السفر عبر الزمن، من منظور آخر !!! - Going Back in Time

[الزاهر]

[hadid]

شكلو مستر تيودور فيورو كان عم يحضر مسلسل هيروز أثناء كتابة المقال ...

تنضرب هالكم مثل أولاً

إذا حدن لعب لعبة prince of persia وهي 3 أجزاء بالجزء الأول الأمير بيقتل الشرير "الوزير" بس بحرر تربة سحرية sands of time بتلعب بالزمن ممكن توقف الوقت وممكن ترجعو وممكن وممكن ... لو ما استخدم التربة السحرية ما كان قادر يقتل الوزير ...

بالجزء التاني بيكتشف إنو بتحرير هيدي التربة السحرية تحرر معها وحش "the Dahaka" ويلي مهمتو إنو يقتل الأمير لأنو حرر التربة السحرية .... فالأمير بيرجع بالزمن باستخدام التربة إلى ما قبل وجود التربة وبقوم بتغيير " القدر " وتحرير " إمبراطورة الوقت " فيختفي الوحش ....

ولكن بالجزء التالت ولما بعود الأمير إلى بابل ... بيكتشف إنو الوزير عايش ليش ؟؟ لأنو ما في تربة سحرية يلي هوي كان استخدمها تحتا يقتل الوزير لذلك الوزير عايش ومسيطر على بابل ومدمرها ... وبقوم بأسر إمبرطورة الوقت ثم وطمعاً منه بالسيطرة على الوقت وبال"خلود" يقوم بقتلها .... وهون بتصير كارثة .....

وحالياً في جزء رابع بس لسن ما لعبتها ....

اللعبة شيقة كتير وفيها أنيميشن وفانتزي وأشياء بتصطل .... وكتير موفقين فيها وكمان فيها حدائق بابل المعلقة والمعركة الأخير بتصير على سطح الحدائق المعلقة ... و بفريق عمل اللعبة في عدد لا بأس به من الفرس ...

ثانياً
وفي عندكن لعبة ريد أليرت 3 ... بتقوم على إنو الروس رجعو بالزمن وقتلو أينشتاين ... وصار العالم أكتر تطوراً من حالياً !!! بس بدون لا طاقة نووية ولا قنابل نووية !!! وباللعبتين الأولى والتانية يملك الحلفاء جهاز كرونوسفير قادر على النقل من مكان إلى آخر بلمح البصر وكأنك تقوم بإيقاف الزمن

ثالثاً
وفي عندكن مسلسل هيروز في عدة أشخاص قادرين على إيقاف الزمن والعودة به وذلك بفضل " mutation " صارتلن بالحمض النووي .... وهؤلاء بقومو بتغيير مجرى الأحداث باستمرار وبكل مرة بلاقو إنو زبطو شغلة بس خربو مليون شغلة !!!

رابعاً
وكمان مسلسل لوست في دكتور فيزيك بجامعة أكسفورد بقوم باختراع آلة إنتقال عبر الزمن .... والجزيرة يلي بتوقع عليها الطيارة ... جزيرة غريبة على متنها يشفى المريض من السرطان ومن بعض العاهات وتستطيع الإنتقال بالزمن وتستطيع تغيير مكانها ... والمميز بالمسلسل هو إنو بيبني الإنتقالات بالزمن على أساس "علمي" نوعاً ما ومميز دون أن يكون مبينياً على فنتازيا أو خرافات ...

حديثي عن اللعبتين والمسلسلات وهناك العديد من الأمثلة الأخرى فقط للإستدلال بأن العالم يفكر بالإتقال عبر الزمن ... وأنّ هذه الفكرة هي التالي ...

قبل حوالي القرن ( أو أقل بنتفة ) كان بالأفلام أو المسلسلات أو الكاريكاتور بتلاقي إنو بورجوك مثلاً تنين عم يحكو مع بعض صوت وصورة وكل واحد بمحل ... وهيدي كانت قمة الفانتازيا .. يعني الناس كانت تقول شوهالتخريف هيدا ... أما اليوم فيمكنك بإجراء مكالمة صوت وصورة من جهازك الخليوي إلى جميع أنحاء العالم (ماعدا لبنان) فالسؤال يلي بيطرح نفسو : هل نحن قريبين من " الإنتقال بالزمان " حتى يقوم تيودور بالتفكير بأخلاقيات وماذا يمكن أن يتغير باستخدام هذه التقنية؟؟ وشكلو المستر متأكد من إمكانية إجرائها .... السؤال الآخر هل فعلاً يمكن الإنتقال بالزمن ؟؟؟ ( هيدا السؤال موجه للدكتور وسيم لأنو ملم بالفانتازيا والscience fiction و حوريات البحر ... )


بالنسبة لي إذا كان العلم قادر حقاً على على الإنتقال بالزمن .... هالشي كتير قريب وماكسيموم بدو خمسين سنة لإدام .... هاد لأنو نجحنا بمختراتنا الخاصة بتحويل أحد الإخوة إلى طاقة إستعداداً لإرساله إلى المريخ .... بس إذا كانت هالشغلة من المستحيلات (وهيدا الأرجح لأنو حالياً الإنتقال عبر الزمن وتغيير الأقدار !!! وربما الخلود !!! منا فايتة بجمجمتي وما بظن إنو حدن حتفوت بجمجمتو "إلا إذا كان ملحد" ... ) فستبقى حلماً يحلم به الإنسان ويتخيله ويستخدمه في رواياته وقصصه التعبانة ....