Acides et Bases

[Nader 3:16]

بسم الله الرحمن الرحيم:

ان شاء الله بهادا الموضوع رح اعرض فيه كل ما يتعلق ال acide et base بطريقة مبسطة وممكن يستفاد منها طلاب القسم التاني بالشهادات (كرمالك يا VEGA ) و كمانا بقية الشباب ممكن يطّلعوا عبعض الأفكار الهامة.

مما لا شك فيه انو ال acide و ال base ممكن نصادفهم كتير بحياتنا اليومية...وكتير منستخدمهم من دون ما نعرف انو عندون هالخصائص...بذكر مثلاً حامض المراكبي فيه نوع acide يسمى ال acide citrique وكمانا مثلاً الكربونات يلي منحطها لحتى الحمّص يستوي هادا Base ....

هادا بشكل عام امّا بالكيمياء كعلم فال acide et base بشكلوا جزء كبير من علم الكيمياء كونوا يتم دراسة هالشغلات بطريقة موسعة جداً....فتتم الدراسة على بعض المعطيات و المفاهيم و القواعد (ان شاء الله رح نذكرها)..وبالطبع هالقسم من الكيمياء جدّ مهم بحياة الانسان سواءً احس او لم يحس بقيمته...

رح نبلش بإذن الله بشغلات علمية و متل ما قلت ممكن تفيد الطلاب بشكل اساسي...ورح نبلش بال acide .

تعريف: على حسب Arrhenius بقول انو ال Acide هو كل espece بتعطي ion H+ وءت مندوب هال espece بالمياه (المقطرة)....فإذاً على حسب هادا العالم انو ال acidite مربوطة بال ion H+ .وبدراستنا رح نعتمد اكتر شي عهادا التعريف.

بس ملاحظة: ممكن الproduit يعطي اكتر من ions H+ بالموية ..ساعتها منسميه polyacide وعالارجح حسب مني ذاكر انو هادا منو تابع لمنهج القسم التاني.

على حسب Lewis : بعّرف ال acide على انو كل accepteur de doublets, يعني اذا بدنا نفصل اكتر و ندخل عال structure لل molecule منؤول انو عندها orbitale vide مثل ال AlCl3 ....ال Al عندها orbitale vide ....جربولها ال rep de lewis و بتشوفوا...

بزيادة مبدئياً...وان شاء الله منتابع الشرح مرة تانية...يلي منو فاهم شي فكرة يرفع ايدو...

[وسيم أحمد الفلو]

بعتقد إنك لازم تتوسع اكتر من هيك وتجيب صور وتطبيقات

[Nader 3:16]

بعتءد انو فيك توحد ربك يا دكتور وسيم لأنو اساتنا بالبداية...اسا حتى سيرة ال ph ما فتحنا سيرتها...والموضوع طويييييل كتير...وكل فكرة رح اعطي مثال لها بالحياة العملية ولا يهمك....

المشكلة لو عندي شي برنامج لكتابة ال rx و الرسم كان افضل...بس رح حاول شوف صور جاهزة اذا استدعى الامر ولا يهمك....وفي امتحان بنهاية كل مقطع من الموضوع... اوكي؟؟؟؟؟ بتراجع منيح وممنوع تسألني بتسأل الاخ محمد دنكر او الاستاذ وليد .
بس انت انطرنا..خلينا نحضر الموضوع منيح....لأنو بدو شغل يا زلمة.

[وسيم أحمد الفلو]

مقلتلك إنو مبدو تحضير

أنا قلت لازم يكون اوضح من البداية

على كل حال هلق كمل وبعدين منحكم، وأنا بنصحك يكون الموضوع بعيد عن الطريقة المدرسية والجامعية بالتعليم، وأن يتم التركيز على الأفكار العامة والتطبيقات

[Nader 3:16]

ان شاء الله...بس لا بد من شرح من الطريقة المدرسية منشان عالقليلة يلي يقرأ يكون بالجوّ...

والمشكلة اذا بدك تفصل كل فكرة يا اخ وسيم بدك تفوت بكتير شغلااااااات لذلك رح حاول اد ما فيني ما اخرج عن الموضوع و شتت المعلومات و مشكور عالتشجيع....

[وسيم أحمد الفلو]

المنتدى والساحة العلمية بحاجة لهكذا مواضيع تخصصية (وأنا مقصر في هذه الناحية).

