ما هو أول شيئ تذكرة \ تذكرينه من حياتك ؟ و كم كان عمرك ؟

[جابر دملوك]

ما هو أول شيئ تذكرة \ تذكرينه من حياتك ؟ ..... و كم كان عمرك ؟
أرجو منكم المشاركة الجادة و الموثقة بأرقام و تواريخ إذا أمكن.

[جابر دملوك]

أول ما يذكرة جابر هو مولد شقيقته نظمية.
الذاكرة الدملوكية بدأت في 29 تشرين ثاني 1966 حوالي الساعة الرابعة بين العصر و المغرب.
كنت يومها في الرابعة من العمر (و بالتحديد4 أعوام و 4 أشهر)
يوم دخلت أم زكي
(سلام خطيب كتب الله تعالى لها الشفاء و أطال بعمرها
و جزاها عنا جميعاً خير الجزاء لما كان لها من فضل بعد الله تعالى على أغلب أبناء الضيعة)
بيتنا لتكشف على الوالدة كريمة خانم حرم العكيد نجم الدين دملوك
فوجدتني و أخي صابر نلعب بالقرب من والدنا في غرفة الضيوف فقالت لنا :
" إذا نمتو اليوم بكير رح تجبلكن أمكن بكرا لعبية حلوة"
و فعلاً جاء الغد حاملا معه وعدها الصادق فلقد ولدت أختي نظمية دملوك و كان لي من العمر 1582 يوماً.
يالله أرجونا أبضاياتكن.

[الزاهر]

والله يا خال أول شغلة بتذكرها كنت عمري شي 4 سنين ونتوفة.....كنت مع امي وختي رايحين عالدكانة تبعت خالي طارق اللي كانت عالأوتوستراد فوق.....وبدنا نجيب "نواسة" لغرفتي........وفوق يا خال (كونو خالي بيدخن).....وكونو كانت مأطوعة الكهربا.....سحبنالك سيغارا أنا وأختي.....وشعلناها يا معلم من الشمعة.....وأول شرئة......وخووووووووووووود على تشردء وسعلة وإحم وأحا........الله ستر وما غمي عليي........وكبيناهم بجورة كان يجمع فيها حطب.......ومني ذاكر كنها شعلت ولا لا!!!!!!
من يوم يومي مشاكس!!!!

[Ouss]

معي إني حكيت هالأوصة , رح إرجع أكتبا لأنا طارت بعد غزو المنتدى , وأكيد كرمال العم جابر ..

أول شغلة متذكرا , كان عمري 3 سنين , كنت آعد عالسطح عند خالي مرو أنا وخوالي عم نشرب شاي كالعادة , وكان بوءتا خالي مربي أرانب ...
وكان في أرنب حشري كتير , جايا عم يشمشلي فنجان الشاي, آم كب الشايات عليي ....
هالأصة دلاتا معلأة براسي أد ما نزعجت من هالأرنب ...ما كان
مأدر قيمة فنجان الشاي اللي كبللي يا !!!

[فرح]

هههه الله يعطيكن العافية ع هيك موضوع

و الله أنا عندي كتبببر زكريات..بسّ صراحة أول شي بتزكّرو عن طفولتي قصّة بشعة..بس أكيد بطنّش ع الموضوع و ما بحكيا....
المهم أول شي كن عمري شي 3 سنيييين و إه معي زاكرة أويّة....لأن أكيد منظر أمّي عم تصرّخ و البابا واءف حدّا و ماسكلا إيدا و ميّت الفزع منّا....ههههههه ما بيروح من راسي...و هيّة تصرخ و نايمة ع التخت رح تكسرو من الوجع..و أنا فزعانة و حدّي كن في خالتي عم تكحشني من الغرفة...بس من زغرتي زكية..هههه كنت عارفة إنو الماما بدّا تولّد و تجبلنا..خيي الصغير...
إإإإإإه لسن في كتيييير إصص...
سلام....
*جزاكم الله خيرا*

[محمد أحمد الفلو]

يمكن تكون الشغله يلي متذكرا غريبه
بس بما اني مواليد ال 83 وجدي عبد الرحمن الفلو توفاه الله في سنة 88 ( مني متأكد من التاريخ) فإذا عمري كان لا يتجاوز ال 5 سنين .... وهادي القصه الوحيده يلي متذكرا عن جدي رحمه الله

جدي كان عنيد ( و نحنا الفلويه طالعينلوا) ... وكانت أختي أسماء ورفقاتا بدن زعتر من عند ستي مشان المناقيش ... وبما انو مكان جلوس جدي كان على باب الغرفه .. وهو حامل العصايه تبعيتو .. ما كان يخلين يفوتوا عالغرفه أبدا

يلي بيحس القصه بايخه ... يترحم على جدي بتصير المشاركه مفيده





و يا هلا بالخال جابر ( أبو ...) (مواليد 1960 )

[عمار الفلو]

أنا أول شي بذكروا لما خلق أخي بلال

و وقتها كان عمري 3 سنين و شهرين

و بذكر إني فيقت أخي صلاح و أختي روعة و قلتلهم إنو الماما ولدت

[محمد الكوسا]

أنا أول شي بذكروا لما خلق أخي بلال

و وقتها كان عمري 3 سنين و شهرين

و بذكر إني فيقت أخي صلاح و أختي روعة و قلتلهم إنو الماما ولدت

اكيد عمار بيذكر كمان البرازقات اللي جبتلو ياهن من سوريا!!!!!!

[الزاهر]

والله يا معلم جابر تذكرنا أصة قبل اللي سبق وذكرناها ... لكن مشكلتها ما بتنحكا!!!...........شو منعمل!!!

[THE TERRORIST]

السلام عليكم...
القصة يللي رح إحكيها صارت وقت كان عمري 4 سنين...
كنت عطول بشوف أمّي هيّ و بتشعل الفرن يللي بالبيت عنّا...
قام مرّة أنا و كنت وحدي بهالبيت حبّيت جرّب شعل الفرن....
هللء الفرن يللي كان عنّا ما كان كتير منيح ..
فأنا قدحتلك هالكبريتة و قرّبتها على الفرن .. و هون صار يللي ما حدا متوقّعو ... شعل كلّ الفرن ... قام أنا من فزعي سكّرت الباب تبع الفرن و هربت من البيت.... ناطر لحتى يصير الإنفجار.... بس الله ستر و كانت قنينة الغاز شبه خالصة و أنا و فتت عالبيت بعد شي 5 دقايق لأيت الفرن مطفي... و الحمد لله ما صار شي .... و الحلو بالقصة إنّو ما حدا عرف فيها.... ميشان هيك ما كلت أتلة من حدا....