الخطيبة من برات القلمون ؟

[الريس]

كيفكم يا جماعة ؟

أنا حابب اسأل سؤال ، ليش بالقلمون اذا الواحد اخد واحدة من برات الضيعة بيعتبروه عمل عملة كبيرة كتير كتير وما بتنغفر ، ببلشوا بالحكي على الزملة ولك بينشحوا عرضو نشح ، " ليش ترك بنات الضيعة ؟ وشفاتير يلي آخدها أحلى ؟ وما شافينيها كيف قالبة سحنتها استعفر الله العظيم -بالعين- ؟ وبعد كل هذا يا رب بلا جبر على الناس و...."

يعني أنا بدي اسأل شو فيها اذا الشب عجبتوا بنت من برّات القلمون ؟ انو ربنا خلق بنات القلمون وما خلق غيرهم ؟ يعني ليش بدنا نجبر الشب بشي هو ما بدو ياه ، ما بيمشي الحال هيك أبدا ، يلي بتعجبوا بنت وما بيخدها ولك رح يضل يفكر فيها لحد ما يموت ، ولك أصلا سألوا الريس ، الواحد بس يوقع متل محسوبكم هون ، بصيروا كل البنات عندو بشعين ، وببطل يشوف الا واحدة وبس ، وبصير لاطي اذا حدا غيروا بيطلع فيها لحتى يعلق معو ، وبضل ناطر اليوم يلي بيخدها وبيتزوجها فيه ، بعد ما تعرف عليها عن قرب وعرف كل شاردة وواردة عنها ، وبس يتزوجها بكون مفكر حالوا انو عمل انجاز كبير كتير وملك الدنيا كلها ، لأنو حصل على أغلى شي بالدنيا ، فببلشوا اهل القلمون يبخعوا فيه ، ويعيبوا هالزواجة عليه .

عنجد لازم الأجيال ما تتوارث العادات والتقاليد هيك من دون ما تفكر وتعمل قراءة لها .
وهيك شغلات ولازم الناس تقصر لسانها فيها ، -يعني بالأخص مع الريس- لأنو بهذه الإيام الشباب أكثر من البنات بكتيير ، وبالتالي عم تكتر العنوسة و...... وفي بنات من القلمون عم يعنسو ، وكل واحد عنست بنتو أو ما جاها عريس حلاوا متل الريس ، بحط الحق على شباب القلمون -وبالأخص الريس- بقللّك الحق على هالكلاب شباب القلمون ربينا هالبنت وجبنالها أحلى تياب ، وخليناها اتذكر و... ودفعنا عليها ما فوقنا وما تحتنا ، لحتى بالآخر تقعد بلا زواجة ، وببلش يحط الحق على شباب القلمون .
طيب انو انا بدي اسأل بنات القلمون هنة ولاد البطة البيضا ، ويلي مش من القلمون ولاد البطة السودا ، انو ليش لحتى البنت الغريبة اتعنس وبنت القلمون لأ ؟؟؟ بعدين الدنيا قسمة ونصيب ليش كلو بتحطوا الحق فيه على الريس ، شو هو الريس بدو يخد كل بنات الضيعة ؟؟؟ الريس بأيبل على الحب وعلى واحدة تكون ريسة بتفهم عليه وعلى عقلوا ، ويمكن تكون من القلمون ويمكن تكون من برات القلمون ، بس الأولة خلص ، هيأتنا رسينا على برات القلمون ، تنشوف التانية من وين بدها تكون .

فضبوا لساناتكم يا اهل القلمون أحسن ما يأطشلكم هية الريس ، وضبوا بناتكم ، لأن يلي لها نصيب رح يجي على ألب بيتها ، ويلي ما عندها لو قلعتوها بالظلط ومشيتوها ما رح يجيها .

وانتو يا أجيال ما تتوارثوا التقاليد هيك ، فكرو أبل ما تحكو الكلمة ، انتو جماعة متعلمين ، ما تفكروا بطريقة غبية .

وانتو يا شباب أيبلو على رزقكم وما تحطو حدود لحالكم أبدا ، لا ضمن العيلة ، ولا ضمن القلمون ، أيبلو محل ما بدكون وما تسألوا عن حدا ، وبس تلاقوا القمر ، اتعرفوا عليه -بس أكيد رح يكحشكم لأن الريس بحبوا ، وبالدنيا كلها ما في غير قمر واحد ، فشيلوا فكرة القمر من راسكم ، لأن الريس بدو يخطبها- اتعرفوا على البنت يلي بدكون ياها ، وحبوها واخطبوها و ما تسألوا عن حدا أبدا .

[الشامي]

السلام عليكم.. كيفكم يا جماعة ...

شو يا ريس الظاهر ما عندك شغل هالإيام ... الله يعطيك العافية .....

(وجعلناكم شعوباً وقبائل لتعارفوا...)...

احنا يا خيي يا ريس منحب ان كان الرجال فيه خير يكون خيرو على بنات ضيعتو وان فيه شر نخبي هالشر عن الغريب... منيح هيك ...؟؟؟

بس الأمر جد طبيعي انو واحد ياخد اللي بتعجبو ان شاء الله تكون من الصين أو... ما دام هو شاف انو بتناسبو واستشار واستخار... فليش لأ... بعدين الله عطيه مجال ينوع فليش لحتى يقتصر على الغريبة دون القريبة أو القريبة دون الغريبة...

الله يستر...

قد يكون الإختيار من القرية ولا يحدث التأقلم والتوافق وقد تكون من جنسية مُختلفة وطبيعة مختلفة وثقافة مختلفة ويحدث التأقلم والتوافق والإستقرار في الحياة الزوجية (ولو نادراً)... ولكن الغالب على ظننا ومن خلال بعض التجارب التي نعرفها أن الخروج لثقافة أخرى وطريقة تربية مختلفة قد يولد الكثير من المشاكل فيما بعد في طريقة التواصل بين الزوجين والإتفاق على الكثير من الأمور الصغيرة والكبيرة... ولكن هذا لا يُعفي بنات القرية وشبابها على السواء أن يكون اختيارهم على أساس واضح وبعد فترة خطوبة كافية ليعرف كل طرف الآخر ... والإستشارة والإستخارة هنا مهمة للغاية... وبالأخير يا خيي ربنا سبحانه وتعالى وضع الكثير من الخطوات والمراحل لكي يكون الإختيار سليماً وبعد ذلك إن حصل بعض المشاكل لا قدر الله (وقد تحصل) فهناك العديد من الخطوات أيضاً لحلها، وإن حدث ووصل الطرفين لطريق مسدود (وبعد محاولات مُضنية) فهناك الطلاق الذي هو أبغض الحلال ...

وكلما كان التأني بالخطوات الأولى كلما كان احتمال الفشل أقل والله المُوفق...

أخوكم

[الريس]

أنا معك يا شامي ، بس هذه الجملة : " احنا يا خيي يا ريس منحب ان كان الرجال فيه خير يكون خيرو على بنات ضيعتو وان فيه شر نخبي هالشر عن الغريب... منيح هيك ...؟؟؟ " ما عجبتني منك بنوب .

لأن أنا ما ملاقي في فرق بين بنات ضيعتو والغرب أبدا أبدا ، كلهم فيهم خير وبركة ، أنا مش عم انتقص بنات القلمون ، بس كمان ما بسمح لحدا يحكي عن البنات الغرب ، لأن بكون عم يحكي عن حبيبت قلبي .

يلي عندو شي منيح يحطوا محل ما بدو ، سواء كان بالقلمون أو برّات القلمون ، يعني بنت القلمون بأيش أحسن من غيرها لحتى يكون خيرة الشباب لهم آه ، وبعدين من أيمتن بيسكتوا وبيكتموا أكثر من غيرهم لحتى اذا الواحد في شي مش منيح يخبوه هنة ، الله وكيلك يلي عندو شغلة مش منيحة وحاب يفضها ، يتزوج واحدة من القلمون وشوف .

ومشان انو عندهم طريقة تفكير مختلفة هذه بكون كذاب اذا بقللك لأ ، مبلا عندهم طريقة تفكير مختلف عنا مائة بالمائة ، وفي فرق كبير بينا وبينهم ، بس الانسان المثقف زي الريس وبعض شباب القلمون ، بيقدر يتعايش وين مكان ، بعدين ما كل البنات الغرب نفس الشي ، يعني يا خيي ما كلهم بأرغلو و... في منهم عندهم نزعة ثورية كتيير حلوة ، في منهم هيك عندو مبادئ وفكر وأفكار زي حكاية الريس ، والأكتر من هيك انهم بقلوا للقمر اذا بتريد فيك تروح من عندك لأن بدنا نقعد محلّك ، يعني انت بتعرف الإذا بتريد كيف بتطلع من تمون ، ومحسوبك بس يسمعها هية وعم تقللوا للقمر هيك ، بغيب عن الوعي

[Nader 3:16]

الأولى له ان يستر بنات ضيعته .............
الاقربون اولى بالمعروف....

[الريس]

وانت يا ابن الأبيض ، من وين جايبلي هالأولوية ، مين عطي الأولوية لبنات الضيعة ، غير مجموعة تقاليد بالية ، وبما انو القلمون بلدة اسلامية في كتار خلطوا بين التقاليد والاسلام ، يعني في ناس بكونوا مفكرين حالهم انو بيلحقهم حسنات اذا اخدو من الضيعة و.....

