بوسة للكل (ألا الصبايا)......

**دوكر** · 01-04-2008, 12:25 AM

يا هلا بالجميع كيفكن؟........
و لكك شتءتلكن من ألبي من جوا ......ايشودا صرلي زمان مني شايفكم و مني حاكي معكم......و لك ايشودا ياويلاي اديش متغير المتدى هلأ اول ما فتت لاحظت انو في ساحات جديدة و اشياء حلوة ما كانت ابلا........
اااااه........
ايام ........
اصعب فترة كانت وءت لي تركت المنتدى حسيت متل كأنو اطعا مني راحت .......حسيت حالي انأطعت عن الناس لي بحبون عن العالم الأوادم عن ضيعتي بعد ما كنت انأطعت عنا معنويا كمان ........
اااااااه........
وقت لي رجعت على المنتدى ما تذكرت الا انا و راجع ع لبنان و ع الضيعة اول ما نزلت بالمطار و طلعت .....اخ اخ.....
و طلعنا بالسيارة و ع الضيعة .......
بس كلشي لو طعمة تانية هوني .....
هلق بدكن تقلولي الأكل موجود هونك ....اه موجود .....و في انواع اكل ما عندكن منا و فاي و فاي.....بس طعمة البندورة هوني غير......و طعمة الكبيس و الزيتون غير .....و لك حتى لو كنت اخد من هوني معك من هل الأشياء ما بتحس بطعمتا هونيك.....
و لك حتى صوت الست فيروز هوني غير ...........
هوني غنية نسم علينا الهوا .........نسم علينا الهوا من مفرق الوادي ............يا هوا دخل الهوا خدني على بلادي.....لها طعمة تانية صحيح هونك بتبكي الحجار ....بس هوني طعمتا غير..............
و لك ايشودا .....
الحمد لله ..................
ياي اديش عندي اشياء بدي احكيلكن هيا ......
و الله حسيت حالي رجعت عند اهلي التانين .......

يعطيكن العافية......................
اخوكم دوكر المعوكر...............

**دوكر** · 01-04-2008, 12:38 AM

نسيت قلكن................
هادي بوسة للشباب ..........و يا هلا بالصبايا........
و هلأ ت نعمل جولة على المنتدى .......نشوف مين جا جديد.....و شصاير ........
يعطيكن العافية............
اخوكم دوكر المعوكر.......

**الزاهر** · 01-04-2008, 01:17 AM

أف أف أف أف..............دوكر؟؟!! ...........حبيب ألبي........
ولك

وهي أحلا بوسة مني كمان..........
الحمد لله عالسلامة يا زلمة............شوا.........ما خبرتنا..........منألك مبروك ولا لسا؟؟؟

**دوكر** · 01-04-2008, 01:34 AM

و لك يا هلا بالمعلم الزاهر......
يا هلا بالمعلم أطر.....ايشودا....و لك ما في متلك تنين انتا........بس مشكلتك احيان بتحكي شي زيادة و فهمت علي .......ههههههه......
يعطيك العافية .....
اخوكم دوكر المعوكر.............

**المحروم** · 01-04-2008, 11:08 AM

ahlam w sahlan bil a5 dawkar ana jdid bil montada w habib 2it3araf 3layk salam

**دوكر** · 01-04-2008, 06:27 PM

يا هلا بالمعلم المرابط.....
بتشرف بمعرفتك انا.......
يعطيكن العافية ......
اخوكم دوكر المعوكر.............

**حُسَينْ ... !** · 01-04-2008, 10:06 PM

الحمد الله على السلامة يا اخ دوكر

طولت علينا الغيبة ؟
شوا كيف الصحة ؟
منور المنتدى بوجودك

**أيمن غ القلموني** · 01-04-2008, 10:14 PM

رجعة سعيدة أخ دوكر .
إنبسطنا برجعتك.
بالتوفيق .

**دوكر** · 01-04-2008, 10:29 PM

يا هلا بالمعلم ايمن و بالمعلم حسون.......
انتو لي منورين......
الله يبارك فيكم.......
يعطيكين العافية ......
اخوكم دوكر المعوكر...........

