نسوان الضيعة...

[Nader 3:16]

السلام عليكم ...
و بعد.
احببت طرح موضوع للتحدث عن عادات و شجون نسوان الضيعة الكبار بالعمر (الله يطول عمرهم)...

و نبدأ بهذا المثل الصغير:

بتكون ماشية واحدة و تلتقي بصديقة الطفولة و يبدأ الحديث الشيق.
الاولى: ولى وينك منك عم تبيني...
الثانية: ولى سكوتي صرلي شي 3 ايام مريضة..
الاولى: شكان بكي.
الثانية: و الله كان روسي عم يوجعني
وبتبلش كل واحدة توصف ادوية و عقاقير طبية ما انزل الله بها من سلطان..
ثم يبدأ الموضوع التاني..
الاولى: ولى لوين يا مسهل؟؟
الثانية: رايحين نشوف شبدنا نتبخ...
الاولى: والله (فلان) جايب خضرة متل الدهب
الثانية: عنجد؟؟؟ في بءدونس!!!
الاولى:و الله البءدونسات عم يضوو ضوي اد منن نضاف
الثانية و دخلك بديش عم يبيعا..
الاولى: ولك بنص ليرة الباءة..
الثانية:الله لا يورجيه خير بحياتو فلان هاديكا المرة عطينا الباءة بليرة!!

ويستمر الحديث شي نص ساعة او اكتر عن الخضرة و التبخ و النفخ!!!
و بتمشي كل واحدة بطريءا .
و ما بتلحق كل واحدة منن بتلءي شي واحدة تانية و ببلشوا يحكو عبعضن!!!
وهيك دواليك...

والى المزيد....ان شاء الله
وبدنا همتك يا شيخ جابر...

[أنس المجاهد]

ولى طلعت السمس؟؟؟
ولى لوين رايحين؟؟
والله رايحين عالعربة بالاطمبيل.
تعا يا محمد.
شبدك يا ستّي.
بدي ياك تجبلي دوا من الفرمشية و بعدين تنضفلنا السداجات.

و لا ءومنا من عوبكرا و خسّلنا الخسيلات و رحنا نشوف شبنا نتبخ.

ومن هالحكي يعني.

بس موضوع حلو يا ندّور.بذكّرنا بيلي ربّوا الاجيال المتعلمة و يلي بدأت تغيب عن جو الضيعة.

[Nader 3:16]

اهلين بأنس..
كلامك مزبوط..

اسا في شغلة :

انتا و بتنزل لعند عيشة عالفرن و هونيكا الحكي المزبوط بكونوا كل النسوان مجتمعين بدهم خبز بعربوا الخبزات المناح و بيعطوك القباح و بتبقا الواحد قاعدة صرلا شي ساعتين عم تفحص كل رغيف وحدو.

وبعد شوية ما بتسمع غير العياط و الابضاي يعرف مين مع مين عالء او ليش او حتى شعم يحكوا ..عيااااط وبس..

ووقت بتهدأ العلقة بكونوا بلشوا بالاحاديث المهمة ...ولى هادي شبها و هاداكا شباو و بيذكروا اسماء و الله العظيم اول مرة بسمع فيها.
والحلو فيهن انو بقولولك فلان ابن فلانة و فلان بكون عمرو شي 90 سنة يعني فلانة بتكون شبعت موت و غراف بءا عم مين عم يحكو.

و لنفترض صارت ؤصة بارزة بالضيعة اذا بدك تعرف التعليقات و القصة الصحيحة ما الك غير فرن عيشة بتنزل بتسمع شغلات ولك بتقول انو النسوان كان بنص مكان الحادثة...
وبالنهاية بيطلع ما في شي من هالحكي...

من فترة امي كانت صافة السيارة و مدري مين لكملا الباب و هي ماكانت بالسيارة ...وتاني يوم بنزل من البيت!!!
بتفزلي واحدة (ولى صحيح املك عاملة حادس و ؤاعدة بالمستشفى)
مارءة واحدة وسمعتها و روح بقا!!! اذا ما القلمون كلها عرفت بهادي الاشاعة!!....

يتبع......

