صفحة جديدة...

**دوكر** · 15-11-2007, 02:13 AM

يا هلا باشباب و الصبايا.........

السلام عليكم و رحمة الله و بركاته.........

كلنا بنعرف انو كل عضو منا بشارك بالمنتدى بتتسجل جنب اسمو عدد مشاركاتو..........

و كل ما يعلا عدد مشاركاتو بيعلى لقبو و بزيد لمعانو..........

و لو انو هل اللمعان ألمتروني.........لانو لو علاءة بالعدد منو بالنوعية.........

بس الاعضاء لي من حولك بعدولك مشاركاتك بنوعيتا............منو بكميتا.......

و الملائكة بعدولك بالكم و بالكيف........

ف انتبه الكل عم يشوفك..............

خليك عضو نافع..........

و حاسب نفسك..........أبل ما يحاسبوك الناس.........

لأنو كتار منا لي بفكرو انو ازا موجودين بإسم مستعار معناتا عم يخفو انفسن و شخصيتون عن العيون........

بس ما بتخفى ع الخالق عز و جل.........

مادنا نكون اعضاء سلبين بالمنتدى..........

بدنا نفتح البنا لكل الناس و نشاركن بأرائهم و لو اختلفنا.........

بدنا ننشر الفرحة بلي حولنا..........و مادنا نكون مصادر ازعاج للعالم........بأرائنا و ملاحظاتنا..............

خلنا نكون صريحين و مباشرين بكتاباتنا.....مودنا تحوير و تلميح لي بودنا لفتن و ظنون سيئة............

مودنا نكتب مواضيع كتيرة فائدتا ءليلة........

بدنا مواضيع حلوة و مركزة....و اهم الشي متابعت الردود........و رد ع كل الاعضاء.........لأنو فيا نوع من إلت الاحترام ازا ما رديت ع عضومن الاعضاء........متل واحد عم يحكيك و اتا داير ضهرك...........

كلامنا لي عم نحكي يمكن نحنا منا عم نحس انو كل العالم بالكرة الارضية فيا تؤرا..........

شايف........

كل هل الناس فين يعرفو نمط تفكيرك.....و طرءتك بالحكي.....

بدنا تكون ؤلبنا كبيرة و نتحمل النقد........

مبدنا نعصب بس نشوف نقد ما بيعجبنا ....لأنو بهاجم شخصنا او حدا بخصنا.........

بدنا يكون عنا ثقة بالنفس....و ناقش الردود النقدية برحابة صدر..............

مبدنا حواجز بين بعضنا..........و مبدنا تصورات و ظنون و خيالات نحطا براسنا عن ايا عضو من الاعضاء.........

يا شباب و يا صبايا........كلامي لي حكيتو ت زكر نفسي ابل م زكركن..........

بالاخر الكلمة لي عم تتطلع منا عم تتأيد....حتى لو حزفنا المشاركة..........

و الغلط ت يتصلح مبدو كتير...............بدو كلمة و بيزبط..................

كلنا بالاخر اخوة في الله............و ظني انو محدا من الشباب بؤل غير هل الكلام.............

هي فتحنا صفحة جديدة ..........صفة حوار.......و نقاشات هادفة...........

بكل احترام......و تقدير........

اد ما اختلفنا ....بنضل شباب من الشباب الاسلامي.........بنتفء ع الاشياء لي بنتفء عليا....و الاشياء لي بنختلف فيا بنعزر بعضنا فيا.........

و يعطيكن العافية........................

اخوكم دوكر المعوكر..................

**الريس** · 15-11-2007, 02:41 AM

عنجد انو ابو الشباب يا دوكر
كلامك كتير مميز ، فا بحب اتشكرك .
ان شاء الله نكون تعلمنا درس من يلي صار انو ما نزت كلام مبهم و نقصد في التعليق على الاخرين و لكن نطرح انتقادنا بشكل واضح و صريح، و الطرف الثاني يتقبل النصيحة بصدر رحب ، ولا يبحث لنفسه عن مبررات واهية.
هلأ صار فيني وقع على كلامك يا معلم دوكر.
شكرا

**HARD** · 15-11-2007, 03:30 AM

صرنا ماضين على 100 عريضة

انا اول ما شوفت العنوان قولت اه صار في صفحة جديدة للقلمون

بس الظاهر طلعت دباجه جديدة

اه والله ما معك حق انا معك يا كوكر :؛)

**الزاهر** · 15-11-2007, 03:35 AM

بعتذر عن التاخير يا دوكر....لكن بما انو هادي معاهدة.......فبفتخر اني وقعها....وصوتي صوتين يا دوكر.....!!!!

وإن شاء الله.....نكون وئت نأرا شي وما يعجبنا......أول شي نفكر إنو "أنا ما فهمت عليه اصدو للزلمة!!!!".....ونرجع نأرا من جديد.......لئيناه مغلط.......منؤول "يبدو يا حرام الزلمة ما عرف عبر عن الفكرة.....!!!"
ومنرجع نأرا.......للمرة التالتة.......وإذا وجدنا الغلط بعدو.......فمنبادر للنصيحة.........بالأسلوب اللي هو "الأنسب"......

وبوركت المبادرة الكريمة يا دوكر......وإن شاء الله تكون بادرة خير من "الجميع"...........آمين!!!