يا عمي بسبب هالتقاليد ، الشب بيفرض على حالوا واقع معين ، وببطل يخد يلي بيعشقها قلبو ، يعني بمكن يكون يحب مرتو يلي نقاها من القلمون ، بس هو لما نقاها ، ما نقى أحلى شي بالمجتمع حصر تأيبلوا بالقلمون وبس ، ولما بشوف العسل يلي برات القلمون رح يرجع يطأفت بمرتوا لا شعوريا ، ويعتبر
حالوا مضيع شبابو ومظلوم معها ، لأن في كل صبية بتخد العقل ، بس هو ما نقاهم ، وساعتها رح يقول يا ريتني رديت على الريس ، يا ريتني ما حصرت مجال تنقايتي .

[Nader 3:16]

لا تعليق!!!!!! هذا رأيي و كفى

[الريس]

جحشة ولو طارت

[Warrior]

انا اعتقد انو اذا الشب بدو يطلع برات القلمون يجب ان ينقي واحدة بواصفات غير موجودة ببنات القلمون مهيك يا ريس شو قصتك مع الاقمار انت .
وثانيا الاقربون .... والمعروف ، نعم اخي لا اريد ان اقول الا كلمة انا بدي انبسط

[الريس]

ولك يا خيي حتى هيك ما فيك تحصر ، لأن يمكن في بنتين واحدة بالقلمون والتانية برات القلمون ، بس أنا قلبي بيرتاح مثلا للي برات القلمون ، يعني اذا في عندك دكانين ببيعوا نفس الشي بس انت بترتاح تشتري من عند واحد أكتر من التاني ، وين المشكلة ؟؟

يا خيي بعدين ما في بنتين بالدنيا نفس الشي ، يعني لحتى يكونوا نفس الشي ، بدهم يكون عندهم نفس الشكل ، ونفس الأفكار ونفس الأخلاق و... يعني الواحد ما عم ينقي على الشكل أو على الوظيفة أو ... لحتى يلاقي متلها محل تاني ، يا حبيب قلبي ما في بنتين بالدنيا كلها نفس الشي ، كلها واحدة شكل مختلف وعقل ، وأخلاق مختلفة عن غيرها و..... وكل واحد يشوف يلي بناسبوا ، انو وين العيب اذا كانت البنت يلي بحبا من برات القلمون ، شو فيها ؟
الأقربون أولى بالمعروف ؟ ليش البنت يلي بالقلمون شو بتقاربني ؟ ولا ربنا عني بالقرابة بهل الآية ، القرابة الجغرافية ؟
يا خيي أد ما حكيتك ما رح يمشي الحال ، بكرا انت سواء كنت متزوج أو لأ بطب وبتوقع اسا فرد وقعة ، وساعتها بتعرف قيمة كلامي ، وما حدا يعمل حالوا انو ما بيوقع ، ولك يا عمي هو الريس وطنطنوا وقع ، شو انتو اسا أحلى منو أو أوعى منو و.....؟؟؟؟؟؟

[Nader 3:16]

ما بقا الي مروة اكتب ...............

[الزاهر]

أهلا بك أخي الريس وأخي الشامي.....
عالسريع:
أنا معك يا ريس.......يعني بالألمون في كتيييير شغلات لازم تتغير....وعم تتغير مع الوئت.....لكن المشكلة إنو كمان في شغلات ما لازم تتغير .....وعم تتغير مع هالنهر الجاري!!!!

سلام

[الزاهر]

تعليء عالراكد!!!!

ليش هي بنت الألمون بتأبل فيك أول شي لتاخد واحدة من الألمون؟؟؟!!!!!!
بدها ياك منزل من عند رب العالمين لترضى فيك!!!!!
بالنائص منها ومن أمثالها "إذا" كانت هيك!!!.......مش هيك!!!

[kalamoun_28]

السلام عليكم ورحمة الله وبركاته,

بارك الله فيك يا صديقي الريّس لطرحك هذا الموضوع.

الحقيقة أني لم أفهم وجهة نظر الأخوة Nader و Warrior. يقولون الأقربون أولى بالمعروف ويجب ستر بنات ضيعتنا قبل كل شيء....

يا أخي أنا أوافق الريّس بما قاله حول هذا الموضوع و أحب ان أطرح هذا الموضوع من ناحية ثانية.

الأخوة Nader و Warrior هل تستطيعون أن تطبّقوا هذه الشعارات على شاب قلموني يعيش في الغربة مثلا؟ ومن الذي قال أن عبارة "الأقربون أولى بالمعروف" يقصد (ضم الواو) بها بنات الضيعة الواحدة ؟ ومن قال أن الزواج معناه ستر البنات, هل تريد أمثالا عن بنات غير متزوجات سمعتهم أنظف بكئير من نساء متزوجات, ومن قال أصلآ أن من أهداف الزواج ستر البنات. لست فقيها في هذا الموضوع ولكن أنا متأكد من أن الأهداف الدينية من وراء الزواج هي أكبر بكثير من قول ستر البنات.

وما هذا المنطق أن أولاد الضيعة الواحدة يجب أن يتزوجوا من بعض, اذا طبّقنا هذا الأمر, ألا نكون نساهم في معارضة الكثير مما نعرفه وسمعناه عن سيد البشر رسولنا محمد عليه الصلاة والسلام ؟

أريد أن أعلّق على ردّ السيد الشاميّ, أوافقه الرأي أن التجارب أثبتت عدم التوافق بين ناس متزوجة من خارج الضيعة, هذا صحيح ولكن هنا نتحدث عن فئة معينة ويجب الفصل بين رجل من الضيعة و امرأة غريبة عن حضارته (أي أجنبية وغير لبنانية أو شاميّة), في هذه الحال أنا أؤيد السيد الشامي..... ولكن نتكلم وكأن بنات الضيعة أفضل من غيرهم وأن البنت التي ليست من القلمون يجب أن تكون استثنائية.... عذرا هذا كلام مرفوض نهائيا من ناحيتي.

ملاحظة : المعلم يعني أنا وكما تعلمون تزوجت حديثا من صبيّة من أبو سمرا والحمدالله أنا سعيد جدا معها و أود أن أقول لكم أنه لغاية الان لم نشعر أبدا (لا أنا ولا هي) أننا من منطقتين مختلفتين. فالاسلام والمنطق وطبعا الحب الكبير والاحترام يجمعوننا تحت سقف واحد باذن الله سبحانه وتعالى.

سلامات, نزيه خداّج ملاّط

[الشامي]

السلام عليكم... كيفكم يا جماعة...

جزاك الله خير خيي نزيه على المشاركة وإبداء رأيك في هذا الموضوع

أخوكم

[Warrior]

وثانيا الاقربون .... والمعروف ، نعم اخي لا اريد ان اقول الا كلمة: انا بدي انبسط
نعم الريس فهم غلط قلنا معليش بلعناها والاخ نزيه فهم غلط يا شباب انا عم رد على هذه المقولة ولست معها والمقصود من الكلام ان هدفي من الزواج ان اكون مرتاح من كل الجوانب و هذا متعلق بي و برياحتي يعني وين انا مرتاح بروح ان عند الاقارب او من غير الاقارب هذا ما اريد قوله .

[الريس]

مشكور يا معلم نزيه ، وربنا يخليلك مرتك ، ويطول عمركم على الخير ، وان شاء الله بتضلكم متفقين مع بعض .

وانت يا واريور ما تواخذنا لأن فهمناك غلط ، ومشكور كتير على المشاركة .

لحد هلأ الهيأة الكل موافق انو ما فيها شي اذا الواحد اخد من برّات الضيعة ، وانو الأولوية مش لبنات القلمون أو غيرهم ، فالأولوية لا تحددها المنطقة ، بل الأفكار والأخلاق والجمال و.....

بعدين يا زاهر ، تعا لهون لشوف ، ليش لحتى ما يقبلو بالريس ؟ شو وين بدهم يلاقوا متل الريس ؟ بعدين أنا ما ناطر لحتى يقبلو فيي أو لأ ، يعني أنا يلي بقبل فيهم أو لأ ، وكل الخيارات مطروحة قدامي ، بس سبق وقلت انو يا صبايا ما تنطروا شنو الريس نقا وخلّص وناطر لحتى يصير الوقت اللازم لحتى يخطب ، منقي من برّات القلمون .
جمال ، وأخلاق ، وعلم وفهم ، وأفكار ، ومبادئ ، شو بدكم أحلى من هيك ، ما رح قللكم شو اسمها مشان ما حدا يحبلي ياها .

[محمد أحمد الفلو]

ليك يا ريس قد ما كانت حبيبتك كاملة الأوصاف ,
99 % من يلي بيخطبوا من برات القلمون( وهوني المشكلة من البنت مش من إهلها.) , بيكون عندن تجارب فاشلة بالقلمون,
و العالم بيحكوا عنو شماتة.
فجهز حالك للشماته من هلأ

[kalamoun_28]

السلام عليكم ورحمة الله وبركاته,

أهلا وسهلا بالسيد حميطون. أدليت بتصريح عبارة عن 3-4 كلمات ولكنهم هزّوا المنتدى بالكامل .

