النشيد الاسلامي بين الاصالة و التجديد

[Nader 3:16]

السلام عليكم..كيف الشباب؟؟؟؟اليوم حابب اطرح عليكم موضوع للنقاش حول النشيد الاسلامي..و يلي مر بعدة مراحل حتى وصل الى ما هو عليه .فالسؤال هو هل بحسب رأيك النشيد الاسلامي اليوم في تراجع ام أنه في تطور؟؟؟؟ ام ان لكل حقبة زمنية اسلوب من الانشاد الخاص؟؟؟ننتظر مشاركتم.

[الزاهر]

الرجاء ممن لم يعجبه الموضوع عدم إتحافنا بمشاركته القيمة!!!!



وبالعودة للموضوع:

السلام عليكم..كيف الشباب؟؟؟؟اليوم حابب اطرح عليكم موضوع للنقاش حول النشيد الاسلامي..و يلي مر بعدة مراحل حتى وصل الى ما هو عليه .فالسؤال هو هل بحسب رأيك النشيد الاسلامي اليوم في تراجع ام أنه في تطور؟؟؟؟ ام ان لكل حقبة زمنية اسلوب من الانشاد الخاص؟؟؟ننتظر مشاركتم.

بالنسبة للنشيد الإسلامي أخي نادر أنا أرى بأنه في تطور كذلك لكل حقبة أسلوبها

فيمكنك أن ترى بكل وضوح الفيديو كليبات الخليجية الجديدة والأناشيد التي ترافقها.............بداية الأنشودة تتحدث عن قضايا لم تكن تتحدث عنها بهذه الطريقة سابقا.....ثم إن الفيديو كليب يساهم في أيصال الأفكار وإعطاع شخصية للنشيدة

وترى المنشد أبو الجود قد تغير أسلوبه...........تطور.......ولو أنه من أكثر المحافظين على أصالة النشيد حاليا

ويبدو من سؤالك رغبة في تقييم النشيد الإسلامي في هذه الأيام ومقارنته مع الإنشاد سابقا............باعتقادي المقارنة العادلة غير ممكنة.......فالنشيد الأصيل من اختصاص أهل الشام......والنشيد "العفشيكة" من إختصاص أهل الخليج.......بمعظمهم كي لا نظلم بعضهم!!!!

ولا يمكن بأي حال من الأحوال مقارنة هذا بذاك


وفي أيامنا هذه يطغى النشيد العفشيكة لتوفر قطعان (مش بس رؤوس) الأموال عند أهل الخليج فبتفوش أناشيدهم عالوش ولو كانت بشعة لكثرة ما يكون هناك دعاية لها وووو

والسلام عليكم

[أبو النكد]

الرجاء ممن لم يعجبه الموضوع عدم إتحافنا بمشاركته القيمة!!!!

اذا كان قصدك علي فأن مستعد لترك المنتدى اذا كان هذا ترحيبكم بي و هذا الترحيب اعتبره حاراً من الأدارة مباشرة
شكراً لكل يا مراقب يا الزاهر

[محمد الكوسا]

الرجاء ممن لم يعجبه الموضوع عدم إتحافنا بمشاركته القيمة!!!!

وبالعودة للموضوع:

بالنسبة للنشيد الإسلامي أخي نادر أنا أرى بأنه في تطور كذلك لكل حقبة أسلوبها

فيمكنك أن ترى بكل وضوح الفيديو كليبات الخليجية الجديدة والأناشيد التي ترافقها.............بداية الأنشودة تتحدث عن قضايا لم تكن تتحدث عنها بهذه الطريقة سابقا.....ثم إن الفيديو كليب يساهم في أيصال الأفكار وإعطاع شخصية للنشيدة

وترى المنشد أبو الجود قد تغير أسلوبه...........تطور.......ولو أنه من أكثر المحافظين على أصالة النشيد حاليا

ويبدو من سؤالك رغبة في تقييم النشيد الإسلامي في هذه الأيام ومقارنته مع الإنشاد سابقا............باعتقادي المقارنة العادلة غير ممكنة.......فالنشيد الأصيل من اختصاص أهل الشام......والنشيد "العفشيكة" من إختصاص أهل الخليج.......بمعظمهم كي لا نظلم بعضهم!!!!

