قاطع....والرزق على الله

[shanzimer6]

بسم الله الرحمن الرحيم, والصلاة والسلام على أشرف الأنبياء والمرسلين, سيّدنا محمد وعلى آله وصحبه أجمعين, ومن تبعهم بإحسان إلى يوم الدين, أما بعد:

عندما نرى إخواننا في فلسطين والعراق وكل بلاد المسلمين يقتّلون, ويذبّحون, وتنتهك حرماتهم, وأعراضهم, ترمّل نساؤهم, وتشرّد أطفالهم, ويعذب شبابهم وشيوخهم,....

فنتساءل في أنفسنا: ماذا نستطيع أن نقدّم لهم؟ غير الدعاء بأن تحلّ قضيتهم, وأن يفرّج الله عنهم همومهم وكروبهم و..... المقاطعة!

مقاطعة البضائع والشركات الأميركية والصهيونية ومن حالفهم.

فهل تقاطعون حلفاء الكفر ورؤوس النفاق, وأعمدة الطغيان,وأعداء الاسلام؟

وإن كنتم تؤمنون بهذا الواجب عليكم, فهل تستطيعون أن تقاطعوهم فعلياً؟ أم أنكم تجدون حلولاً غير ذلك؟؟؟

بانتظار آرائكم....

[الزاهر]

وهي قاطعنا.......ورحنا لنشتري بنطلون .....لبسناه بالمحل......ونحنا وطالعين نفتق!!!!
منيح اللي لابسين تحتو شُرت.....وإلا تجرصنا!!!

حولنا عمحل الصبابيط.....اشترينا صباط......بيعأد.....لبسناه وطلعنا......وأبل ما نوصل عالموقف.....انفلع.....أولي وصلنا عالأليلة عالوقف.....وبلشت شتة......والحمد لله في محل عم يبيع شماسي جمب الموقف.....ما عندي شمسية بالبيت......ألنا أحو بلزئنا......منجيب واحدة.....وأنا وصلت عالضيعة.....فتحنا الشمسية......منشان نتدرى من الشتة.....صات تزرب علينا........

طيب.....لمن بدي قاطع.....بدي بديل......شو البديل؟؟؟

[shanzimer6]

ههههههههههههههههههههههههههههههههه...
هوا معك حق.... بس شبدنا نعمل!!!!!
نحتسب الأجر من الله...
أنا إن شاء الله بدي أبقى أذكر أيشنة يلي لازم نقاطعن ( وأكيد كلكن بيتعرفوّن_ بس تذكير), وأيشوا البديل ان شاء الله....
سلام

[مصطفى معتوق]

شو رايكن تنظمو حملة مقاطعة بالقلمون

بلشو فيها على شكل يوم واحد انزلو على الشارع وحكو مع العالم عن ضرورة المقاطعة وفوائدها

ازا الفكرة بتلاقي قبول عندكن وقررتو تنفذو المشروع قولولي تساعدكن

[shanzimer6]

هوا الواحد عصعيد بيتو ما فيه يحكي!!!! فشحال بالطريق؟
معليش في أشياء أهم اذا بدنا ننزل عالشارع نعملا!!!!
الله يقدم يلي فيه الخير

[مصطفى معتوق]

هوا الواحد عصعيد بيتو ما فيه يحكي!!!! فشحال بالطريق؟
معليش في أشياء أهم اذا بدنا ننزل عالشارع نعملا!!!!
الله يقدم يلي فيه الخير

يلي بدو يناضل في سبيل قضية لازم تكون همتو عالية يا حجة

وما يقول هادا صعب وهادا هين

والله يقدم يلي فيه الخير

[دوكر]