99 % من يلي بيخطبوا من برات القلمون( وهوني المشكلة من البنت مش من إهلها.) , بيكون عندن تجارب فاشلة بالقلمون

هل تستطيع أن تعطينا أمثالا, ربما سوف تقول لي أنك لا تريد أن تدخل في الاسماء احتراما, فهل من الممكن حينئذ أن تعطينا العدد الصحيح من الرجال الذين تعرفهم أنهم تزوجوا من خارج القلمون لأنهم واجهوا تجارب فاشلة في القلمون ؟

هذا من ناحية, أما من ناحية أخرى, فأنا لا أعرف ماذا تقصد بتجارب فاشلة ؟ هل تسّمي عدم حصول تفاهم بين اثنين مخطوبين تجربة فاشلة ؟ شخصيا ومن خلال ما سمعت من أخبار عن هذا الموضوع في معظم الأحيان تكون تجربة "ناجحة" لأن الرجل والمرأة في حال عدم الاتفاق يصبح عندهم مفهوم أوسع عن الخطوبة وماذا كل واحد فيهم يتمنى أن يجد عند الطرف الاخر من مميّزات.

في البداية, أنا شددّت على أن هذه الشعارات لا يمكن أن تتطبّق على شباب القلمون الذين تغربوا و عاشوا لفترة في الخارج لان المنطق والمفهوم كله يتغيّر عندما يعيش الانسان في الخارج. طبعا لا أقول أنه يصبح أفهم و متحرر أكثر, كل ما عنيته أن المفهوم يصبح مختلفا. فأرجو التأكيد من جديد أن بحث هكذا موضوع هو فقط بالنسبة لشباب يعيشون في القلمون.

أخيرأ يا سيد حميطون, "لسا مخلق يلي بدو يشمت بالمعلم الريّس"

ملاحظة : يا سيد حميطون, جهزّ نفسك ميشان دعوسك بالفوتبول في الصيف

سلامات, نزيه خداّج ملاّط

[الريس]

ولك أهلا بالمعلم نزيه ومشكور كتير على الردّ .

حبيب قلبي حميطون ، بعتقد انو الخطيبة هي بواب للزواج يلي هو مرحلة جديدة من العمر ، في هذه المرحلة الشب بكون صار عندو شريك جديد بالحياة بيوقف لجانبوا بكل شي ، وبناقشو وبيشكيلوا شو عم يصير معو ، وبيستشيروا ، وبأمنوا على تربية ولادو و.... العديد من الأمور والأهداف السامية التي لا تتحقق الا بالزواج ، مشان هيك أنا بعتقد انو الرسول اللهم صلي وسلّم عليه ، لما قال انو الواحد اذا اتزوج بكون كمل نصف ديونو ، ومش بس لأن الواحد عف نفسو وبعد عن الحرام .
هذا هو الزواج يا حبيب قلبي وهو قايم على أصل الوفاء لوالمحبة والتفاهم بين الشب والبنت ، ومش على أساس النكايات أو ما شابه ذلك ، ويا حبيب قلبي يلي بدو يطلع برّات الضيعة لأن فشل بتنقاية الحبيبة نقى واحدة على السحنة وبس طلع هو بفكر بالهند وهي بتفكر بالسند ، هذا يا حبيب قلبي اذا اتزوج من برات القلمون نكاية ، صدقني ما بكون عم يعمل الا نكاية بحالوا لأن الزواج يلي قائم على مبدأ النكاية ما بيستمر يومين تلاتة ، يعني يمكن أول كم يوم يمرق هو ومشنغل مرتو الغريبة ويعمل حالوا عم يكزر لحتى يورجي حبيبتو القديمة ، بس بعدين ما رح يطيق العيشة معها لأن زواج ما قايم على شي ثابت ومكين ، ما قايم على حب ووفاء وتفاهم وحوار ، قايم على نكاية وبس ، وللأسف نكاية بحالوا وبمرتو وبس .

يا حبيب قلبي الريس مش من كل هالفرقة ، ريس شاييف انو الزواج شي أكبر من هيك بكتيير كتيير ، وهو ما عم يحكي انو الواحد لازم يطلع برات القلمون نكاية بفلانة أو ...... الريس عم يقول انو الواحد ما يحد حالوا ، ما يفرض على حالوا دويرة ويقول أنا ما بأيبل الا ضمن هالدويرة ، ما يقول قبل ما يتزوج أنا ما بخد الا من القلمون ، لأ ، الواحد يتركها طبيعية ، لا يحط أي حدود على حالوا ، ويخلي الأولوية عندو للحب والقدرة على التفاهم و.......

يعني يا حبيب قلبي اذا في كم واحد عملوا نكاية أو اذ كل الشباب يلي اتزوجو من برات القلمون أو 99% منهم متل ما عم تقول عملوا هذا الشي عن نكاية ، فهنة متل ما قلتلك ما عملوا الا نكاية بحالهم ، وهنة مش عبرة لإلنا ولا شي ، وتجربتهم الخاطئة ما رح تصدنا انو نعمل تجارب ناجحة في هذا المجال بإذن الله .

ويلا اتحمى منيح لأن المعلّم نزيه ناوي يدعوسك بالغول ، الله يسامحك على هالجملة ، هلأ بتإطعلوا بنصيبو من القلمون ومن براتها .

[محمد أحمد الفلو]

السلام عليكم ورحمة الله وبركاته,

أهلا وسهلا بالسيد حميطون.
وعليكم السلام ورحمة الله وبركاته
أول شي مبروك يا أخ نزيه , بارك الله عليكما وجمع بينكما بخير

أدليت بتصريح عبارة عن 3-4 كلمات ولكنهم هزّوا المنتدى بالكامل .

لأني بفرنسا و معندي لوحة مفاتيح عربي, فبستعمل

http://www.lexilogos.com/clavier/araby.htm

هل تستطيع أن تعطينا أمثالا, ربما سوف تقول لي أنك لا تريد أن تدخل في الاسماء احتراما, فهل من الممكن حينئذ أن تعطينا العدد الصحيح من الرجال الذين تعرفهم أنهم تزوجوا من خارج القلمون لأنهم واجهوا تجارب فاشلة في القلمون ؟
انا والله لما كتبت المشاكة , مكان في ببالي حدا محدد
خطر عبالي كتير شباب صار معن هيك لما قرأت مشاركتك
مرح سمي أكيد
بس لسا مخطر على بالي ولا مثل للعكس

بس والله مش شماته , أكتر يلي بعرفن هيك دينين, الحق على مين ? عالطليان ! لأ عسوء التربية الدينية , وخصوصا للمواضيع المهمة مثل الزواج.

في البداية, أنا شددّت على أن هذه الشعارات لا يمكن أن تتطبّق على شباب القلمون الذين تغربوا و عاشوا لفترة في الخارج لان المنطق والمفهوم كله يتغيّر عندما يعيش الانسان في الخارج. طبعا لا أقول أنه يصبح أفهم و متحرر أكثر, كل ما عنيته أن المفهوم يصبح مختلفا. فأرجو التأكيد من جديد أن بحث هكذا موضوع هو فقط بالنسبة لشباب يعيشون في القلمون

معك حق بس أنا من زمن تركت القلمون , يعني معك على نفس الموجة

ملاحظة : يا سيد حميطون, جهزّ نفسك ميشان دعوسك بالفوتبول في الصيف

سبحان الله يا زلمه , اليوم كنت مع أيمن أخوك عال msn وقلتلوا نفس الجملة.
فردلّي
لكن مندعوس فريق الحارة إنشاء الله.
والريس معي هجوم.

[kalamoun_28]

السلام عليكم ورحمة الله وبركاته,

أنا بأمرك يا سيد حميطون, ولكن أذكرك بالمثل المشهور "مد بساطك عأد اجريك" أو اغنية الست نجوى "خليك على الأرض لا تعلى كتير, مفي طاير علّى والاّ وقع بكير"..... تريد أن تتغلب على فريق الحارة, حارة بيت خداّج, منذ متى تؤمن بهذه الشعارات المزيفة.... هل تحلم عندما تقول أن فريق حارة خداّج سيخسر؟؟؟؟

المهم جهزلي حالك و استعد للهزيمة..... Go GERMANY Go

سلامات, نزيه خداّج ملاّط

[الريس]

يا معلّم حميطون ، ليش ما علقت على كلامي ؟
اما أن تكون اقتنعت ، أو ما اقتنعت وبالحالة التانية مطلوب منك اتابع الحوار ، وتخبرنا باعراضاتك وليش ما اقتنعت ؟؟

وعلى كل مشكور ، يلا الريس ناطر

[omomar]

السلام عليكم ورحمة الله .اول شي غريبة يا خيي الريس انه اسان ولا اخت شاركت معك بالموضوع
بس القصة انه انا منشان الاولاد قعداتي قليلة على الكمبيوتر.بس بالنسبة للموضوع الي طرحته انا مش ضد انه الواحد ياخد من برات القلمون والله يخليلك حبيبة قلبك وما يبعدها عنك بس انا ضد بعض ناس يلي بيقولوا انه غير القلمونية مناخدها لانه طلباتها اقل وما بدها هيك وهيك و.............وبس ياخدوها لحقلهم جيب طلبات بس لو قلمونية يمكن كان قلها .............
بس الحب مش كل شي ،يعني الي غير القلمونية وبتقدر تندمج مع عقل القلمونيات اهلا وسهلا فيها ومنحطها بعيونا والله بس اذا ما قدرت اندمجت فزوجها هو يلي بده يتعب يعني بدك تفتشلها على صديقات على ذوقها وبدك تاخدها لعند اهلها و.................... والاكتر من هيك انه انا ما بدي كون قبلية قلمونيه بس متل امهات القلمون ما بتلاقي بيعيله اولادهم واولاد ولادهم بس امهات برة اذا شوية بيصير بدهم ................معليش ما بدي اي اخ اخد من برات القلمون يزعل مني انا مش عم قول الكل ،انا عم قول البعض وهلاء بدي قوم لعند الاولاد وبعدين بكفي ان شاء الله.