ولا يمكن بأي حال من الأحوال مقارنة هذا بذاك

وفي أيامنا هذه يطغى النشيد العفشيكة لتوفر قطعان (مش بس رؤوس) الأموال عند أهل الخليج فبتفوش أناشيدهم عالوش ولو كانت بشعة لكثرة ما يكون هناك دعاية لها وووو

والسلام عليكم

لله يسامحك يا زاهر...
هادا تهجم واضح وصريح ع اناشيدنا!!!
عم فكر اعمل تصويت عند ستّي ت نكحشك من العيلة و من الحارة!!!
شباو ابو عبد الملك والعفاسي و ابو خاطر والحسيّان و......
ما عادو بيعجبوك؟؟؟
بعد ما سمعتك يا زين هب النسيم كيف لاك الب تحكي هالحكي؟؟
ما بتخاف الله؟؟
ما في إلا ابو ال... والشاميين؟؟؟؟

[عمر ملاط]

اذا كان قصدك علي فأن مستعد لترك المنتدى اذا كان هذا ترحيبكم بي و هذا الترحيب اعتبره حاراً من الأدارة مباشرة
شكراً لكل يا مراقب يا الزاهر

والله أعلم.. انو الأخ زاهر ما قصد شخص معين... بالعكس... هو كتير احترم الاثنين يلي جاوبو... وما طلب حذفن أو حذفن...

لأن من أهم القوانين بالمنتدى حسب علمي... انو يلي ما بيعجبو موضوع أو بلاقي حالو مش مهتم... ما في داعي يعبر... لأن يلي رح يعجبو رح يعبر...

وأما من يعتبر نفسو كتير رفيقو لصاحب الموضوع وحب يتغالظ عليه... فيتغالظ عليه لايف... مباشر... مش هون بالمنتدى.....

مش لايق أبدن انو واحد طرح موضوع والباقيين يسفهو فيه... كل واحد عندو اهتمام وحر فيه... ومثل ما حضرتك يا سيدي أبو النكد عندك اهتمام بالأغاني يلي تروح النكد... غيرك عندو اهتمام بالأغاني يلي تجيب النكد... وكل واحد حر بنفسو

[عمر ملاط]

أما بالنسبة للموضوع الأساسي...

أكيد ما فيك تشبه الأناشيد هلأ بالأناشيد القديمة.... ليش؟ لأن كل فترة لها سميعتها.... وكل منطقة لها سميعتها...

مثلا أنا لما بسمع بو خاطر عم يمغط بالكلام وبختنق... غيري من الخليجيين خاصة... يحس بنشوة ما بعدها نشوة.... مثل ما أنا لما بسمع مثلا ابو الجود عم يقول: علمتنييييييييييييييييييييييييييي رفة الأطيار... وبجن على صوتو... في ناس بجنو لما بو خاطر بقول: زوجتيييييييييييييييييييييييييييييييييييييييييييييي يييييييي بالوقت يلي أنا بنتحر.....

ومثل ما أنا لما بسمع ابو دجانة عم يقول أذن بلال وأسمع الجوزاء... وبطير
غيري بيسمع العفاسي هو وعم يقول أنا العبد الذي كسب الذنوبا....

وهيك...

اللهجة تختلف... وبالتالي الذوق يختلف....

أنا إذا بشوف واحدة سوداء ما إلي نفس اطلع فيها (مش تكبر)... بالوقت يلي الأسود بشوفها ملكة جمال....


أنا إذا بقدمولي صحن صيني كلو فليفلة... بموت.... بالوقت يلي الفيلبيني بجن عليه....

وقولة الأخ زاهر.. الأمر كمان بيرجع للدعاية... والرعاية والأموال...

لاحظ معي إنو أفشل تسجيل بالوقت الحالي هو تسجيل أبو الجود .. يعني بأناشيدو الجديدة عندو كم أنشودة بعقدو... لو سمعتن منو لايف... بس لما تسمعن بالتسجيل تحس تسجيلو رديء جداً.... ولو سجلن بلا مؤثرات كان أحسن بكتير... وحتى آخر مرة لما عمل الفيديو كليب.. اضطر يعملو على النمط الخليجي... وبالتالي نجح معو.... كتصوير وإبداع... بس بالنسبة لي الأداء ما كان موفق فيه.. لأن ما فيه ايقاع.... ليش لأني أنا بحب أناشيدو يلي فيها ايقاع....

مثل ما نحنا عشنا وحبينا أبو الجود لأن سمعناه عن زغر..... هلأ يلي بيسمعو ابو الجود الحالي عن زغر... ما رح يعجبهم ابو الجود القديم... أو بربور مثلا يلي بدك ساعة تهجي الكلمة يلي قالها حتى تفهمها....

