من هو الشخص الذي يستحق الثقة .. ؟!؟!؟

[هاني]

بسم الله ارحمن الرحيم

عندما تمنح ثقتك لإنسان فإنك إما أن تمنحها له كامله أو تحجبها عنه كاملة ...
وعندما ينال أحدنا ثقة ما فيجب أن

تكون مخافة الله نصب عينيه وأن يكون الحفاظ على ثقة من منحه إياها هو هدفه ...

والناااااس بخير ما دام هناك من يمنح الآخرين ثقته ويبادلونه ذلك بالوفاء والصدق

والحفاظ على العهد ...

والسؤال :

من هو الشخص الذي تعطيه الثقة... ثم ماذا لو خانها ( اعني ثقتك ) ؟؟؟؟

[هاني]

انا اعطي ثقة كامله لصديقي

[Nader 3:16]

السلام عليكم....
اهلين بالمعلم هاني...كيفك؟؟

اكيد للصديق...بس يا ويلو اذا خانها!!!!!!!!

[shanzimer6]

السلام عليكم:
هاد موضوع الثقة ضرب عالوتر الحساس...

بما انو قلب الانسان كبير, وبيتحمل كتير, فممكن الواحد يامن لكذا شخص او يوثق فين...

وما لازم يفكر الواحد من الاول اذاهالشخص التاني رح يخون الامانة, بس ما في مانع اذا ياخد احتياطو...

بعدين ليش الواحد عاي اساس عم يامن العالم ؟

برايي, الواحد صحيح لازم يكون مبادر, صريح, قلبو طيب, وو... بس لازم ياخد بعين الاعتبار كل الاحتمالات ....

انا بوثق بكل العالم, وبتامل فين الخير, بس ما ضروري امنن عاسراري او ....

يعني الثقة غير الامانة...

الامانة يعني ثقة... ولكن الثقة ليست بالضرورة تدفع الى الامانة...

اجمالا للصديق... بس كمان للاخ...
ماذا لو خان الثقة ؟
.................................................. .................................

[دوكر]

يا هلا بالمعلم هاني.......
واو ....موضوع مهم ......ما شاء الله ........
الثقة .....هيا كلمة يمكن انعدمت و انقرضت بأيامنا...........و توجدا صار تواجد خجول بالمجتمع....بس الثقة بالعادة بتنعطا لكل الناس الطيبة ..........بتنعطا لكل الناس لي بتعرفون من خلال تصرفاتون الخارجية .......و كلامي مبني ع كلام الست شانزيمر سته انو الثقة شي غير الامانة ........الامانة لي ما فيك تعطيا لأيا انسان و لو كان منيح......الامانة بتعطيا للصديق .....و منو ايا صديق ......الصديق لي متربي انتا و ياه .....لي بتعرف ايشوا .......بتعرف انو فاي يحملك الأمانة و لو ع أطع رأبتو ما بيتصرف بشي بضرك.........

هل الكلام ما بيعبر ع شي لي بنحسو بهيكا مواضيع .....بس كل واحد بيعرف وين فاي يحط أمانة .......و كيف فاي يوزع ثقتو ........

يعطيكن العافية .......
اخوكمدوكر المعوكر......

[أيمن غ القلموني]

أهلاً بأحلى هاني ، كيفك يا قشطة.
إذا فتنا بسؤالك مباشرة : بمن تثق؟

أثق بكل من يحمل قلباً بياضُهُ كبياض الثلج ، بكل من يُحَكِّمُ ضميره قبل أن يقوم بعملٍ ما ، بكل شخص أحببته في الله ، فأحَبّني في الله كما أحببته .
والملاحظ إن الإخوة الذين ترعرعت معهم ، في أغلب الأحيان ، يتمتعون بهذه الصفات ، وهم ولله الحمد كُثُر.

إذا خان الثقة شوبعمل ؛
من يتمتع بالصفات التي ذكرتها لا أعتقد أنهم يخونون الثقة إلا بحالات نادرة ، وتكون حالات فوق طاقة الإنسان ، وعندها أسامحهم.

[عمار الفلو]

اعطي ثقتي لكل الناس مع الحذر من كل الناس

[الزاهر]

مشاركتي ح تكون من نوع تاني............كيف تكسب ثقة الناس؟؟


بكل بساطة...........ثق بهم....كن صدوقا معهم...واخدمهم من دون مقابل..........قدم لهم العون.......ومنهم لحالهم بتلائيهم بيوثقو فيك!!!


ثم.......
أما بمن اثق......فأنا أثق بمن يخدمني دون أن يطلب مقابل.........وبمن أثق بأنه لن يفشي سري......وبمن أرتضي دينه وأخلاقه.........وبمن سمعت من ثقة عندي بأنه ثقة....وبمن هو أعلم مني.......وهادول اللي خطرو عبالي حاليا!!!

السلام عليكم

[lina k]

الثقة جميلة في قلب من قدّرها وخطيرة في قلب من حطّمها.ولكنني أعتبر بانّ الثقة الحقيقية تُعطى للقلب الصادق,الدافئ,والذي يستطيع تفسير وترجمة ألحان قلبي.وهذا القلب يمكن أن يكون في أكثر الأحيان قلب صديق عزيز.وبالنسبة للغدر,فأنا أعتقد بأنّ القلب يختار ويشرب من هذا البئر,فإن كان صالحا يعيش بأمان وإن كان غدارا ومسماّ عندها يتحطّم القلب.
شكرا على الموضوع....
سلام....