يا هلا بالست شانزيمر سته...
يعطيكي العافية...موضوع مهم... بس بدنا مثابرة...ليش ت يكون ردة فعل كل مرة من شان شغلة...مرة من شان افغانستان...مرة ميشان العراق ...و مرة من شان تدنيس المصحف...ليش ت ننطر انو هنا يعملو شي بضرنا ت نؤطع...منو مشروعن انو يدمرولنا فكرنا...و قيمنا...و مبادئنا...و ينسونا حؤءنا لي سلبوا منا ؟...مبلا...ندا لازم يكون محفذنا ع المءاطعة...
من منا مفا يعيش بلا ببسي...و بلا سكب كنفرس...؟ فنا نعيش بلا هل الكماليات...
بس في مشكلة انو نحنا اد منا كسلانين صارو حتى ضروريات حياتنا هنا لي بيعملولنا هيا...
كل واحد منا يبلش بحالو...و بعدين بلي حولو...و انا اول واحد مأصر فيكن...
و فكرة معتوق تبعة النزلة ع الشارع عجبتني و كتير لأتا فعالة...و انا كمان بحاول ساعد فيا حسب ؤدرتي...
يعطيكن العافية...
اخوكم دوكر المعوكر...

[Nader 3:16]

بسم الله الرحمن الرحيم...

أولاً هناك مشكلة صغيرة و هو ان مقاطعة الافراد للبضائع غير مجدية نهائياً.....يعني الدولة هيك و هيك عم تشتري البضائع الأمريكية و ما بعرف ايش و المحلات بالقلمون و غيرها عم تجيب من هالبضائع و تبيعها...يعني بالنهاية اذا الواحد اشترى او ما اشترى ما رح يأثر لأنو وصل حقهم للأمركان او لليهود....

انا برأيي المقاطعة النافعة هي كما فعلت السعودية حين منعت دخول اي بضائع دنماركية الى البلاد....

يعني بدكن تنتظروا تيصير عندكم دولة متل العالم تحتا تحكوا بالمقاطعة....!!!!!!!!
اماّ بالنسبة لرأي الشرع بهذه القصة فلا علم عندي.......و السلام عليكم

[shanzimer6]

إذا كل واحد بدوا يقول هلأ وقفت عليّ أنا فما منكون استفدنا شي!!!!!!
هلأ انت بتقلي شقفة ألف شبدا تعمل؟؟؟؟
بس ما هية عم تعمل!!!
ألف مني وألف منك وألف من غيرنا كمان..... بتعمل كتير...
صحيح انو الدولة عم تشتري, وعم يوصل حقن للدول العدوة, بس لما جماعة من العالم بتوقف تشتري صنف معين, رح يلاحظ البياع عدم الاقبال عهالصنف, ويمكن بيصير يبطل يجيب منو,,, وانتا وماشي....
عالقليلة خلينا بالقلمون نمشي هالشغلة,.....
والا...........
فما الحل برأيكم؟ منتفرّج عالفلسطينين هنا وعم يموتو, ومنشرب بيبسي احنا وقاعدين عالتلفزيون يعني !!!
بطبيعة الانسان بعد ما تمرق فترة معينة عقيام حدث معين, بيخمد كل العزم والهمة عندو...فلازم دائما أشياء تذكرنا, تخلينا ننتفض, ونعزم النية انو خلص أنا بدي قاطع....

[shanzimer6]

نداء عاجل لكل العرب!!!

إزاء عجز الأنظمة العربية عن إيقاف المذابح الصهيونية الهمجية التي يتعرض لها إخواننا من أبناء الشعب الفلسطيني, أو وضع حدّ لعمليات التدمير الشامل التي تشنها آلة الحرب الصهيونية الأميركية في فلسطين المحتلة, والتي تستهدف تحطيم مقاومة الشعب الفلسطيني الصامد, وكسر إرادته على رفض الاحتلال, فإنّ دور الجماهير الشعبية في الوطن العربي, برز مجدداص, كصوت لا يمكن تجاهله, عبر المظاهرات والاعتصامات اليومية, وأشكال التضامن المتعددة مع الشعب الفلسطيني المحاصر, والعراقي المقاوم, وأساساً بتبني" دعوة المقاطعة الشاملة لبضائع وشركات العدو الصهيوني الأمريكي" التي أصبحت صيحة على كل إنسان, ونداء لكل المواطنين من كافة الفئات والأعمار.