الحياة والتربية لهن أثر كبير.... والله أعلم... خلص حكيت كتير.. حاجتني اتفلسف بقا

[أبو النكد]

بلشنا حذف شكلنا هلأ لأني عطيت رأي بتحذفولي؟ شحكيت برا الطرق؟

[عمر ملاط]

أعتقد أنه صار معلوماً لدى الجميع أن تسفيه المواضيع يعتبر خارجا عن الطريق... كما أن الخروج عن الموضوع يعتبر أيضا خارجاً عن الطريق....

وانت يا أبا النكد استخدمت السببين معاً... فلقد سفهت الموضوع ببداية المشاركة... ثم دخلت في موضوع آخر وهو الأغاني والحب والعشق والغرام والهيام....

لك الحق في أن تفتح موضوعاً لما يهمك من الأشياء... وسوف أحذف بنفسي كل من يخرج عن موضوعك...

يمكنك الآن ان تلاحظ أن الموضوع صار نقاشاً بين المشرفين والأعضاء والمراقبين... والردود التي ليست في صلب الموضوع أكثر من الردود التي في صلبه... فهل ترضى أن تصبح مواضيعك هكذا؟

وإذا كان أخي نزيه خداج يقول: مائة وردة.... فدعني أقول: ألف وردة معلمي أبو النكد

[أبو النكد]

شكراً يا مشرف عمر ملاط انا لم اخرج عن الموضوع انا تكلمت عن الأغاني و الأنشاد يعتبر جزء منها و هو مثل القسم الديني من الأغاني و لكن لا ادري انتم على اي اساس تحذفون سامحكم الله
شكلوا هنالك اتفاق ضمني على فرض الأراء بالقوة في المنتدى و كل ما هو خارج عن رضا بعض الادارين يحذف فوراً هذا ما لاحظته

[Nader 3:16]

السلام عليكم...
و نرجو من الاخوة عدم الخروج عن الموضوع الاصلي..

اوافقك يا اخي عمر ان لكل حقبة سمعيتها...
لكن ارى من وجهة نظري ان النشيد الاسلامي بدأ يبتعد شيئاً فشيئاً عن الاصالة و حتى المنشدين بدأوا يواكبون التجديد بالنشيد امثال (أبو راتب و موسى مصطفى و ابو الجود).
فيلي بيسمع اناشيد ابو راتب القديمة و يسمع هلء رح يشوف الفرق الشاسع و الواضح بين الطريقة القديمة و الجديدة.
الآن بات النشيد الاسلامي يعتمد على المؤثرات و المحسنات الصوتية اكثر مما يعتمد على صوت المنشد بحد ذاته..فأحياناً نسمع لإحدى الفرق الخليجية انشودة المنشد بيحكي كلمة و بتلاقي شي عشرة من وراه عم يعملوا خلفيات بصوتهم.
و الآن بتنا نرى ان قلة من المنشدين تستعمل الدف في الأناشيد مع انو انا بشوف انو مع صوت الدف احلى بألف مرّة.
بالاضافة الى انو الاناشيد القديمة كانت نغماتها صعبة بعض الشيء ولكن ممتعة جداً...(اسمع اناشيد ابو الجود القديمة او ابو دجانة)..
بالنسبة للفيديو كليب هادا من اهم انواع التجديد بالنشيد و حتى ابو الجود صار عم يستعملوا و هو شيئ برأي لا بأس فيه اذا كان يوصل فكرة الانشودة بطريقة افضل...ولا احد ينكر هذا الشيء.
بإختصار النشيد الاصيل هو الذي يعتمد اولاً على صوت المنشد بالدرجة الاولى....ثانياً الكورال...و ثالثاً نوع الايقاع(الدف اكيد)...

و بالنسبة للأخ زاهر لا يمكن المقارنة بين الاناشيد القديمة و الجديدة ابداًً!!!!!!!!

و ننتظر رأي الأخ ابو حسن ...

[Nader 3:16]

السلام عليكم,.
فكرة جديدة: هل تحول ما يسمى بالفن الاسلامي الى مهنة و ليس مجرد وسيلة...كما نلاحظ كثرة المنشدين و تأثرهم بالمحيط الفنّي الغير اسلامي من ناحية الالحان احياناً او الفيديو كليبات و افتتاح اذاعات خاصة!!!؟؟؟؟؟