و ب الألموني ب نؤل

[جابر دملوك]

و ب الألموني ب نؤل

[جابر دملوك]

" فَعَسَى رَبِّي أَن يُؤْتِيَنِ خَيْراً مِّن جَنَّتِكَ وَيُرْسِلَ عَلَيْهَا حُسْبَاناً مِّنَ السَّمَاءِ فَتُصْبِحَ صَعِيداً زَلَقاً "
الكهف (40)
وَيُرْسِل عَلَى جَنَّتك صَوَاعِق مِنْ السَّمَاء فَتُصْبِح أَرْضًا مَلْسَاء لَا يَثْبُت عَلَيْهَا قَدَم

" وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ "
القلم (51)
ليَنْظُرُونَ إلَيْك نَظَرًا شَدِيدًا يَكَاد أَنْ يَصْرَعك وَيُسْقِطك مِنْ مَكَانك
==================================
و بالألموني :
* بِنْؤل مَثَلاً : ما كان بأَصْدَي أُوْل هالكلمة بس ما بعرف كيف زَلَأْ لساني (يعني ع سرعة الرد زَحْطِتْ كلمة مَانَا بِ مَحَلاَ) و أُلْتَا.
* و بِنْؤل كْمَان : ها الصَبَي مْبَيِّن عْلَي فِتِيحْ و زِلِيئ (يعني بْيُلْؤطَه ع الطَايِر)

[جابر دملوك]

" وَالْبُدْنَ جَعَلْنَاهَا لَكُم مِّن شَعَائِرِ اللَّهِ لَكُمْ فِيهَا خَيْرٌ
فَاذْكُرُوا اسْمَ اللَّهِ عَلَيْهَا صَوَافَّ
فَإِذَا وَجَبَتْ جُنُوبُهَا فَكُلُوا مِنْهَا وَأَطْعِمُوا الْقَانِعَ وَالْمُعْتَرَّ
كَذَلِكَ سَخَّرْنَاهَا لَكُمْ لَعَلَّكُمْ تَشْكُرُونَ "
الحج (36)

وَالْإِبِل جَعَلْنَاهَا لَكُمْ أَعْلَام دِينه لَكُمْ فِيهَا نَفْع فِي الدُّنْيَا وَأَجْر فِي الْآخِرَة
فَاذْكُرُوا اسْم اللَّه عِنْد نَحْرهَا قَائِمَة عَلَى ثَلَاث مَعْقُولَة الْيَد الْيُسْرَى
فَإِذَا سَقَطَتْ إلَى الْأَرْض فَكُلُوا مِنْهَا إنْ شِئْتُمْ وَأَطْعِمُوا الَّذِي يَقْنَع بِمَا يُعْطَى وَلَا يَسْأَل وَلَا يَتَعَرَّض وَالسَّائِل أَوْ الْمُتَعَرِّض.
====================================
و بالألموني :
تصور إِنَّك ماشي ب طرابلس إنت و مرتك
و لبص عليك شِي مُطِرْبَي و إنت عارف إنو عاملا شغلتو و عملتو و عم يسترزيئ منا
ف أُمت كحشتو عنك.
ما لأيت مرتك إلا آلتلك عطي فرَنْكَيِن (خْطَيِّة مْعَتَّر)

[جابر دملوك]

" ثُمَّ بَدَّلْنَا مَكَانَ السَّيِّئَةِ الْحَسَنَةَ حَتَّى عَفَواْ
وَّقَالُواْ قَدْ مَسَّ آبَاءنَا الضَّرَّاء وَالسَّرَّاء فَأَخَذْنَاهُم بَغْتَةً وَهُمْ لاَ يَشْعُرُونَ "
الأعراف (95)
حَتَّى كَثُرُوا
================================
و بالألموني :
إزا واحد علئتلو ماسطية كبيرة
بيؤل
(ماسطية عَفِّية)

[جابر دملوك]

" أَفِي قُلُوبِهِم مَّرَضٌ أَمِ ارْتَابُوا
أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ
بَلْ أُوْلَئِكَ هُمُ الظَّالِمُونَ "
النور (50)
يجور
=========================
و بالألموني :
( يا حيفات عليك !!!! )
إِزا خَيِّبْلَك ظَنَّك أو ما طِلِع أَدْ الشَّغْلِة أو تشَيْطَن و كان أَزْعَر