[moustafa]

موضوع مهضوم و حلو متل العضو يللي طارحو..
شكراً يا نادر على الموضوع . .. بارك الله فيك على جهودك الطيبة...
أنا حبيت شارك بس بهيك مواضيع ما بينكتب شي.... بينقرى و بس.....

[Nader 3:16]

اخ ابو صطيف انتا مجرد مرورك على الموضوع يكفي..
يا اهلين فيك...

[Arsenic]

ya hala bi shabeb l lejneh
ana 7aki l 2lemne l 2dem bi nakreznay w mni7 inou omay mano min l 2almon

[it's ha]

السلام عليكم
عنجد الموضوع حلو كتير بس مظبوط متل ما قال مصطفى ما فيك تشارك كتير فيه بس الي فين يشاركو بدو يكون بيتن قريب على فرن عيشة او قريب علعين هونيك روح وشوف الحكي
بس عنجد بزعلو طيب بايش بدن يشتغلو غير بالحكي الله يعينن
على كل حال الله يعطيك العافية على هل الحوار عنجد انا وعم اقريه فرطت الضحك لانو عنجد بمثل واقع نساء القلمون مش بس الكبار بالعمر كمان غيرهم
انا حابة اطلب طلب منك انك تعمل حوار عن نساء القلمون مش الكبار بل الي اصغر بشوي اذا مافي ازعاج
الله يعطيك العافية والى الامام
والسلام عليكم ورحمة الله تعالى وبركاته

[مايا]

والسلام عليكم ورحمة الله وبركاته
10x a5 nader 3an gad mawdou3 7elou w bde7ek
shwa2touna nrou7 3ala feran 3ayshe 5asa w 3ala el2almoun 3amatan

[Nader 3:16]

السلام عليكم
كيفكم؟؟؟
بالنسبة لل it's ha رح نحكيلكم شصاروا عم يحكوا النسوان مو الكبار.
مبارح كانت امي مع واحدة من رفقاتها قاعدين مدري وين و رفيقتها هادي ساكنة بكندا يمكن بس بتزور لبنان كل فترة و عم يحكوا و من هون لهون انفتحت سيرة المنتدى و بلشوا !!
ولا بأي اسم انتي مشاركة!!
بكذا..
ولا هادي انتي؟؟؟
و لا عرفتي مين فشلان..؟؟
ولك اي..
هادا فلان الفلاني..
بالله عليكي ..عنجد يءطع خملو صحيح و الله ماكنت متوقعة
طيب بتعرفي مين دوكر!!..
هادا اسا ما عرفتو بكرا بسأل ابني يمكن بيعرف!!!....
و.........................

شفتو انو المنتدى صار حديث الناس بالقلمون و خارجها.

بالنسبة للأخت مايا زيارة موفقة ان شاء الله.

[T a c o]

والله مهضوم يا monsieur نادر ...
موضوعك بجنن و صحيح 100 بال 100
مشكور ...
بس ما بسمحلك تحكي على صبايا ضيعتنا اظدي نسوان ضيعتنا ... بليز يعني
هاهاهاها
سلام

[T a c o]

ما يالله يا استاز nader كتوب شي موضوع بيدحّك...
سلام...

[Nader 3:16]

هلء ما لي مروة اكتب شي جديد بس اذا بدك!!!!!!......رح اعطيك موضوع رح تضلك تضحك من هلء لبكرا و ابقا ادم طلب انتساب للّجنة بسرعة:
http://qalamoun.com/Forum/showthread.php?t=2929
الموضوع اربع صفحات و ما رح تضجر من الاراية بإذن الله. و دوووووووووووووووووووووووووع

[Arsenic]

با هلا بالندور....

[الزاهر]

[Nader 3:16]

اهلين بالزاهر....ولك دووووووووووع

[it's ha]

شكرا على استجابة الطلب والى الامام
هلق بدنا منك موضوع اخر ما ضروري يكون مضحك بس يكون كمان يمثل الواقع القلموني من بعد اذنك طبعا
والسلام عليكم

[Nader 3:16]

والله يا اخت اتس ها ما في ببلاش.......!!!!!
و اسا فاي عندي كم فكرة بالموضوع بس ما لاي مروة اكتب...

[Nader 3:16]

السلام عليكم
رح نكفي بالموضوع بناءً على الطلب It's haa .