[محمد أحمد الفلو]

يا معلّم حميطون ، ليش ما علقت على كلامي ؟
تفضل يا ريس


حبيب قلبي حميطون.

احبك الله الذي أحببتني فيه.
هذا يا حبيب قلبي اذا اتزوج من برات القلمون نكاية ، صدقني ما بكون عم يعمل الا نكاية بحالوا لأن الزواج يلي قائم على مبدأ النكاية ما بيستمر يومين تلاتة ، يعني يمكن أول كم يوم يمرق هو ومشنغل مرتو الغريبة ويعمل حالوا عم يكزر لحتى يورجي حبيبتو القديمة ، بس بعدين ما رح يطيق العيشة معها لأن زواج ما قايم على شي ثابت ومكين ، ما قايم على حب ووفاء وتفاهم وحوار ، قايم على نكاية وبس ، وللأسف نكاية بحالوا وبمرتو وبس .

أنا ما قصدي على هذا النوع من الناس , أنا قصدي على الشب هلي بيفضل يتزوج من القلمون بس بيجرب عدة مرات وما بتتيسر معو , فبيقيبل برّا.
وهون مش مشكلة, لأن البنت حقاّ ترفض الشب إزا ما عجبا , بس للأسف كتير مرات بتكون المشكلة من الأهل .
بس مشان باقي ما قلت فأنا موافق 100%.
وكنت واعد أمي جبلا معي فرنسية لما كون راجع.

ويلا اتحمى منيح لأن المعلّم نزيه ناوي يدعوسك بالغول ، الله يسامحك على هالجملة ، هلأ بتإطعلوا بنصيبو من القلمون ومن براتها .

ماجاوبتني إزا بتلعب معنا أو لأ يا ريس.

يعني الي غير القلمونية وبتقدر تندمج مع عقل القلمونيات اهلا وسهلا فيها ومنحطها بعيونا والله بس اذا ما قدرت اندمجت فزوجها هو يلي بده يتعب يعني بدك تفتشلها على صديقات على ذوقها وبدك تاخدها لعند اهلها
هذا حكي
بعدين الولاد أي لهجه بيحكوا وأي عادات بيتّبعوا ?

ومشان السيد نزيه , والله خطر عبالي ناس متزوّجين مش من القلمون , مش لأن عندن تجارب فاشلة!
بس من جيل أبي كلن ( لأن كانوا يشتغلو برات الضيعة ).

[omomar]

يلى الله يبارك للاخوة الي تزوجه من القلمون ومن براتها ويلي بدهم يتزوجوا كمان منيح هيك .

[الريس]

السلام عليكم ورحمة الله .
وعليكم السلام ، أهلين وسهلين .

اول شي غريبة يا خيي الريس انه اسان ولا اخت شاركت معك
بالموضوع

أكيد ، شنهم فزاعنين من الريس ، يعني عادة الصبايا بيتحنفشو عهيك مواضيع ، بس هالمرّة ما حدا اتحنفش وما حدا استرجى حكي لأن القصة مع الريس ، يعني صارو عارفين الريس .

بس القصة انه انا منشان الاولاد قعداتي قليلة على الكمبيوتر.

تمام ، الله يعطيكي العافية ، ويخليلك هنة ، اذا هيك ، منا زعلانين منك أبدا .

بس بالنسبة للموضوع الي طرحته انا مش ضد انه الواحد ياخد من برات القلمون والله يخليلك حبيبة قلبك وما يبعدها عنك بس انا ضد بعض ناس يلي بيقولوا انه غير القلمونية مناخدها لانه طلباتها اقل وما بدها هيك وهيك و.............وبس ياخدوها لحقلهم جيب طلبات بس لو قلمونية يمكن كان قلها .............

أنا ما بعتقد انو هذا التفكير موجود بين الشباب ، فالشاب المقبل على الزواج لا يفكر في طلبات الزوجة والمصاريف كثيرا بقدر ما يكون يبحث عن الحب الحقيقي ، أما المشاكل والمصاريف و... فكل هالطوشة بتجي بعد الزواج ، يعني يا أم عمر يلي بدو ينقي فتاة ما عندها مصاريف كتيير وما بعرف أيش ، فهذا بدو يكون مأضي فترة شبابوا مع الختايرة وشي من هذا القبيل . على كل هذا التفكير غلط ، لأن الفتاة تبقى فتاة ، وطلباتها ورغباتها ليست مرتبطة بالأرض التي ولدت فيها ، يعني البنات في شغلات بحبوها ، وبيطلبوا من رجالهم انهم يجيبولهم ياها ، فما حدا يتصور انو بنت القلمون بتطلب والبنت الغريبة ما بتطلب ، في هذه المسألة هم سواسية .


بس الحب مش كل شي ،يعني الي غير القلمونية وبتقدر تندمج مع عقل القلمونيات اهلا وسهلا فيها ومنحطها بعيونا والله بس اذا ما قدرت اندمجت فزوجها هو يلي بده يتعب يعني بدك تفتشلها على صديقات على ذوقها وبدك تاخدها لعند اهلها و....................

كلامك على راسي يا أم عمر ، بس أنا مش معك بكلمتك انو الحب مش كل شي ، انا مقتنع انو الحب هو كل شي ، لأن هو بيجمع كل شي ، يعني بيجمع الأخلاق والجمال والثقافة والتفكير و... لأن أنا بس حب واحدة ما بحبها على شكلها وبس ، بل بحبها على مجموعة صفات موجودة بها ، وطالما اني أنا قلموني كح ، وقدرت انسجمت معها ، فليش لحتى ما حدا ينسجمو بنات الضيعة معها ، يعني أنا آخدها لي ، مش لبنات الضيعة ، واذا ما انسجمت مع بنات الضيعة -لأني عارفهم رح يغاروا منها ،أول شي من جمالها ، وتاني شي من عريسها يعني حضرتي- أنا بكفيها عنهم انا بكذر معها ، أو بتركها اتكزر مع أختي أو ...... وبعدين وين المشكلة اذا رحت وخدتها لعتد أهلها أو .... يعني شو أنا خاق ومصراني اساتوا معلق بالقلمون ؟؟ ولك كلو في سبيل الحب بهون ، يا عمي فهموني ، ما بعرف كيف الواحد بيحكي ، ما بعرف قول بأيش بحس تجاها ، ولك اذا قالتلي خدني على القمر بقلها بسيطة ، وأنا ومكسوف منها كمان ، فشحال اذا قالتلي خدني لعند اهلي .

والاكتر من هيك انه انا ما بدي كون قبلية قلمونيه بس متل امهات القلمون ما بتلاقي بيعيله اولادهم واولاد ولادهم بس امهات برة اذا شوية بيصير بدهم ................

يا أختي ما كل أمهات القلمون نفس الشي وما كل أمهات برات القلمون نفس الشي ، في نسوان من القلمون ما مرابايين وما بيعرفوا يربوا ، وفي نوسوان برات القلمون كل واحدة منهم جامعة ومش مدرسة بالأخلاق ، فالعبرة بموضوع التربية ليست انو اذا كانت الواحدة موجودة بالقلمون أو خارجها ...


معليش ما بدي اي اخ اخد من برات القلمون يزعل مني انا مش عم قول الكل ،انا عم قول البعض وهلاء بدي قوم لعند الاولاد وبعدين بكفي ان شاء الله.

طيب موفقة ، الله يعطيكي العافية ، واذا عذبوكي الولاد ، الريس بيمصعلك رقبتهم مصع .

[الريس]

معلم حميطون ، مشكور بس أنا ما بلعب غول .

[omomar]

خيي الريس الله يباركلك في شغلات فهمتني فيها شوي غلط ،و الظاهر كتير معلق و الظاهر هي كتير منيحة .انا عندي 3 صبيان اذا عندها اخوة بنات صغار

[الريس]

أم عمر ، بتمنى عليكي انك توضحي بأيش أنا فهمتك غلط ، على كل أنا مش مستعجل ، على رياحتك ، والله يعطيكي العافية بترباية الولاد

[واحد]

السلام عليكم ورحمة الله وبركاته،
بارك الله بالجميع على ما تفضلوا به.

