محاضرات المسجد الغربي

**محمد أحمد الفلو** · 05-05-2008, 11:53 PM

السلام عليكم
أخبرني الشباب في القلمون بأن هناك ثلاثة دروس أسبوعيا في المسجد الغربي ...
للمشايخ : جمال الظنط (سيره) رائد حليحل (حديث ) فراس بلوط (زكاة)
وبما انو نص الشباب يلي كانوا يحضروا الدروس مسافرين ... فليش يا شباب المسجد يلي بيحضروا الدروس ما بتسجلوا و بتحطولنا ياها عالمنتدى ... هيكه منصير منتشجع نسمع دروس ...
صحيح الانترنت مليان محاضرات ... بس لما بيكونوا من القلمون ... مع أصوات منعرفا ... ويمكن مع صوره ... منتشجع أكتر

وإزا قلتو الانترنت بطيئ ... ف عطون لحدا عندر انترنت سريع ... يعني لو وصلت المحاضره متأخره أسبوه منا مشكله
ناطر جواب من شباب المسجد

والله يبارك فيكن سلف

**حُسَينْ ... !** · 06-05-2008, 09:11 PM

شيخي حميطون ان شاء الله هي مسألة وقت و توفر انترنت بسرعة مقبولة ان شاء الله

**محمد أحمد الفلو** · 18-05-2008, 01:40 AM

يا شباب .... وين المحاضرات ؟؟؟

**دوكر** · 18-05-2008, 03:46 AM

يا هلا بالجميع............
و لك في محاضرات بالجامع الفوؤني...........؟؟؟؟؟؟؟......
ويننا يا شباب ......؟؟؟؟
حطولنا هنا و خلونا نستفدلنا شوية ..............
يطيكن العافية .............
اخوكم دوكر المعوكر..............

**kata2eb** · 19-05-2008, 05:34 PM

*** يا حميطون ..... بلاها

والله في محاضرات كانت حلوة

حرام ما تنحط

**الزاهر** · 20-05-2008, 01:35 AM

ابن نبيل............هات 50 دولار بالشهر + 300 دولار دفعة أولى...........ومستعد بثلك ياهم مباشر.............

..............لك برمنا الشمال اليوم عإنترنت بينرفع منو وما مشي الحال!!!..........تذكر إننا عايشين بلبنان!!!

**محمد أحمد الفلو** · 20-05-2008, 01:42 AM

المشاركة الأصلية كتبت بواسطة الزاهر

ابن نبيل............هات 50 دولار بالشهر + 300 دولار دفعة أولى...........ومستعد بثلك ياهم مباشر.............

..............لك برمنا الشمال عإنترنت بينرفع منو وما مشي الحال!!!..........تذكر إننا عايشين بلبنان!!!

صلاح الفلو عندو انترنت سريع جدا بالشركة .... عملولن ضغط بملف واحد... وعطوا ياهن كل فتره ... وهو بيحطن من لبنان عندي عالكمبيوتر ب فرنسا وأنا بنظّمن ان شاء الله عالموقع

شو يا صلاح ؟ منك مستعد ؟؟

**صلاح الفلو** · 20-05-2008, 10:30 AM

السلام عليكم
أنا مستعد للرفع فقط

**الزاهر** · 20-05-2008, 10:38 AM

المشاركة الأصلية كتبت بواسطة صلاح الفلو

السلام عليكم
أنا مستعد للرفع فقط

وهو مو لازملنا غير رفعهم............هلأ منشوف كيف مندبرها ومع مين

بس يا شباب نحنا ما بدنا سمكة..............بدنا نتعلم الصيد!!!........لأن هادي أهم مشكلة تحد إنو ينحط نشاطات من القلمون عالنت!!!

**أبو حسن** · 20-05-2008, 11:22 AM

المشاركة الأصلية كتبت بواسطة وسيم غنوم

على كل المحاضرات يلي صاروا معكون لحد هلأ ، ما تنطروا لحتى نلتقى ،ودولي هنة على المايل ، وأنا إن شاء الله برفعهم من الشغل .

لو فيهم يودوهم على الإميل كانوا رفعوهم من زمان

**Nader 3:16** · 20-05-2008, 03:03 PM

السلام عليكم...
بالاضافة الى المحاضرات في المسجد الغربي هناك حلقة تجويد في المسجد البحري مع الاخ فراس طوط كل يوم احد بعد المغرب مبدئياً..فالشباب يلي بحبوا يلتحقوا بالحلقة اهلاً بكم.
و انا مستعد سجّل كل مرة ولو 10 دقائق عال mp4 و ارفعهم عالمنتدى اذا كان حدا بهمّوا الأمر.

