إنسحاب Software

[Software]

السلام عليكم ورحمة الله وبركاته،
سلام إلى جميع الأعضاء المنسحبين والصاميدن،
يتقدم أخوكم Software بسحب عضويته من هذا المنتدى الكريم سائلا السماح والمعذرة من جميع الأعضاء الكرام، ويجدر الإشارة هنا ألى أنه لا علاقة لانسحابي بأي شيء يخص المنتدى، أقصد أني لم أنسحب بسبب أي عضو أو أي مشاركة أو رد أزعجني ولكن لأسباب خاصة لا أرغب في البوح عنها، إشارة أن فكرة الإنسحاب كانت قد راودتني منذ فترة طويلة وكان من المفترض أن أعلّق مشاركاتي حينها ولكن آن الأوان ولكل شيء نهاية، وإني إذ أرى النهاية قد أتت، أرى في الوقت عينه أن بداية نمط جديد قد جاءت لتحل مكان ما انتهى. من الصعب أن تتأقلم و تجبر نفسك بنمط جديد من الحياة وأعرف أنني لن أتمكن بسهولة من ترك المنتدى ومتابعة المشاركات لكن لا بد من ذلك فالقرار اتخذ ولا رجعة عنه وسأجبر نفسي على ذلك.لن يقف المنتدى عند انسحابي وهكذا الدنيا لا تنتظر أحد،سواء انسحب Software أو مات لن يقف المنتدى ولن تقف الحياة بل ستستمر دون انتظار أحد فمن مشى معها نجا بنفسه ومن آثر الخضوع والإستسلام فلن يفلح وستتكالب عليه الأيام، فانهض يا من استسلمت لدنياك وتابع بطريق جديد مختلف وقاوم الحياة وسيّرها أنت كما تريد وليس كما هي تريد... ولا تنسى أن الرياح تجري بما لا تشتهي السفن و الأهم من ذلك أنه إذا لم يكن ما أردت فأرد ما يكون...
أتمنى أن تصل الرسالة المقصودة من هذه المشاركة إلى من يجب أن تصل إليه...
كما وأطلب من الأخ الشامي أن يمحو بعد فترة جميع مشاركاتي إلاّ هذه المشاركة وأن يغير كلمة السر دون أن يمحي هذا العضو لأني لا أريده بعد الآن ولكن أريده أن يبقى محجوزا ولا يستخدمه أحد ليبقى ذكرى لي في هذا المنتدى....وأن يمحو جميع الأعضاء التي كنت أشارك بها بالخفاء مع المشاركات التابعة لها دون الإفصاح عنها طبعا.
وختاما يشرفني أن أهدي أحر سلاماتي للأخ الشامي بارك الله به بشكل خاص جدا، وإني وإن كان لي طلب أخير قبل تنفيذ هذا الحكم فهو الدعاء لوالدي الحبيب بالرحمة والغفران فأرجو من الجميع دون استثناء أن يسألو الله تعالى أن يغفر لوالدي الحبيب جميع ذنوبه وخطاياه وأن يرحمه ويسكنه الجنة، هذا هو طلبي الأخير من المنتدى وجلّ ما أريده أن تدعوا بالخير والرحمة والغفران لحبيبي وقدوتي في الحياة والدي الحبيب أحمد أمين دياب، جزاكم الله كل خير والسلام عليكم ورحمة الله وبركاته وعذرا من الجميع.

[HARD]

...............

[Ouss]

له يا أرايب ,أنا كنت فوت عالمنتدى تإسمع صوتك..
بعدين إذا كان أبوك (الله يرحمو و يغفرلو , وانشالله بكون مثواه الجنة) هو قدوتك , ما كان لازم تنسحب , لأنو الوالد الله يرحموكان رجال و ما كان بيعرف الإنسحاب ,

عكلن هو المنتدى صاير في كتير مواضيع وعلآت بلا طعمة , بس كان فيك تعمل متلي (كل سنة كبيسة بتفوت مرة)..هو صحيح إنو بالضيعة ما في داعي الواحد يفوت عالمنتدى , بس ما بيعرف الواحد كيف بسافر وبصير آعد وحدو ضجران....