أيها العرب الأحرار:

- إنّ كل قرش تدفعه في شراء سلعة إسرائيلية أو أمريكية, سيتحول فوراً إلى قطعة سلاح أو رصاصة, توجّه ‘لى صدر إخوتكم من أبناء الشعب الفلسطيني الصابر والعراق المقاوم, وباقي الدول العربية التي تتعرض للحصار, ولكم أنتم أيضاً.
- إنّ ندائنا لكم, فلنكثّف مقاطعتنا لكل الشركات الصهيونية والأمريكية التي تدعم العدوان الهمجي الاسرائيلي, ولنكشف المتعاملين مع العدو في كل المجالات, ولنطهّر أرض العرب من رجس الصهيونية وأذنابها.
- المقاطعة واجب وطني وديني, بعد أن استهان العدو الأمريكي الصهيوني بالانسان, وبالحقوق, وبقدساتنا الدينية.

إن سلاحهم هو المقاومة, وسلاحنا المقاطعة.

[مصطفى معتوق]

يعطيكي العافية على هاد النداء

بس بحب ذكرك انو العرب ما بتنفع معن النداءات وللاسف الشديد
90 % من العرب ما بيفهم الا بالعصى ازا ما بجي استخدم كلمة تانية

على كل حال انا بشحعكن على هادي الحملة

[shanzimer6]

يعطيكي العافية على هاد النداء

بس بحب ذكرك انو العرب ما بتنفع معن النداءات وللاسف الشديد
90 % من العرب ما بيفهم الا بالعصى ازا ما بجي استخدم كلمة تانية

على كل حال انا بشجعكن على هادي الحملة

السلام عليكم:
عفكرة هدي منا حملة, هدي صحوة ضمير!!!!

بس أكيد ما في أي مانع تصير حملة, ....

انتو سمعتو شو بينقال عنا:" العرب قوم لا يقرأون, واذا قرأوا لا يفهمون, واذا فهموا لا يعملون, واذا عملوا فسرعان ما ينسون"...

فهل نحن كذلك؟
ما بعتقد أبداً انو نحنا كلنا هيك, ...

قال تعالى:" لا يغير الله ما بقوم حتى يغيروا ما بأنفسهم".... ما بأنفسهم من بغض وتنافر, من كفر وجحود, وعصيان....( من بعد عن الدين!!!!)
فإلى ذلك الحين, ندعو الله أن ينصرنا على أنفسنا, حتى نتمكن من الانتصار على عدونا...

[مصطفى معتوق]

معك كل الحق

بس المشكلة انو كلمة ضمير في كتار من العربان نسيوها

يا عيب الشوم

وبالنسبة لدعائك فالله يستجيب منك لانو لسلن حال كل انسان غيور على امتو

[Nader 3:16]

- المقاطعة واجب وطني وديني

بدنا من غير سئلة الدليل الشرعي على ذلك ..لأني سألت و قيل لي ان لا شيئ في ذلك من ناحية الشرع!!!!!

[shanzimer6]

- المقاطعة واجب وطني وديني

بدنا من غير سئلة الدليل الشرعي على ذلك ..لأني سألت و قيل لي ان لا شيئ في ذلك من ناحية الشرع!!!!!

السلام عليكم:
انت سألت, بس ليش ما قلتلنا شآلولك؟
عكل أنا بدي قول انو:

ماذا تفهم من؟؟؟؟؟

1- تملك شركة بيرغر كنغ فرعاً في " معاليم أدوميم" وهي مستوطنة تم بناؤها عام 1975 على أراضي خمس قرى فلسطينية من أجل تطويق القدس ومنع سيطرة الفلسطينين على أي جزء منها.

ولا تكتفي بيرغر كنغ بدفع الايجار لبلدية القدس غير الشرعية ( بحسب القانون الدولي نفسه) بل تستفيد أيضاً من الاعفاءات الضريبية التي تمنحها الحكومة الاسرائيلية مكافأة لكل ما يسهم في تهويد القدس.


2- وأما ماكدونالد فإن مكتبه الرئيسي في شيكاغو فهو " شريك رسمي" في الاتحاد اليهودي في شيكاغو, الذي يقدم هبات لدعم النشاط الاستيطاني, ولتوفير رحلات جوية لليهود لزيارة أرض الميعاد, ولترويج التربية الصهيونية في العالم كله.

