ليش كل هل الدرس ؟
كنت أكتب أجاندا لأحد طلابي في المعهد ، فكل ما أعطيته سورة يقلي عندي دروس ، ما بقدر ، فاستغربت وسألت حالي شو عندو درس تلميذ بصف الخامس ، واستفسرت من بعض الأهل ، واذ بالمدارس تتمرجل على الأطفال ، وتريد اعطائهم الدوكتوراة منذ صف الخامس . فيستيقظ الأولاد منذ الصباح ليذهبوا إلى المدرسة ، ومن ثم يعودون وعلى ظهورهم الشوال -الذي يكاد يزن شي تلاتة كيلو- ، ويدخلون البيت فيتناولون لقمة على السريع ، ويجلسون على دروسهم -هذا اذا كانت الوالدة لها خلاق عليهم - واما ترسلهم الى معلمة خصوصي ، فبينتعوا الشوال من جديد وبيغيبوا عن البيت حوالي 4 ساعات ، ومن ثم يعودون مرهقين مقفلين راسهم على الآخر ، وبطبوا راسهم على المخدة وبناموا ، ويا ويلهم اذا فرض ما لحقوا عملوه أو نسيوه أو ما عرفوه ، لأن بالمدرسة ناطرهم أنواع من الرعب والتهويل لا يعلمها الا الله
فهل هذه طفولة ؟ والى متى ستبقى مدارسنا تمارس هذا الارهاب الفكري ، على الطلاب ؟ كم من المدرسين في القلمون لسانهم ما زال حامضا ولو مع الطفل الذي عمره سبع سنين ؟ كم من الأطفال كره المدرسة وتركها بسبب هؤلاء ؟
المشكلة لست بالسهولة التي تتصورون ، يعني على الأقل أهم من المسيار ودخول النساء الى المجلس البلدي و ................
يعني تركوا الأولاد يعيشوا عمرهم ، المدرسة شغلتها تعلم التلميذ وتفهموا مش ترعبوا وتفلح عليه ......... والأستاذ ما لو أي حق يمد ايدو على أي تلميذ ولو كان أد ابن ابنوا لأن هو جايية يدرس مش جايية يعمل بوليص ، بس دق الماي بتضلها ماي .
وبعض المدرسين لازم يتاخد على غونتانامو لما يسببوه من ارهاب فكري على الطلاب ، يعني ما مكفيهم انو المخلوق عم يجي على المدرسة منذ الصباح ويحمل الشوال على ظهره ، ويرجع يدرس وياكل أتل من والدته أو معلمته الخصوصي هي وعم اتدرسوا ، اسا جايين يزيدوها على قلبوا ويعيطوا عليه ، واسا بتسألوا ليش بيطلع الولد معقد ؟ ذاك اليوم سألت أحد رفاقي أين سجل أهلك أخوك الصغير ، فذكر لي اسم مدرسة نصرانية ، مع أن المعروف عنهم الالتزام والتدين ، فسألته عن السبب ، فقال لي لأن المعلمين بالقلمون ما بيعرفوا يتعاملوا ، وهذا كلام مظبوط ، ليش مفكرين حالهم أحسن من الناس ، يعني يلي عم يعيط على الأولاد ما كان بيوم من الأيام قدهم ، انو اذا خلق قبل صار أفضل منهم ؟؟؟؟؟؟؟؟؟؟؟؟؟؟
في أخطاء كتيير بالتعليم ، وبتربية الأجيال لازم تتصحح ، لأن هل الأولاد عم يكبروا ويتربوا على الغلط -هذا اذا ما تركوا المدرسة- وبدورهم رح يربوا الناس على الغلط ، يعني اليوم منسأل ليش الناس عم تصير بتستخدم العنف بكلامها وتصرفاتها ، يعني كيف الشخص ما بدوا يستخدم العنف ومن هو وصغير عم يسمع الشتائم ويتعرض للضرب من قبل الأساتذة في كل يوم ؟؟؟ يعني كل تربيتوا وبناء شخصيتو عم يكون على العنف .
على كل نحنا جيلنا انتزع مابق في أمل منا ، شوفوا هل الأجيال يلي عم تطلع ووعوهم وحكوا أساتذتهم ،بدل ما تقولوا للأستاذ خاد رياحتك واضربه ، واذا ما قبلوا فورا غيروا المدرسة .... ولازم المدارس تعرف انو الصبي حقو يعيش عمرو وطفولتو ، يعني كيف بدو يعيشها ويلعب وهو ما بلحق يحك راسو ، يعني هل تعجزون عن تفهيمه بالصف ، واذا كان لا بد من فرض على البيت ليش لحتا يكون مجموع الفروضة اليومية بدو شي ثلاث ساعات ..................؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
نطالب بعرفة الحقيقة ومن وراء هذا الفساد ، وبتشكيل محكمة دولية لمعاقبة مرتكبي هذه الجرائم الشنيعة بحق الانسانية وبحق الطفولة ......
رد مع اقتباس