اود الإشارة إلى النقاط التالية:

1. مراعاة الأخ الريس لأن الظاهر مثل ما بيقولوا "غرآن لشوشتو"
2. ما حدود علاقة الرجل والمرأة قبل الزواج (العقد) ولتكن فترة الخطوبة.
3 ما حدود علاقة الرجل والمرأة قبل الخطوبة (قد تكون خارج الموضوع ولكنها محل نقاش قريب من موضوع القضية).
4 اعتبر الريس ومن آزره أن لا أفضلية بين بنت ضيعته والغريبة عنها. أقول إذا كانت الغريبة أفضل ولم يجد من تناسبه فلا حرج أما إذا علم وجود من عندها ما يريد فالأظهر عدم العدول إلى الغريبة لأسباب لا تخفى على ذي لب. والموضوع مطروح للبحث.
5. هل للرجل أن يتزوج بالغريبة عن بيئته/قريته؟ أقول: لا حرج في ذلك البتة من الناحيتين الدينية والاجتماعية ولكن لا بد من التأكيد على أن صاحبة نفس البيئة لها نوع من التميز كما أن ذات الدين أفضل ممن هي ليست كذلك وكما أن صاحبة الحسب والنسب أفضل ممن هي دونها بهما وما إلى ذلك من المقاييس والاعتبارات الدينية والاجتماعية. وهنا ألفت النظر إلى قول الريس أنه لا يهمه أهل الضيعة ويستطيع أن "يكزر" على حد قوله مع زوجته أو حتى أخته معها وهو كلام فيه تجاوزات اجتماعية لها انعكاسات وعواقب غير محمودة ومن الواضح شدة تعلقه كما ذكرت في البداية.
6. كيف الحال بالنسبة لمن الغريب فيهم الزوج

أعتقد أنني شعبت القضية بما فيه الكفاية ولكن هذا لمجرد البحث والتوسع

وللكلام بقية إن شــــــــــاء الله،
والسلام،

[الريس]

السلام عليكم ورحمة الله وبركاته،


وعليكم السلام عليكم ورحمة الله وبركاته، كيف حالك يا حبيب قلبي يا واحد .




اود الإشارة إلى النقاط التالية:

تفضل ، تشوف وأنا رح علق عليهم واحدة ورا التانية .



1. مراعاة الأخ الريس لأن الظاهر مثل ما بيقولوا "غرآن لشوشتو"

غرآن فهمناها ، بس شمعناتا "شوشتو" ؟؟؟ اذا قصدك فيها اني بحبها ، ولك بقول اني بحبها وبحب الأرض يلي بتمشي عليها .

2. ما حدود علاقة الرجل والمرأة قبل الزواج (العقد) ولتكن فترة الخطوبة.

يا حبيب قلبي مشكور كتيير ، بس هيك شغلات فينا اناقشها بموضوع وحدها ، والا اذا كل المواضيع يلي لها دخل بدنا اناقشها بهذا الموضوع ، ساعتها أنا برأيي ما كان في داعي يفتحوا ساعة خاصة بالنسوان ، يعني الساعة بتنفتح لحتى يكون فيها مواضيع مش بس الريس ، كما اني ما شاييف انو العلاقة بين الرجال والمرأة وحدودها موضوع فيه حوار ، يعني هيك شغلات بيخدها الشب هيك ، يعني الشيخ بقولوا للشب فيك تشوف من خطيبتك هيك وهيك و... الشب بيخدهم بلا ما يروح يناقش ، يعني هيك شغلات برأيي ما فيها نقاش -الا اذا كانت شغلة اختلفوا عليها المشاييخ- يعني شي مرا شفتلي تنين عم يناقشوا ليش العصر أربعة مش تلاتة أو ..... فأنا أميل الى أن يكون هذا الموضوع في ركن الفتوى وبقلم أحد المشاييخ ، او اذا بدك افتحلك شي موضوع بالساحة الاسلامية عن هيك شغلات ، بس متل ما قلتلك أنا ما شاييف انو فيه شي بيتناقش ، على كل انت طرحوا وما ترد عليي -لأن أنا بحكي كتيير- ويمكن يكون عندك شي لفتات حلوة بموضوع الخطيبة والضوابط الريس ما منتبهلها ، فطرحها واذا كان في شي بيتناقش رح تلاقي الريس أول واحد عم يناقش معك .

3 ما حدود علاقة الرجل والمرأة قبل الخطوبة (قد تكون خارج الموضوع ولكنها محل نقاش قريب من موضوع القضية).

هذه يا أبو الشباب أنا بحسها لازم تتناقش عنجد ، ويتنبه عليها ، بس خلينا انكفي موضوعنا هذا ورجاع طرحها بهل الساحة ، ما اتضارب على الريس .

4 اعتبر الريس ومن آزره أن لا أفضلية بين بنت ضيعته والغريبة عنها. أقول إذا كانت الغريبة أفضل ولم يجد من تناسبه فلا حرج أما إذا علم وجود من عندها ما يريد فالأظهر عدم العدول إلى الغريبة لأسباب لا تخفى على ذي لب. والموضوع مطروح للبحث.

نعم يا حبيب قلبي أنا قلت لا فضيلة بين بنت القلمون والبنت يلي من برات القلمون ، واساتني مصر على كلامي شو بدي استحي منك يعني ، ولك آه قلتها . وبعدين تعا لهون تشوف ، ليش عم تحكي عن الخطيبة متل كأنها عملية شراية وبيع ، يعني أنا وعم اقرأ شاييف انك معتبر انو الشب بكون عم يأيبل على مجموعة سفات معينة وخلص ، يعني ما بهمو وين لقي هذه الصفات أو ... يا حبيب قلبي يا واحد أنا ما عندي صفات محددة بدي ياها بمرتي ، بس في عندي حد أدنى من الصفات ، ويمكن هذا الحد يكون موجود عند ألف واحدة بالدنيا ، بس أنا ما رح أخد الا يلي بحبها قلبي ويلي بينشرحلها صدري ، ولك ما بعرف كيف بدي اشرحلك بس في منهم من أول نظرة بينشرح قلبك وبتتمنى انك تكفي هالعمر معهم ، عنجد ما بعرف كيف بدي اشرحها ، ولك تعا خود عنيي وشوفها بقا ، وانت رح تفهم عليي كل شي ، رح تفهم عليي شو عم يصير فيي ، ولك دعولي ، ولك قلبي عم يتأطع ، خلص ما بق حدا يزيدها عليي ، تركوني بهمي .

وبعدين يا حبيب قلبي يا واحد أنا مش من تبعون اللب أنا من تبعون القشر ، اعتبرنا جحاش وخافية علينا هذه الأسباب فطرحها وناقشها معنا ، وخود وعطيي .


5. هل للرجل أن يتزوج بالغريبة عن بيئته/قريته؟ أقول: لا حرج في ذلك البتة من الناحيتين الدينية والاجتماعية ولكن لا بد من التأكيد على أن صاحبة نفس البيئة لها نوع من التميز كما أن ذات الدين أفضل ممن هي ليست كذلك وكما أن صاحبة الحسب والنسب أفضل ممن هي دونها بهما وما إلى ذلك من المقاييس والاعتبارات الدينية والاجتماعية.


ولك يا حبيب قلبي يا واحد حاسك عم تخلط كل شي ببعضوا ، أنا بس عم انتقد على تفضيل بنت القلمون على غيرها ، وما عم قول انو يلي ما عندها دين أحسن من ذات الدين و..... أنا هالشغلات عارفها يا حبيب قلبي ومتفق أنا واياك عليها ، بس حابب أعرف ليش صاحبة نفس البيئة لها هذا التمييز ، يعني هل أنا مش طبيعي ، هل هو تمييز أنوثي وأنا مش رجال لحتى كون ما حاسس فيه ؟ أو هل هو تمييز عقلي وفكري ، وأنا واحد جحش بلا مخ لحتى ما حس فيه ؟ أو هل هو تمييز أخلاقي ، وأنا واحد أزعر ما بسوى فرنكيين لحتى ما حاس فيه ؟ يعني فهمنا أي نوع من التمييز تقصد ؟؟ أنا يا حبيب قلبي بقول انو كل واحد بحس انو المرأة يلي آخدها مميزة ، يعني أد ما حاورنا ومدي أيش ، هل رح اقدر أنا غير احساسي وصير حس بتمييز من بنات القلمون أكتر من البنت يلي بحبها ، يعني لحو المعلم نزيه سألوا هل هو ما حاسس بتمييز من زوجتو ، وهل يا ترى كان رح يحس بتمييز أكثر لو انها زوجتو كانت من القلمون ؟؟
يا حبيب قلبي يا واحد ما تحكي بشكل عام ، خلينا ناقش على أرض الوقع كل صغيرة وكبيرة ، أنا بدي افهم مني قال أن التمييز تحدده الأرض ، يعني يا حبوب في كتير paramètre بحددو التميز وكميتو و...... ولئن كانت الأرض أو الجيرة paramètre من هدال ، فالريس بقول انو في paramètres كتار غير هذا بعوضوا عنو ، وبغطو عليه .

وهنا ألفت النظر إلى قول الريس أنه لا يهمه أهل الضيعة ويستطيع أن "يكزر" على حد قوله مع زوجته أو حتى أخته معها وهو كلام فيه تجاوزات اجتماعية لها انعكاسات وعواقب غير محمودة ومن الواضح شدة تعلقه كما ذكرت في البداية.

