دكاترة القلمون في جامعة العلوم.....

[Arsenic]

والله منسمع إنو في دكاترة قلامنة في الجامعة يعني رح تهون علينا سنوات الدراسة ف منتفاجاء إنن عم ( ننغش فيهن ) و الواحد منهم بكون بعلمك بالفصل وبس تكون بدك تسألوا شي سؤال بيهبط عليه الشغل ...و بالآخر بيجي بيسألك كيف عملت ان شاء الله توفقت بالامتحان...انو هو هلء حريص عليك...

منكون احيانا واقفين ناطرين شي taxi هو و الواحد منهم بشوفك بيعمل حالو عم يزبط شغلة بالسيارة او عم يقرا شغلة او عم يبرم بالمسجلة....و ازا صدفت و اتطلع فيك ....بكون مو نازل عالقلمون....رايح مدري لوين.......
وازا صدفت و الواحد كان متأخر شوية عن المحاضرة الأمم المتحدة ما فيها تفوتك عالقاعة........

هادابالجامعة:

أما بالضيعة وين ما شفت الواحد منهم بدك تسألو بيعملك هون ما بينحكا ...طيب قلنا وين بينحكا!!!!!!

انو ما بعرف الواحد بس يصير دكتور شبي يصير في!!!! بفكر حالو صار فوق العالم يعني!!!!!

بس يا عيب الشوم

هلء في دكاترة ما في منهم بس الأغلبية توووووووووووووووت

قولكم هل كل الدكاترة هيك تعاملهم مع ولاد ضيعتهم؟؟؟؟

ملاحظة : يرجى عدم ذكر اسماء لمن اراد المشاركة بالموضوع

[Nader 3:16]

أهلين بالزميل Arsenic معلومات شبه صحيحة.....

و ذكرتني وئت كنا واقفين عالبوابة تبعيت الجامعة و مارء واحد من الدكاترة و ما تطلع فينا فقمت انت عيطلو....فمد راسو من الشباك ...مني نازل عالضيعة هههههههه

بس لا تفزع بضلوا في دكاترة كويسيين و ما في منهم بالعالم...

بس انتظر تنشوف رأي القدامى بالجامعة بالدكاترة......قولكم كانوا متل هلء؟؟؟

[دوكر]

يا هلا بالمعلم ارسنيك.....
موضوع مهم و ياما اشتكينو منو ....بس هادي نفسيات مفاي الواحد يجس يفرض ع الناس انون يتغيرو.........بس يا خي كان عنا دكاترة من الألمون مفي احسن منون معنا ...........هلأ اكيد مبجي بيعطيك المسابءة و بؤلك هادي جاية بالفينال......بس ازا سألتو شي سؤال مستعد يأعدك عندو بالبيت شي خمس ساعات يفسرلك............و في منون ما تسألو بألب الصف ما بجاوبك........يمكن بفكر انو هلأ بصير عم يعمل تميز بين التلاميز ....مبعرف ......
ناطرين اراء الشباب و الصبايا لي هلأ عم يكونو من مغاوير العلوم .......ت نسمع منون.....و اكيد الحكي لي كنا نحكاي بدون يحكوا......ههههههه.....
يعطيكن العافية .....
اخوكم دوكر المعوكر......

[الزاهر]

لا......هادي أصة الأسماء ما عجبتني!!!!

سماع لألك.......من دكاترة القلمون بالعلوم (الكلية.....ما اسمها جامعة!!!).....الدكتور أحمد الخطيب.......هاد إنسان ما في منو 2 عالأرض........صحيح بيتلبك وبيضيع أحيان........لكن شرحو رائع.......والأهم.......بالمسابقة بتحس حالك مبسوط......تعبت ودرست ........وعطيت نتيجة!!!!