[جابر دملوك]

" سَوَاء مِّنكُم مَّنْ أَسَرَّ الْقَوْلَ وَمَن جَهَرَ بِهِ
وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ "
الرعد (10)
مَاشٍ بِوُضُوح
========================
و بالألموني :
بعد ما تأخر الوَءت ب الليل
و بَلْشِت المَرَا الخُتْيَارا تحَضِر حالا ت تؤم تنام
ما بِتْلائِي إلا جَوْزَا لِبِس السُوكِيه و حِمِل الضَّو و فتح الباب ت يروح
آَمِتْ آلِتْلَو : " لْوَنْ سَارِب بَ الليل يا حَبُوب ؟ !!! "
و كان سُآَلاَ بتعجب لأنو كان من الطبيعي إنو يلبس البيجما و يروح ينام.
و هادا بيأكد إنو إستعمالا للفعل كان ب مَحَلَّو

[جابر دملوك]

" فَكُبْكِبُوا فِيهَا هُمْ وَالْغَاوُونَ "
الشعراء (94)
فَطُرِحَ بَعْضهمْ فِي الْجَحِيم عَلَى بَعْض مُنْكَبِّينَ عَلَى وُجُوههمْ.
==========================
و بالألموني :
إزا التَّيْتَا شافت الولد الظغير شال الصحن و دَلْأَو ع الأرض ب فَرْد مَرَّا بتؤلو :
" يا تيتا لش كِبَّيْت الإِكْلات ع الأرض "
بس إزا شافتو عم يشيل ب المَعِلْآَ و يُدْلَؤ ع الأرض مَرَّا ورا التانيه بتؤلو :
" يا تيتا لش عم تْكَبْكِبْ الإكلات ع الأرض "

[الشامي]

السلام عليكم ...

موضووووووووووووووووووووووع أعجبني كما باقي مواضيعك ...

أخوكم

[جابر دملوك]

الله يجبر ب خاطرك متل ما جبرت ب خاطري
كلام من واحد خير مني بحطو وسام ع صلعتي
الله يكتر من أمسالك
إن شا الله يكون هلي عم إحكي ب المواضيع الإسلاميه
يوافق شرع ربي و سنة نبي
و إلا فمن واجبكم أن ترشدوني و تنصحوني

[حُسَينْ ... !]

هذه منابع لهجتنا ... فليرنا كلٌ منابع لهجته
( الجملة الكل بيعرف من مين مسروقة )

الله يبارك فيك يا شيخ المنتدى ، مواضيع مميزة !!

[مايا]

السلام عليكم ورحمة الله وبركاته
شكرا لكم أخ جابر كل يوم تتحفنا بمواضيعك المميزة .....

[جابر دملوك]

و عليكم السلام و رحمة الله و بركاته
الله يبارك فيكُن جميعاً
هادا من لُطفكُن و الله

[أبو حسن]

إن شا الله يكون هلي عم إحكي ب المواضيع الإسلاميه
يوافق شرع ربي و سنة نبي
و إلا فمن واجبكم أن ترشدوني و تنصحوني[/center]

الله يبارك فيك أخي جابر...

مواضيعك جميلة ومفيدة ومتعوب عليها...

ولم نر منك في هذا المنتدى إلا كل خير بحمد الله...

أسأله تعالى أن يزيدك علما وفهما وأدبا وفضلا...

[فشلان]

فاق البدور... من الشوائب خالِ **** فلتكرموا فوق الخليقة خالي
هو من سما فعلا ً بغير تكلفٍ**** بالمنتدى يجري على الأفضال
لو أننا صغنا جميع كلامه **** لم نلق غير بدائع الأقوال
لم نلق غير روائع وفوائد **** من نبعها كم أستقي أمثالي
أنا لا أبالغ إن نطقت شهادتي: **** المنتدى من دون طيفك بال
فاهنأ كريماً فاضلاً متألقاً **** أفديك روحي، مهجتي، وبمالي (الأخيرة ما في منا يا حسرة)
يا شيخنا أنت المنارة بيننا **** نحن العيال وأنت أفضل خال

[محمد أحمد الفلو]

( الجملة الكل بيعرف من مين مسروقة )

تنقير عالميلين !!!