وين التجاوزات الاجتماعية ، ووين العواقب الغير محمودة ، بلشت شم ريح أنفلوازا الطيور ، آه هلأ عرفت هذا كلوا من العواقب ......

6. كيف الحال بالنسبة لمن الغريب فيهم الزوج

كمان ما فيها أي شي انو اذا واحدة اخدت من برات القلمون ، بس لازم تكن حذرة لأن الشب يلي من برات القلمون بكون تفكيروا مبهم عليها نوعا ما ، بس ما مشكل فيها تنسجم وتتأقلم ، بس هي لازم تكون حذرة وتعرف تحاور .

أعتقد أنني شعبت القضية بما فيه الكفاية ولكن هذا لمجرد البحث والتوسع

نعم ، الله يعطيك العافية ، تفريع وتشعيب حلو ، بس متل ما قلتلك في مواضيع وفي تفرعات لازم تنفرد بموضوع وحدها ، وفي منها أنا حاسوا لا يحتمل الحوار .

وللكلام بقية إن شــــــــــاء الله،
والسلام،

الله معك ، خلينا نشوفك بكرا .

[flauritta]

hey hey tawwel belek..l3ama ya nader shu bighoraw minak..eh w mitil ma ol akhi koullou sa777 w ma 7ada yjekerrr

[واحد]

حلو كتير... هذا المطلوب.

كيف ما عرفت معنى "شوشتو"؟ يعني كأنك من برات القلمون..
بس صحيح مثل ما إنت فهمت، المقصود إنك "بتعشقها"! وما حدا قال عيب. بس أنا حبيت اسمع كيف الواحد (مش أنا) لازم يتعرف عالبنت لأني حسيت إنو طريقة التعرف عندك، خليني قول مشبوهة. بس يلي صار صار.. وهلأ حبيت وما حد فيه يقولك لأ والله يجمع بينكما بخير ويرزقكما الذرية الصالحة وهو على ما يشاء قدير.

أما عن حدود العلاقة قبل وبعد الخطوبة، أردت فقط أن ألفت النظر إلى هذه القضية دون مناقشتها ومرجعنا في ذلك دين الإسلام دون أهواء أهله.
فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجاً مِمَّا قَضَيْتَ وَيُسَلِّمُوا تَسْلِيماً (النساء:65)
وعنه صلى الله عليه وسلم (لا يؤمن أحدكم حتى يكون هواه تبعاً لما جئت به)

تعقيباً على ما كتبت حول أفضلية بنت نفس البيئة (القلمون) :
أولا أرجو أت تهدأ والقصة مناقشة وليست مصارعة وليس في يدي أصلاً أن أحول بينك وبين ما تريد. ثم لا بد من مراعاة أسلوب الكلام وحسن اختيار الألفاظ فلا يدري أحدنا من يخاطب.

الموضوع حول اعتبار أفضلية لابنة البيئة قبل الاختيار وهوى القلب (مش بعد ما وقع الفاس بالراس). يعني إنت هلأ خلص حبيت وانتهى موضوعك. بس أنا أتكلم عن قضية أعم بسبب ما أشرت إليه أنت من أنه لا ميزة لابنة بيئتك على من سواها. وإذا أردت مناقشة ذلك، فلا أقل من التجرد وصرف النظر عن حبك. أرجو أن أكون قد أوضحت وجه الخلاف ولك أن تعلق ولكن دون اعتبار قضية حبك موجودة أصلاً...

قال الريس: (فالريس بقول انو في paramètres كتار غير هذا بعوضوا عنو ، وبغطو عليه) جيد، ألا ترى أنك تعترف بوجود ميزة ولو أن غيرها كثير ويغطي عليها؟ بس هذا معناتو في ميزة. يعني لو حطينا الparamètres إلي عندك وعلامات تقيم كل ميزة، لازم عندك (كون البنت قلمونية) ولو بقيمة 1%. لا أحد يقول بأن بنت القلمون الجاهلة أفضل من الغريبة المتعلمة. هذا عين الجهل. أرجو أت تكون الفكرة أوضح.

أما عن فكرة إنك بتكزر معها وكأنو ... عأهل القلمون، وعامل حالك مش فاهم ليش هذا مش صح. رح خليك إنت تحسبها مرة تانية ليش العواقب غير محمودة وتقلي شو عندك.

أحاول الإيجاز قدر المستطاع،
وأستغفر الله لي ولكم.

والسلام،

[الريس]

أول شي بقول لفلوريتا أهلا وسهلا فيكي ، وبتمنى انو يكون حوارك وكلامك على مستوى ثقافي أعلى من هيك بالمرّات الجاية .


حبيب قلبي واحد ، أنا مش عارف انت مين بس شكلك شيخ ، وعلى كل أنا بعتذر منك اذا أنا وعم ناقشك اسأت بطريقة التعبير .

فيما يخص طريقة التعرف وما شابه ذلك فهذا موضوع منفرد ، يعني بهل الإيام الواحد فيه يتعرف على بنت بطريقة غير مباشرة ، مثلا بكون بالشغل وواحدة بتشتغل معو بنفس الشركة أو.... ولاحظ عليها انو أخلاقها حلوة و... وشكلها حلو و.... واتقرب منها شوية شوية -ضمن الشروط يلي حطها الشرع- وناقش معها ولقيها بتفهم و... فهذه أنا ما بلاقي فيها أي شي ، هيك شغلات بحسها طبيعية كتير ، وعلى القليلة بتضل أفضل من طريقة الخطيبة على الصورة .


وبالنسبة لقضية الضوابط قبل وبعد الخطوبة ، مشكور كتيير على هذه اللفتة ، وبالفعل احنا لازم انحكم الشرع بكل شي ، لأن بالقلمون وغيرها الواحد ما عم يقدر يميز بين الخطيبة والزواج ، يعني بقللك خلص ما اختطبنا وصرنا محسوبين على بعضنا ، شو فيها اذا ركبنا وحدنا بالسيارة أو شو فيها اذا سلكت عليها بالإيد ، أو شو فيها اذا اختلينا مع بعضنا وصرنا تصهصن بصوت عالي و....... فبتشكرك كتيير على هذه اللفتة وان شاء الله منرجع منفردها بموضوع تاني .


وبالنسبة لأفضلية بنت القلمون على غيرها وما شابه ذلك ، أنا ما في قدني راييق هلأ ، ومستعد ضلني اسمعلك وحاور معك ، لحد ما واحد منا يقتنع بالحق ، وأنا هلأ شاييل حبي على جنب ، وحبي وبينطبق عليي أنا وحدي ، وما رح حكي الناس على الأساس يلي بشعر فيه أنا أو ... رح حكي الناس ، على أساس منطقي وعقلي ....


وفيما يخص مسألة هل كون البنت من القلمون هو paramètre يساهم في اختيار الزوجة و... أما أنه لا جدوى له ، أقول ان عملية اختيار الزوجة تحددها عدة paramètres ولكن هذه الـ paramètres ليست ثابتة وليست نفسها عند جميع الناس ، فمثلا في المجتمع الغربي لا نكاد نجد أحد يهتم بparamètre الأخلاق أو الدين أو البكارة أو ..... وغيرها من الأمثلة الكثيرة ، وفي القلمون الأمر نفسه ، فهذه الـ paramètres ليست نفسها التي يحملها جميع الشباب المقبل على الزواج ، فربما يكون بعضهم يهتم بالهوية الجغرافية للفتاة وربما يكون آخر لا يهتم ، اذا هذا الـ paramètre موجود ولكن ليس عند الجميع .

ولئن كنا متفقين على أنه لا أفضلية لبنت القلمون على غيرها عند الشباب الذن لا يملكون هذا الـ paramètre ومن قرارة أنفسهم لا يرون أي فرق بين بنت القلمون وغيرها ، فدعونا ننتقل الى النقاش والحوار في الذين يملكون هذا الparamètre ويشعرون بأفضلية لبنت القلمون على غيرها ، هؤلاء يا حبيب قلبي قصتهم قصة ، وبالأخص يلي فارضين مسبقا انهم ما بيخدوا الا من القلمون فهدال عملو paramètre أساسي هو الهوية الجغرافية للفتاة ومن ثم بعد تأكيد هذا الparamètres ينظر لبقية الـ paramètres ، يعني أهم شي عندو انها تكون من القلمون وبعدين اذا كانت قلمونية ، فساعتها بشوف أخلاقها و......... وهذا خطأ كبير لأنه ربما لن يجد طلبه بشكل دقيق بين فتايات القلمون فيضطر بالرضا بفتاة الأقرب للمطلوب ، وهذا قد يشكل مشاكل مستقبلية بعد تعود كلا الزوجين على بعضهم البعض ورفع الكلفة بينهم ، بس اختلاف التفكير و......

أما الذي يهتم بهوية المرأة الجغرافية ولا يجعلها الأهم ، ولا يفرض على نفسه قيض قلموني أو ... فهذا حرّ في مزاجه ولا نملك له شيئا ، يعني الزلمة لو مراق ببنات القلمون ، بس ما مغلب هذا المراق على شغلات تانية لازم تكون موجودة بالزوجة ، هذا يخد يلي بدو ياها ، وما حدا لو شي معو أبدا ، بس ما يروح يحكي الناس انو بنات القلمون أحسن أو ...... يعني اذا أنا بحب المراكبي ما بقعد بعمل حملات تشجيع لاكل المراكبي وبقطع بنصيب التفاح ......