صليت العشاء و طلعت ءعدت مع ستي و خالاتي و عمات أمي تحت البناء مقابل محل ابو أحمد للحلاقة.

ؤاعدين هالنسوان و مكومين عهادا البياع السوري يلي بيحمل الكياس عضهرو و ببيع بالضيعة.الله وكيلكم ما خلو كيس ما فتحوه... وورجيني هاداي و ورجيني هاديكا.
و اديش حءو هادا ولا...
و هوا الزلمة صابر عليون.
وبدون يوخدو الشغلة يلي ب 10 آلاف. بألف ليرة. و اذا ابضاي بيفتح تمّو ..بيبلشوا فاي بهدلة. اي سكوت شفنا منا بطرابلس بنص ليرة.
و هاداكا بيمشي معون ليش هوا فاي يحكي شي كلمة!!!!!!......
و بعد ما هشّلوو عالآخر...ؤام و راح ...و أكيد وصوو عكم شغلة منشان المرة الجاية...بس اولكم بيرجع؟؟؟
أكيد بدو يرجع ليش هوا بيسترجي ما يرجع..

و بعدين بلش نقاش اوي تدخل فيه كافّة الفرقاء في كيفية كبس الزيتون...
و هادي بتءلك و الله بلا فليفلة الزيتون ما بيسوا شاي..
و هاديكا و الله بلا حامض ما بيتاكل ابداً.

و التالته و الله أنا بكتر ملح.....

و انا ؤاعد ساكت...فأنا ما فيني ما فوت بالموضوع!!!!!!!!!........ؤلنالهم من بعد زيتونات الست وصال ما فاي زيتون.!!!!! و كانت بمثابة القنبلة في المجلس...و لحء حكي.

و من موضوع لموضوع انفتحت سيرة الحجّ....فأنا بدي ادحك عليون شوية. فؤلتالله يستر ما بكرا الحج يجاي برمضان و الله ليموتوا الحجاج).
فبعض النسوان الؤاعدين ؤالولي (سكوت الله لا يأدّر...و الله ما حدا منون بصوم)...و ساعتها فرطت من الدحك انا موء فيني هدّاي...

و بعدين بلشو يحكو عن مدري مين....فعم نسأل مين هادا...بجاوبوك ابن فلان ...و فلان بكون ميت من شي 120 سنة و عراف عمين اصدن.

و ساعتها تركتن و جيت عالبيت و كتبت هالمشاركة. و أكيد هلء بلشو بالنقاش كنّو سرعة الضوء هي السرعة المطلقة او لأ...لأنو النسوان عنا بالضيعة ما شاء الله بيفهموا بكلشي...

ان شاء الله تكون عجبتكم هالمشاركة... والى مواقف أخرى...و بركا المرة الجاية منح شي تسجيل صوتي لهيك جلسات تاريخية.

[مايا]

السلام عليكم ورحمة الله وبركاته
شكرا أخ نادر كتير حلوين اكتر شي قصة الحج .

[روعة]

لو كانت الماما قاعدة ما كانت مرقت عليّا ها .

[Nader 3:16]

لو كانت الماما قاعدة ما كانت مرقت عليّا ها .

أكيد. ما بدها حدا يحكي فيّا.

ومرسي عالمشاركة. وكمانا الاخت مايا.
ودوووووووووووووووووووووووووووووووووووووووووووووووو ووووووع

[hadid]

هههههههههههههههههههههههههههههههههههههههههههههههههه هههههههههههههههههههههههه

[Nader 3:16]

شو هالمشاركة يا جنرال..هديد؟؟؟؟؟؟؟؟!!!!!!!
بس ما فينا ما نقبلها منك يا جنرال.

[яiиda]

ههههههههههههههههههههه ........ ما بها شي ...... (عم امزح ... حلوه )
متل ستي و خالتي .... نفس الشي ...
سلام

[hadid]

يا جنرال شبدنا نعلق !! هيدول النسوان !! منك شايف rinda و مايا بصندوق المحادثات !!

[مايا]

السلام عليكم ورحمة الله وبركاته
طيب انا من اليوم ورايح باذن الله تعالى لن أكتب ولا حرف في صندوق المحادثات الا رد السلام .