[جابر دملوك]

" أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَل لَّجُّوا فِي عُتُوٍّ وَنُفُورٍ "
تَمَادَوْا و إستمروا فِي تَكَبُّر
===========================
و بالألموني :
بِيكون الواحد جايا من الشغل محتِرِيئ سِلاَفو
بدو يتوضا و يصَلِيلَو رُكعتين و ياكُلَّو لُأمِه
ما بيِلحَا يسمي ب الله و يبلش يتبَأَط إلا و إبنوو بيبلش :
" يا بابا مادَك تاخُدني تعلمني السواآ "
الأب بيطنش و بيدير وشوو إنو يا إبني خليا مرا تانية منك شايفني هِلكان
بيجيلو إبنو من تاني ميل و بيعيد نفس الإسطوانه
(إكسري بيضه ... إكسري بيضه ... إكسري ...)
بيؤم بِيدِيئ خُلؤ للأب و بيؤلُّو لإبنو :
" حلك تفهم يا بابا .. ما تكون لَجُوج
يا بابا بيؤلوا الشغله مرا مرتين ما بيدلُن يلِجُوا ع شغلتون
حل هلأ خليني أعرف ون بدي حط الإكلات."

[جابر دملوك]

" هُمُ الَّذِينَ يَقُولُونَ لَا تُنفِقُوا عَلَى مَنْ عِندَ رَسُولِ اللَّهِ حَتَّى يَنفَضُّوا ... "
" فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ ... "

يَتَفَرَّقُوا عنه وَ يتركوه
==========================
و بالألموني :
الرِّجال مريض و مشَلْأَح ب الفَرْشِه و العيلِه مجمعين حَولَو و حوَالَي
هادا بيؤل : " في واحد كان معو متل مَنو معك و ما أَعَد كَم يوم إلا مات "
و هاداك بيؤل : " أصلاً هادا هالمرض بِ الكَاد حدا يُظْمُط منَّو "
مَرْتُو للرِّجال ب تْفِز فِيُون و بتؤل :
" ولك فُضُونا من هالسيره بَآَ ... بدكُن تمَوتوو أبل وأتَو عِدِنكُن
أومُوا إنِرفُوا كل واحد ع بَيْتَو "

[hadid]

يا زلمة !!! من وين إجتك هالفكرة !!! والله إنك مميز !!!!

[Warrior]

شو مميز قلت !!!!!! هذا كلام قليل بحق هذا الانسان......

هو انسان نادر الوجود، انسان ذو عقل نير، وقلب كبير، الله يفتح عليك ويعطيك من العلم المزيد والكثير،

والله انا حبيتك بدون ما اعرفك . ولي الشرف بان اتعرف بك، فنحن ارتضينا اخوة عرفوا التدين لا سواه.

[دوكر]

يا هلا بالمعلم جابر والله.....
يا زلمة مواضيعك لازم تنعمل كتب .....
ما شاء الله افكار خلاقة غير شكل.....
و دائمن بتتحفنا بأشياء جديدة و الافكار مبتكرة ......
يعطيك ألف عافية .....
اخوكم دوكر المعوكر.....

[جابر دملوك]

السلام عليكم و رحمة الله و بركاته
الله يبارك ب الجميع ع هالكلام هلي عن جد ب ينئط عسل
وِلَوِنِي كنت و إساتي حاسِسِ ب حالي متل السنافر ب النسبه لِلِّي أُلْتُو
إن شا الله كون عند حُسْن ظنكُن

[جابر دملوك]

" إِذْ عُرِضَ عَلَيْهِ بِالْعَشِيِّ الصَّافِنَاتُ الْجِيَادُ "
ص (31)
الْخَيْل الَّتِي تَقِف عَلَى ثَلَاث وَطَرَف حَافِر الرَّابِعَة
==========================
و بالألموني :
تصوروا هالإحصنه هلي كانوا ب الإستعراض إدام سيدنا سليمان عليه السلام
وأتل كانوا ماشيين ما كان إسمن صافنات
بس وأتل وئفو إدام سيدنا سليمان عليه السلام
ع الإجرتين الوريانيه و إجر من الإجرتين الإدمانيه
و الرابعا مرفوعا شويه
ساعتا صار إسمن صافنات
و أكيد الوأفه بدا سكون و ما ينهز الحصان من محلو و عم يطلع ب المنصه
و كل ما إطلع الأب ب إبنو ب يشوفوا شارد و ما عم يحرك ساكن
ب يطلع ب الأم و ب يؤلا عجيب هالصبي مو عاجبني ب هالإيام
ما بشوفوا إلا صافن و شارد و لك متل أكنو ما في حدا جمنو
و الله أصتو أصا و شي ب يحير