**محمد أحمد الفلو** · 20-05-2008, 03:35 PM

المشاركة الأصلية كتبت بواسطة صلاح الفلو

أنا مستعد للرفع فقط

وأنا بكبس إن شاء الله

**حُسَينْ ... !** · 20-05-2008, 03:45 PM

السلام عليكم و رحمة الله و بركاته

اولاً عذراً على التأخير ( عذراً كثيراً يعني

بس هي مشكلة وجود انترنت و توفره من اجل رفع الملفات )

ان شاء الله هذا الموضوع سوف يكون فيه دروس للشيخ رائد حليحل و التى يعطيها في المسجد الغربي كل سبت عقب صلاة العشاء و الدروس في صحيح البخاري
سيتم وضع الدروس ان شاء الله اسبوعياً ( اكيد مع تأخر اسبوع تقريباً عن الدرس يعني ليس بث مباشر

)
( ملاحظة : نطينا عن الدرس الاول لأنه كان فيه كلام حول مسائل ليس لها علاقة بالموضوع و فيه نوع من التأسيس للدروس يعني عم يتفقوا على الوقت و كيفية و المواضيع لي بدا تندرس و هيك و ....)

بسم الله

الدرس الثاني

**روعة** · 20-05-2008, 10:28 PM

أنا مستعدة للمساعدة في الرفع خلال الأسبوع

بس عندي شرط:

قنعوا الشيخ رائد يخلي الأخوات يحضروا الدرس عالسدة!

**حُسَينْ ... !** · 20-05-2008, 10:46 PM

مشكورين على عرض المساعدة
و ان شاء الله بنشوف شفينا نعمل

**روعة** · 20-05-2008, 11:08 PM

أنا سمعت أنها دروس في شرح صحيح البخاري و هو أمر يحتاجه الجميع

أما دروس خاصة بالأخوات فيوجد درس تزكية جميل في نادي الإيمان كل أحد في الساعة العاشرة مع الأخت إمل القص(دعاية)

**الزاهر** · 21-05-2008, 12:35 AM

المشاركة الأصلية كتبت بواسطة روعة

بس عندي شرط:

قنعوا الشيخ رائد يخلي الأخوات يحضروا الدرس عالسدة!

ليش مين ألكم منو مقتنع؟؟؟................

**محمد أحمد الفلو** · 21-05-2008, 12:40 AM

الله يبارك فيك يا أخ حسين ... أنا سمعت الدرس الأول وناطر المزيد
بس عندي طلبين ... إنو تعرّفوا المشايخ إنو عم تحطون عالنت والشباب عم يسمعون
والطلب التاني انو ما ينسو وقت الدعاء انو يدعوا لنوعين من الشباب .. لو كانوا بالضيعه كانوا حضروا الدروس ... نوع منن بدن دعاء الله يثبّتن ... والتاني الله يفك سجنن

و سألي الشيخ رائد ... هو قال بالمحاصره انو بينصح بوقت الفراغ بقراءة المجلات الإسلاميه المفيده ... أحسن من العلم يلي ما بيتطبق على أرض الواقع ... فعلى أي علم قصدو ؟؟؟

الله يبارك بكم من جديد ... وبانتظار المزيد

**kalamouni2** · 21-05-2008, 12:01 PM

السلام عليكم

شيء جميل هذا الحرص على دروس العلم وشيء مميز وملفت للنظر هذا الحرص في هذا الزمن والأجمل هو حرص الاخوة والاخوات فبارك الله فيكم وفيكن ولكن عندي طلبان أو نصيحتان لي ولكم :
أما الأولى:فهي الحرص على العلم الذي يورث العمل والخشية من الله تعالى.

أما الثانية:فهي السعي إلى وحدة الصف بين العاملين في حقل الدعوة وإن اختلفوا في بعض الجزئيات وأن يتعالى الجميع عن بعض الهفوات أو الأخطاء التي يقع فيها البعض في حق إخوانه أو الأخوات.

ما قيمة العلم إت ينعكس عملاً خالصاً وصادقاً؟
ما قيمة العلم إن لم يورث الخشية من الله سبحانه؟
ما قيمتنا وقيمة علومنا مهما بلغت إن لم نكن أخوة متحابين متعاونين؟

ولننظر إلى الآخرين فضلاً عن النصوص الكثيرة التي تأمرنا بذلك.

بارك الله فيكم وأنا على ثقة بانكم حرصون كل الحرص على ذلك ولكن المبادرة والمسابقة...

**أيمن غ القلموني** · 21-05-2008, 10:15 PM

إذا ممكن إنو الشيخ رائد يرجع يعيد السؤال أبل ما يجاوب ، ميشان نعرف السؤال .

وبارك الله بجميع من يساهم وساهم في هذا العمل.

**حُسَينْ ... !** · 22-05-2008, 07:27 PM

السلام عليكم

مع الدرس الثالث

و ان شاء الله كل المطالب سوف نوصلها للشيخ

**روعة** · 22-05-2008, 11:50 PM

لم يفتح معي الدرس

**أيمن غ القلموني** · 22-05-2008, 11:55 PM

أنا نزلتا وسمعتا .

إنتو بلبنان بدكون تصبرو.

بارك الله بجميع من يساهم في هذا العمل .

