ليش هيك بصير(إستفتاء)أدخل و شارك..

[THE TERRORIST]

هل السبب هو من الدرك أم من بعض الناس؟؟؟؟؟
نعم
كلا
يرى الكثير من الناس اللبنانيين عامّة و القلمونيين خاصة أنّ العجئة يللي بتصير في الطرقات العامّة لا تنتج إلا بسبب بعض أفراد من الدرك المكلّفين بتنظيم السير....يعني بتوضيح أكثر..
لما ما بكون في درك بتكون الطريق سالكة و بتجنن
و لما بكون في درك بتعجء و بتتلخبط الأمور ...

[الزاهر]

آه والله معك حأ يا بو صطيف.........كل يوم هيك بيصير معنا!!!!

[مصطفى معتوق]

خخخخخخخخخخخخخخخخخخخخخخخخخخخ
هههههههههههههههههههههههههههههههه
بتعرف انك عنجد ارهابي

يا اخي العجقة سببها العالم . والدرك او شرطة المرور شغلتن ينظمو العجقة منشان هيك بتشوف الدركي بالمحلات يلي فيها عجقة .
او بمحلات الدجاج والشاورما عند وقت الغداء
تحية الى شباب قوى الامن
ابو علي وابوخليل واخي ايمن خداج ... وعموم منتخب قوة الامن الداخلي لكرة القدم ظبات رتباء وافراد

[Nader 3:16]

انا برأيي انو الاثنين بيتحملوا المسؤولية...

يعني في يكون السائق متهور....و في يكون الشرطي لا يحسن التصرف...

[ام السعد]

الدرك والدرك والدرك وما ادراك ما الدرك
الدرك الاسفل من النار

[ام السعد]

الدرك اللي عنا مشكلتو مشكلة فاما ان يكون طارئلو شو صحن سمك لبن تمر هندي واما انو صاطلها واما ان يكون سرحان فبمشي خط من السير شو ربع ساعة وبينسى الباقين وبتقولوا يا عالم يا دركي وينك وبينما تروح السكرة وتجي الفكرة بتكون الدنيا ملخبطة والسيارات عم بتوط والناس عم بتزوط .
لانو الواحد منهم قبل ما يفوت ع الدرك بيكون التمام التمام ولما بيدخل ع الدرك ما بعرف شو بيصرلو .
نتمنى لهم الهداية .
ونحنا اكيد ما عم نحكي عن الكل ولكن نسبة كبيرة منهم.

[الريس]

يعني السؤال أصلا غلط ، لأن الحق على الاتنين ، ورح اتضلها القصة هيك لأمد بعيد .

يعني على الأقل لازم بعد الطرقات يتغير هندستها من جديد ، ولازم ينحط أضوية المرور .

هون بالسعودية ما منشوف شرطي مرور أبدا ، والطرقات منهدسة من أحسن ما يكون ، وفي أضوية الكل بيحترمها وبيمشي عليها ، ونادرا ما نشوف عجقة طريق ، اللهم إلا في مناطق معينة ، وفي مواسم معينة .

[الزاهر]

اليوم.....اليوم الجمعة.....كنت راجع من الجامعة مع صاحبي أوسكار بسيارتو.......وكنا عم نحكي بالموضوع.......وألي ....يا زلمة......ما في عجئة إلا محل في واحد جاية بعكس السير.......ومحل في شرطي......طيب ليس بس يروح الشرطي ما بيعاد في عجئة؟؟؟؟

[THE TERRORIST]

و لك يا هلا بالشباب.....شكراً لمروركم الكريم.. يبدو إنو الأكثرية تؤيّد قكرة إنو الدرك هم السبب.. بانتظار مشاركة الأعضاء البقيّة
على فكرة أنا صوتت إنو الدرك هم السبب......

[lina k]

سلام,من وجهة نظري فالمشكلة ليست بالدرك إنما بشعبنا نحن.أجل,للأسف فالشعب اللبناني حتى الآن غير معتاد على النظام ولو وضعوا له إشارات سير فلن يهتمّ لها سوى القلائل..ومهما حاول شرطيّ المرور تحسين السير لمنع الحوادث فلن يفلح بذلك لأن الشعب غير متعاون معه.
هذا رأيي الخاص.
شكرا على الموضوع.

