الزوفا.....سم قاتل للصراصير!!!!

[الزاهر]

السلام عليكم

والله أصة....وحلوة كمان!!!

من كم يوم عملت ركوة زوفا وشربتلي كباية....بس انكب عالأرض معي شوية!!!! (ما تؤولولا للماما ها!!)
آم تاني يوم بكير لأيت مدري كم صرصور عالبلكون محل كبيت جايين عالزوفا وشاربين وميتين بأرضهم.....ما لحؤوا يبعدوا شبر!!!!!......طلعت الزوفا سم قاتل كما يبدو للصراصير.....منشان هيك الواحد ما بيعاد يفيئ بعد ما يشربها!!!!

شو رأيكم تجربوها؟!------خبروني النتيجة......وإذا بدكم كم صرصور بنزل بجبلكم من الحألة....!!!


سلام صراصير!!!

[أبو حسن]

حاول تسجّل "براءة اكتشاف" قبل ما تنسرق فكرتك !

[الزاهر]

شو بكم يا عمي !!!..... لاحئين مواضيعي القديمة!!! ....


ما في داعي .... الدليل هون!!! ... مترخ كمان!!

[Nader 3:16]

هههههههه.....انا ناسي هالموضوع كيف فاتني...؟؟؟؟
المهم مرءلنا شوية زوفا لتثبيت هذا الاكتشاف!!!!!....

[مايا]

السلام عليكم ورحمة الله وبركاته

بس شو يعني زوفا أنا أول مرة بسمع فيه .
فمكن شرح لو سمحتوا .

[الزاهر]

السلام عليكم ورحمة الله وبركاته

بس شو يعني زوفا أنا أول مرة بسمع فيه .
فمكن شرح لو سمحتوا .

اما هادي فأصة كبيرة ... الزوفا نبتة طويلة (بين الشبر و ممكن تصل إلى 3 أشبار) عندما تتيبس يقطفها العارفون بها وتغلى كما الزهورات ...وهي تعتبر مهدء ومنوم إذا بدكم كمان !!! ... يعني فينا نصنفها عشبة طبية!!!

كنا صورنا شي باقة زوفا بس ما بعرف كنو في منها بهالأيام

[مايا]

السلام عليكم ورحمة الله وبركاته
شكرا للتوضيح .