أما فيما يخص قضية المشي مع الزوجة ، فهل تقصد بالمشاكل انها مرأة وبدها تفتن الناس بمشيتها معي ، أو هل تقصد المشاكل والنكايات والاختلاف في التفكير الذي قد يحصل مع بنات القلمون .......؟؟؟؟؟ أو أي شيء آخر .

مشكور كتيير يا معلّم واحد
وعلى راسي يا شيخنا

[واحد]

يسلم راسك..
أما عن طريقة التعرف والضوابط قبل وبعد الخطوبة، فأرى التوقف عند هذا الحد والرسالة وصلت.

وأما عن بنت الضيعة وقصتها معك وبرغم إن القصة أشبعت نقاش وقد يصبح الكلام فيها من الجدل، أقول:

1. يا أخ ريس، كأنك لم تتمعن فيما كتب سابقاً. سوف أنقلهم لك ثانية مع تغيير اللون للأحمر لمزيد إيضاح.
--- مقتبس مما مر ---
قال الريس: (فالريس بقول انو في paramètres كتار غير هذا بعوضوا عنو ، وبغطو عليه) جيد، ألا ترى أنك تعترف بوجود ميزة ولو أن غيرها كثير ويغطي عليها؟ بس هذا معناتو في ميزة. يعني لو حطينا الparamètres إلي عندك وعلامات تقيم كل ميزة،...
--- انتهى ---
وجود ميزة (خاصية) لها لا يجعلها تفضل الغريبة أبداً لكثرة الparamètres وجل ما قصدته اعتبار الميزة ولو كانت لا تزيدها أكثر من نقطة من مئة أو حتى ألف...

2. بالتأكيد كلامك سليم من ناحية كون الparamètres تختلف باختلاف الأشخاص، غير أن الذي أناقشه هو وجهة نظرك أنت وهو ما أشرت إليه سابقاً (لو حطينا الparamètres إلي عندك).

3. فيما يخص الذين يتعنتون ولا يريدون القبول بالغريبة أو العكس، فلا أزيد على قوله تعالى:

)وَكَذَلِكَ جَعَلْنَاكُمْ أُمَّةً وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً ...) (البقرة:143)

على فكرة، عجبني المثل عن المراكبي والتفاح...وفي ناس سمعت عنهم بيفضلو التفاح كمان!

وأخيراً وليس آخراً، حول قصة المشي مع الزوجة (الغريبة).. رحت بعيد بأفكارك.
إقرأ كلامك:
--- مقتبس من كلام الريس ---
واذا ما انسجمت مع بنات الضيعة -لأني عارفهم رح يغاروا منها ،أول شي من جمالها ، وتاني شي من عريسها يعني حضرتي- أنا بكفيها عنهم انا بكذر معها ، أو بتركها اتكزر مع أختي أو ......
--- انتهى ---
لونت بالأحمر لزيادة تأكيد. يعني كأنك بدك تعمل مجتمع خاص فيك وتنسى إنك محتاج تتعامل مع المجتمع إلي إنت ومرتك فيه. يعني الموضوع ما بدو تنين يحكو فيه.

وخلاصة الكلام، لماذا لا تكون أولوية البحث عن الزوجة من الضيعة ثم خارجها إذا استعصى وجود من تناسب.
هذا لا يتعارض أبدا مع احتمال أن ينشرح صدرك لغريبة ولم تكن بدأت البحث عن زوجة أصلاً وهو ما قد يبدو أنه حصل معك (مع التحفظ على الضوابط التي غالباً ما تنقض في مثل هذه الحالات).
ثم لا بد من اعتبار لوجود رجال يقررون الزواج قبل البحث ثم بعد ذلك يشرعون في البحث، فلماذا لا تكون الأولوية عندهم لابنة قريتهم.

والسلام،

[الريس]

لا أدري ليش يا حبيب قلبي واحد بدأت أشعر أن الموضوع بدأ يأخذ جانب ذوقي ، يعني صرنا عم اناقش اذا التفاح أطيب أو الليمون أطيب .

يعني القصة وما فيها انو في ناس بطبعهم بيهتموا ببنات القلمون وفي ناس متل حكايت الريس ما بتفرق معهم لا من القلمون ولا من برات القلمون ، المهم تكون ريسة بكل معني الكلمة ، ويلي عم قولوا انو يلي ما بيهتموا ما يزايدو على يلي ما بيهتموا ، متل ما عم يصير بالقلمون ، يعني بتلاقي المرآة يلي ما اتزوجت بنتها من القلمون قاعدة تدعي على كل شباب القلمون ، بدها الريس يموت هو وكل الشباب لأن بذيرة بنتها ما فيها ريحة قلمونية !!!!!

وخلاصة الكلام، لماذا لا تكون أولوية البحث عن الزوجة من الضيعة ثم خارجها إذا استعصى وجود من تناسب.

لأن كل انسان عنده أولويات شكل ، مرتبطة بشخصيته وطريقة تفكريه و... ولا يمكن لريس أو لغيره أن يغير أولوياته بين ليلة وضحاها ، بل يحتاج لتغيير الشخصية ، وتغيير الشخصية يحتاج لتغيير المجتمع ، وبيئة الشخص و....

هذا لا يتعارض أبدا مع احتمال أن ينشرح صدرك لغريبة ولم تكن بدأت البحث عن زوجة أصلاً وهو ما قد يبدو أنه حصل معك (مع التحفظ على الضوابط التي غالباً ما تنقض في مثل هذه الحالات).

لماذا تنقض ، هيأتك ما عارف مين الريس ، ولك ما تجرب تنجلأ بصوتها وتتلاعب بالحكي ، ما بتلاقي الا الكف علّم على وجها ، شو احنا جايين نلعب .

ثم لا بد من اعتبار لوجود رجال يقررون الزواج قبل البحث ثم بعد ذلك يشرعون في البحث، فلماذا لا تكون الأولوية عندهم لابنة قريتهم.

لأن متل ما سبق وخبرتك كل انسان عندو أولويات شكل عن التاني ، وما فيني أي شخص ، يطلب من التاني انو يمشي على أولويات معينة ، فالأولوية ليس العقل هو الذي يحددها أو .... بل أظنها تأتي من اللاوعي ومن عصارة شخصية الانسان .

[مصطفى معتوق]

باختصار شديد ..............
بنت القلمون بتضل جوهرة مهما صار.
وللشباب المهتمين باصت الاخلاق والصيت الخ الخ
بنات الالمون بشكل عام ما بيسترجو يغلطو لان حارتنا ضيقة ومنعرف بعضنا منيح الا كم واحدة يعني ومعدودين على الصابيع ومعروفين .
هلق كل واحدة معروفة ميني وامها مين ومتل ما قال المثل شوف الام ولم .
منو احسن منروح نجيب واحدة ما بنعرف قرعة ابوها منين ؟؟؟
انا باذن الله ما بتزوج الا من القلمون وشرطي الاول انها تكون محجبة وبتلبس عبايا سودا بس تكون محجبة عن قناعة مش لانو ابوها جبرها او لانو امها ضربتها.
واول سؤال رح اسئلها اياه رح يكون ليش تحجبتي وعلى ضوء الجواب بحدد ازا بكفي او بنصرف عنها باحسان .
ما بدي واحدة بمواصفات عروسة اخونا السوفتوير ولا الريس بدي واحدة تكفي معي الدرب وتكون الي عون على الحياة ومصاعبها وترضى تعيش على البساطة والتراث القلموني يعني تروح على الفرن تخبز صينية تطلع معي على النبعة (بعد الزواج) نعمل سيران وهيك يعني .
الله يوفقني بواحدة بنت حلال لان مرت الماضية ما نقشت بركن هالمرة انشاء الله لنشوف بس ننزل على لبنان عم بيقولولي الحريم عنا بالعيلة انو طالع جيل الله اكبر شي وش السحارة متل ما بيقولو الطرابلسية او زاعة على قولت احد القلامنة .

[ach]

السلام عليكم

أنا حبيت شارك بهل الموضوع و لو متأخر بس القصة ما بتتوقف على بنات القلمون أو غيرهم لأن الشغلة ما بتنحسب هيك و القلب ما بيفرق بين الناس غريبة أو قريبة لأن لما يدق لحدن كل الاعتبارت بتروح و بيبقى الحب الصادق هو الأهم

و لو اني علقت و من القلمون كمان

[nana]

ليش ديما عندك انتقادات ضد الغير وخصوصا اهل القلمون

[مصطفى معتوق]

ما سمعنا رأي البنات بخطبت شباب من برات الضيعة لهن ؟؟؟؟؟
يالله يا روعة ويا نادين ويا رولا ويا ........
وينكن شو كل الضغط على الشباب ؟؟

[Nadine]

انا بفضل انو الشباب يتزوجو من القلمون ,,لانو بالضيعة كل العالم بتعرف بعضها ,,,,يعني انا اللي قصدي علي انو الشاب بيقدر يعرف اخلاق البنت والبنت بتقدر تعرف اخلاقو للشاب

قال رسول الله صلى الله عليه وسلم"تنكح المرأة لأربع: لمالها، ولحسبها، ولجمالها، ولدينها، فاظفر بذات الدين تربت يداك".

