ، لأن احنا سنة .

[الريس]

ما هذه الحادثة إلا حلقة من مسلس كذب ونفاق يعيشه الشعب السني في لبنان ، وجزء كبير جدا من مشايخه هم ممثلون في هذا المسلس ، ولكن سبحان الله ، انظروا من حولكم وصدقوني سترون حكمة الله عز وجل في كل شيء ، انظروا كيف يصرف الله سبحانه وتعالى الأحداث ليفضح الكذابين والمنافيقين ، انظروا كيف يقيم الله الحجة على عباده لئلا يقول قائل يوم القيامة كنت مخدوع بهم ، لم أكن أعلم أنهم كذلك ، أفكارهم ومخطتاهم تنفضح يوما بعد يوم .

بالأمس القريب انتهت حرب المخيم التي هي مجرد لعبة سياسية كان ضحيتها السنة عامة والفلسطينيون خاصة ، امتلأت سماء لبنان بالرصاص ابتهاجا وفرحا ، ووزعت الحلويات وعلقت صور للجيش مكتوب تحتها "إنما الأمم الأخلاق" و... وها نحن اليوم نسمع بفضائح السرقة في المخيم الجديد ، يسرقون المنزل ومن ثم يحرقونه أو ربما يهدمونه ليخفوا آثار انتصارهم ........

يلي بدو يعرف الحقيقة يفتح عنيه وما يسمع لجهة واحدة .

نحنا بعد اليوم ما بق نرضى بأنصاف حلول ، ما بنرضى بشييخ بصلي وبصوم وبيقرآ قرآن وبعلم الناس الدين بس بيسكت عن الحق وعن الظلم ، ما بق نرضى برئيس بلدية أخرس عن الحق ، وفي أماكن أخرى بتلاقيه السباق دائما .

نحنا منا ولاد صغار منعرف حالنا شو عم نعمل ، يا مشاييخ فرقونا بريحة طيبة وعلموا حالكم الدين قبل ما اتعلموا غيركم ، ويا سياسيين ويا تيار المستقبل ويا حماة لواء السنة ، انقعوا واشربوا زوموا ، وستين عمرهم السنة اذا ناس متل حكايتكم بدهم يمثلوهم ، عار على الحق اذا كان يحمله أمثالكم .

ولك (****)

[RAMADAN]

الله اكبر عليهم، إن النصر لقريب

[الريس]

الله يقصف خملك ، شقربوا ؟؟؟؟؟؟؟؟؟

[RAMADAN]

الله يقصف خملك ، شقربوا ؟؟؟؟؟؟؟؟؟

الله يقصف خملك انت ليش عم تبعدو؟؟؟؟

[الريس]

ولك انتي يلي الله يقصف خملك ، عم تقربيه على الفاضي ، من دون أي مأشرات ولا مخرطات ولا مسلقات ولا مقليات ولا مشويات ...

يعني من وين عرفتي انو النصر قريب ، شاييفية الناس واعية كتيير ، ولا شايفة المساجد عم تعج بالمصلين ولا ...............

[habouleh]

الله يقصف خملك انت ليش عم تبعدو؟؟؟؟

,ولالالالالالالالالالالالالالالالالا ما بتفهموا ما قلنالكن ماحدا يدق بالريس,لعمة ما شكلكن رح تمرئوها بلا..............لعمييييييييييييييييييييييييييي

[dania]

,ولالالالالالالالالالالالالالالالالا ما بتفهموا ما قلنالكن ماحدا يدق بالريس,لعمة ما شكلكن رح تمرئوها بلا..............لعمييييييييييييييييييييييييييي

ونعم السند

نيالك يا الريس

[moustafa]

إنا لله و إنا إليه راجعون........ لا حول و لا قوة إلا بالله العظيم....... الله يدمرهم.....
اللهم اجعل كيدهم في أعناقهم..........
ولك يا رمضان ...... شو قرب النصر؟؟؟؟؟ هو صحيح إن نصر الله قريب....... مو هللء
يا الله سلامــــــــ

[RAMADAN]

لقد دنّس القرآن في عقر دار المسلمين (أرض الشام)، هل هناك مصيبة أكبر ؟؟
و عوضاً عن قول آمين، نرى ا لبعض في المنتدى يستهزئ من عبارة "إن النصر لقريب"؛ أنا بقولي لهذه العباره لم أؤكد قرب النصر إنّما هي رجاءُُ من الله أن يقرب هذا النصر والله يهدينا جميعا.