**دوكر** · 07-04-2008, 02:14 AM

يا هلا بالجميع.......
هات ت نحكيلكم هل الؤصة لي صارت معي بنص الضيعة ........و كانت ح روح فيا .....ههههههه....عم امزح..............
هادا كان المعلم دوكر لي هوا انا ماشي بالشارع من صوب الءهوة و رايح صوب الجامع الفؤاني.....
ماشي انا كم شب......بأمان الله......الا بسمع صوت من ورا عم يعيط......"دوكر"........"ولا دوكر...."......"و لك ايمتن بدك ترجع ع المنتدى....."........انا هوني نشف ريءي........و عبأ وشي.......و لك كيف هيكا.......من وين عرف....كيف عرف....درت لورا ع البطء........ت اعرف منودا لي عرفني .......و ليش عم يحكي بصوت عالي بالضيعية......ما كان فاي يجي يؤلاي......درت الا بشوف شب من الشباب .......بعرفو بس مني كتير صحبة انا و ياه.....مجرد معرفة سطحية ........وءت لي درت انتهت انو عم يطلع بواحد تاني ......يه يه....منودا....الا بيطلع وحد من الشباب .......دغري رجع لوني .....و بلشت ادحك بألبي.....و لك منو عم يعطلك يا زلمة .....عم يعيط للمعلم "....... ....."ههههه خليها مستورة ....المهم......كملت طريءي و انا عم ادحك ..........
و انا عم فكر انو بصير هيكا ......في دوكر تاني غيري..........ههههه......منا مشكلة ........
يعطيكن العافية ......
اخوكم دوكر المعوكر.....

**الزاهر** · 07-04-2008, 07:06 AM

يا دوكر مو بس في دوكر تاني..........في شي 10 دواكر بالضيعة!!!

الله وكيلك في كم واحد بالضيعة رح يجننوني..........لأني دوكر كمان..........

**دوكر** · 10-04-2008, 12:10 PM

يا هلا بالمعلم أطر....
ههههههه...يعني طلع في دواكر غيري...
يعطيك العافية...
اخوكم دوكر المعوكر...

**nana** · 10-04-2008, 12:26 PM

يعني كل مرة بتغيب وبترجع بطله اجمل من كل مره

**دوكر** · 10-04-2008, 01:40 PM

يا هلا بالست نارا....
الله يبارك فيكي...طلتنا بنستمدى منكن و من الاعضاء الطيبة...
يعطيكي العافية...
اخوكم دوكر المعوكر...

**wassim.h** · 10-04-2008, 02:32 PM

**دوكر** · 10-04-2008, 03:15 PM

يا هلا بالمعلم وسيم...
المنتدى منور بوجدكن....بس بلا مأخزة انتا وسيم ايش؟...h‏ معناتا حليحل...او حبلص...ايش...
و يا هلا فيك...
يعطيك العافية...
اخوكم دوكر المعوكر...

**حُسَينْ ... !** · 10-04-2008, 10:13 PM

سلام عليكم
شوا كيف الصحة ؟
اخي دوكر لما قرأت هذه القصة لم اتمالك نفسي من الضحك

هل تعلم اني احد الدواكر؟

و كثير من الشباب يندرجون على هذه اللائحة

**دوكر** · 11-04-2008, 12:09 AM

يا هلا بالمعلم حسون.......
هههههههههه....كمان انتا دوكر......يأطع خملكن كلكن طلعتو دواكر......
هههههههههههههه........
يعطيكن العافية ......
اخوكم دوكر المعوكر..........

**Nader 3:16** · 11-04-2008, 12:32 AM

طمن بالك من بين هالدواكر في منهم شي حقيقي!!!!!!!

**أمّ البراء** · 11-04-2008, 10:42 AM

شو مهضوم أخ دوكر! أنا صحّ ما بعرفك ...بسّ الحمد للّه ع سلامتك ...وعقبال كلّ لبناني مغترب.... عن جدّ الغربي صعبي...

**яiиda** · 11-04-2008, 02:52 PM

اهلين فيك اخ دوكر وبرجعتك بالسّلامة ونوّرت المنتدى بسّ كلّ هالادّة معاني بأعدتك بدون المنتدى بسّ والله معك حق.سلالالالالالامّ.

**دوكر** · 11-04-2008, 03:04 PM

يا هلا بالست ريندا ....
الغربة صعبة و بس....اه اه.....
و هلا بالست ام البراء....
و الله المنتدى منور بوجدكن و وجود الأعضاء الطيبة...
يعطيكن العافية...
اخوكم دوكر المعوكر...

