هل المنتدى كذلك؟؟؟

[محمد]

السلام عليكم
نسمع الكثير من الكلام عن المنتدى ، (شي منيح وشي لأ)
يعني بآخر فترة كل يلي سمعتن عم يحكو عم يقولو

ما في شي بهالمنتدى إلا تق الحنك والكلام الفاضي !!!

أنا بقول أنه المنتدى لو بس كل واحد كتب السلام عليكم للتاني بيكون ألف خير وبركة.
يعني الصداقة والأخوة يلي كوناها على المنتدى أحلى من ألف موضوع يمكن يخطر عبال أي واحد.
أنا لمن بسمع أخت تحجبت (وانشاء الله بيكون المنتدى له أثر بذلك) بطير من الفرح

-- ألف مبروك للأخت نارا لأن نسيت هنيها--

وبعض الأخبار عن أهل الضيعة منها ما هو مفرح ، ومنها ما هو محزن.
يعيني باختصار هناك سؤال لكل الأعضاء:
هل ترى أن المنتدى وقت ضايع؟؟؟؟؟؟
هل استفدت من هذا المنتدى ؟؟؟
ماذا ترد على كلام الناس الفاضي؟؟؟
نحنا لازم نشكر القيمين عالمنتدى ونقلن أنه :
لازم تعرفوا أنه بالقلمون ما حدا بياخد حقوا حتى بالكلمة لمنيحة
وأكيد مش ناطرين أجر من العالم ...........
نشكركم وبنقلكن الله يبارك فيكن.

[الزاهر]

يا هلا بيك أخي محمد


في فكرة يغفل عنها الكثير ممن يتبنون هذا الرأي..........وهي أن المنتدى ما هو سوى "أداة" وأنت عندما تقيم ............لا يمكنك أن تقيم الأداة............فلقد عمل عليها أناس حتى صقلوها وحسنوها لتصلنا بهذه الحلة (أقصد من برمجو برنامج المنتدى).............لذلك فالمنتدى تحفة ..........


لكن التقييم يكون لمستوى النقاش والمشاركات ومستوى الأعضاء الفكري.............والذي يقول المنتدى لتضييع الوقت فقد ظلم أناسا لو علم ما تعنيه هذه الكلمة حقيقة لما عاد يجرؤ بأن ينظر في وجوههم!!!.

فتخيل نفسك تقول للمهندسة خالتي ساميا الأبيض مواضيعك وكتاباتك كلها بايخة......ومضيعة وئت......أو أنك تقول للأخ الكريم أبو حسن مشاركاتك بدون فائدة........هل تجرؤ على قولها في وجههم؟؟

والذي يقول أن المنتدى بايخ وما فيه شي بيفيد..........يتفضل يفرجينا شو هو الشي المفيد ويتسجل ويغني المنتدى بالفكر النير اللي عندو!!!!


وإجابة على سؤالك الثاني ........ماذا إستفدتُ؟؟........بيكفيك تشوف مشاركاتي القديمة منذ عام فقط............ومشاركاتي الجديدة وبتعرف شو استفدت!!!............

وبشهادة عدة ممن تعرفو حديثا على المنتدى والقدامى ..........فإنه حاليا والحمد لله ذو مستوا جيد والنقاش فيه هادف ...........الحمد لله
وعبارة سمعتها من أحد الإخوة .............."لك لازم كل القلمون تتسجل.............لأنو بيفيد كتير"..............


والسلام عليكم

[أيمن غ القلموني]

المنتدى هو من أجمل وأحلى المشاريع التي حصلت في القلمون.
بكفيك إنو بخلي المغترب حاسس حالو إنو إساتو بضيعتو ؛ هذا إذا ما حكينا عن الفوائد الثقافية والعلمية ، وثقافة الحوار والنقاش التي ينشرها بين الأعضاء .
كمان لا يخلو الأمر من بعض التسلية الهادفة.
يعني عمل مميز ، وبورك بالقائمين عليه وجزاهم الله خيرا وكان هذا العمل في ميزان حسناتهم ، إن شاء الله تعالى.
ويللي عم يعترض ومنو عاجبو ، فببساطة ما يفوت على المنتدى .
لكم جزيل الشكر أخي محمد.