[hadid]

لأ مش هيك القصد وأنا و كل الأعضاء منا مزعوجين من حكيكن أبداً لا تفهموني غلط !! بس حكيكن ماحدان في يتدخل في أو يعلق عليه !!

[яiиda]

يا جنرال شبدنا نعلق !! هيدول النسوان !! منك شايف rinda و مايا بصندوق المحادثات !!

اه أكيد منعرف إنو منو هيك القصد .... ازدي بعرف ....

[яiиda]

اه .... و إذا اسن حدن بيحكي هيك بدنا نغتالو (متل يلي أبلة ) .... و إنتبه ع حالك ها ....
سلام

[مايا]

السلام عليكم رحمة الله وبركاته
اخ هديد انا مش فاهمة غلط ابدا
بس طبعا مش حارجع بكلامي .

[hadid]

إنتي حرة يا مايا وأنا آسف إذا انزعجتي من تعليقي !! ويا ريندا هربان من البلد ومسافر بعد كم يوم ...

[яiиda]

يا أخت مايا ... الأخ حديد ما أزدو شي يعني بس بالمناسبة حكي هيك ....
و ما دام فهمتي أزدو ف مافي داعي تبطلي حكي .... ففضوها سيرة و ما تنسوا تنشروها (حتى تنشف )....
سلام ....

[مايا]

السلام عليكم ورحمة الله وبركاته
يعين انا حاسة انو القصة كبرت وهو ما في داعي لتكبيرا ابدا
يا اخ هديد ما في داعي للأسف يعني انا لو زعلت كنت الت دغري بس انا حطيت القرار هون باعتبار هيدا الموضوع لأحد أعضاء اللجنة
ويا ريت يتسكر سوء التفاهم لأن اذا الأخ نادر لأنا طلعنا عن الموضوع واخربنالوا ياه بيعملنا شي ضرب من ضروب اللجنة فخلينا نسكر على الموضوع احسلنا .

[hadid]

طيب بس يا ريندا إسمي الجنرال هديد !!! وليس الأخ حديد !! فالهديد إسم إنسان عاقل أما الحديد فــ ..... متلو متل الخشبة !!

[مايا]

السلام عليكم ورحمة الله وبركاته
أنا الموقعة أدناه ( .... ....) الملقبة ب ( مايا ) أقر وأعترف أني سحبت كلامي السابق بأكمله .
ونأسف على الازعاج وشكرا . .

[яiиda]

ههههههههههه
حلوه هيدي ....
و طيب يا أخ حديد .. ازدي أخ هديد ...
سلام ....

[فشلان]

ا
و لا عرفتي مين فشلان..؟؟
ولك اي..
هادا فلان الفلاني..

ولك دوووووووووووووووووووووووووووع... صاير ذكري على لسان الرجال والنسوان.... يعني البزاء وأنا نفس الشي ............................

بس مين هيدا فلان الفلاني؟؟؟؟؟؟ ما عرفتو.....

[Nader 3:16]

ه.م....ذاكر؟؟؟

المهم لحتا تعرف يا فشلان انو هالفتاتين هن بشاركوا بالمنتدى...و بأسماء وهمية بس بلا فضائح و ذكر اسماء..
و شو ان شاء الله مبسوط بمصر؟؟ ههههههههههههه خلينا نرجع لإيام زمان شوية و نرجع نضحك عحالنا يا ه.م

[أبو الشوارب]

ما شاء الله عليكم يا اخوتي انس و نادر لم تتغيروا منذ كنا بالثانوية و الله ضحكت كثيرا عند القراءه اتمنى ان تضيفوا المزيد من القصص عن نساء ضيعتنا

[Nader 3:16]

اهلاً بالشيخ ...كيفك؟ انا مني عم بيّن..كل يوم عند ابو صطيف بالمحل بالليل....انتا بلشت بلع بهالكتب .

المهم رغم كل التهديدات سأتابع الموضوع ان شاء الله. ترقبوا الجديد. من احاديث فرن عيشة الى جلسات الصبايا . الى الأحاديث عند باعة الخضار.

و لكن قبل ذلك سأذكر ما حصل معي على خلفية الموضوع. انتظروني

[Arsenic]

يا خيي نادر عيفنا من النسوان لأنو الوضع منوا عاجبني......

[Nader 3:16]

لاء ....ما بدي وءف الموضوع........