ما رح كون لجوج , لأني بعرفك رجال وما بترجع عن كلامك ....
موفأ , وأرجو إنك تدل توديلنا كم رسالة , لأني رح إشتألك كتير....

[shanzimer6]

السلام عليكم:
الرجاء من الأخ software التروي قبل اتخاذ متل هيك قرار....بس متل ما قال انو القرار اخدوا, بس ليش في مشكلة اذا رجعت عن رأيك؟ ما هيك بتكون الرجولية!!!!

الرجال هوا يلي بيعرف كيف بدو يتصرف بموقف صعب...هوا يلي بيرجع عن القرار الغلط, لاقتناعاتو الشخصية بانو غلط....
" الهروب من المشكلة لا يعطي الحل".!!!!!!!!!!!
برأيي, ابداً ما في مشكلة انك ترجع تفكر مرة تانية,لان هالقرار منو بمحلو,...
لو أيش ما كانت الاسباب, ما بعتقد في شي بيخلي انسان ينسحب ويستسلم بهالطريقة البريئة, الا الهم, الحزن, الضجر من الحياة, الكآبة.....

مفكر الواحد منا مبسوط!!!!
بس يلي بيصبرنا انو هادي حياتنا بدنا نعيشا, شئنا او ابينا, مع العالم يلي منتمنا نعيش معن او لأ, بهالجو او لا,...
وما تنسى انو يلي بيشوف مصيبة غيرو بتهون علي مصيبتو....

كل انسان هوا بيبسط حالو, هوا يلي بيملك مفاتيح السعادة.....همك كبير....نسأل الله لك العافية, ونسأل الله أن يرحم والدك وأن يتغمده بواسع رحمته وجوده ومنّه وعطائه....
انا برأيي تفكر مرة تانية, وما تتخلى بهالسهولة عن شي كنت متعلق فيه وبتحبو....والله اعلم.
سؤال: هل اذا كنا بالضيعة ما في داعي نفوت عالمنتدى؟؟؟؟؟؟؟؟؟؟؟؟؟؟؟

[دوكر]

يا هلا بالمعلم سوفتوار......
و يا هلا بالجميع......
يا خي شو هل الكلام.......ليش هل الكلام .......يا خي بالاخر انتا لي بتوخد القرارات لي بتخصك.....بس ليش بدك تتركنا......ما بصير يا خي........
متل ما ؤلتك الست شانزيمر سته...رجاع فكر مرة تانية........
يعطيكن العافية......
اخوكم دوكر المعوكر......

[shanzimer6]

بس كلمة أخيرة بهالموضوع:
أولا: انا ناطرة حدا يجاوبني عسؤالي!!!!!!!
تانيا: سؤال لل software:
كان فيك تنسحب من المنتدى بدون ما تعطي خبر( متل ما كتير عملوا, أو بيفكروا يعملوا,أو منن مطولين يعملوا!!!!), فليش اعتمدت هالطريقة؟
انا بجاوب, وبقول انك ابن أصل ( الله يرحم أبوك) وانتا بتحب المنتدى كتير ( سبق وعبرت عن هالشغلة) وبتحترم الأعضاء, وحابب يشاركوك بهمك....فكيف ستشاركهم اذا تركت المنتدى؟ انا برأيي, شارك الأعضاء بكل ما يختلج في ذاكرتك, عبر لأن عنجد بترتاح ( فرّج الله همك ان شاء)...ربنا عم يختبرك بهالدنيا, و......
فليش عم تتخلى عن شي بتحبو؟ خليك وفيّ لآخر رمق بحياتك, حتى لو ما لقيت حدا يقدر.....
ما حدا يترك شي بيحبو لأن رح يندم....
واذا كل واحد بدو يفكر هيك, مين بيبقى بالمنتدى؟؟؟؟؟؟؟؟؟
(وبالنهاية اصطفل.....اعمل يلي بيريحك!!)
والسلام خير ختام....
بارك الله بكم, وحفظكم من كل شرّ, وفرّج همومكم ان شاء, استودعكم الله...

[الزاهر]

لحظة......هييييييييييييييي.....ألنا لحظة.......ولك سماع هون......عطيني ادنك لشوف.....