[nana]

مافي مكان بقلبي لثقة إنسان والسبب بعود لفتره قصيره مرة بحياتي علمتني درس العمر كلو

[شرشبيل]

الثِقةُ غَاليِةٌ ولا تُمنَحْ لِشَخصٍ إِِلا بَعدَ فَترةٍ مِنْ مُرافقتك لَهُ، والإحسَاسُ بِها، وأَنْ يُحسَ بِكَ، وأََنْ يُبادلَكَ نَفسَ المَشاعِرِِ التِي تُبادِلها إياهُ، عِندَها تَمنحُهُ الثِقةَ.

كَثيرٌ مِنا بِحاجةٍ للتِفكيرِ مَائةَ مَرةٍ قَبلَ أَنْ نُقدمَ الثِقةَ عَلى طَبقِِ مِنْ ذَهبٍ لِمَنْ نَجهَلُ.

مافي مكان بقلبي لثقة إنسان والسبب بعود لفتره قصيره مرة بحياتي علمتني درس العمر كلو

قِمةُ الأََلمِ أَنْ تعلمَ أَنْ أقربَ الناسِ إِليكَ قَد كَذبَ عَليكَ.

[بسام]

انا من أول ما وعيت على هذه الدنيا وفي المجتمع الذي أعيشه توصلت إلى أنه لا يوجد أحد تستطيع أن تثق به
أكمل التعليق لاحقا ... شكرا على الموضوع

[fadi]

انا من ناحيتي م لقيت حدى فيك تعطي الثقه بالضيعه و لا خارج الضيعه و بحياتك متأمن لحدى

[هاني]

سلام شكرا لمشاركتكم
بالنسبه للأح فادي شو أهلك مش موضع ثقه
أما للأخت (مافي مكان بقلبي لثقة إنسان والسبب بعود لفتره قصيره مرة بحياتي علمتني درس العمر كلو)
ما فينا نبني حياتنا كلها على عدم الثقه بالأخرين فهذا من غير الطبيعي ريما يمر الأنسان بفتره معينه بيفقد فيها الثقه بالناس بس الأنسان ببرم عناس بخافو ربنا ليوثق فيهم والا هو بكون منو أهل ثقه

[nana]

سلام شكرا لمشاركتكم
بالنسبه للأح فادي شو أهلك مش موضع ثقه
أما للأخت (مافي مكان بقلبي لثقة إنسان والسبب بعود لفتره قصيره مرة بحياتي علمتني درس العمر كلو)
ما فينا نبني حياتنا كلها على عدم الثقه بالأخرين فهذا من غير الطبيعي ريما يمر الأنسان بفتره معينه بيفقد فيها الثقه بالناس بس الأنسان ببرم عناس بخافو ربنا ليوثق فيهم والا هو بكون منو أهل ثقه

والله با أخ هاني بحب إلك شي أنا يلي وثقت فيون افتكرتون أهل للثقه واني اعطيون هتمام كامل بس للاسف اكتشفتون إنون ناس مصلحجيه ومابحبو غير نفسون وهني وين بيرتاحو وعلى فكرة عندون خصله كتير بشعه إنون ماعندون قرارات ياخدوكل ساعه وآخر همون مشاعر الناس يلي عطيتون كل الاهتمام والثقه وآخر شي طعنو بالضهر. الله يسامحون وماعندون ايا عذر يحكو لان الغلط راكبون من من فوقون لتحتون

والسلام

[fadi]

بالنسبه للأح فادي شو أهلك مش موضع ثقه

مبلا يا هاني اهلي اكيد هنه موضع ثقه بس انا عم احكي عن العالم الخارجي يعني غير عيلتي

[هاني]

salam ya o5ti hayda minou mobarir la tifi2di al sika bi kol al 3alam fa zaman al rasoul (salla allah 3alayhi wa salam) wisik bil sahaba fa kan hozayfa bin al yaman (radiya allah 3anhou) hamil sir al rasoul lama 2allou 3an al asma2 monafikin

[أيمن غ القلموني]

والله با أخ هاني بحب إلك شي أنا يلي وثقت فيون افتكرتون أهل للثقه واني اعطيون هتمام كامل بس للاسف اكتشفتون إنون ناس مصلحجيه ومابحبو غير نفسون وهني وين بيرتاحو وعلى فكرة عندون خصله كتير بشعه إنون ماعندون قرارات ياخدوكل ساعه وآخر همون مشاعر الناس يلي عطيتون كل الاهتمام والثقه وآخر شي طعنو بالضهر. الله يسامحون وماعندون ايا عذر يحكو لان الغلط راكبون من من فوقون لتحتون

والسلام

هل معقول إن من خلال تجربة ما كانت ناجحة ناخد فكرة عامة عن كل الناس .

ما كل صابيع إيدك متل بعضن ؛

بالحياة في ناس من كل الأنواع ، جيدين ، سيئين بس إذا كنت منيح معن يمكن يتغير ؛

بس المؤكد إن في ناس أهل للثقة ، حتى ممكن بضح ميشان ما يخونو الثقة.