إذا رحنا لأخوه الدكتور ناصر........كمان انسان رائع بالعلم.......وبيبلش بمقدمات وبيمهدلك الكور ومهما كانت المادة صعبة بتطلع فاهمها.........وبتشوف حالك أد الدنية ......فاهم المادة وبتعرف كل فشكولة فيها.....لكن بس يجي الإمتحان........هون المصيبة...........بتدرس المادة ........وبتطلع عالإمتحان مفكر حالك عنتر زمانك......منك تارك بروبلام منك حالو مرتين........منك تارك أنال منك حالو........أينشتاين بتحطو بجيبتك........بتأعد عالمسابقة.......بتحل أول سؤال........بتحل نص التاني وبتعلأ......بتوصل عالتالت بيطلع ضغطك.......عالرابع ما بتعاد بتعرف تفكر صح.......بتلتهي بالقلم......بالبنغ........بالخامس بتصير بتأرا......بس بلا ما تفهم الكلام........بالسادس بتصير جاهل أمي ما بتعرف تأرا.......ولبينما توصل للعاشر بتكون آمت القيامة!!!!!

رحنا لعند الدكتور "...".......الحمد لله........عطول معجوء........وعبعد نفس البعد وعمسافة نفس المسافة.........وعطول نفس الطول........ووزن نفس الوزن....بيطلع معنا إنو العامود الأصفر تحت الدالية اللي جمبها في سيارة فولفو رمادية وتحت الدالية في رجال وائف فوء السباط اللي جمب الحجر الصغير...........وبالمسابقة بيطلع 2 من كل 3 طلاب آخدين علامة بين الـ 0 والـ 10 على 100.......والبقية سائطين.......ومن أصل الـ 600 طالب عوئتنا........نجح 23 بمادتو!!!!

منروح لعند الدكتورة عبير نور.........الحمد لله.......هي شرحها رائع........ومسابقاتها معتبرة.....لكن بتنحل.....ما فيك تاخد 100 على 100.....لكن المسابقة معتبرة!!!!

إذا رحنا لعند الدكتور خالد جابر........صحيح المادة سميكة.........كتير مش شوية....لكن الحمد لله شرحو رائع.....ومستحيل تطلع منك فاهم........ولو هو اللي بيعطي الـ Td كان مستحيل يمرء معك بروبلام ما تعرف تحلو بشي 5 طرق!!!!

منروح لعند الدكتور سمير الفرخ..........كان بيعطي Td نا وبس.......الحمد لله بالشرح كتير منيح......بس اللي بيرد عليه.......مصيبة!!.....بدو ياك تحفظ المادة حفظ!!!!

هادول اللي علموني بالسنة أولى!!!!

بالسنة التانية ما بيعلمني من القلمون إلا الدكتور هشام الحج........كمان على طرز الدكتور ناصر......بيمهد للمادة وبيرتبها وووووو.........بتطلع فاهمها تمام........بس الأسبوع الماضي......بعتقد طلع من الإمتحان 80 طالب (الفيزيك والإيليكترونيك) عم يسبو عالمسابقة (منشان ما نؤول عم يسبو عالدكتور!!!!).................

ولنشوف شو بيعلمنا دكاترة لسا......ومنحكيلكم عنهم!!!!

[الشامي]

السلام عليكم كيفكم يا جماعة ...

موضوع بعتقد انو مهم ... ما حدا منكم متعلم عند أخونا وسيم الفلو ...

احنا اللي عم يعلموكم الآن كانوا معنا بالجامعة أمثال أخونا خالد جابر وأخونا سمير الفرخ الله يوفق الجميع...

أنا من الدكاترة اللي علمونا من القلمون بذكر منهم الأفاضل ( رأفت طوط - خالد حسين - فيصل حمزة - عبد الله فحيلي - ناصر الخطيب - هشام الحاج (كان متخرج جديد))...

بالسنة الأولى علمنا خالد حسين وفيصل حمزة وناصر الخطيب ...

خالد حسين كان محبوب حتى من الغُربية، صحيح أحيان بيطلع عن موضوع الدرس وبيستطرد كتير وبيصير يحكي عن القمر والنجوم بس كان مكتبو دايما مفتوح واللي بدو أهلا وسهلا ، بالسنة التانية تعلمنا عندو كل السنة بالمكتب عندو كنا 4 شباب و4 صبايا ما كان في داعي للصف...

أما فيصل حمزة فكان يعطينا بروبلام أحد المواد ما بقى ذاكر شو اسمها فأول يوم كانت القاعة مليانة تاني يوم ما كان في غير أول صف لأن الدكتور بيحافظ على هدوءوا لدرجة انو غير أول طبقة ما حدا بيسمع ، فاللي بقيوا أكترهم من القلمون وصرنا نفهم عليه وكان تمام التمام

أخونا ناصر اللي حكيه عنو زاهر بتصور بيكفي وكنت على وشك اني احكيه...