[مصطفى معتوق]

سلام,من وجهة نظري فالمشكلة ليست بالدرك إنما بشعبنا نحن.أجل,للأسف فالشعب اللبناني حتى الآن غير معتاد على النظام.ومهما حاول شرطيّ المرور تحسين السير لمنع الحوادث فلن يفلح بذلك لأن الشعب غير متعاون معه.
هذا رأيي الخاص.
شكرا على الموضوع.

معك حق هاد هو الكلام المزبوط .

[دوكر]

يا هلا بالجميع...............هههههههههههههه.......ولك شعم تحكو هوني....طيب طالما الشغلة لها علاءة بالسواءة.......عيطولنا......حدا يعيطلنا..........
طيب طالما جيت مني لحالي ح شارك......
يا شباب عارفين انتو انو اللبنانية هني أءوة الناس بالسواءة ......(حسب تأدير...)......
لأنو بسوؤا تحت ظروف و محلات ماحدا بسوء فيا.........يعني طلاعلك شي طلعا ع فنيدء بالتكسي.....بسوء بلا ما يطلع.........هههههههههه......بكون طاير ع الكواع.........و بكون مأعد واحد من جهتو..........
بس من جهة التقيد بالنظام .....هههههههههههه........احسن عالم بالمخالفات......بتلاءي هدا لي عم يختصر الطريء بعكس السير.........و هدا لي فايت الكوع فرام إد........و هادا و هادي....الحمد لله ما بنخلي نوع من المخلافات ما بنعملو....دائمن نحنا السباقين........
و لك حتى الواحدمنا بس يطلع لبرا......(يسافر....)بتلاءي عم يسوء بنفس طريءة.....و شوف اديش بيوكل ضبوطة بالنهار.........

فا متل ما ؤلت الست لينا المشكلة بالشعب اللبناني.......بس كمان في عنا مشكلة قلة خبرة الدرك........اساتني متزكر اديش كونت كرفت و عصب منون .....بتلاءي عم يمشي خطين عكس بعضون ....بنفس الوءت.........هدا بيعمل عجءة كتير.....و اسا في كتر اغلاط......بس اول الشي لازم نحنا نتقيد بالقوانين.....من شان نحل هل المشكلة........
ليكو دبي بؤلو فيا اقل نسبة شرطة سير .....ليش...؟؟؟؟لأنو الناس هونيكا بتحاول اد ما فيا تلتزم بالؤانين.........

و يعطيكون العافية......
اخوكم دوكر المعوكر.....

[wissam]

hehe ; iza el darak hier elli 3amlet el 3aj2a !!!!!!!!! ; enta medri kif fehem el hayet lakena :P
Abou steffff choubena !!!!!!
ma tenza3a :P:P:P

[THE TERRORIST]

شكراً لكم جميعاً و بالأخص وسام..... غبقى عرّف عن نفسك يا خيي

[nana]

والله بي النسبه إلي السبب من الناس منو من الدرك لان لما نزلت لبنان نزل ضغطي ألف مرة من طريقة سواقة هونيك . يعني مثلا الاشارات متل قلتا إذا مثلا حاطين ممنوع المرور هههه بتلاقي العالم آخر هما بفوتو بعكس السير وبيعملو زحمة وخبيط بين بعضون ولاء فوة كل هيدا معون حق وخاصة على ساحة النور يعني شيء ببكي هونيك من ساعتا بطلت سوق بي لبنان
فا ماطحنتو مشكله بي الدرك ابدا لان اصلا الدركي لما بكون بإجازتو راح يعتبر نفسو من الشعب ويسوق بي نفس طريقتو المفشكله

[moustafa]

أنا برأيي إنو الناس هم السبب... و ليس كلّ الناس.. بل البعض منهم
موضوع حلو يا إرهابي ... بس السؤال شويّ غلط
يا الله سلامـــــــ