إمامة المسجد

[محمد أحمد الفلو]

بعد أن كلف الحج علي الظنط إمامة المسجد الغربي خلفا للشيخ علي كسن, ومن قبله الشيخ رياض خلفا للشيخ عبد الرحيم فإن أسئلة عديدة تطرح في هذا المقام.

1. على أي أساس يتم الإستغناء عن خدمات شيخ معين
2. على اي اساس يتم اختيار الشيخ البديل
3. من هم الأشخاص المخولون اتخاذ هذه القرارت
4. ........................

[العبد الفقير]

السلام عليكم
اه والله معك حق يا شيخ حميطون ، وسأجب على هذه الأسئلة كما ورتبتها :
1- بس ما يعيد قادر انو يستلم هل المهمة ، لمرض أو كبر في السن بشكل يحول دون قيامه بها الأمر
2-الشيخ البديل لازم يكون اختياره حسب رأيي حسب علمه وخدماته وقربه من قلوب الناس ،بس قد ما بحثنا وتوصلنا لحلول أفضل بالنسبة لهل المسألة ، بالآخر رح يستلم الشخص يلي مقرب من دار الإفتاء أكتر ، وما حدا عم يسأل عن رأي حدا .
3-دار الفتوى وأصحاب رؤوس الأموال

[الشامي]

السلام عليكم ...

أنا أرى أن أهل المنطقة هم أولى باختيار أو انتخاب كل ما يتعلق بمنطقتهم (كالبلدية والمختارية ومن باب أولى الإمامة لما يعرفون عن كل شخص في بلدتهم ولما لهذا الأمر من أهمية وخصوصية في التوجيه والقدوة ) وعلى دار الفتوى أن تجد طُرقا لمراعاة هذا الأمر ...

فهل نصل إلى هذه المرحلة ... أظن لا ...
لماذا ؟؟؟ أترك الجواب لباقي الأعضاء المشاركة

أخوكم

[العبد الفقير]

أخي الشامي ، أنا لا أوفقك الرأي فيما يخص الانتخابات ، لأنه لم يفسد ديننا إلا الانتخابات ، ومبدأ الأكترية و........... ، يعني اليوم اذا قلنا بدنا نعمل انتخابات لامامة مسجد القلمون رح يطلع واحد من تيار المستقبل ، فهم أكثر أهل القلمون للأسف .

القصة لها اجابيتها ما منقول لأ ، بس سلبياتها أكثر ، وبهل الإيام ما بقا يهم اذا كانت الناس بتعرف الشخص أو ما بتعرفوا ففي القلمون ، الناس بكونوا بيعرفوا الشخص انو حرامي ونصاب بس يمشوا معو وبمسحولو جوخ للمصلحة وبس ، يعني يلي عم يفكروا بالدين ويقيبلو عليه بينعدو على الصابيع ، والبقية للأسف وجاهات و ........ يعني اذا بدنا نفتح باب الانتخابات ما منلحق وجعات راس ، من غير الشي صار القصة نكايات بنكايات ................

[kalamoun_28]

salam alaykom

shoubena ghannoum, 3ale' ma3 tayyar musta'abl tawelli balek 3alayon schwayeh

100 wardeh walla, Nazih

[الشامي]

السلام عليكم ...

أشكرك أخي وسيم على الرد ... ولكن ألا ترى معي أنه مهما كان عند اعتماد طريقة انتخاب معينة سيكون أفضل من التفرد الذي يقوم به دار الفتوى الذي هو تابعععععع وبقوة لما تعترض عليه (تيار المستقبل) .. مع احترامي للجميع

أخوكم

[العبد الفقير]

السلام عليكم ...

أخي زيد تقول : " ألا ترى معي أنه مهما كان عند اعتماد طريقة انتخاب معينة سيكون أفضل من التفرد الذي يقوم به دار الفتوى الذي هو تابعععععع وبقوة لما تعترض عليه (تيار المستقبل) .. مع احترامي للجميع "
كلا فنحن لا نرضى بأنصاف الحلول ، يعني هلأد صعبة نلاقي شيخ بيفهم وحبوب على قلوب الناس ينحط امام . ومن ثم ان دار الفتوى ليس تابعع لتيار المستقبل ، فهو يغير لونه مع تغيير الأوضاع ، يعني لسا ما نسينا يوم يلي اجا تعميم بالصلاة على حافظ الأسد ، وبوضع القرآن في المساجد عن روحه .
وصدقني يا زيد انو اذا امامة المسجد صارت بالانتخابات بتطلع لكل الناس الا الاسلاميين ، يعني التيار برشحوا شيخ من مشايخهم والقوات و الكتائب و ...... وطلاع شوف بالشريعة كلهم عندهم مشاييخ ، لحتا يجادلوا عنهم ويعرفوا طريقة تفكير المسلمين .

[الزاهر]

ما دام هيك.......شو الحل برأيكم!!!!

[الزاهر]

ما الهيئة في حل كما يبدو !

[hadid]

أنا عندي الحل السليم إن شاء الله

الإمام يلي مرض أو كبر في السن .. هو يلي بيختار خلفو .. متل الخلافة يعني .. وإذا كان هذا الإمام صالح، يدرك مدى الأمانة التي يحملها سيختار الشخص الأفضل .. والمفروض الإمام هوي يلي بكون أكتر الناس بيعرف أنسب واحد للمهمة ...

شو رأيكم ؟

[aboo nizar]

السلام عليكم...الحل الأمثل باذن الله يكون بالأخذ من حالة مشابهة مرت مع رسولنا صلى الله عليه و سلم