**روعة** · 23-05-2008, 12:09 AM

مشي الحال هلأ
الله يبارك فيك أخ حسين على الرفع

**محمد أحمد الفلو** · 25-05-2008, 01:13 PM

من جديد .... بارك الله بكم على رفغ المحاضرات

ولي تعليقان على الدرس الدرس الثالث ... أولا في بداية الدرس أخطأ الشيخ بآية ( شهد الله أنه لا إله إلا هو والملائكة وأولوا العلم قائما بالقسط ) فأسقط الشيخ كلمة الملائكة من الآية وما نبّهه أحد ( يعني حد علمي نص الشباب يلي بيحضروا الدرس حافظين آل عمران

ثانيا : هل يقال في اللغة العربية عند انتهاء وقت الدرس (الدقيقه 55 ) .. أوشكنا على النهايه ،، أو أوشكنا على الإنتهاء ؟؟؟

وأخيرا سؤال : مينو هادا الشيخ أحمد يلي بيقرا الأسئله ؟؟ وليش ما بيقعد حد الشيخ مشان يطلع صوتو بالتسجيل ؟؟

والله يبارك فيكن ... وبدنا دروس المشايخ البقيه

**عمار الفلو** · 25-05-2008, 07:48 PM

المشاركة الأصلية كتبت بواسطة 7maytoun

وأخيرا سؤال : مينو هادا الشيخ أحمد يلي بيقرا الأسئله ؟؟ وليش ما بيقعد حد الشيخ مشان يطلع صوتو بالتسجيل ؟؟

هادا أحمد محمد الشقرة ( أكيد عرفتو مهيك )

**محمد أحمد الفلو** · 25-05-2008, 10:41 PM

المشاركة الأصلية كتبت بواسطة عمار الفلو

هادا أحمد محمد الشقرة ( أكيد عرفتو مهيك )

انو كيف بدو يخطر عبالي ... وما حدا بيقلوا شيخ بالعاده
بس دخلك الشيخ وسيم ما عم يحضر ؟؟

**عمار الفلو** · 26-05-2008, 12:41 AM

الشيخ وسيم وقتو مبيسمحلو

**محمد أحمد الفلو** · 26-05-2008, 01:26 AM

**Hassan.D** · 28-05-2008, 03:45 PM

ماشاء الله , الله يزيدن و يفيدن.
بارك الله فيك يا أخ حسين و بجميع العاملين على نشر هذا الخير.

**محمد أحمد الفلو** · 10-06-2008, 05:52 PM

وين المحاضرات يا شباب ؟

**حُسَينْ ... !** · 20-06-2008, 07:39 PM

السلام عليكم
الدرس الرابع

**حُسَينْ ... !** · 20-06-2008, 08:23 PM

الدرس الخامس
و عذراً على التأخير

**محمد أبو أيمن** · 20-06-2008, 09:41 PM

السلام عليكم
تقبل الله منكم هذا الجهد الطيب وجعله في ميزان حسناتكم يوم القيامة

**Amal** · 22-06-2008, 03:28 AM

الله يجعل عملكم هذا في ميزان حسناتكم يوم القيامة.
و السلام عليكم و رحمة الله و بركاته.

**حُسَينْ ... !** · 24-06-2008, 07:45 PM

الدرس السادس

**حُسَينْ ... !** · 04-07-2008, 08:25 PM

السلام عليكم و رحمة الله و بركاته

الدرس السابع

هذا هو اخر درس حتى الآن فالشيخ جزاه الله عنا كل خير كان في سفر

**أبو حسن** · 04-07-2008, 08:58 PM

يا سيد حسين،

ألف شكر على الملفات بس ...

ضيعتنا يا زلمة ...

آخر درس إسمو "الدرس الثامن" ورقمو 008

تمام

بس الدروس يلي قبلو دائما الرقم = الإسم + 1

يعني: الدرس السادس رقمو 007

والدرس الرابع رقمو 005

فأيهما أصح ؟؟؟

**حُسَينْ ... !** · 05-07-2008, 01:44 AM

السلام عليكم و رحمة الله و بركاته

و فيكم بارك الله

ملاحظتك في مكانها اخي ابو حسن و هي صحيحة
و لكن الخطأ مطبعي

فهذا الدرس هو السابع و ليس الثامن
تم تعديل المشاركة السابقة

**أبو حسن** · 05-07-2008, 10:57 AM

بارك الله بكم أخي حسين وليتكم تعدلون أرقام الملفات ...

**أبو حسن** · 14-11-2008, 07:57 PM

شو رجع صار معكم ؟

**الزاهر** · 15-11-2008, 12:53 AM

الشيخ موئف يا أبو حسن ...

... الشباب مش مأصرين !!!
لكن عأساس تعود الدروس قريبا

**عمار الفلو** · 15-11-2008, 03:05 AM

انا سئلت الشباب و قال انو هلق مفي ولا درس .
والشيخ رائد واعدن يرجع يكفي بعد الحج إن شاء الله .

الموضوع: محاضرات المسجد الغربي

أدوات الموضوع

عرض

محاضرات المسجد الغربي

مستعد

صوره من درس الشيخ رائد حليحل

وين المحاضرات يا شباب ؟

ضوابط المشاركة