**دوكر** · 21-11-2008, 02:38 AM

المشاركة الأصلية كتبت بواسطة دوكر

يا هلا بالجميع كيفكن؟........
و لكك شتءتلكن من ألبي من جوا ......ايشودا صرلي زمان مني شايفكم و مني حاكي معكم......و لك ايشودا ياويلاي اديش متغير المتدى هلأ اول ما فتت لاحظت انو في ساحات جديدة و اشياء حلوة ما كانت ابلا........
اااااه........
ايام ........
اصعب فترة كانت وءت لي تركت المنتدى حسيت متل كأنو اطعا مني راحت .......حسيت حالي انأطعت عن الناس لي بحبون عن العالم الأوادم عن ضيعتي بعد ما كنت انأطعت عنا معنويا كمان ........
اااااااه........
وقت لي رجعت على المنتدى ما تذكرت الا انا و راجع ع لبنان و ع الضيعة اول ما نزلت بالمطار و طلعت .....اخ اخ.....
و طلعنا بالسيارة و ع الضيعة .......
بس كلشي لو طعمة تانية هوني .....
هلق بدكن تقلولي الأكل موجود هونك ....اه موجود .....و في انواع اكل ما عندكن منا و فاي و فاي.....بس طعمة البندورة هوني غير......و طعمة الكبيس و الزيتون غير .....و لك حتى لو كنت اخد من هوني معك من هل الأشياء ما بتحس بطعمتا هونيك.....
و لك حتى صوت الست فيروز هوني غير ...........
هوني غنية نسم علينا الهوا .........نسم علينا الهوا من مفرق الوادي ............يا هوا دخل الهوا خدني على بلادي.....لها طعمة تانية صحيح هونك بتبكي الحجار ....بس هوني طعمتا غير..............
و لك ايشودا .....
الحمد لله ..................
ياي اديش عندي اشياء بدي احكيلكن هيا ......
و الله حسيت حالي رجعت عند اهلي التانين .......

يعطيكن العافية......................
اخوكم دوكر المعوكر...............

هادا انا خخخخخخخخخخ.....
يا هلا بالشباب و بالصبايا......
قصدي يا علا فيني و برجعتي على المنتدى ......
ياي.....ايشودا ؟؟
عنجد كأنو الواحد صرو مية سنة منو حكي مع الشباب الطيبة.......
و الله شتءتلكون.......و هي بوسة للشباب......
يعطيكن العافية .....
اخوكم دوكر المعوكر.....

**hadid** · 21-11-2008, 03:13 AM

شو معناتا دوكر ؟؟؟؟

**أبو تراب** · 21-11-2008, 04:15 AM

أنا بالأساس ما عندي وقت فوت كتير على المنتدى وإذا فتت اغلب الاحيان بفتح الساحة الاسلامية،
بس كرمال عينيك الحلوين فتت تسلم عليك،وألك اني احبك في الله
وبتمنا منك تساعدنا بتنشيط هالمنتدى بس ضمن حدود الشرع
الحمدلله على سلامتك

**الريس** · 21-11-2008, 04:37 AM

وبما انو رجع المعلم دوكر هي رجعت أنا كمان

ولك ميت أهلين وسهلين بالمعلم دوكر

يا لطيف اديش متغير المنتدى ؟

هلأ بدي شي شهرين لحتى اتعود عليه ؟

المعلم معتوق بعدو هون ؟؟ ونوا ؟

**دوكر** · 21-11-2008, 04:55 AM

و لك يا هلا بالريس......
شتقتلك يا معلم....
و اهلين و الله بالمعلم ابو تراب......
ؤف ....احبك الله الذي احببتني فيه.....و لك كرمال عيونك المنتدى ان شاء الله ح يشعل.....
و يا هلا بالمعلم هاديد......
بتصور انو معناتا الحب و الوفاء.....و الاخلاص و الشاعرية.......و الفهم و الذكا ....و ......
ههههههههه...
عم نمزح ها......
ما بعرف......
بس اسم و عجبني........
يعطيكن العافية ......
اخوكم دوكر المعوكر......

**lina k** · 21-11-2008, 06:43 PM

سلام, أحببت أن أرحّب بعودة الإخوة "دوكر والريس" ونتمنىّ عليكم ما تحرمونا من مواضيعكن ومشاركاتكن الرائعة............

**amer** · 21-11-2008, 07:14 PM

تحياتي إلك دوكر , والحمد لله على سلامتك .
انو كيف مشتاق تحكي الشباب وانته كنت بيناتن بالضيعة ..