هيك يا ارايب.......الانشغال ما بيعمل هيك.......شو......
بس في اصة ما عجبتني.......الطلب بحذف جميع مشاركاتك.........
شو هالكلام......كلامي لي ما دام لم يخرج من لساني....ويصبح ملك عام ما خرج!!!!

على كل.....فكرة مرة تانية.......بس مو وحدك......فكر مع حدا تاني......اطلب النصيحة ممن حولك......وشوف شو بيطلع معك ومعهم!!!!

سلام

[shanzimer1]

السلام عليكم ورحمة الله وبركاته:
أنا والله ما بعرف شبدّي قول للأخ لأنو كل واحد ولو أعذارو.......
بس حسب علمي انو بناءً لطلب الأخ الكريم "السوفتوير" تمّ فتح ساحة للبرمجة والمبرمجين ...........فهل من المعقول الإنسحاب بعد كلّ ما قدّمتموه للصفحة من الخدمات؟؟؟؟؟؟ والله أعلم.....

ومشكورين يا جماعة......سلام

[shanzimer6]

شكراً عالتوضيح ....
وما تؤاخذونا.....
انا بخطىء زاهر بهالشغلة انو كتير كتير بيطول عالانترنت, بس يصطفل هوا حرّ....
اما بما يختص بموضوع الريس, فهل عم تلاقوني انا يلي مغلطة بحقو؟؟؟؟؟؟؟ ( لو ايش ما حكيت كان بدو ينتقد, مني ضد الانتقاد, بس منو بهالطريقة اللاذعة, الجارحة..)

[الزاهر]

* لاحظت لمن كنت بالضيعة إنو بعض العالم كتير متعلأة بالمنتدى ..مثلا : ابن خالي زاهر ما بأوم عن الكومبيوتر , ما بنام وما بياكل , عايش تأوى متل ما بيئولو .. نزلت شهر علبنان دوبني شفتو مرتين (مرة كان عنا عم يشتغل هو وأخي عالكمبيوتر , ومرة كان آعد عالكمبيوتر عند أبو زياد), أنا لوني محل زاهر ما بفتح المنتدى أكتر من مرتين بالجمعة , لأنو أحلى فترة عشتا هي أنا وكنت بالجامعة أنا ورفآتي , كان عطول عنا مشاوير وعشوات ومشاريع حلوة….وهادي أحلى إيام بيتذكرا الواحد بس يكبر ..ميشان هيكا بنصح الشباب متل زاهر يستغلوا هالإيام , لاحئين تاعدوا عالنت , بكرا بعد سنتين بتسافر , بتصير تأيبل عرفآتك عالإنترنت تتحكي مع شي واحد منن ..

*أكيد إهلو لزاهر وأرايبينو منن مبسوطين بهالوضع ..كيف?? :

من فترة كان في فريء ألامنة معي بنفس المنطأة , فاتفأنا نروح عالأهوة (أكيد منا متل أهوة لبنان) , وما كذبنا خبر , أعدنا بالأهوة وكان معنا كل واحد لابتوب(و كان في وايرلس) , كنا شي خمس أشخاص وكان معنا الأخ كفاح غنوم , كل واحد منا دور اللابتوب تبعو وأعدنا نشتغل ..شي فاتحMSN ..شي فاتح المنتدى ...والأخ كفاح يا خطيتو ما معو كمبيوتر , وما حدا منا منتبهلو ...آعد يشرب شاي ويتأرج علينا ..
بعد شي ساعة ونص دائت خلاءو لكفاح ..آم ألنا أنا رايح بدكن شي ..ألنالو سلامتك ..
ألنا خلينا نشوفكن.. بآو بينو عالإنترنت ...
وهيكا حرد منا وما عدنا عرفنا كيف راضينا ..
إذا كفاح ما استحملنا ساعة ونص , كيف إهلو لزاهر مستحملينوا كل هالوأت ؟!!؟

بتذكر كم واحد من رفآتي(بلا ما نذكر أسماء) كانو يطلوا عستن مرتين بالسنة , كل عيد مرة , أكيد ميشان العيدية, كان الواحد منن تسألو ستوا مننك إنتا , يؤلا أنا فلان , تؤلو إنت فلان!! هدي عيديتك ,
بس في عالم كانت عالعيد عندا شغل عالإنترنت وما فضيو يطلوا عأرايبينن (عرفوا حالن)...

