من سيستلم ادارة الثانوية؟؟

[Hassan.D]

كلنا نعلم أن المديرة الحالية للثانوية سوف تغادرنا بعد بضعة أيام و سوف تبدأ المنافسة الشريفة بين مجموعة من الأساتذة المرشحين لهذا المنصب .

فمن برأيكم يستحق أن يكون خلفا للمديرة الحالية و من لديه الكفاءة و الخبرة اللازمة لهذه الوظيفة؟؟

شاركوا معنا في هذا الاستفتاء و أعطونا رأيكم فيمن يستحق فعليا هذا المنصب.

[Nader 3:16]

يا اخي رح يصير اجتماعات موسعة لقيادات اللجنة لتحديد هيك شغلات...
فما رح اقدر جاوبك..
الخميس عنا اجتماع و منبقى منشوف...

[عبد الله]

يمكن حسب رأيي ما يكون ولا واحد من يلي ذكرتون مؤهل لهذه الإدارة بس رح فكر برجع بألك .
سؤال أنا مافيني رشح حالي على هل المنصب ؟ شو لازمكن شهادات أنا حاضر بس صح تذكرت يمكن ما بيطلعوا على شهادات الشخص بس بيهمن مين ضهروا للشخص بالسياسة ولو كان أجلكن ...
أكيد تيار المستقبل مرشح حدى أحسن شي ما إلي إلا الجنرال أو الأستاذ أو نصر الله بركة بيدعموني وساعتا الأبضاي يفرجيني عضلاتوا.
شو رأيكم يا أوادم بالفكرة جهنمية ما هيك ، من هلأ كل واحد بالمنتدى يجهز أوراقوا لأن رح كحش كل يلي بالثانوية ووظفكن محلن. هلأ شو رأيكم بالفكرة ؟

[яiиda]

هلآ مين ما استلم الادارة المهم يكون منيح وان شاء الله كلّ المترشّحين مناح مهيك؟؟؟؟؟؟؟؟

[عبد الله]

لاءءء ماهيك
ما في ولا مرشح منيح

[яiиda]

هلأ الله اعلم .....و كمان انا ما بعرف حدن منّن لانّي ما بعرف حدن باْل(name(تاعو
و انا ألت ان شاء الله يعني بتمنّا ....بسّ ليش هالجواب الاكيد والواثق منّو.....
سلام.

[عبد الله]

يمكن يكون جواب متسرع بس
لحنا المدير شو بدنا مواصفاتوا
مثلا إذا مع التيار فبين الاسماء في كتير
إذا مع التيار التاني يمكن بين الاسماء في واحد
إذا ميشان يشيل الثانوية من الفساد يلي مستشري فيها فبين الأسماء ما في حدا
يعني حسب ...
بس بعتقد إنو ما حدا هدفوا لا الثانوية ولا تلاميذا وكل هدفن بيكون سياسي ومحسوبيات .

[أيمن غ القلموني]

بعتقد الإستاذ سمير الحج ، وذلك لعدة أسباب :
١ ـ هو قريب من عائلة قبيطر ، ومساند لتيار المستقبل ، وفهمكن كفاية .
٢ ـ كان ناظر ويعلم بخبايا المدرسة وأسرارها.
٣ ـ هو من أقدم الأساتذة وأكثرهم خبرة في المجال العلمي.

هذا بدون تفصيل.

أما إذا بدك رأيي ، فالأفضل للمنصب هم : الأساتذة : حبيب حليحل ، أحمد فلو ، سمير الحج وعبدالحليم غنوم ؛ هذا رأيي مع إن بعرف إن أبي منو بالوارد ، وحبيب حليحل وأحمد فلو كمان هك ، لإن لو مهتمين كانوا أدموا ؛
فمن يبقى إذا ، الأستاذ سمير الحج .

[عبد الله]

بصراحة الموضوع مهم .
الآن وبعد نهاية صلاحية المديرة نعمة دنكر يستلم ادارة الثانوية بالوكالة الأستاذ سمير الحج لحين أن يتم تعيين المدير(ة) الجديد

[وسيم أحمد الفلو]

أنا أؤيد وصول الأخ سامح الأبيض لأن الثانوية بحاجة لعنصر شاب.

[Hassan.D]

أنهت مديرة الثانوية فترة خدمتها , لتنتقل بعد ما بذلت من جهود الى الراحة و الاستقرار في المنزل مع ابنتها الوحيدة .

و قد أقيم حفل تكريم للمديرة في مطعم الفيصل حضره مجموع الأساتذة بالاضافة الى الأستاذ وائل التنير ممثلا عن وزير التربية و قد ألقي في الاحتفال بعض الكلمات التكريمية.


هي المديرة التي لم تهب الصعاب بل ذللتها لتنتقل الى المبنى الجديد و لتنقل باذن الله مستوى البلدة العلمي الى مرحلة جديدة. فلها من أهالي القلمون ألف تحية و تحية.