برنامج : عشنا وشفنا

[فشلان]

هل يعرف أحدكم كيف يمكن أن نطبق برنامج عشنا وشفنا؟؟؟ يمكن أن تجد هذا البرنامج في الصفحات الأساسية لأي قسم من أقسام ساحة البرامج بكعب الصفحة على جهة اليسار..

كل شي كنا عم نشد الظهر فيا... وعم نحاول نعمل انقلابات مع بعضنا وعم نوزع الأدوار... فتش نبش.. وغمض عين وفتح عين.. إذا بالأخت نادين مشرفة... مش بقسم واحد... بكل ساحة البرامج....

وكنت كل ما احكي على المشرفين.. تجي من ورايي وتصدقلي كلامي.. وتنفخ فيني وتحنفشني وتقولي: إنت لازم تكون المشرف.. وعلى شوية كانت رح تعمل رئيسة جبهة الدفاع عن حقوق الفشلان...

وبالآخر.... المشرفة ندين!!!!!!!
آ والله عشنا وشفنا...................

ولك دووووووووووووووووووووووووووووووووع.....

[الريس]

كل النسوان هيك ، ما لهم أمان

[Nader 3:16]

duuuuuuuuuuuuuuuuu3 يا فشلان...ان شاء الله بحياتك ما بتصير مشرف لا انت و لا صاحبك الريس!!!!!!!!!!!!!!!!!!!!!!

[الزاهر]

ليك خيي ها......ما بسمحلك تطعن بقراراتي ها......أنا قراراتي نهائية وغير قابلة للنقاش.....سامع ولك!!!!......

عم امزح ......بس أصحاك تطعن بقراراتي مرة تانية!!!!

[الزاهر]

أخي فشلان
أنا حابب ألك إنو أختي الكريمة نادين صارت مشرفة لعدة أسباب:
-نادين صاحبة أكثر عدد مشاركات
-نادين صاحبة أكبر عدد مواضيع قيمة في المنتدى
-نادين صاحبة أكبر عدد ردود قيمة في المنتدى
-نادين أنشط عضو في التحضير لمشاركاتها
-ونادين ما شاء الله عندها انترنت سريع ....وآدرة تطلعلنا كل أفلام كرتون لهون!!!!!! :-)
ولسا لعدة أسباب .....ما في داعي تعرفها.....

عرفت ليش أختي نادين صارت مشرفة......نفخلنا عضلاتك ونفشلنا ريشك لنشوف كنك خرج تكون مشرف بشي ساحة فشلانة متل حكايتك!!!
ولك ما بدها لووووووووووووووووووووووووول!!!
ولك كيف ما بدها!!!!
بدها ونص!!!

ولك لووووووووووووووووووووووووووووووووووووووووووووووووو ول!!!

[Nader 3:16]

و لك روووووووووووووووح يا زاهر كلو بالواسطة...عنجد انكم فاشلين......

أنا ارفض ان اكون مشرف في المنتدى لأسباب عديدة!!!!!!!!!!!!!!!!!
يعني ما رح عذبك بشي واسطة!! طمن بالك....

و لا تنسى تنسخلنا يلي طلبتو منك بأسرع وقت
and that is the bottom line cuz Nader 3:16 sad so

[Nadine]

اهلا بالاخ فشلان ,عالقليلي قول مبروك!!!!

ليك كيف تحنفشو الشباب.

[فشلان]

ولك ألف وستماية وخمسطعشر مبروك.. مش مبروك واحدة... أنا ماني غيران... إن شاء الله بتستلمي الصفحة كلها... بس المقصود إنو طلعت عم تشتغلي من تحت لتحت... لحد ما وصلتي وطلعتينا كش برا... صحيح إنك بتستاهلي المنصب.. وأكتر منو كمان.. بس كان الأولى إنك ما تشتغلي فينا....

أما الأخ زاهر فكل واحد حر برأيو.. وأنا ما رح قول إنو ما بعمل مشرف... بس يمكن أنا مش مؤهل حتى كون مشرف... وبتصور لما بصير مؤهل... يمكن ينعرض عليي...
أنا بحب احكي بواقعية.. ومن دون هوبرات... وفرافرات... وهمشرات...

أما السيد المبجل المحترم نادر الساعة تلاتة وسطعشر دقيقة... فبحب قلك شكراً على الحمل يلي حاملو عليي بقلبك... شو قاتلك أبوك أنا حتى تبلش دعوات... ما تقوم مبارح قمت الليل إنت وعم تدعي هيك؟؟؟!!!!!!!!!!!!!!!!!
ومن ناحية تانية.. أنا ماني صاحبو للريس... لأني ما بعرفو... ولا هو بيعرفني.... وكل واحد عندو طريقة معينة بالكلام وعندو صفاتو الخاصة... يرضى عليك يا ريس.. لا تعتبر إنو هادا ذم فيك.. بس أنا عم احكي الواقع... لأنو مثل ما لاحظت بهالصفحة.. كلن حايمين على بعضن.. فمنشان ما حدا يفكر إنو في علاقة بيني وبينك..... وتسلم الله يخليك ويحفظك...