[جابر دملوك]

" قُلْ كُلٌّ يَعْمَلُ عَلَى شَاكِلَتِهِ فَرَبُّكُمْ أَعْلَمُ بِمَنْ هُوَ أَهْدَى سَبِيلًا "
الإسراء (84)
مَا يُشَاكِل أَصْله وَأَخْلَاقه الَّتِي أَلِفهَا
==========================
و بالألموني :
الأب و الأم واءفين ع البلكون ب يشوفوا رفيئ إِبْنُن جايا صَب البيت.
الأم ب تؤل لِلْ الأب :
" ما بيعجبني هالصبي و مني حابتو يمشي مع إبنَّا أبدا "
الأب ب يجاوبا و ب يؤل :
" لش إبنك أحسن مِنُّو يعني ... ما هو ع شاكِلة إبنك يا خَانُم ... و إبنك ع شاكِلتو "

[جابر دملوك]

" وَإِذَا تُتْلَى عَلَيْهِمْ آيَاتُنَا بَيِّنَاتٍ تَعْرِفُ فِي وُجُوهِ الَّذِينَ كَفَرُوا الْمُنْكَرَ
يَكَادُونَ يَسْطُونَ بِالَّذِينَ يَتْلُونَ عَلَيْهِمْ آيَاتِنَا
قُلْ أَفَأُنَبِّئُكُمْ بِشَرٍّ مِنْ ذَلِكُمُ النَّارُ وَعَدَهَا اللَّهُ الَّذِينَ كَفَرُوا وَبِئْسَ الْمَصِيرُ "
الحج (72)
يَبْطِشُونَ ( بِضَرْبٍ أَوْ بِشَتْمٍ )
يَبْسُطُونَ إِلَيْهِمْ أَيْدِيَهُمْ وَ أَلْسِنَتَهُم بِاْلسُّوءِ.
وَالسَّطْوَة شِدَّة الْبَطْش
==========================
و بالألموني :
بعد الجُمْعا لُولاد تجموا ع مَصْطبِة سِتُّون ت يلعبوا.
عم يلعبوا و مبسوطين لو ما إنو في واحد مِنُّن بَدُو يمشي الكُل ع زَوْأَو.
ب يِنْكَع هادا و ب يُلْكُش هاداك و بِ يسُب فلان و ب يِلعَن فلَيتَان.
التيتا شايفا كل شي و مَنُو عاجِبا شُغلَو بَتَاتَاً.
ساعا تؤلَّوو : " كِن و مَضَى "
و ساعا تؤلَّوو : " زُوء و إستَطْعِم "
و ما إستَعبِرا و لا رَدْ علَيَا.
و لِمِنْ جا إبنا هِلِّي ب يكون بُوو للصَّبَي آلتلو :
" إبنك سَاطِي كتير و إيدُو طويلة و لسانُو أطول
و ما ترك حدا من شروو
و أنا لو مانِي كبيرة يمكن كان سَبْنَي و فَأَعْنِي أَتْلِه
بَآَ لازم تشُفلك شي تِصْرِيفِه معو
ما ب يصير دَّلك تاركْلُو الحبله ع آخِرا "

[جابر دملوك]

" وَلَا تَكُونُوا كَالَّذِينَ خَرَجُوا مِنْ دِيَارِهِمْ
بَطَرًا وَرِئَاءَ النَّاسِ وَيَصُدُّونَ عَنْ سَبِيلِ اللَّهِ
وَاللَّهُ بِمَا يَعْمَلُونَ مُحِيطٌ "
الأنفال (47)
يَتَقَوى بِنِعَمِ اللَّه عَزَّ وَجَلَّ وَمَا أَلْبَسَهُ مِنْ الْعَافِيَة عَلَى مَعْصِيَتِه.
==========================
و بالألموني :
الأم عملت إِكِل
إِكْلِت مِنُّن و إكل جَوزَا معا و الوُلاد ما رِضيوا ياكلو آَلْ أَيْش :
" إِكِل بَلَا لحمِه ما لازم نسمي إِكِل هادا إِكْلِ الحمير هادا حشيش "
تاني يوم عِمْلِتْلُن لحم بعجين إكلوا و إنبسطوا و سدوا بوازُون.
بس تالت يوم وأتل جات الأم ت تسخن الَّحْمَات ب عجين هلي باءيين
كل واحد من الولاد شَمَر مناخِيروو و ضرب بُوز شِبر و ما إِبِل ياكل إلا بعد ستين يمين.
هادا إِكِل كَدْشِه و هاداك كَدِشْتَين و آَمُوا و كَبُوا الباءيين ب الزباله.
صرخت فِيون الأم و آلتلُن :
" و لا إنتو بطرانين و الله بطرانين
في عالم ما عم تلائي الخبزه اليابسه و إنتوا عم تكُبُوا الإِكل
يا وَيلكُن مِن غضب رَبْكُن "

