صايرة معكم قبل ؟؟؟

[الريس]

السلام عليكم


أنا اليوم صار معي شغلة ، مانا صايرة قبل هلأ بنوب ، يعني كل يوم بشوف ألف بنت وما بتفرق معي ، بس اليوم شفت بنت عادية بالمنظر ، بس تهذيبها حسيتوا مش طبيعي ، وحسيتها بتستحي كتيير .

يعني آية (تمشي على استحياء) كنت افهم معناها لغة ، هلأ صرت فاهمها لغة وواقعا ، بتحسها ماشية ولو فيها تمشي تحت الأرض أو بألب الحيط ما كانت قصرة .

بصراحة ما بعرف شو صار فيي ، أنا لما شفتها اعتبرتها جد عادية ، بس هلأ وبعد شي 13 ساعة بلشت تعطي مفعولها ، ما بعرف شو عم يصير فيي ، ما جايية عبالي امزح ابدا ، حابب شوفها ، حابب احكي معها ، أول مرّة بحس حالي ضاييع هيك ، كل عمري اعطي دروس للشباب يلي بدهم يخطبوا شو بيعملوا وكيف لازم يتقربوا و... ما بعرف ليش هيك انجدبت هلأ.

بعدين أنا يلي محيرني انو ليش ما لفتت نظري دغري ، يعني بعد شي 13 ساعة من شوفتها لحتى لفتت نظري ؟؟؟؟؟؟؟

[دوكر]

يا هلا بالمعلم الريس...................
ولك شكلك علأت ..................وا ويلاي ..................علأت علأة صعبة يا معلم...........
بدك تنتب ع حالك....................

[الريس]

ولك أنا حاسسني قلبي انو هيك ، بس ما كنت متوقع انو تصير معي القصة بهل الشكل هذا أبدا .

ولك كل شي سامعين بناس بتحب و... شي واحد شاف واحدة وحبها بعض 13 ساعة ، ولك غمة كانت انهضمت بساعتين ، يعني ما بعرف ليش هيك .

بس صدقني أنا وعم اكتب هالكلمات وعم امزح و.... حاسس في متل غصة بقلبي ، حاسس متل لما سافرت أول مرّة ، حاسس متل كأني فقدت حدا عزيز على قلبي كتيير .

ولك شو عم يصير معي ، ما حدا يسألني ، لأن أنا ما بعرف

[أم سفيان]

بتعرف يا أخي الريس بعتئد يا معك إنفصام بالشخصية أو عندك فؤدان زاكرة واحدة من تنيني
ما عأساس ناطر المخلوءة لتخلص تعليمها دوختنا من أبل إنت وعم توصفلنا ياها يمكن عكتر ما عم تبدل أسماء عم تلخبط شوي

[الريس]

رح كون أحسن منك وردك عليكي مع انك جيتيني بطريقة هجومية ، أنا سبق وقلت اني بتعجبني بنت من عكار بس بصراحة صرلي فترة ما حكيتها ، وما تخطر على بالي بقا ولا أي شي ، ما بعرف ليش .

أنا الشباب يلي بعمري أكترهم اتزوجوا ، ما بق في غيري ، وأنا بصراحة كنت شاييل الفكرة من راسي على الآخر حاليا ، بس اليوم ما بعرف شو صار معي .


بس بحب اسألك سؤال أخير شو قصة الأسماء والتبديل و؟؟؟؟؟

تعيي من الآخر ، ما اتخبي شي أبدا ، اذا بتعرفي منيو الريس هلأ قوليها ، في كتار حابيين يعرفوا وما حقك تكتمي علم ، يعني أن بالنسبة لي لو بعرف كنت خبرتهم .

[sana]

اهلا بالريس والله انت منك قليل قلبك الظاهر دق بس من حكيك الظاهر حابب التبولوجي بهل الايام .
دخلك حبيبي وين شفتها بطرابلس شي او بالتحديد بمحرم ؟

[الريس]

يعني انت والله أمركم غريب ، واحدة بتقللي تبديل أسماء وواحدة بتقللي محرّم ، يا عمي والله العظيم ما بعرف وين هذا محرّم يلي عم تحكو عنو ، ولك الحلو فيكم انكم بكونوا عم اتحللوا واتفسروا وتستنتجوا وبالآخر بتصدقوا حالكم وبتمشوا بهل الإستنتاجات تبعيتكم وبتعملوا حالكم أذكيا انكم آبشين القصة كلها .

يا سيد سنا ، ويا ست أم سفيان ، برجع بقول للمرّة الألف ، ما حدا يعمل آدمي معي ويخبي عليي لأني ما بستاهل ، يلي بيعرف مين أنا يتفضل ويكتب عني هلأ .

[sana]

يعني انت والله أمركم غريب ، واحدة بتقللي تبديل أسماء وواحدة بتقللي محرّم ، يا عمي والله العظيم ما بعرف وين هذا محرّم يلي عم تحكو عنو ، ولك الحلو فيكم انكم بكونوا عم اتحللوا واتفسروا وتستنتجوا وبالآخر بتصدقوا حالكم وبتمشوا بهل الإستنتاجات تبعيتكم وبتعملوا حالكم أذكيا انكم آبشين القصة كلها .