[nana]

الله يبارك فيك وشكر إلك

وبالنسبه لموضوعك بقلك من خلال منتدى القلمون تعلمت لغة الحوار والنقاش الجدي وانطر الأشخاص يلي بجيدو التعليق والمثقفين لإعطاء ر أيون بموضوعي أو رد من ردودي لأحد المواضيع
ايا سؤال كان بجول ببالي وبدي جواب كنت اعرف جوابي من خلال الأعضاء بالمنتدى
تعلمت أدرس شخصية ونفسيت الإنسان من خلال كتابتو للمواضيع وطريقة انتقادو للأعضاء
وفعلا شغل مهمه إنو متل ما سبق وقال الأخ أيمن بحسس المغتربين إنو بعدون بالضيعه ماغابو عنا او عن اهلها من خلا ل الاخبار وبتشكر كل القائمين على إنجاح المنتدى والله يعطيون العافيه وبوركتم على مجهودكم

وآخر شيء بحب اختم كلامي رب أخ أو أخت لك لا تعرف اسمه ولا شكله !

[دوكر]

يا هلا بالمعلم محمد......
موضوع مهم ......سمعت متل هل الحكي .....بس ما عطيتو اهتمام بتعرف ليش .....لأني لي حكيو شوف ايشوا وضعون .....شوف ايشيا موضيعون لي بتقو هنا حنك فيا......كلشي بهل الدنيا فيك تخليه يفيد و فيك تخلي يضر......انتا كلامك.......مضيعة للوءت؟.......اه ازا اعد تحكي كلام ملو طعمة........بس وءت بتحكي فائدة هوني ......و بتحكي مع فلان كلمة تخفف عنو .....و مع علان كلمة بتدلو ع فكرة منو منتبهلا .....و مع هدا ....و مع هداكا....اه اكيد في فائدة.........
و انتا ؤلتا ......المنتدى بيعمل نوع من الصدقة .....بخليك تخطلط بالعالم ازا كنت معتر متلنا .....ازا كنت مسافرلك ع شي بلد......بتحكي مع حدا ألموني....و هادي من طبيعتنا .....الألامنة وين ما روح بلوفو ع بعضون........هههههه......
يعني ما بعرف ليش في عالم شغلتون يءافو و ينسفو ايا عمل ........هيكا كل واحد منون بيعد ينظر ع العالم من بعيد بس تعا ع تطبيؤ .......ما عندو شي........
ف انا لي بشوفو انو المنتدى ساحة فينا نحولا نحنا لمحل لحوارات هادفة و مفيدة .......
و هو هلأ حسب مني شايف ماشي بهل الشي.........
و سألت يا معلم محمد كنو استفدنا من المنتدى.....انا من جهتي استفدت كتير........الحمد لله.....أول فائدة اني اتعلمت كتير حول التعامل مع العالم و فهم النفسيات .........
و اسفدت من كتير افكار حكيوا اعضاء .......
و كتير اشياء.......
يعطيك العافية .......
اخوكم دوكر المعوكر......................

[The Angel]

أنا بالنسبة الي ما بسمع هيك حكي لأن ما بهمني , المهم أنا مئتنعة بلي عم أعملو ... و مين ما حكا يحكي هو حر , بس انا ما بكون مع وجهة نظرو , و الأغلبية يلي بيحكو هيك حكي بكونو مش فايتين على المنتدى ولا مرة , يعني كيف بيحكمو على شي مش مجربينو!! و اذا في عالم فاتو و ألو هيك هيدا رءيون , يسطفلو ...
انا صح انو ما صرلي كتير بالمنتدى , بس بحس اني استفدت , عرفت طرق تفكير العالم , و معرفة التناقش و أمور دينية كمان و .... و صراحة بحب المنتدى كتير و بحس انو لما دخلت على المنتدى كانت شغلة كتير منيحة بحياتي الحمدلله ....

مشكور على الموضوع , سلام...

[محمد]

الله يبارك فيكن جميعاً
لازم يعرف القيمين عالمنتدى أن الأعضاء حبو المنتدى، وليس ذلك لجماله وبس، أو لمواضيع الحلوة يلي في ، كمان في شغلة بتنجح كل عمل وهي :

الإخلاص

انشاء الله يكون المنتدى قايم عالإخلاص- أنا بشوف هيك- لأن الحمد لله ناجح وعم يقدم.
وانشاء الله يكون هالعمل بميزان الحسنات لكل من ساهم في انجاحه.