ويحصل مكتب ماكدونالدز الرئيسي على الأموال المخصصة لهذه الهبات من عدة مصادر:
من النسبة التي يدفعها كل وكيل محلي ( ما بين 6 – 10 %) من مجمل ما يبيعه من طعام, ومن ثمن رخصة التشغيل الذي دفعته عند افتتاح فرعه ( 45 ألف $), ومن استئجار الأرض التي بنى عليها الوكيل هذا الفرع.

وهذا يعني أنك حين تشتري الطعام من ماكدونالدز, فإن المال الذي تدفعه يذهب من جيبك إلى المستوطنات الاسرائيلية, بتوقف قصير في مكتب ماكدونالدز الرئيسي في شيكاغو!

3- إن بيرغر كنغ وماكدونالد تضران بالاقتصاد المحلي أكثر مما تساعدناه...فهما تشتريان معظم تجهيزاتهما ( من طعام وورق ومشروبات وآلات وتوابل...) من الخارج, ثم تبيعان السلعة المصنوعة في الخارج إلى مستهلك محلي, قبل أن تدفعا بجزء من الأموال التي قبضتاها إلى المراكز الأساسية لهاتين الشركتين.

4- ومطاعم ماكدونالدز كانت قد أعلنت سابقاً عن التبرع بجزء من دخل الشركة لدعم العدو الصهيوني.

أنت تدعم الصهيونية حين تشتري من الشركات الداعمة لها بالطرق التالية:

- عبر مساهمتها في جمعيات خيرية صهيونية:
(الحصيلة = 40 % من ميزانية الدولة الاسرائيلية تذهب إلى المجهود العسكري).

- عبر استثماراتها في شركات إسرائيلية:
( الحصيلة = 37.5 مليار $ أميركي تدفقت إلى الاقتصاد الاسرائيلي خلال السنوات العشر الماضية).

- عبر تشريعها للاستيطان وترويجها للصهيونية:
( الحصيلة = 400000 مستوطن إسرائيلي يعيشون في 200 مستوطنة على الأراضي الفلسطينية المحتلة).

- عبر افتتاحها لنصانع ومراكز أبحاث في إسرائيل:
( الحصيلة = تحسن معدل دخل الفرد الاسرائيلي من 10 آلاف $ سنة 1993 إلى 19 ألف $ سنة 2003).

فهمت كيف؟؟؟؟
واجب وطني: لأنك عم تدعم إقتصادن, وبتعرف شو الاقتصاد؟
واجب ديني ( وان كان غير منصوص عليه), بس فيك تقول وازع ديني, سلاح ضغط عليهم: لأنن بهالمصاري عم يعمروا مستوطنات, ويكحشوا الفلسطينين من أرضن, وعم يشتروا أسلحة و....

والسلام عليكم...

[مصطفى معتوق]

انسة اسراء مشكورة على هذا المجهود الطيب والمشاركة المفيدة
شكراً

[shanzimer6]

الخلاصة بهالموضوع....انو الواحد لازم يبلش من حالو, وبعدين ينتقل عالمحيط يلي هوا فيه..........
لأن عنجد الواحد كيف فيه يعيش هيكة؟ هوا وعم يتبآط من إكلاتن؟؟؟؟
علماً أنه من فترة بعيدة, تم سحب منتج blédina من السوق, ونستلة كل فترة بيطلعو عليا صيط انو في مواد منا منيحة بألبا.... وكتير منتجات مخصصة للشرق الأوسط, وكتير بضاعة فيا مواد معدلة جينياً و......
والدليل موجود...

[Nader 3:16]

السلام عليكم:

هلء ما معي وقت اعلّق . ان شاء الله بعد الامتحان.....

ادعولنا...