[جابر دملوك]

" وَطَعَامًا ذَا غُصَّةٍ وَعَذَابًا أَلِيمًا "
المُزَّمِّل (13)
عَالِقٌ فِي الحَلق لا هُوَ نَازِل وَلا هُوَ خَارِج
==========================
و بالألموني :
أَعْدِت المَرا الكبيره ع الدُّشُك ت تاكل سفرجل خَرْطِط خَرْطَا و بسم الله و بَلْشِت
ما لِحْئِت كَدْشِت كَدْشِه واحده إلا و عَلْئِت ب زرَاكِيمَا و كانت رَحْ تِخْتِنِي
و لَو ما الله سَتَر و كان بْرِيئ الفُخَار جُمِّنَّا كانت رَاحِت فِيَا
سْتْناَولِت ل البريئ و صارت تكُع
و وأتل رِجْعِتلا رَوْحَا شَالِت السفرجله و وَرِّتَا من كل ما الله يعطيا أُدْرَا و وَصْلِتا ع آَخِر الحَأْلِه و ألِت :
" الله يِئْطَع السفرجل من الدنيا "
سمعِتا جارتا و سألتا :
" و لا شْبِكِ عم تعَيطِي و تِحكِي مع حالِك "
آلِتْلِا الأُصَا
ف رَدِّت علَيَا الجارا و آلِتلا :
" أنا السفرجل ما ب فَوْتَو ع بَيتي مِنْ يَمِ لِي خْتَنَأت و كنت رَح موت أنا عم آكلو
ما السفرجل كل كَدْشِه ب غَصَا "

[جابر دملوك]

" وَغَدَوْا عَلَى حَرْدٍ قَادِرِينَ "
القلم (25)

عَلَى مَنْعٍ عَلَى غَضَبٍ عَلَى اِنْفِرَاد.
حَرَدَ الرجل أَيْ تَنَحَّى عَنْ قَوْمه وَنَزَلَ مُنْفَرِدًا وَلَمْ يُخَالِطهُمْ
==========================
و بالألموني :
وأتِل عِملِت الأم دجاج ب رز ب جزر بَوِّز إِبْنَا و أعد ب الأُرْنِه.
" شباك آعد ب الأُرْنِه مَ تجِي تاكل مَنَك جِيعَان ؟ " سألو بُوو
" أُلْتِلا مِيت مَرَّا إزا ما ب تحُطِيلُّون لوز محمص ما ب دُوؤن و لا بُاكل مِنُّن "
" هَلَأ مِنْشَان هَيْكِه حِرْدَان و مبَوِّز و لَكْ رَيْتُو ل سِتِين عُمْرك ما تاكل و خَليِك حِرْدَان "

[ramo]

" وَغَدَوْا عَلَى حَرْدٍ قَادِرِينَ "

القلم (25)

عَلَى مَنْعٍ عَلَى غَضَبٍ عَلَى اِنْفِرَاد.
حَرَدَ الرجل أَيْ تَنَحَّى عَنْ قَوْمه وَنَزَلَ مُنْفَرِدًا وَلَمْ يُخَالِطهُمْ
==========================
و بالألموني :
وأتِل عِملِت الأم دجاج ب رز ب جزر بَوِّز إِبْنَا و أعد ب الأُرْنِه.
" شباك آعد ب الأُرْنِه مَ تجِي تاكل مَنَك جِيعَان ؟ " سألو بُوو
" أُلْتِلا مِيت مَرَّا إزا ما ب تحُطِيلُّون لوز محمص ما ب دُوؤن و لا بُاكل مِنُّن "

" هَلَأ مِنْشَان هَيْكِه حِرْدَان و مبَوِّز و لَكْ رَيْتُو ل سِتِين عُمْرك ما تاكل و خَليِك حِرْدَان "

ههههههههههههههه..........كويسة

[Arsenic]

ههههههههههههههه..........كويسة

يا هلا ب رامو يا عمي وينك منك عم تبين و بصراحة أنا كمان عجبتني....

