قصيدة غزل شامية

**مصطفى معتوق** · 04-11-2008, 11:50 AM

قصيدة غزل شامية

بحبك حب الشباك للبرداية، بحبك حب الأرنبيط للكوساية ...!
بحبك حب الشلمونة للكولاية .. بحبك حب الطشت للكبجاية..!
الزيت للمئلاية .. بحبك حب الجرابات للصرماية...!

بحبك حب... لك بحبك حب سلاحف النينجا للبيتزاية ...!!!

يا ريت تكوني شخبتة .. وكون أنا المحاية...
يا ريت تكوني قلم .. وكون أنا البراية...
بحب ضحكتك يللي متل صوت المعزاية ....

بحبك حب الدؤونية لللهاية...
بحبك حب المألمة للشنتاية ....

يا ريت تكوني حبة العوجا وكون أنا العرباية..
يا ريت تكوني طربيزة… وكون أنا كنباية ....

يا أحلى زبدية محلاية...

بحبك حب الريموت للتلفزيون... بحبك حب درفة الباب للمندلون..
بحبك حب بنت اختي الفصعونة لسبيس تون...

حاجة بأه جننتينا!!!!!

**lina k** · 04-11-2008, 07:00 PM

قصيدة مضحكة جداً.........

شكرا لكم..........
سلام

**яiиda** · 04-11-2008, 09:52 PM

هههه .... حلوه و بتضحك ...
مشكور ...
سلام

**مصطفى معتوق** · 05-11-2008, 10:39 AM

شكراً على مروركما

**مايا** · 05-11-2008, 05:48 PM

السلام عليكم ورحمة الله وبركاته
فعلا مضحكة جدا
شكرا لك ...........

**مصطفى معتوق** · 05-11-2008, 06:08 PM

شكراً على مرورك

**الزاهر** · 05-11-2008, 09:05 PM

أبل ما تحطها بيومين يا مصطفى كنت آعد عند أبو بلال (محل إنترنت بالقبة) وكان في شب بعيد عني كمبيوترين ... وبعدو صاحبو ... وعم يأرالو ياها وغاشي الضحك أد منو مبسوط فيها ... وأنا غاشي الضحك عليه إنو شمعجبو فيها !!! .. وين فيها شي ... شبتفيد !!!

بس يبدو فيها سر لعم تعجب العالم !!!

**أيمن غ القلموني** · 05-11-2008, 09:14 PM

المشاركة الأصلية كتبت بواسطة الزاهر

بس يبدو فيها سر لعم تعجب العالم !!!

عجبت الأخوات ، لأنها قصيدة بتدحك فيا عليون.

**مصطفى معتوق** · 06-11-2008, 05:13 PM

المشاركة الأصلية كتبت بواسطة الزاهر

بس يبدو فيها سر لعم تعجب العالم !!!

السر الي فيها يا اخ زاهر انها بتنعش الشعور الشامي القابع في نفس كل واحد منا كونو نحن من ابناء بلاد الشام اصلاً ... متل السر يلي شد الناس عباب الحارة واهل الراية ...

ويا اخ ايمن الاخوات ما بيندحك عليهن تطمن بيضحكو عدولة

ههههههههههههههههههههه

الموضوع: قصيدة غزل شامية

أدوات الموضوع

عرض

قصيدة غزل شامية

؟

؟

ضوابط المشاركة