كمان تحية للريس والحمد لله على سلامتك و عودتك الى المنتدى .

**مايا** · 21-11-2008, 07:39 PM

السلام عليكم ورحمة الله وبركاته
اهلا بعودتكما الى المنتدى
مرحباً بكم في موقع ومنتدى بلدة القلمون في لبنان، نتمنى لكم تصفحاً مُمتعاً ومُفيداً

**it's ha** · 21-11-2008, 08:14 PM

السلام عليكم ورخمة الله وبركاته
مع اني ما كتي بعرف اعضاء المنتدى بس يا اهلا وسهلا بالجميع

**hadid** · 21-11-2008, 11:46 PM

المشاركة الأصلية كتبت بواسطة دوكر

بتصور انو معناتا الحب و الوفاء.....و الاخلاص و الشاعرية.......و الفهم و الذكا ....و ......

إذا هيك لح غير إسمي

**دوكر** · 22-11-2008, 12:20 AM

يا هلا بالست لينا......
تكرمي ان شاء الله ح نحاول نكون عند حسن ظنكن بالمشاركات .....
و يسلمو ع الترحيب.....
و يا هلا بالمعلم عامر........
الله يسلمك......
أوية هادي منك ......ههههه....بس ما كل مرة بتسلم الجرة ....خخخخخ....جرب حظك مرة تانية ......لا بد تظبط معك.......
يا هلا بالست مايا ......
يسلمو ع الترحيب.......
و يا هلا بالست اتس ها......اهلين فيكن و الله.......

شو يا معلم هادي خلص هادا اخر قرار ....هههههه....بدك تغير اسمك يعني......

يعطيكن العافية .....
اخوكم دوكر المعوكر.........

**Warrior** · 22-11-2008, 01:07 AM

شو رجعك كنا عايشين بلاك

المهم الحمد لله على سلامتك

**دوكر** · 22-11-2008, 01:15 AM

يا هلا بالمعلم واريور......
ههههههه......
ليش مين ؤال انو ما فيكن تعيشو بلاي.....
انتا يمكن فيك تعيش بلاي .....بس في ناس ماممكن بالمرة خخخخخخ.....
يعطيك العافية ......و الله يسلمك
اخوكم دوكر المعوكر.......

**محمد** · 22-11-2008, 01:22 AM

أهلين بالمعلم دوكر ........
وان شاء الله تكون آخر مرة بتغيب عنا ...........

**الريس** · 22-11-2008, 01:28 AM

أنا بدوري بحب رحب بكل يلي رحبو فيي وبالأخص المعلم عامر ، والحجة مايا ، والحجة لينا

ولك يا عامر اساك بتحب التيار ؟؟؟؟

**nana** · 23-11-2008, 05:52 PM

المشاركة الأصلية كتبت بواسطة الريس

أنا بدوري بحب رحب بكل يلي رحبو فيي وبالأخص المعلم عامر ، والحجة مايا ، والحجة لينا

المشاركة الأصلية كتبت بواسطة الريس

ولك يا عامر اساك بتحب التيار ؟؟؟؟

إذا كنت بدي غير بموضوع ألقاب راح حط لقب بخص شخصية الريس بالمنتدى (مشاغب المنتدى) بس بي نفس الوقت محبوب من قبل الجميع

**دوكر** · 26-05-2009, 10:59 PM

يا هلا بالجميع ...
هادا الموضوع فتحتو بعد اول غياب لاي عن المنتدى .... و لولا الضرورة ...و مشاغل هل الدنيا ما كنت بغيب لحظة عن منتدى الءلمون ... ما كنت تركت الشباب الطيبة ثانية واحدة .... و هلأ رجعت شاركت بهل الموضوع .... بكلمتين ....بتمنى تضل عندكم هل الروح الحوارية ....
بتمنى ترتقو اسا بالمنتدى ... بالفكر ....
موفقين ....
يعطيكم العافية .....
اخوكم دوكر المعوكر .....

**Nader 3:16** · 26-05-2009, 11:08 PM

السلام عليكم.
أسأل الله تعالى أن ييسّر لك ما تتمنى يا اخي دوكر.
كما و نتمنى أن لا تطيل غيابك في كلّ مرّة. فبعض المواضيع بحاجة لردودك وهي لا تتفوّت.

الموضوع: بوسة للكل (ألا الصبايا)......

أدوات الموضوع

عرض

بوسة للكل (ألا الصبايا)......

ضوابط المشاركة