وكل الناس خير وبركة ولك دووووووووووووووووووووووع

[Nadine]

بارك الله فيكم

[Nader 3:16]

ليك شو ذكي!!!!!!!!!!!!!!!!!!!!!!!

ما تقوم عتلان هم كمان؟ يا ذكي عم نمزح

و بعدين Nader 3:16 ما معناتا الساعة 3 و 16 دقيقة .....هذا سر ما بقولوا لحدا DUUUUUUUUUUUUUUUUUUUUUUUUUUUU333

[الريس]

أصحا بالك اتصدق يا فشلان ، كانت عم تشتغل من تحت لتحت كل هيديك الفترة ، وكانت عاملة حالها عم اتحرضك على الادارة ...........

كل النسوان هيك ما لهم أمان ....


الا واحدة وحدها أكيد عرفتوا مين هية ، ما في غيرها بقلبي ، وكل الباقي طأ حنك ..........

[Nadine]

بقا طل علينا يا اخونا الريس بعد ما تتزوج ,حابين نعرف رايك فيها , يعني عرفنا قبل, وناطرين لنعرف بعد

[الريس]

ان شاء الله بخبرك برأيي بعد الزواج ، بس مقتنع انو زاوجي من حبيبت قلبي ، ما رح يزيد علاقتنا الا حب واحترام ، الله وكيلكم يا جماعة ، أنا وعم شوفها بكون مشقلها ، ولك شو بدي اعمل ؟؟؟؟؟

قولة كاظم الساهر (يضرب الحب شو بذل) .

خلص ما بق لنا الا انو نتزوج ، بس أنا ناطرها تتكفي علمها ، وتلاقي شغل أنا ، هلأ ما لي عين دق الباب ، أو بالأحرى أمرق من الضيعة تبعيتهم كلياتها .

[الزاهر]

أصحا بالك اتصدق يا فشلان ، كانت عم تشتغل من تحت لتحت كل هيديك الفترة ، وكانت عاملة حالها عم اتحرضك على الادارة ...........

منشان ما تظلموها.......الأخت ولا كان على بالها.....فجأة بيجيها طلب رسمي من الموقع.....
ما هيك أختي؟؟؟

سلام

[Nader 3:16]

هلء شيلونا من هالقصص

لا تنسى ال Dvd يا زاهر

[جابر دملوك]

مع إحترامي و تقديري لجميع المشرفين و المشرفات و لما يقومون به من جهود لا يستهان بها لإنعاش و إستمرار هذا المنتدى اليافع إلا أنني أعتقد بل أجزم أن إبن أختي فشلان عليه أن لا يعمل كمشرف.
فعمله كمشرف كإرسال أستاذ جامعي بدرجة ممتاز ليعلم في القرى النائية.
لا تفهموا كلامي بالمألوب.

[Nadine]

أصحا بالك اتصدق يا فشلان ، كانت عم تشتغل من تحت لتحت كل هيديك الفترة ، وكانت عاملة حالها عم اتحرضك على الادارة ...........

منشان ما تظلموها.......الأخت ولا كان على بالها.....فجأة بيجيها طلب رسمي من الموقع.....
ما هيك أختي؟؟؟

سلام

اي والله مظبوط يا اخ زاهر الله يبارك فيك,شايف كيف عم يظلموني ومانن حاسين

[Nadine]

هلء شيلونا من هالقصص

لا تنسى ال Dvd يا زاهر

من اي قصص بدك يانا نشيلك , هادا الموضوع ما عم يحكي عن دي في دي, بدك تسأل عن دي في دي بعتلو رسالة خاصة, بس هون الموضوع اسمو عشنا وشفنا.

[Nadine]

مع إحترامي و تقديري لجميع المشرفين و المشرفات و لما يقومون به من جهود لا يستهان بها لإنعاش و إستمرار هذا المنتدى اليافع إلا أنني أعتقد بل أجزم أن إبن أختي فشلان عليه أن لا يعمل كمشرف.
فعمله كمشرف كإرسال أستاذ جامعي بدرجة ممتاز ليعلم في القرى النائية.
لا تفهموا كلامي بالمألوب.

اهلا فيك اخ جابر بس منشان نتجنب انو نفهم كلامك غلط ممكن توضحلنا اكتر عن الفكرة اللي كتبتا,؟!مشكور على المشاركة.....