يا سيد سنا ، ويا ست أم سفيان ، برجع بقول للمرّة الألف ، ما حدا يعمل آدمي معي ويخبي عليي لأني ما بستاهل ، يلي بيعرف مين أنا يتفضل ويكتب عني هلأ .

اولا انا صار معي نفس الشي متل مصار معك ما تزعل .
تاني الشي ليش وضعت شده على الراء مازالك ما بتعرف محرم .
المهم انا ما هدفي من الكلام ان اقل لك انك فلان او علان بس عم نمزح معك وبلا متعصب صحتك بالديني .

[samer kouta]

walla ya khayyi elrayyess
ana ktir b7ebb hayk mawa2ef, wa bshajje3a wa ma elak ghayr albak houwa ymashik bass enta koun me2tene3 belli 3amma ta3melou
wa mishain iza 3endak 7adan ghayra !!!!
fakker wa ba3den al banat manna le3beh
wa allah ywaff2ak
wa ma 2oltellna min haydi
3amma emza7
akh men al 7obbb

[الريس]

أنا قلتلك ما بعرف ويني محرّم ، ما قلتلك مني سامع فيها ، وكل الناس هيك ، في مناطق كتيرة سامعين فيها ومنعرف نكتبها بس ما منعرف نروح عليها أبدا ، وما منعرف وينية . يعني هلأ انتي منك سامعة بtoulouse و.........

[sana]

أنا قلتلك ما بعرف ويني محرّم ، ما قلتلك مني سامع فيها ، وكل الناس هيك ، في مناطق كتيرة سامعين فيها ومنعرف نكتبها بس ما منعرف نروح عليها أبدا ، وما منعرف وينية . يعني هلأ انتي منك سامعة بtoulouse و.........

انا سامع بتولوز مبلا وبعرف وين بتكون كمان .
المهم الله يفتحها عليك وتتوفق باخذ من اخذت منك التفكير والعقل والقلب .

[سحر الشرق]

الله ييسرلك امرك يا ريس وصدقني محل ما مكتوب النصيب رح يصيب والله يوفقك وييسرلك الخير مطرح ما هوة

[nana]

يالله ايمتا بتعزمنا على العرس

[Nader 3:16]

الله يعينك يا ريس على هالوقعة!!!

و انت يا محقق درمل من هون

[nana]

.................................................. .........

[الريس]

الله يبارك فيكم على الردود ، بس أنا اساني ناطر لحتى التقى بالبنت مرّة تانية ، صدقوني شفتها من بعيد ، ما بعرف لا اسمها ولا شو بتعمل ولا شو بتدرش ما بعرف شي عنها بالمرة ، وما تكون خديجة رضي الله عنها ، أنا ضد انو الواحد يتزوج قبل ما يتعرف على البنت . ولكن هذا التعرف بكون بفترة الخطوبة ، وببيت اهلها للبنت ، وبشكل واضح وصريح .

[الريس]

بعدين يا ست نارا ، يرضى عليكي روقي ، ما بدنا ياكي اتعصبي أبدا ، ما كل ما واحد حكي كلمة بتردي عليه ، اتركيه يحكي لحالوا .

[الزاهر]

يا ريس....إنت علأتك علئة.....وانا علأتي علئة......يا زلمة اللي صار معك......صار معي بس مرتين......والبنتين غير عن بعض!!!!......يعني الأصة مدوبلة......!!!!!
لووووووووول!!!!!!!!!....خديجة و وعائشة (أولتك!!!)

[الريس]

ولك بسيطة ، خدهم تنيناتهم ، أوفرلك ، بدل ما تعمل عرسين ، بصيروا عرس .

[الزاهر]

والله ما خطرت عبالي.......خلص......من بكرا ......بشوفهم بالجامعة......وبحكيهم بالموضوع........ومنروح لعند أهلهم بعد الدوام!!!!!........

[الريس]

متل ما بدك ، بس ما تنسى اطلع معك حلو من عبد الرحمن أو رفعت الحلاب .

[Nader 3:16]

شو رأيك تطلع معو يا ريس!!!

بركة كانت المحروسة تبعيتك بالعلوم....

[الريس]

ولك الحلو فيك يا نادر ، انك مفكر حالك عم تجيبني بالجورة ، يعني انت هلأ عم تلأطني من الإيد يلي عم توجعني .


الله وكيلك مانك عارف شي من شي .

[Nader 3:16]

طيب خلص رح امسكك من الايد التانية يلي ما بتوجعك...

و يا اهلين بالريس

[الريس]

ههههههههههههه ، المشكلة انو في مين ماسكني بالإيد التانية .

[Nader 3:16]

ولا شايف يا ريس....يعني منو عم يطلع معي حكيّّّ!!!!!

بس محضرينلك الشباب كم سؤال ...بدنا همتك بالمقابلة!!

دوووووووووع

[الزاهر]

شو يا ريس.............منألك مبروك؟؟؟..........

[أبو تراب]

سماع يا ريس
بيقول الشاعر(جمال الروح ذاك هو الجمال تطيب به الشمال والحسان)
فالإناء ينضح بما فيه، فإما روحٌ وريحان وإما زبالة عليها دبان
ونصيحة (إذا ابتليتم بالمعاصي فاستتروا ) بارك الله بكم
وعذرا على الازعاج