(على فكرة هالمقطع مش بس عن شباب القلمون بل بالاجمال)
وانا ملاحظة انو بهالايام كل الشباب تقريبا بيتزوجو لجمالها....يعني قليل كتير انو يطلعو على بنت متحجبة وحتى ولو كانت المتحجبة احلى بكتير من المظنطرة,,بيقولو لأ هلق بتزوجها مانا متحجبة وبعدان مع الوقت بقنعها بالحجاب ....وبعدان بياكل صابيعو الشب ندامة
واذا كان الشاب غني ما بيطلع الا على العيلة ,,بتناسبو ولا لأ...

(وهون الجواب على السؤال رح بيكون سامعة عنو من كتير اشخاص صايرة معن القصة)
ليش الشاب بيتزوج من برات القلمون؟؟ (على فكرة انا عم احكي عن الشاب اللي بدو يتزوج , يعني مني عم اقصد الشاب اللي بروح برات الضيعة وبعدان قلبو بيدق وبدو يطأ حنك وما بعرف شو,,انا اقصد اللي بدو يطلب عروس)
في شباب بالضيعة عايشين على قد حالن بيقولو اذا جيت بدي اطلب فلانة من الضيعة رح تقول لأ لاني انسان عايش على اد حالي يعني المعاش يا دوب يكفي اكل وشرب واحيااااااااان يشتري تياب ,,فأحسن شي اتزوج وحدي من برات الضيعة وبتقبل انها تعيش معي سواء كنت معتر او مليونير ...
واذا في حدا عندو جواب تاني ليش الشاب القلموني بيتزوج من برات الضيعة يقلنا منشان يزيدو المعلومات...

(وكمان هون الجواب عن السؤال رح يكون سامعة عنو من عدة ناس صايرة معهم القصة)
ليش البنت القلمونية بتتزوج من برات الضيعة ؟؟؟
اول شي يمكن ما حدا طلب ايدها من الضيعة ,,,تاني شي يمكن اللي طلبها من برات الضيعة يكون معو مصاري ,,,
كمان اذا حدا عندو جواب تاني يزدلنا معلوماتنا

كمان انا سامعة كتير حكي انو الشاب بيجي بدو يطلب عروس من القلمون ,,بس يصير وقت الحكي بالمهر وما بعرف شو,,,بيقلو الشاب لابوها اديش بدكن تعملو المهر,,بعدان الاب بيقول تقلها ذهب ,,,يعني انا ما بعرف شو المقصود ,,بس هالاب يتخيل انو هالشاب ابنو شو بيكون موقفو ساعتها؟؟؟

على فكرة منشان ما حدا يعلق على كلامي انا زوجي من القلمون وبكون ابن خالتي ...

[بسام]

الحمد لله والصلاة والسلام على رسول الله أما بعد : تعليقا" على الأخت ندين أنا أعرف عدد لا بأس به من الشباب كان سبب خطيبتهم من برات القلمون هو أنهم تقدموا لعدد كبير من الأخوات المحجبات الحجاب الصحيح لكن كان الرفض سرعان ما يأتي من الأخوات بحجة أنهم سيكملون علمهم علما" بأن أولائك الشباب ليس لديهم مشكلة في أن تكمل علمها وعلما" أن الشباب لديهم البيت والوظيفة و... أنا ارى المشكلة في الأخوات وليس في الشباب وأود أن تتكرمي علينا بإيضاح صريح حول هذا الرفض بناء" على أنكي مررتي بمثل ذلك السن وما هو الحل مع تلك الأخوات علما" أن الرسول عليه الصلاة والسلام يقول إن أتاكم من ترضون دينه وخلقه فزويجوه
فأين هو هذا التطبيق لأمر الرسول عليه الصلاة والسلام أي لأمر لله عز
و جل.
سوف يتبع إنشاء الله

[عمر ملاط]

أخي الكريم بسام... أحب أن أنبهك إلى أن تنوين الفتحة ليس " ولكنه ـً .. فقد لاحظت كثرة استعمالك للهلالين مكان التنوين وهو يسبب بعض التشويش على القارئ... ويمكن أن تحصل على الحركات من خلال الكبسات التالية:
الفتحة = شيفت مع ض
تنوين الفتح = شيفت مع ص
الضمة = شيفت مع ث
تنوين الضم = شيفت مع ق
الكسرة = شيفت مع ش
تنوين الكسر = شيفت مع س
السكون = شيفت مع ء
الشدة = شيفت مع ذ
وبارك الله بكم...

[بسام]

السلام عليكم
مشكور كتير يا أخ عمر لكن ما علقت على المضوع أنا بهمني رأيك

[عمر ملاط]

هو الموضوع صار قديم.. وأكل عليه الدهر وشرب.. قولة ما بقولو... وكتار يلي حكيو بالموضوع.. وفي منن أحسن مني وأفهم مني وأوعى مني وأكبر مني... بعدان أنا ما فيني اعطي كتير رأيي بهالمواضيع.. هلأ مرتي صارت معي بدبي... يعني الحبل عالرقبة.. ما فينا نلخبط... بعدان.. أنا رجال قولة الشامي... ما منخاف من نسوانا...
بس إنت بتعرفني؟ أو أنا بعرفك؟؟؟

[wishes]

انا بنت من القلمون و احب ان اعلق على موضوع الخطبة من برات القلمون.
أنا من خلال معرفتي ببعض الشباب المتزوجين من برات القلمون, سواء كانوا من الأقارب او الأصدقاء, فبكل موضوعية بحط الحق عالبنات.
هون البنت بالقلمون بس يتقدملا عريس من الضيعة بتصير تحط شروط تعجيزية : مهر خيالي, شقة باسما, سيارة اخر موديل.......... و كأنوا الله ما خلق غيرا.
أما بس تشوف شب غريب من برات القلمون بتصير بتركض ورا لحتى يقبل يتزوجا و بتتنازل عن كل شروطا و بتصير تحكي عنو قدام العالم و تعملوا متعلم اكتر من اينشتاين و غني اكتر من اوناسيس و ملك جمال.......... و بالأخير بعد ما يتم الزواج بتندم و بيصير بدا تتطلق.
عن جد معادلة غريبة عجيبة.
على الفكرة نفس الحكي بينطبق عالشباب يللي بيخطبوا من برات القلمون.

[الريس]

يا عمي أنا ما عم هاجم نات القلمون ، بس يلي عم قولوا انو كل واحد يخد البنت يلي بحبها .

يعني أنا لما بحب بنت بكون عجبني فيها صفات معينة ، شكلها ودينها وأخلاقها ، ويمكن اتعرف على بنت خارج القلمون بعملي وتعجبني ، فوين المانيع من اني اتزوزها ، وليش بس كون ماشي بالطريق بسمع الناس عم تحكي عليي ، هادا يلي آخد الغريبة ....


وبعدين بنات القلمون ، بلا مؤاخذة ما بينحملوا ، من ناحية الكزار والهوشنة ، والتشليف ، والمهر وطأ الحنك ... ليس هذا ما يريد شبابنا .

أكيد بالقلمون في آوادم ، يعني بعرفلي كم واحدة ، بيطلعوا شي 5 أو 6 ، بس هدال طبعا ما يطلعوا برات البيت يتصهصنوا بالطرقات متل ما بيعم كتار من بنات القلمون اليوم ، وللأسف بعضهم محجبات ، على كل يلي بدوا يتزوج يراسلني ، -هذه مش مزحة أنا بنصحوا ، وبتضلها بين وبينو- .

[الزاهر]

الله يخليك يا ريس.....وأكتر شي عجبني بردك.....أخر فقرة.....إنك عم تحكي جد.....ومستعد تقدم النصيحة.......لأن عنجد بينأصنا كتير عالم هيك!!!!

وأهلا وسهلا فيك من جديد.......ولا بئا تتركنا هالأد.....ما فينا على فراقك مين ما كنت تكون!!!!

[الريس]

ولك الله يحظفك يا معلم زاهر ، وين إيامك انت ، كيف حالك ، وكيف هالجامعة ، هلأ طالع على التالتة ؟

[الزاهر]

ولك الله يحظفك يا معلم زاهر ، وين إيامك انت ، كيف حالك ، وكيف هالجامعة ، هلأ طالع على التالتة ؟

الله يخليك يا أبضاي......يا زعيم الأبضايات.......
والله.....أيامي بين هالبيت ونتوفة الكزار.........حالي نحس متل هالبلد النحس.....لكن الحمد لله.....كلشي من الله منيح.........أما الجامعة.......أنا بالعلوم.......بعتقد هاد بيكفي........

بعدين تعا لهون....لسا أسبوع بالتمام...وبيصير عمري 19......شايف حالي ختيار......بس مش هالأد........آل طالع عالتالتة آل......لا لا لا لا ......هيك كبرتني كتير.......هههههههههههه......طالع عالتانية يا زعيم!!!!.....وإن شاء الله تمضي على خير.....ونطلع عالتالتة!!!!!