سلام

**HARD** · 15-11-2007, 03:44 AM

يا شباب معقول هل الكلام لازم ينقال ويتعلم يعني ما في حدا صغير الكل يعلم الصح .
يعني اذا الاخ او الاخت شافت انو النصيحة غير ضرورية فبعتقد انو في مشكلة
بس بدك مين يعرف ينصح
مثلا عندكم عالم حكيها دج يعني بيبهدلك بدل ما ينصحك
وفي عالم مافيك تحكي معهم يعني بدهم عصفورية مثال انظر فوقي وعلى يلي تحتي بتعرف

.

**الزاهر** · 15-11-2007, 03:53 AM

عندي يا ربيع أنا تحتك......مني فوقك!!!!
لووووووووووووووووول!!!!

**HARD** · 15-11-2007, 04:11 AM

المشاركة الأصلية كتبت بواسطة Zaher Eddin

عندي يا ربيع أنا تحتك......مني فوقك!!!!
لووووووووووووووووول!!!!

بدي اعرف انا / حتى هادي <<لووووووووووووووووووووووووووووووووول >>
ناقلينا والله شغلة ابتكروا شيئ على الاقل ............

هنا في الدمام اطلق احد المشايخ مبادرة ،عبارة عن مجموعة من المحاضرات مع الادله الحسية من دراسات علمية وقصص واقعية
والمبادرة تهدف الى تعزيز مفهوم التربية لتقويم الشباب المسلم ليكون مثالا للمسلم القوي المثقف والمتعلم والمبادر (لتقريب الصورة متل هذا هو ديني ، اعلانات على التلفاز جد رائعة ) وهو اكثر ما يشدد علية فكرة المبادرة فخطبته السابقة قبل ان يطلق مبادرته تكلم فيها عن المبادرة عند الشباب وكيف ان الرسول علية الصلاة والسلام كان يشجع اصحابه على ابتكار المبادرات .

فهل نحن منهم ؟؟؟؟؟؟؟؟؟؟؟؟

**دوكر** · 15-11-2007, 07:25 AM

يا هلا بالشباب...يسلمو ...
ناطرين اسا شوية تواقيع...و بدنا شي حسي...وازا واحد منا غلط ما يستحي يعترف بغلطو...

اخوكم دوكر المعوكر...

**lina k** · 15-11-2007, 02:05 PM

سلام,شكرا على التذكير وأتمنى أن نفهم جميعا هذه الرسالة الهامة.حيث يجب علينا:
1- معاينة مواضيعنا وردودنا ألف مرة لنتأكّد أنها لن تجرح أحدا وأنها لن تُفهم خطأ.
2-إعطاء النصيحة بأجمل الكلمات ليتقبّلها الطرف الآخر الواجب عليه أيضا إحترام النصيحة وصاحبها.
3-المناقشة والحوار بطرق حضارية وإسلامية.
دمتم بخير....

**دوكر** · 15-11-2007, 03:17 PM

يا هلا بالست لينا...
و يسلمو ع هل المشاركة الطيبة...و الإضافة...
يعطيكي العافية...

**أيمن غ القلموني** · 16-11-2007, 02:36 AM

المشاركة الأصلية كتبت بواسطة دوكر

اد ما اختلفنا ....بنضل شباب من الشباب الاسلامي.........بنتفء ع الاشياء لي بنتفء عليا....و الاشياء لي بنختلف فيا بنعزر بعضنا فيا.........

و يعطيكن العافية........................

اخوكم دوكر المعوكر..................

مبادرة حلوة وإن شاء الله الجميع بيلتِزِم

منضل إخوة وأخوات والأخ بيتحمّل من أخو

أليس كذلك يا فتيات

**دوكر** · 16-11-2007, 02:40 AM

يا هلا بالمعلم ايمن........
يسلمو ع مشاركتك معنا.....................

و ناطرين اسا مشاركات.....................

**nana** · 17-11-2007, 10:44 PM

شكرا دوكر للموضوع بصراحة الاعضاء ماخلولنا كلام نقولو بس بضم صوتي للجميع

**حُسَينْ ... !** · 26-03-2008, 09:11 PM

بصير مني موقع هون ...
صحيح الموضوع قديم كتير بس غير شكل

ناطرنك يا سيد دوكر تركتلنا المنتدى و رحت

كل هلقد بدا الخطيبة

؟

**shanzimer6** · 26-03-2008, 10:29 PM

السلام عليكم:

بارك الله بك أخ حسين لإعادة فتح الموضوع..

صحيح انو تأخرنا لحتى مضينا... بس المهم بالأخير بإنا مضينا ...

أن تصل متأخراً خير من أن لا تصل أبداً...

الله يسامح الجميع..

بس شكلا هالصفحة كانت وصية.. الله أعلم!!!

**الزعيم** · 27-03-2008, 01:22 AM

السلام عليكم .. لهيئة تأخرنا مش مشكلة المهم رجعنا مضينا ..سلام

**البريئة و الوحش** · 27-03-2008, 02:06 AM

انا جديدة ما دخلني
ويييييييييييييييييييييييها

**nana** · 27-03-2008, 09:56 AM

وبرجع مجدد معاهدتي

**الزاهر** · 27-03-2008, 11:55 AM

رزء الله عأيامك يا دوكر...........

شوا صحيح سمعنا صرت معلق؟؟؟

الموضوع: صفحة جديدة...

أدوات الموضوع

عرض

صفحة جديدة...

ضوابط المشاركة