باختصار : الواحد بالضيعة في ألف شغلة يعملا , ولازم ينظم وأتو منيح (رياضة , زيارة للأقارب , يشوف حدا لازم يشوفو ...) وما لازم يخلي المنتدى ياكلو كل وأتو ...

أنا مني وعليي , لما نزلت عالضيعة ما حسيت إني بحاجة للمنتدى, بس لو كنت عايش بلبنان أكيد كنت رح خصصلو وأت صغير للمنتدى, ,وأنا كتير بأيد فكرة إنو الواحد يفوت عالمنتدى و يطرح أفكارو ويناقش وجهة نظرو ..عدا عن الفوائد الدعوية للمنتدى...

بدون المنتدى ما كنت رح إئدر وصلو فكرتي لزاهر ...بيصير يا منظوم إنزل علبنان وما تشرب معي فنجان شاي!!!....

و بالنهاية , بدعي الأخ سوفتوير , إنو يرجع عن قرارو , وإذا كان حدا زاعجو يألي وأنا بشوف شغلي معو..

صحيح عم نظلم الموضوع والمنتدى بهالكلام اللي برات الموضوع!!!......بس تكرم عينك يا أسامة......رح رد عليك نقطة نقطة......مع اني كنت بفضل عالخاص لأنو باخد رياحتي اكتر......ومع اني ما بحب احكي عن حالي كيلا يساء فهم كلامي
المهم.....إنت بتعرف إني من فريق الموقع؟؟؟؟...وبتعرف اني من الذين يهمهم امر المنتدى ونوعية الأعضاء والمشاركات؟؟؟؟......يا زلمة.....ألتلك بفضل عالخاص.....لأن حاليا عم احكي ومني مرتاح احكي كلشي....المهم....طيب......والمفروض كل شي كم ساعة استقبل ملفات وووووو.....اشتغل عليهم وارجع ابعتهم ومن هالأصص!!!!!.....


من جهة تانية......رح جبلك رقم أبو زياد تتصل فيه تسئلو بس يكون زاهر عندك بالمحل اديش بيكون ساحب داونلود....لتعرف شبعل عندو.....وأنا وناطر ليخلص الداونلود بكون فاتح المنتدى!!!!.....يا زلمة مني مضطر برر افعالي.....منين جبتلي هالحكاية!!!!.......ههههههههه

بالنسبة للي التو عن فترة الجامعة وهالأصص......شايف توقيعي؟؟؟....أحو....ليكو

ƵαʱϱЯ-●ʘ●-Hʅϵίɦϵʅ
Friendless
راجي رحمة رب كريم\زاهر عامر أحمد محمد علي عوض حليحل

لاحظت؟؟؟؟.....طلاع عالمسنجر لعدلك كم واحد من رفاقي صار "مغترب"......إذا منو برات لبنان صار ببيروت وبتشوفو ساعة بالأسبوع.....متل أخوك حسان وأخوك محمد (غبيش)......هاد امر....أمر تاني الجامعة بتاكل كل الوئت.....والحمد لله صار عندي رفقة كتار غربية.....عوضنا شوية......ومعظم المشاوير معهم!!!.......يعني لا تعتل همي من هالناحية......تمنيتك معنا على شي ترويقة صفايح بالزاهرية......أو شي مشوار من تبع التلت ساعات!!!!