[جابر دملوك]

" أَمْ تَسْأَلُهُمْ خَرْجًا فَخَرَاجُ رَبِّكَ خَيْرٌ وَهُوَ خَيْرُ الرَّازِقِينَ "
المؤمنون (72)
جُعْلاً أو عَطِيَةً
======================
و بالألموني :
أبل ما يروح الصبي ع المدرسة من بكير عطيتو أموو خَرْجِية ت يشتري فيا كعكة ع الفرصة.

[شبل غزة]

يعني ولا كأنن مارئين علي هالآيات

الله يبارك فيك
و
الله ينورلك بصيرتك

[أبو الشوارب]

السلام عليكم ما شاء الله يا اخ جابر لغتنا القلمونية الى هذا الحد مميزة والبعض يستحي من التكلم بها خارج البلدة.
بارك الله بك موضوع اعجبني كثيراً

[جابر دملوك]

الله يبارك فيكن
أُصحاكن تِسْتئِلَّوا ب الألمون و لغتا أبدا ها.
و هلي بيفَرِيئ الأُلماني و الأَلموني هو حرف الواو و حرف الألف.
و الألماني بيصنع المرسيدس و الألموني بِيسُوآ.
و طبعا الفَرِء بسيط.

[جابر دملوك]

" وَمَن يَهْدِ اللّهُ فَهُوَ الْمُهْتَدِ
وَمَن يُضْلِلْ فَلَن تَجِدَ لَهُمْ أَوْلِيَاء مِن دُونِهِ
وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْيًا وَبُكْمًا وَصُمًّا
مَّأْوَاهُمْ جَهَنَّمُ
كُلَّمَا خَبَتْ زِدْنَاهُمْ سَعِيرًا "
الإسراء (97)
سكنت و همت بالأنطفاء.
======================
و بالألموني :
الصبي كان مشَيب إِهلَو و حتى سِتَو كانت تِسْتَجير من شَيطِنْتَو.
بيوم من الإيام شافتو فاتِر شوية آلتلو :
عَ غَير عادة لَش خابِت هالخَبتة من غير شَر.

[جابر دملوك]

" وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ
وَأَجْلِبْ عَلَيْهِم بِخَيْلِكَ وَرَجِلِكَ
وَشَارِكْهُمْ فِي الأَمْوَالِ وَالأَوْلادِ وَعِدْهُمْ
وَمَا يَعِدُهُمُ الشَّيْطَانُ إِلاَّ غُرُورًا "
الإسراء (64)

اِسْتَزْعِج أو اِسْتَخِف
أي (فِز و خِف الحركة)
==========================
و بالألموني :
بتكون آعد عم تحكي إنت و واحد
ما ب تلاآي إلا وئف و بدو يمشي ب تؤلو :
" خير إن شا الله لوَن رايح "
ب يجاوبك :
" كلامك هلي ب يسم البدن
حاسك عم تتأصد تستفزني ب كل حرف عم تؤلو "

[جابر دملوك]

" فَكُّ رَقَبَةٍ "
البلد (13)
خلاصها من الأسر أو الرق
والفك : هو حل القيد.
وفك الرقبة أن تعين في ثمنها .
==========================
و بالألموني :
هالتعبير بنؤلوَو بس للأسف العريض ب معنى مختلف نهائياً.
إزا واحد زعِلنا و حِبَينا نعمل علَي أبو عنتر أو بطل دِده ب نؤلوَوا :
" رح أوم إمسح فيك الأرض "
أو " ب فُكِّلك رئبتك و برميا لل الكلاب تاكلا "
أو " ما تخليني أوم أملصلك رئبتك "
ف التعبير ب نؤلووا بس بغير محلوو.

