ياأعضاءنا المنتدى الكرام
ممكن حدا يقلنا مصطفى معتوق وين مختفي منو عم يبين بي المنتدى
والله قلقانين عليه
ياأعضاء الكرام يلي بشوف مصطفى بالقلمون يخبرو قلقنا عليه وانو المنتدى وكل الأعضاء اشتاقولو
ياريت نسمع إن شاء الله تعالى أخبار عنو اليوم ونشوف تسجيل دخولو بالمنتدى.
عنجد منكون ملاحظين المنتدى كتير صاير ناشف لسبب اختفاء أعضاء كانو عاملين جو حلو بالمنتدى ليش مابتبعتولون راسايل على إيميلاتون الخاصه حتى نطمن عنون والله زمان ماسمعنا منائرات بين بعضون
يعني اشتقنا لمشاكلون حتى نسمع أخبارون ويرجعو ينور المنتدى بطلتون
منو المهم نعمل خطه لتطوير المنتدى أد منو المهم تكون خطه ناجحة حتى نلم شمل الأعضاء وضل روح الحماس بين بعضنا.
ومنو مهم يكون في حتى تنوع بالمواضيع بدون أعضاء بشاركو اد ما يكون في موضوع واحد كتير مهم موحد كل الأعضاء
لازم نعمل ونلاقي حل لهل مشكله والله يعني صرت بفوت يوميا بلاقي نفس الردود مع شخص او شخصين بي المنتدى
مش معقول الأعضاء يلي كانو عم يطالبو بتطوير المنتدى وتوسيع ساحتو من بعد تحقيق ونجاح المنتدى يختفو بدون أسباب أو مبررات
عنجد كلمه بوجهها للأعضاء يلي غايبين عنا فتره طويله ياريت ترجعو نحنا والمنتدى كتير بحاجه لوجودكون معنا
فكرة المنتدى منتدى القلمون هي شمل أهالي الضيعه المغتربين والغير مغتربين تحت شعار واحد بيحمل وجع وفرح وأخبار كل الأهالي الضيعه هيك بلشت الفكرة وهيك لازم تبقى ياريت ترجعو تخبرونا عن فرحكون تنفرح معكون وإذا عندكون حزن تنكون حدكون. ياريت توصل هل رساله وهل نداء لكل الأعضاء يلي قررو يبعدو عنا
ماتخلو هموم ومشاغل الحياة تبعدكون عن أهلكون صدقوني الحياة ووجعا بحياتون مابينتهو بس فرحة وجمعة الأهل والأصدقاء إذا ضيعناها مستحيل ترجع وندم مابقا يفيدنا
اعطونا من وقتكون نحنا بحاجه لنسمع أخباركون وأحاديثكون ومواضيعكون حتى نحس إنو بعدنا بين أهلنا وبي بلدنا ومنا مغتربين
أختكم المحبة لكم دوما
نارة
رد مع اقتباس
المشاركة الأصلية كتبت بواسطة cool man