أهلي كيف مستحمليني.......سألهم.....ما بيعرفو زاهر إلا يا نايم.....يا منو بالبيت.....يا عالكمبيوتر......تعا لعند خالك ساعة زمان......وعد كم واحد بيسأل عن زاهر......تذكر أبل ما تسافر أول مرة يا اسامة كم مرة كنت تسأل عني باليوم!!!.....مشي معي مشوار حاليا بالضيعة وشوف كم واحد بيوئفي يا بدو مني شي إعملّو ياه....يا بدو يسألني عنشي عالكمبيوتر.....ويا حرام عليي.......ما بؤول لحدا "لا"........هلأ اتصل بخالك.....وسألو كم واحد اتصل بدو زاهر اليوم.....لا تسألو عن بائي الأيام.....اليوم وبس!!!!
ولك العالم لسا بيؤولولي آل ليش ما بحمل موبايل......هو بلا موبايل ومني مخلص منهم....!!!!!.....فروئوني بئا.....حلو عني!!!!.....بالمشبرح يعني!!!!

بالنسبة لفنجان الشاي.....تعا لهون تشوف...هههههههههه...وين كنت وئت كنا عم نشرب شاي عالبلكون عندكم وضليتكم تعيطولي شهر من الصالون منشان لحء المعكرون ابل ما يبرد......والألاليس تبعون عامر ......وتمرئع طه.....ههههههههههه.....كنت آعد جمبك يا زلمة.....شو بنا......ووين كنت وئت جيت لعندك عالعيد وأعدت ساعة انا وياك....وكانو اخواتك لسا ما اجو من العمرة.....ووين ووين ووين!!!......صحيح آخر فترة ابل ما تسافر ما شفتك.....كنت دوبي اجي من الجامعة وافأعها نومة لنص الليل!!!!.......بس هيك بالتعميم ظلمتني شوية......بس ليك.......بيني وبينك (هههههههههه) ألف مواشي منك ولا بوسة من بعض ناس!!!!

إذا لسا في شي ......بعتلي بريد.....بحكيلك سيرة حياتي وبألك اسم صاحبتي وشو لونها المفضل.....بس هون منو المكان المناسب!!!....لأن هلأ بدو يطلعنلنا الف أبضاي ويكرفت.....وأساسا عم نحرء الموضوع!!!
وهاد رح يكون آخر رد لي بهالموضوع بهالتوجه.......الخاص مفتوح للكل.....والبريد كمان!!!!

السلام عليكم جميعا

[The Knight]

انا بحذرك يا اخ software من الانسحاب والا..........

خليني شوفك ان شاء الله بالضيعة يا اخ محمد وانا بؤلك لايش ما لازم تنسحب خاصتن هلأ.....

والسلام عليكم

[The Knight]

لأ مانو متل ما فهمت يا ايمن بءا ريح بالك و خليك مرتاح.......

سلام

[Om Ahmad]

بالعودة إلى الموضوع الأساسي, أسأل الله أن يرحم والد سوفتوير و يغفر له و يدخله فسيح جنانه, و يجمعه بعائلته و الذين أحبّهم في الفردوس الأعلى, و يرحم جميع موتى المسلمين, و يرحمنا إذا صرنا إلى ما صاروا إليه.

أستغرب أن ينسحب أحد من المنتدى دون أن يتلقى إهانة من أحد الأعضاء أثناء المناقشات الساخنة جدّا و التي توجّه فيها إنتقادات بنّاءة و عبارات غاية في الرقيّ بين المتحاورين ممّا يدفع البعض للإنسحاب. أقول للأخ سوفتوير أن انسحابه سيترك فراغ في المنتدى ولكن كان بإمكانه أن يتصرّف بطريقة أخرى. يمكنك أن تتوقف عن المشاركة و تكتفي بالقراءة حتى دون تسجيل دخولك, أو أن لا تدخل المنتدى أساسا" مع أنّ وجودك أضاف شيئا للمنتدى دون أن تشعر أنت, ولكن أكيد أن أشخاصا" كثر كانوا ينتظرون قراءة ردودك و معرفة رأيك..

أنا لا أرى أن من يدخل المنتدى مجبور أن يشارك أو يثبت و جوده, و ما من أحد سيجبره على المشاركة أو الإنسحاب.. و ليست جريمة أن ينسحب أحد الأعضاء أو يتوقف عن الكتابة, إذا" ليش مكبّرين القصّة و عاملين حرب عالزلمة؟ شو الشغلة بالإجبار؟

أخيرا سؤال لسوفتوير: لم حذف المشاركات؟ هذه النقطة غير واضحة.

و السلام