الدكتور عبد الله فحيلي من أفضل الدكاترة بيصور كل حُصة وبيكتب على اللوح وبيشرح بشكل جيد جدا يعني بتطلع فاهم المادة تاعتو تمام التمام وهالحكي كمان كان بالسنة تانية فيزيك ...

أما الدكتور هشام الحج أنا بتذكر أنو عطينا كمالة مادة محل دكتور غاب عنها بالسنة التانية وكمان كان يشرح بشكل جيد ...

أما قصة بيتعرفو على القلامنة أو لأ فهدا أمر آخر ...

أخوكم

[Arsenic]

والله يا شباب كل واحد منا عندو تجربة مع دكاترتو بس الألامنة حكي تاني بس يا سيد دوكر قي نفسيات غنجد بتكرهك بالدكتور لو أش ما كان ............
أما إنت يا ريس زاهر هال الحكي من وجهت نظرك , يعني كل واحد عندو تجربتو ...........
أما إنت يا نادر ف تذكرت هال الموقف بس الله يسامحو ........
أنا بقلك يا نادر تذكر الموقف الذي وضغنا فيه أحد الدكاترة في المقهى........
لك أف عا هل ال...........no comment

[دوكر]

يا هلا بالجميع...
و يا هلا بالمعلم أطر الندى ...يأطع خملك ما تركتلنا شي بالمرة...هههههه....يعطيك العافية...
هلأ شوفت هل النظرة لي عطيا زاهر كتير عجبتني ...ليك كيف عطي الكل حؤ...و فنا نطلع من كلامو بخلاصة...كتار هنا الدكاترا الألامنة المناح بالعلوم الأبية... يا اخي شيلك انك بكلية العلوم...تزكر ايام الثانوية...كنت فاك تشوف شي استاز ...ههههه...هادي ؤصتنا وءت لي كنا تلاميز ما بنحب لا دكتور و لا الاستاز الا بحالات نادرة...
و ما بخفيك...في دكاترة من النمرة لي نفسيتون منا حلوة بالمرة...
يعطيكن العافية...
اخوكم دوكر المعوكر...

[الزاهر]

ما تركتلكم شي.....يا عمي لسا في كتييييييييير......بس ما بعرفهم.....لأن ما علموني.....في من بيت الظنط......من بيت الشقرة....في الدكتورة سعيدة (آه من القلمون!!!!)......وفي وفي........وينك نادر تجكيلنا عن دكاترة فرعك!!!!

[HARD]

والله مافي أحسن من دكاترة القلمون ( شرح و تعامل ) أنا علمني

خالد حسين
رأفت طوط
ناصر الخطيب
أحمد الخطيب
هشام الحاج
وسام حليحل
عبير نور
بالمختبر علمتني سماح غنوم كتير منيحة و مافي منها ......


--------------------------------------------------------------

[fadi]

آه اكيد مفي احسن منن
انا علمني:
أحمد خطيب
ناصل خطيب
السريعة : عبير نور
خالد جابر
سمير الفرخ
عقيل جراد

و بس اول اسم منيح هو و عبير و فيكن تؤولو سمير
بس هالأسماء جنّة عجناب الكنام و من هون بوجه تحية للزميل معتوق الذي كان في فرع بيروت بس هون بالشمال م حدى بيعلّم و اكيد منو دكاترت الالمون لانن احسن بكتير من الطرابلسية

[محمد أحمد الفلو]

والله منسمع إنو في دكاترة قلامنة في الجامعة يعني رح تهون علينا سنوات الدراسة ف منتفاجاء إنن عم ( ننغش فيهن ) و الواحد منهم بكون بعلمك بالفصل وبس تكون بدك تسألوا شي سؤال بيهبط عليه الشغل ...و بالآخر بيجي بيسألك كيف عملت ان شاء الله توفقت بالامتحان...انو هو هلء حريص عليك...