[الشبح]

السلام عليكم، كنت قد قرأت مسبقا أن أحد الأعضاء توعد بعرض قائمة البضائع التي يجب مقاطعتها فأحببت لأن أسبقه لفعل الخير راجيا الأجر من الله تعالى، عذرا لطريقة العرض ولكن ذلك لأسباب أمنية تتعلق بالتمويه على المشرفين لأني لا أريد الكشف عن هويتي ولا أبتغ من مشاركاتي إلا الأجر من رب العالمين وليس للقيل والقال و السلام عليكم ورحمة الله و بركاته.
قائمة المقاطعة الرسمية للبضائع الأمريكية والإنجليزية والإسرائيلية بنك أوف أميركا - البنك المصرى الأمريكى - سيتى بنك - أمريكان اكسبريس 1-البنوك الأمريكية - البريطانية - الإسرائيلية - زيـم 2-خطوط طيران وملاحة آريـال - تـايد - بامبرز - أولويز - صابون كاماى - هيد آند شولدرز - بيرت بلاس - بانتين 3-بروكتر & جمبل ماكدونـالدز - كنتـاكى - ليتل سيزر - بيتزا هت - دومينوز بيتزا - آربيز - فرايديز - برجر كينج 4-المطاعم كوكاكولا - فانتا - سبرايت - فروتوبيا - صن فيل بيبسى - ميرندا - سفن أب - مونتن ديو 5-المشروبات نايكى - ريبوك - ليفايس - ملابس والت ديزنى للأطفال 6-الملابس آفـون - أستى لـودرز 7-مستحضرات التجميل معجون حلاقة انجرام - بالموليف - معجون أسنان كولجيت 8-مستحضرات أخرى منتجات شركة آدامس (التابعة لشركة ورنر لمبرت) : تشكلتس - هولز - دانتين - كلورتس بطاطس لايز - شيبسى - هوهوز - شيكولاته كادبورى 9-الحلويات هايـنز : صلصه - كاتشب - مسترده - شطه 10-هاينز شل - إسو - مـوبيل - كـالتكس 11-محطات بنزين لبن مجفف نيدو - غذ اء للأطفال - آيس كريم (نستلة - ميجا) - نسكافه - مياه معدنيه - سيريلاك 12-شركة نستله منتجات للأطفال : صابون - شامبو - زيت - بودره - كريم 13-جونسون آند جونسون مبيد حشرات : ريد ، معطر جو : جليد ، بليدج لتلميع الأثاث 14-جونسون واكس شيفورليه - جيب - فـورد - دودج - كابريس 15-السيارات أمريـكول - جيبسون - يـورك 16-أجهزة التكييف جنـرال إليكتريك - وستنجهاوس - كلفينيتـور 17-الأجهزه المنزليه أمريكان فيرنيتشر (AM - Furniture) 18-الأثاث مارلبورو - روثمان - ميريت - إل إم - كنت 19-السجائر والت ديزنى - ورنر بروس - بارامونت 20-الأفلام والسينما

[الشبح]

شكرا شكرا ، الله يبارك فيكم جميعا ، عنجد احرجتوني بردودكم الطيبة ، الحمد لله هلقد عجبكم الموضوع بس أنا بزعل عليكم كل واحد كاتبلو شي صفحة والله لا تواخذزني يعني ما بدي تقلها عليكم بيكفي كلمتين و بزيادة، خير الكلام ما قل ودل و عنجد ما تكبرو ردودكم هلقد بيضجر القارىء، لك إخص بس علينا معشر المسلمين يعني لو موضوع طق حنك ما كان ضل حدا بالمنتى ما شارك ، الله يهدينا، خلص يا شبح خليها بالقلب ، إنك لا تهدي من أحببت ولكن الله يهدي من يشاء، أسأل الله تعالى أن يشاء أن يهديكم علكم تعطوا المواضيع الدينية القليل من الأهمية.........شيء مؤسف فعلا.....

[shanzimer6]

ما تؤاخذنا يا أخونا الشبح بس خربتلي الطبخة!!!
كانت نظرتي بهالموضوع غير المحنى يلي توجّه فيه, المهم , الله يعطيك العافية...
رح كملوا عن قريب!!! إن شاء الله

[Nader 3:16]

بناءً على طلب الاخ ابو اسامة انو ينفتح موضوع المقاطعة من جديد...
نرجو منك طرح افكارك هنا....