اليوم نزلت لعند عيشة بدي كيلو خبزو كالعادة في 2 نسوان آعدين عالخبزات والأبضاي يوخد رغيف متل العالم.....بلا ذكر اسماء.......
والحلو كل ما تجاي نفس النسوان ؤاعدين.....وطلعلي خبز منو سخن بسببهم......

بس الشئ الملفت بالمشوار انو هادي اول مرة بروح عفرن عيشة و ما بكون في عياط...لأنو بتعرفوا وءت ببلش العياط عنبو جنب كيف بتوقف متل الاطرش بالزقة....عياط و صريخ و الابضاي يفهم...ويمكن بالاخر بكون عم يعيطوا عليك تعا خود المنائيش.......

يا زلمة شبدي اعمل؟؟؟؟؟؟؟ بكرا لازم نؤعد شي جلسة مع النسوان منشان نكتب شي جديد.........
ادعولنا..........
سلااااااااااااااااااام.

[Arsenic]

يا خيي معك حق بس دنب الكلب حطو ميت سنة بالؤلب و ما جلس يعني كبر عئلك يا شريك...

[it's ha]

السلام عليكم
شكرا جزيلا يا "نادر" على استجابة طلبي باضافة بعض المواضيع الي بتضحك بس شو بك ما بتحكي الا على النسوان حرام عليك بعدين الكل عميتهموك انك ما بتقعد الا مع النسوان
انا بعد اذنك طبعا حابة اطلب منك انك كتب حوار بين دكتور وطلابه مش ميشان شي بس ميشان يحسو فيك انك عمتطلع على الجامعة وتتعلم يعني مش آخد الشغلة مزح
عنجد مشكور كتير

[Nader 3:16]

السلام عليكم
شكرا جزيلا يا "نادر" على استجابة طلبي باضافة بعض المواضيع الي بتضحك بس شو بك ما بتحكي الا على النسوان حرام عليك بعدين الكل عميتهموك انك ما بتقعد الا مع النسوان
انا بعد اذنك طبعا حابة اطلب منك انك كتب حوار بين دكتور وطلابه مش ميشان شي بس ميشان يحسو فيك انك عمتطلع على الجامعة وتتعلم يعني مش آخد الشغلة مزح
عنجد مشكور كتير

بما انك قدمت طلب انتساب للّجنة وتمّت الموافقة عليه من قبل كبار الأعضاء في اللجنة. صار فيكي تطلبي شو ما كان.

قصة الإتهامات.....أكيد ناس فيزيائيين يلي عم ينشروها لغاية في انفسهم.
اكيد عم اطلع عالجامعة.....بس احياناً المواقف مع نسوان الضيعة بتجاي صدفة...يعني كيف الواحد بدو ينزل عفرن عيشة و ما يفرط من الضحك؟؟؟؟؟؟؟؟؟؟؟؟!!!!!!!!! ما بصيييييير بنووووووب...

وكمانا شفيني اعمل اذا كل ما بدي روح لعند خالتي بكون في 12 صبية ابو ال 50 سنة و ما فوق....بدك تؤعد و تسمع الحكي ....بس يلي ما سمعهن بالتعليقات السياسية ولك منو شايف شي اسا!....شو هادا...بكل شي بيفهموا.....حتّى بالطب و بالادوية و بالمجرات و بالفيزيك وبأيش ما بدكم.

بس هادي ؤصة الحوار ......كيف بدك ياها؟؟؟ ما فهمت عليكي.....
وسلاااااااام....
ما حدا الك اسا شو مهمتك باللجنة؟؟؟

[it's ha]

السلام عليكم
لاء اسا ما حدا قليّ شو مهمتي باللجنة
وبالنسبة للموضوع الي طلبتو من حضرتك فهو أكيد فصل مضحك صار بين الدكتور وتلميذو
يعني اذا كان مرق عليك هالفصل هيدا واذا ما كان عندك ما في مشكلة
وبالنسبة للنسوان .................أكيد النسوان بيفهمو بكلشي ليش ما بتعرف يا (نادر) انو "وراء كل رجل عظيم امرأة"
على كل الاحوال مشكور أخ نادر على استجابة الطلبات وانا ان شاء الله بانتظار المزيد
والسلام عليكم