منكون احيانا واقفين ناطرين شي taxi هو و الواحد منهم بشوفك بيعمل حالو عم يزبط شغلة بالسيارة او عم يقرا شغلة او عم يبرم بالمسجلة....و ازا صدفت و اتطلع فيك ....بكون مو نازل عالقلمون....رايح مدري لوين.......
وازا صدفت و الواحد كان متأخر شوية عن المحاضرة الأمم المتحدة ما فيها تفوتك عالقاعة........

هادابالجامعة:

أما بالضيعة وين ما شفت الواحد منهم بدك تسألو بيعملك هون ما بينحكا ...طيب قلنا وين بينحكا!!!!!!

انو ما بعرف الواحد بس يصير دكتور شبي يصير في!!!! بفكر حالو صار فوق العالم يعني!!!!!

بس يا عيب الشوم

هلء في دكاترة ما في منهم بس الأغلبية توووووووووووووووت

قولكم هل كل الدكاترة هيك تعاملهم مع ولاد ضيعتهم؟؟؟؟

ملاحظة : يرجى عدم ذكر اسماء لمن اراد المشاركة بالموضوع

والله الهيئه يا حبيبي بعدك جديد بالمصلحه
ولك شبدك منن سلموا عليك والا لأ ... وصلوك بالسياره والا ما عبروك
هنه الخسرانين أكتر منك

شوف هوني طلاب الدكتور هيثم زياده ... من الهندسه
وااله إزا جا على فرنسا .. جيش من الطلاب بالإستقبال .. وجيش بدن يسكنو عندن ...

هادا عرف كون علاقه مع طلابو ... و خلا فين أثر طيب ونال محبتن

أما عنا بالضيعه ... ضيعة المظاهر...( إلا قليلا)

ضيعة
المثقفين والجهله
الملتزمين والضلله
الضباط و الجنود
الحلوات والبشعات
الدكاتره والطلاب
.....
.....
ضيعة الطبقية

فهادا يلي عم تحسوا شي طبيعي

بكرا بتتعود علي

[عبد الرحمن الفلو]

معك حق، دكاترة الهندسة مافي منّن. تخيل انن بيلعبو غول مع التلاميذ . بتذكر مرة رفيقي كان مندمج باللعب آم في دكتور ضيع طابة آم رفيقي عيط علي و بهدلو و ما حكي شي الدكتور.

[الزاهر]

ولك أه روحو بلطو السما......بيلعبو غول.......يعني عندن ملعب.......لا.....والدكتور عم يلعب معن كمان!!!!
حلوووووووووووو!!!

[Layaly]

أنا برأيي و حسب تجربتي انو دكاترة القلمون مافي منن أبدا،كلن مناح و علمن بيجنن.أكيد في حدا أحسن من حدا و في واحدين بيساعدو أكتر من غيرن بس الكل منيح وبصراحة هيك كانو معنا كلن.كنا ٥ من القلمون بس ما بعرف إذا حدة منن عندو رأي غير عن رأيي.
أنا درست chimie بالجامعة اللبنانية،كلية العلوم .
الدكاترة إلي علموني:
عقيل جراد
محمد الطبشة
سعيدة الطبشة
ناصر الخطيب
حامد الخطيب
مازن الخطيب
عبدالله الفحيلي
هشام الحج
سمير الفرخ
المرحومة سماح أحمد حليس
سناء صهيون
عامر الظنط
رأفت طوط(TP)

[Layaly]

انسيت قول كمان انو كان فيصل فلو assistant بل Labo physique و كان كتير منيح معنا وكتير بيفسر و الغربية كمان كانو كتير يحبو.

[عبد الرحمن الفلو]

انسيت قول كمان انو كان فيصل فلو assistant بل Labo physique و كان كتير منيح معنا وكتير بيفسر و الغربية كمان كانو كتير يحبو.

شكرا للاخت Layaly عالمديح

[Layaly]

شكرا للاخت Layaly عالمديح

شكرا على الرد اللطيف،بس هيدي الحقيقة

[Arsenic]

الله يبارك بدكاترة القلمون و الله يبارك برئيس قسم الكيمياء يلي كرمالي ولأني قلموني و لمصلحتي الله يبارك فيه و مني ناسيلو ياها بإذن الله عطيني 8 مواد سنة تانية بدال ال 4 .
احسن دكتور هو الدكتور ابو دلّي يا دلي عليه اديشو منيح.