[الريس]

أنا يا عيني ما عم استهزئ ولا شي ، بس هناك فرق كبير بين أن تقولي ان النصر قريب ، والله يقرّب النصر ، أنتي قلتي أن النصر قريب ، وأنا رددت أنه لا يوجد أي شيء يدل على ذلك ، ولا أدري لماذا اعتبرتيه استهزاء .

[ام السعد]

ان الله يمهل ولا يهمل
الله على الظالم والمفتري
ان رأي ان نقوم بمظاهرة سلمية على الاعتراض على تدنيس القران لان موضوع الكاريكاتور الخاص بموضوع الدنمارك فعلناه وكان ردة الفعل ممتازة فلماذ لا نفعل ذلك بالموضوع؟؟؟؟

[الريس]

هاك اليوم كانو حزب التحرير داعيين لاعتصام داخل مسجد طينال ، فمشيوا الدرك بطرابلس بليل وصارو يخزقوا الاعلانات .

على كل انتو ناموا على حرير ، هدال الدرك محسوبين على السنة .

[سحر الشرق]

والله يا حبيبتي ام السعد انا رايي من رايك بس معليش يا اختي الناس مشغوليين يعني منهن فاضيين هلا بيبقوا بيستنكرو على شو معجلين في علا عندهن شي اهم يعني ما تنسي في وفد وسفير كويتي بدهن يشوفو كيف بدهن يستقبلو ويحشدولو جماهير حتى يكرمو والقران يعني ماو مشكلة الو الله وما حدن اكرم من الله هوة بيحميه وبيحفظو
لا حول ولا قوة الا بالله العلي العظيم

[ام السعد]

الحق معك يا عزيزتي, في امور اهم بكتير عندهم ما حدا فاضي لشيئ ,الكل ملتهي . لا نقول الا الله يسامحمهم وانا بقول للي دنس القران لا تتكبر ولا تتجبر الله اكبر

لا تظلمن اذا ما كنت مقتدرا
فالظلم مصدره يفضي إلى الندم
تنام عيناك والمظلوم منتبه
يدعو عليك و عين الله لم تنم

والله معنا واتمنى من الله عز وجل ان لا نكون ظالمين ولا مظلومين
وفعلا ان الله تعالى يحمي القران من الدنس
ليس لنا الا الدعاء وحسبي الله ونعم الوكيل

[وسيم أحمد الفلو]

عذراً على التأخر في التعليق لأنني قرأت الموضوع متأخراً.

سيكون تغليقي بسيطاً وقد لا يرغب به البعض.

مع أهمية القرآن فأنا أعتقد أن التعرض لحق الإنسان كإنسان وحرمته يجب أن تكون موضع إستنكار وشجب وأن لا ننتظر أن يقوم أحد المأفونين بتدنيس القرآن لكي نتكلم.

في موضوع مشابه كذلك نجد كيف أصبحت نظرتنا (نحن المسلمين في الشمال) لإخواننا الفلسطنيين الذين لم تكفهم محنة النزوح في 48 و67 وفي الحرب الاهلية حتى جاءت محنة البارد فدمرت بيوتهم، وهم يلاقون اليوم النبذ ممن يفترض أنهم إخوتهم في الدين.

متى كانت ولاءاتنا للوطن؟ ومن كانت أخوة الوطن تقدم على أخوة الدين؟

تدنيس القرآن فعل مستنكر ولكن تحويل "رومية" إلى "غوانتامو" أو "أبو غريب" أو "ليمان طرة" أو "المزة"، وإهانة الناس (وحتى المذنبين منهم) هي أشد عند الله ويجب أن تكون أشد عند الناس وعند من يتشدقون بالديمقراطية والحرية.

في تعليق للأخ "شومي" تمت الإشارة إلى عملاء لحد والمعاملة السمحاء لجنابهم، بالرغم من خيانتهم لأهلهم ولوطنهم، أما بالنسبة للكثير من الإسلاميين فهم يؤخذون ولو بالشبهة.

نقول لأنفسنا ولدار الفتوى وللجماعة الإسلامية (التي كتب عن هذا الموضوع الأخ "أواب إبراهيم" مشكوراً في مجلة الأمان وقد تم نقل هذا الموضوع على الصفحة من قبل أخونا العزيز "النور الساطع") وحتى للشيخ فتحي يكن ولحزب الله (مع أنني سأتلقى هجوماً من البعض لذكري حزب الله) "افضل الجهاد كلمة حق عند سلطان جائر"

والسلام عليكم