[جابر دملوك]

" فَأَجَاءهَا الْمَخَاضُ إِلَى جِذْعِ النَّخْلَةِ
قَالَتْ يَا لَيْتَنِي مِتُّ قَبْلَ هَذَا وَكُنتُ نَسْيًا مَّنسِيًّا "
مريم (23)
فألجأها طَلْقُ الحمل إلى جذع النخلة
قالت : يا ليتني متُّ قبل هذا اليوم, وكنت شيئًا لا يُعْرَف, ولا يُذْكَر, ولا يُدْرَى مَن أنا ؟
==========================
و بالألموني :
ياما و ياما ب نسمع تعابير متلا أو أريبا منا مع فرأ كبير ب المضمون و ب الغاية.
أم ب تزعل من إبنا أو بنتا ب تركب مِئْلِة الدعاوي و ب تبلش
" يا ريتني مت أبل ما شوفك جاييني هيكه "
" و لك يا ريتني ما خلئت ت شوف هاليوم ل بدك تمرمغيلي راسي ب الوحله "

[محمد أحمد الفلو]

ما بعرف كانوا الحج جابر ذكر هالاية :

كلا إذا دكت الأرض دكا دكا

إذا واحد كان عم يرشك عن البرندة بألمواي بتقلو بطلع بدكك ع راسك من فوق

[جابر دملوك]

الله يبارك فيك يا أخي.
للحئيآ إنت دوا.
الله يطول ب عمــــــــــــرك
و ينفع فيك.

[محمد أحمد الفلو]

الله يبارك فيك يا أخي.

للحئيآ إنت دوا.
الله يطول ب عمــــــــــــرك

و ينفع فيك.

وفيكم بارك الله يا حج جابر

أسأل الله أن يجعلني خيرا مما تظنون وأن يغفر لي ما لا تعلمون

[جابر دملوك]

" قَدْ يَعْلَمُ اللَّهُ الْمُعَوِّقِينَ مِنكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا وَلَا يَأْتُونَ الْبَأْسَ إِلَّا قَلِيلًا "
الأحزاب (18)
المُثَبِّطِين
==========================
و بالألموني :
الله يرضى عليك حُـــــّلّ عَنَّوو و ما تعَوْأَوو أكتر مَنُو مِتْعَوأ.
خَليي يخَلِص شُغْلَوو ب سُرْعَا أحسن ما يِتْعَوأ و يُوصَل مِتْأَخَر ع المدرسة.

[hadid]

ونفس الكلمة بنفس التشكيل تستخدم للدلالة على الجمع

ليش جايين هيكي معوقين نص ساعة ؟؟!! كنتو ماتجاو !!

[جابر دملوك]

" أَيَّامًا مَّعْدُودَاتٍ
فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ
وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ
فَمَن تَطَوَّعَ خَيْرًا فَهُوَ خَيْرٌ لَّهُ
وَأَن تَصُومُواْ خَيْرٌ لَّكُمْ
إِن كُنتُمْ تَعْلَمُونَ "
البقرة (184)
يستطيعونه
أول ما كتب الصيام كان الإنسان مخيراً بين أن يصوم؛ أو يفطر، ويفتدي حتى نزلت
" شهر رمضان الذي أنزل فيه القرآن ... "
وكذلك قول الله تعالى " ... وأن تصوموا خير لكم ... " يدل على أنهم يستطيعون الصيام.
(تفسير إبن عثيمين)
==========================
و بالألموني :
ما ب تِيأَوو (ب نستعملا ب السلبي بس)
ليك مني تَايِئ حالي ف بآ ما تجي و تحُل سألتك عليَي.
الله يرضى عليك.

[hunter_hunted]

[جابر دملوك]

" وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا "
الجن (19)
وأنه لما قام محمد صلى الله عليه وسلم, يعبد ربه، كاد الجن يكونون عليه جماعات متراكمة, بعضها فوق بعض ;
مِن شدة ازدحامهم لسماع القرآن منه.
　
" يَقُولُ أَهْلَكْتُ مَالًا لُّبَدًا "
البلد (6)
لبد فعل من التلبيد، وهو المال الكثير بعضه على بعض.
==========================
و بالألموني :
يا هِيه مبارح فتَأتِ الفَرْشِة هِلِّي ب الغُرفِة الغَربِية لأَيْت الصُوفَات ملَبْدِين تِلْبِيدع بعضون.
آَيْلِه بَدِي أُفْتُؤ الفُرْش كُلُونْ وعَيط للمنَجِد ينَجِدُون.
يمكن صار وَأْتُون.