وعل الأقل إذا إنت بذلت جهد بالهموضوع بيكون تشجيع لإلنا وبنفس الوقت مبيصور عندك وقت للمشاركة بالمواضيع الجدلية التي لا فائدة منها.

[Nader 3:16]

رح ننتقل بعون الله لتعريف ال Base ...الاخ العالم Arrhenius بعرف ال Base انها كل espece يتحلل بالموية و بيعطي ion HO- .هادا التعريف منو كافي لأنو في Base بالاصل ما عندها HO- بتركيبتها ومع ذلك فهي تعد Base.

فأحد العلماء يمكن اسمو Bronsted. قال انو ال Base هي كل espece تمتلك doublet non liante و بإمكانها ان تسحب ions H+ مثل ال NH3 مثلاً....اذا منشوف ال structure electronique لهادي ال molecule منلاحظ انو ال N عندها doublet non liante وفيها تسحب ال H+ الموجودة بالمياه وبالتالي منعتبرها Base .

ملاحظة: المياه بحد ذاتها H2O بتعمل شي اسمو Autoprotolyse وبتعطي HO- و H+ .ولكن بنسب ضئيلة.

هادولي اهم تعريفين لل Base .....وتعريف Bronsted اشمل كونوا متل ما اسلفنا انو بفسر ال Basicite لبعض المواد التي لا يخيل لنا انها Base .

مفهوووووووووم؟؟؟؟

المرّة الجاية رح نعطي notion عن ال PH ...

[وسيم أحمد الفلو]

قبل منعطي تعريف الPH خلينا نسأل شو إنعكاس هذه التعريفات من الناحية العملية لما نعرفه عن الacide والBase؟

[Arsenic]

يا عمّي اديش حلو الشيمي و اديش حلو هالجزء الرائع من هادا العلم....

انا رح جاوبك يا دكتور وسيم كوني كيميائي و تابع للّجنة العظمى (ما رح ننساها هادي).

هادي التعريفات مهمة لنا ككيميائيين كتييير.....فلماّ بدنا نعمل اي reaction بالشيمي لازم نعرف اذا المادة يلي معنا عندها خصائص الاسيد او الباز..لأنو عأساسها ممكن نعدل عبعض حيثيات الreaction .
واكيد لما بدنا نشوف المادة المعينة اذا عندها هالخصائص لازم نرجع للتعريف.
اما بالحياة العملية فلما منعرف انو هادي المادة هي اسيد او باز لازم نتعامل معها بحذر احتكاكها بالجلد او شمها اذا كانت قوية (يا عمي الشيمي اديش خطير) و شغلة اخرى انو محاليل الاسيد او الباز ممكن كمانا تأثر على انواع معينة من المعادن فلازم نعرف وين منحفظها و عادة بقناني زجاج عازلة للضوء و مغلقة بإحكام خاصة اذا كان عندها كثافة عالية.
فعنجد شي مهم كتير نعرف نوعية المادة و خصائصها لنعرف نتعامل معها و خصوصاً اذا كانت اسيد او باز لأنون بيدخلوا بكتير reaction و هلء الندور بكفيلك شرح.
بس ابل ما انسى بدي وضحلك ياها اكتر انت بصير تربي كلب وبسينة مع بعضون؟؟؟ بيتعالءوا عالاكل عالشرب و عالنوم و كذلك الاسيد و الباز.
فلذلك........

[هشام الفلو]

بختصار
ال Acide هو كل espece بتعطي+H
ال Base هو كل espece بتسحب+H

[Nader 3:16]

بختصار
ال Acide هو كل espece بتعطي ion H+
ال Base هو كل espece بتاخد ion H+

هو يا اخ هشام هادا التعريف الأصحّ .....وبدي اشكر الأخ ال Arsenic على المشاركة ...مزبوط متل ما قلت و انا رح احكي عن ؤصة ال reaction يلي بيعملوهم لكن لا بد من بعض التعريفات الاساسية قبل المباشرة بالنواحي التحليلية و العملية.

أرجو انو الكل يستفيد من الموضوع ....لأنو مستواه عادي جداً و اي طالب ثانوي ممكن يفهموا ببساطة ان شاء الله.

ومشكورين جميعاً عالتشجيع و انا بوجّه تحية لقيادة اللجنة المبجلة التي ترعى الخبرات العلمية .....